Morgunblaðið - 29.11.1983, Page 17

MORGUNBLAÐIÐ, ÞRIÐJUDAGUR 29. NÓVEMBER 1983
17
Ræningjar hirtu 3 tonn af gullstöngum í Lundúnum:
Lögreglan ráðalítil og
3,5 milljónum dollara er
heitið fyrir upplýsingar
Lundúnum, 28. nóvember. AP.
SÍÐUSTU fregnir hermdu, að breska lögregian væri engu
nær í leit sinni að grímuklæddu bófunum sem rændu þremur
tonnum af gullstöngum úr geymsluhúsi nærri Heathrow-
flugvelli á laugardaginn. Nafntogaður lögregluforingi hjá
Scotland Yard, Frank Cater, hefur verið settur yfirmaður
rannsóknarinnar.
Það er ekki einu sinni vitað
með vissu hversu margir bófarn-
ir voru, en sex verðir sem ekkert
gátu aðhafst vegna vopnabúnað-
ar bófanna sáu aðeins þrjá. Voru
þeir allir grímuklæddir, en talið
þó að allir væru hvítir á hörund
og á aldrinum 30 til 40 ára. Bóf-
arnir höfðu á brott með sér 6800
gullstangir, eða alls þrjú tonn að
andvirði um 37 milljóna dollara,
en það nemur 1,35 milljörðum ís-
lenskra króna. Þá nældu þeir
einnig í tvo kassa fulla af dem-
öntum að andvirði 150.000 doll-
ara.
Ránið um helgina þykir líkjast
óhugnanlega mikið ráni sem
framið var í apríl á þessu ári, er
14 grímuklæddir og þrælvopnað-
ir bófar sluppu með undraverðri
leikni fram hjá öryggiskerfi
tryggingarstofnunar í Lundún-
um og rændu órekjanlegum pen-
ingaseðlum að upphæð 7 millj-
óna punda, eða 10,5 milljóna
dollara. Var það mesta rán sög-
unnar í Bretlandi þar sem reiðu-
fé var annars vegar. Breska lög-
reglan hefur til þessa ekki viljað
fullyrða að sömu glæpamenn
kunni að hafa verið að verki.
Starfsmaður tryggingarstofn-
unar í Lundúnum, sem tapað
hefur gífurlega á ránum þessum,
Robert Gordon, sagði í útvarps-
viðtali í gær að hann væri þess
fullviss að lögreglan vissi hverjir
stæðu að baki, „en að vita og að
sanna væri tvennt aðskilið í
þessu sambandi". Gat Gordon
þess að eigendur fjárins hefðu
heitið mestu verðlaunum sem
sögur fara af fyrir upplýsingar
sem leitt gætu til lausnar máls-
ins. Verðlaunaupphæðin nemur
3,5 milljónum dollara. Frétta-
maður spurði Gordon hvort með
upphæðinni væri ætlað að ginna
undirheimaforingja til að leysa
frá skjóðunni. Hann sagðist ekki
reikna með slíku, því hér væri
við óvenjulega bíræfinn flokk að
etja og vafalaust óttuðust allir
þeir um líf sitt sem eitthvað
vissu um ránin.
Lögreglan viðurkenndi í
gærkvöldi að hún væri litlu nær
Lögreglumenn fyrir utan ránsstaðinn. símamynd ap.
um hverjir stæðu að baki eða
hvar fjármunirnir væru niður-
komnir, en Cater sagðist óttast
að bófarnir hefðu þegar brætt
gullið, eða þá tekist að lauma því
úr landi. Hvatti Cater alla þá,
sem kynnu að geta gefið upplýs-
ingar, að gera svo fyrr en seinna.
IVlynd þessi var tekin í Algeirsborg um helgina þegar Bendjedid Chadli Alsír-
forseti heilsaði nokkrum palestínskum og líbönskum vinstrisinnum við komu
þeirra til Alsír frá Al Ansar-fangabúðunum í Líbanon.
Samveldislöndin:
Gæzlulið til Grenada
Panaji og Nyju Delhi. 28. nóv. AP.
FITNDUM var fram haldið um helgina
á ráðstefnu ríkja breska samveldisins.
Meðal helztu mála, sem leiðtogar ríkj-
anna afgreiddu um helgina, voru
áskorun á leiðtoga Bandaríkjanna og
Sovétríkjanna um að halda áfram af-
vopnunarviðræðum, samþykkt um að
koma á fót sérstöku gæsluliði ríkja
Karíbahafs til að leysa af hólmi her-
sveitir Bandaríkjanna á Grenada, og
stuðningsyfirlýsing við tilraunir Pierre
Trudeau, forsætisráðherra Kanada, til
að fá kjarnorkuveldin fimm til að
sættast á stöðvun vígbúnaðarkapp-
hlaupsins. í dag, mánudag, hófust svo
umræður um yfirráð Suður-Afríku í
Suðvestur-Afríku, eða Namibíu, sem
Indira Gandhi, forsætisráðherra, nefn-
ir „síðasta vígi nýlcndustcfnunnar".
Alls sitja þessa ráðstefnu Bret-
lands og fyrrum nýlendna þess leið-
togar 41 ríkis.
I áskoruninni á leiðtoga Sovét-
ríkjanna og Bandaríkjanna segir
meðal annars: „Á þessum hættutím-
um álítum við nauðsynlegt að Sov-
étríkin og Bandaríkin finni þá póli-
tísku framtíð að þjóðir þeirra fái að
búa saman í friði.“
Nokkur ágreiningur ríkti í um-
ræðum um Grenada, og vildu sumir
fulltrúanna samþykkja vítur á þau
ríki Samveldisins, sem stóðu með
Bandaríkjunum að innrásinni á
Grenada, og þá einnig á Bandaríkin.
Ekki voru víturnar samþykktar, að-
eins stofnun gæzluliðsins með þátt-
JÚGÓSLAVNESKI stórmeistarinn,
Ljubomir Ljubojevic, tók forystuna á
22ja manna stórmótinu í lndónesíu
með því að sigra kollega sinn, Jan
Timman frá Hollandi, í elleftu umferð
mótsins. llmferðin var tefld í Yogyak-
arta á miðri eyjunni Jövu, en mótið er
fært milli borga á nokkurra umferða
fresti.
Þátt í mótinu taka sextán stór-
töku ellefu ríkja á Karíbahafi. Af
þessum ellefu ríkjum áttu fimm að-
ild að innrásinni.
Á laugardag ræddu leiðtogarnir
yfirlýsingu tyrkneskra Kýpurbúa
um stofnun sjálfstæðs ríkis á eynni.
Samþykkt var að fordæma þær að-
gerðir, og var skipaður sérstakur
„vinnuhópur" fulltrúa fimm ríkja til
að vinna að lausn málsins.
meistarar og sex Indónesar. Að
loknum ellefu umferðum var staða
efstu manna þessi: 1. Ljubojevic 8V2
v., 2.-3. Timman og Jusupov (Sov-
étríkjunum) 8 v., 4. Portisch
(Ungverjalandi) 7'/2 v., 5.-6. Torre
(Filippse.vjum) og Henley (Banda-
ríkjunum) 614 v., 7.-9. Andersson
(Svíþjóð), Kurajica (Júgóslavíu) og
Schmidt (Póllandi) 6 v.
Indónesía:
Stórmótið hálfnað
Enn einn lætur lífið í
átökum vélhjólaskúrka
Samkomustaður „Stælgæjanna" í Skanderborg.
Lögreglumaður með hluta þeirra tóla, sem tekin voru af einum vélhjólahópnum.
Lögregla handtók
21 úr stríðandi
hópum á S-Jótlandi
Kaupmannahofn, 28. nóvember. AP.
MEÐLIMUR úr hópi vélhjóla-
skúrka, sem hafa fyrir sið að fara
um í hópum og skeyta skapi sínu á
öllu tiltæku, var myrtur um helgina
í átökum á milli tveggja slíkra hópa
í Skanderborg á Suður-Jótlandi.
Annar stórslasaðist í átökunum er
skot úr byssu hafnaði f auga hans.
Með þessu morði hafa fjórir menn
úr slíkum hópum látið lífið á tveim-
ur mánuðum í Danmörku.
Að sögn lögregluyfirvalda í
Skanderborg, þar sem tveir hópar
vélhjólaskúrka hafa haldið til um
langt skeið, handtóku þau 21
meðlim hópanna tveggja snemma
á laugardagsmorgun eftir að lík
hins látna fannst um 200 metra
frá samkomustað annars hópsins,
sem nefnir sig „Stælgæjana".
Hinn látni var 23 ára, en sá er
slasaðist er tvítugur.
Enginn hinna handteknu
kvaðst hafa nokkra vitneskju um
átökin á milli hópanna. Hins veg-
ar bera íbúar í hverfinu skammt
frá samkomustaðnum, „Hlöðu-
bæ“ eins og hann var nefndur, því
við, að þéir hafi heyrt ákafa
byssuskothríð um nóttina, rétt
eins og hleypt hefði verið af
hríðskotabyssu. Telja þeir, sem
til heyrðu, að a.m.k. 50 skotum
hafi verið hleypt af. Engin
hriðskotabyssa fannst aftur á
móti í fórum þeirra, sem voru
handteknir, en talsvert annarra
vopna.
Þá tilkynnti lögreglan á Sjá-
landi um helgina, að hún hefði
haft hendur í hári Rene Nödde-
skov Ludvigsen, 21 árs gamals
eftirlýsts glæpamanns úr einni
vélhjólaklíkunni. „Ludwig“, eins
og hann er kallaður í kunningja-
hópi, hefur verið ákaft leitað í
Danmörku undanfarna daga í
kjölfar innrásar hans og nokk-
urra úr hópnum í hús fyrrverandi
hasssölumanns. Hann var skot-
inn til bana og unnusta hans sví-
virt.
Morðin á meðlimum stríðandi
vélhjólahópa eiga rætur sínar að
rekja til alþjóðlegs fundar þeirra
í Hróarskeldu í september. Þar
myndaðist djúpstæður ágreini-
ungur á milli nokkurra hópa vél-
hjólaskúrka og hafa stöðugar
væringar átt sér stað síðan.