Morgunblaðið - 09.11.1983, Qupperneq 20

20 MORGUNBLAÐIÐ, MIÐVIKUDAGUR 9. NÓVEMBER 1983
Hin nýja bygging Icelandic Freezing Plants Ltd. (SH) í Grimsby.
Hin nýja verksmiðja Sölumiðstöðvar hraðfrystihúsanna í Grimsby:
Byggingarkostnaður nam
um 104 milljónum króna
AÐ UNDANFÖRNU hafa sölusamtökin Sölumiöstöö hraö-
frystihúsanna veriö talsvert í umræðunni og meöal annars
vegna þess að sú skoðun hefur komið fram aö ekki hafi verið
staðiö að sölu- og markaðsmálum erlendis með nógu kröftug-
um hætti. Af því tilefni sneri Morgunblaðið sér til Guðmund-
ar H. Garðarssonar hjá Sölumiðstöð hraðfrystihúsanna og
leitaöi hjá honum upplýsinga um það, hvað fyrirtækið hefði
gert sérstaklega í þessum málum í V.-Evrópu og einkum
Englandi, en þar hefur lengi verið góður markaður fyrir
íslenskan fisk og íslenskar fiskafurðir.
Fer hér á eftir samantekt um starfsemi Sölumiðstöðvar
hraðfrystihúsanna í Grimsby, en þar hefur fyrirtækið reist
nýja verksmiðju.
Verksmiðjan
í Grimsby
Á aðalfundi Sölumiðstöðvar
hraðfrystihúsanna, sem haldinn
var árið 1979, var eftirfarandi
samþykkt: „Aðalfundur SH,
haldinn í Reykjavík 31. maí 1979
samþykkir að fela stjórn SH að
kanna með hvaða hætti megi efla
sölustarfsemi í Englandi. Aðal-
fundurinn veitir stjórninni heim-
ild tji að ráðast í þær fram-
kvæmdir sem hagkvæmastar
reynast til að efla samkeppnis-
aðstöðu samtakanna á þessum
markaði í framtíðinni. Sérstak-
lega verði athugað með leigu eða
byggingu frystigeymslu í Eng-
landi."
Sölumiðstöð hraðfrystihús-
anna var stofnuð árið 1942 og allt
frá þeim tíma hefur fyrirtækið
átt mikil viðskipti við Bretland
hvað varðar sölu á frystum fiski,
en uppistaðan í sölu til Bretlands
hefur lengi verið þorsk- og ýsu-
flök.
Samkvæmt samþykkt þeirri
sem til var vitnað hér að framan
og síðari samþykktum aðalfunda
SH um uppbyggingu markaðs-
starfs í V.-Evrópu, hefur nú verið
byggð verksmiðja og söluskrif-
stofa SH í Grimsby. Árið 1981
fengu samtökin land hjá
Grimsby-borg sem var um 31000
fermetrar að stærð. Saman-
stendur verksmiðjan af þremur
meginbyggingum, en þær eru
frystigeymsla, vélasalur og
skrifstofa. Frystigeymslan er um
11.800 rúmmetrar að stærð, auk
móttöku og afgreiðsluaðstöðu, en
flatarmál byggingarinnar er
1.680 fermetrar. Önnur bygging-
in samanstendur af vélasal, verk-
stæði, lyftarageymslu, palla-
geymslu, gæðaeftirliti og hluta
vinnslusalar. Er byggingin rúm-
lega 2.000 fermetrar að stærð.
Þriðja byggingin er skrifstofu-
bygging, en auk skrifstofa er þar
matsalur, snyrting, búningsher-
bergi og önnur aðstaða fyrir
verkafólkið sem í verksmiðjunni
vinnur. Er þessi bygging á tveim-
ur hæðum, en flatarmál hennar
er 930 fermetrar. Verksmiðja og
Olafur GuAmundsson, framkvæmda-
stjóri.
þurrageymsla eru samtals 3.115
fermetrar og er þá byggt svæði
um 7.725 fermetrar og heildar-
gólfflötur 8.800 fermetrar.
35—40 starfsmenn
Fyrsta skóflustungan að verk-
smiðjunni í Grimsby var tekin 1.
febrúar árið 1982, en nokkrar
tafir urðu á byggingarfram-
kvæmdum í byrjun, en þegar
tæknilegir örðugleikar höfðu
verið yfirstignir miðaði verkinu
vel. Var frystigeymsla tekin í
notkun í októberbyrjun árið 1982
og geymslurými þar er um 3.000
tonn. Að sögn forráðamanna SH
hefur geymslan þegar sannað
ágæti sitt og hefur hún verið
fullnýtt síðustu mánuðina.
Fyrsti hluti vinnslusvæðisins
var tekinn í notkun í desember
árið 1982 og var þá þegar hafist
handa við niðursögun á flökum
og skömmtum og í marsmánuði
sl. hófst vinnsla á skömmtum í
ídýfum og í brauðmylsnu. Eru nú
tvær—þrjár vinnslulínur verk-
smiðjunnar komnar á skrið með
þjálfuðu starfsfólki og viðeigandi
vélum, er þá fullnýtt það rými
sem til ráðstöfunar er í því hús-
næði sem tekið hefur verið í
notkun fyrir framleiðslu. Þá er
nú unnið að því að vélvæða aðal-
vinnslusalinn.
Fjöldi starfsfólks verksmiðju
SH í Grimsby er nú á bilinu
35—40 manns, en það er bæði á
skrifstofu, í verksmiðju og við
frystigeymslu. Frá 1. janúar 1983
hefur nafn fyrirtækisins SH í
Grimsby verið Icelandic Freezing
Plants Ltd., en frá 1955 hefur SH
verið eigandi fyrirtækisins Snax
Ross Ltd., en það fyrirtæki hefur
nú verið lagt niður.
Byggingarkostn-
aður um 2,5 millj-
ónir punda
Sölumiðstöð hraðfrystihús-
anna eignaðist Snax Ross Ltd.
hinn 11. nóvember árið 1955, þeg-
ar Jón Gunnarsson keypti það í
þeim tilgangi að selja þar meðal
annars verksmiðjuframleidda
fiskrétti. Hefur Snax Ross Ltd.
rekið allt að 28 „Fish and
chips“-búðir í London, en vegna
fjármögnunar verksmiðjubygg-
ingarinnar í Grimsby hafa þær
flestar verið seldar og andvirði
þeirra lagt í bygginguna.
Framleiðslu fyrirtækisins er
pakkað í umbúðir með Icelandic,
sem er vörumerki SH nafninu, en
einnig er vörum pakkað undir
nafni viðskiptavina fyrirtækis-
ins, sé eftir því óskað. Má til
gamans nefna að á meðal
stærstu viðskiptavina Icelandic-
nafninu Freezing Plants Ltd. er
hið heimskunna fyrirtæki
McDonald’s og er fiskafurðum
þeim sem það fyrirtæki kaupir,
pakkað undir þeirra nafni.
Byggingarkostnaður verk-
smiðju SH í Grimsby er um 2,5
milljónir sterlingspunda, sem
jafngildir um 104 milljónum
króna. Kostnaður við byggingu
mannvirkja, að meðtöldum vél-
um í frystigeymslu, loftræsti- og
hitakerfi, gas og rafmagn, girð-
ingu lands og frágang lóðar nem-
ur rúmum 2,3 milljónum sterl-
ingspunda, en lóðarverð var nær
160 þúsund sterlingspund. Fjár-
mögnun byggingarinnar hefur að
stórum hluta verð með lánum,
sölu eigna SH í Bretlandi, en auk
þessa hefur SH fengið framlag
frá Efnahagsbandalagi Evrópu
að upphæð 270 þúsund sterl-
ingspund, en þetta er svokallaður
svæðisstyrkur EBE, sem veittur
er vegna uppbyggingar á jað-
arsvæðum bandalagsins, en það
Úr vinnslusal.