Morgunblaðið - 10.11.1984, Blaðsíða 21

MORGUNBLAÐIÐ, LAUGARDAGUR 10. NÓVEMBER 1984
21
Kona í ríkisstjórn
Hér má sjá fyrstu konuna sem sæti tekur í svissneskri ríkisstjórn. Myndin var tekin
er frú Elisabeth Kepp sór eiðinn við inngönguna í „Bundesrat" þeirra Svisslendinga.
Shikar fá ærnar
skaðabætur í Delhí
Nfjm Delhí, 9. aÍTMber. AP.
RAJIV Gandhi, forsætisráðherra
Indlands, hefur heitið 39 kaupsýslu-
mönnum og iðnrekendum úr röðum
shika skaðabótum og lofað þeim ör-
yggi ef þeir hætti við að flytja til
Punjab frá Delhí eftir að þeir urðu
illa úti í óeirðum hindúa á dögunum
í kjölfarið á morði Indiru Gandhi.
Charanjit Shing, talsmaður
kaupsýslumannanna, sagði við
fréttamenn: „Við stöndum heils
hugar með Gandhi eftir þennan
fund okkar.“ Pranab Mukherjee,
fjármálaráðherra, sendi um hæl
orðsendingu til hinna ríkisreknu
banka i Delhí um að þeir lánuðu
það fjármagn sem þyrfti til þess
að mennirnir gætu rétt atvinnu-
rekstur sinn við. Á lágum vöxtum.
Fylgdi orðsendingu ráðherrans
skipun um að láta lánveitingarnar
ekki dragast á langinn.
Sem dæmi um tjón það er um-
ræddir shikar urðu fyrir má nefna
talsmann þeirra, fyrrnefndan
Charanjit Singh, en hann rekur
þrjár verksmiðjur í Delhí þar sem
þekktasti gosdrykkur Indlands,
„campa cola“, er framleiddur. All-
ar verksmiðjurnar voru brenndar
til grunna og eru óstarfhæfar.
Heildartjón shikanna nemur slík-
um upphæðum, að þær hafa ekki
verið gerðar opinberar.
Kasparov frest-
ar í þriðja sinn
Moakvu, 9. oóvember. AP.
GARY Kasparov óskaði í dag eftir
því að 23. einvígisskákinni við Ana-
toly Karpov heimsmeistara yrði
frestað. Hefur Kasparov þá ekki tök
á að óska eftir frekari frestunum.
Karpov hefur aðeins einu sinni
óskað eftir að skák væri frestað.
Staðan í einvíginu er enn sú að
Karpov hefur 4 vinninga og Kasp-
arov engan. Til að vinna sigur i
einvíginu þarf 6 vinninga.
Skáksérfræðingar segja að
vegna þess hve einvígið hefur
dregist, m.a. vegna aragrúa jafn-
teflisskáka sé ótrúlegt að þeir
Karpov og Kasparov tefli fyrir
Sovétmenn á Ólympíuskákmótinu
i Saloniki í Grikklandi, sem hefst
þann 18. nóvember.
Sprengjuhótanir
IRA í Lundúnum
Lundánuin, 9. nóvember. AP.
BRESKA berlögreglan var kvödd í
viðbragðsstöðu í dag í kjölfarið á
tveimur sprengjuhótunum við hern-
aðarmannvirki í nágrenni Lundúna.
Voru hótanirnar settar f samband
við yfirlýsingar IRA um að látið yrði
snarlega til skarar skríða á ný úr þvf
að ekki tókst að vega forsætisráð-
herrann, Margaret Thatcher, í
Brighton í síðasta mánuði.
Herlögreglan og sprengjusér-
fræðingar leituðu bæði þar sem
sprengjum hafði verið hótað og
viðar og nutu aðstoðar sérþjálf-
aðra hunda, en ekkert markvert
fannst. Á öðrum staðnum fannst
málmdós lokuð með límbandi og
var hún sprengd í loft upp. Var
ekki um sprengju að ræða. Tals-
menn lögreglunnar i Lundúnum
sögðu það ekkert launungarmál að
öryggisvarsla hefði verið efld í
kjölfarið á sprengjutilræðinu
fyrrgreinda í Brighton og myndi
auk þess verða bætt um enn betur
á næstunni.
Færeysku lögþingskosningarnar:
Landstjórnin tap-
aði meirihlutanum
Færejjum, 9. nóvember.
í GÆR var kosið til færeyska lög-
þingsins. Fólkaflokkurinn, Jafnaðar-
flokkurinn og Þjóðveldisflokkurinn
bættu við sig, en aðrir flokkar töp-
uðu fylgi. Landstjórnin tapaði meiri-
hluta sínum, en hún var skipuð full-
trúum þriggja flokka, Fólka-
flokksins, Sambandsflokksins og
Sjálfstýriflokksins. Hafði stjórnin 17
fulltrúa, sem var lágmark, en hefur
uú 16.
Fólkaflokkurinn fékk 21,6% at-
kvæða, jók við sig um 2,7%, fékk 7
þingmenn, en hafði 6. Sambands-
flokkurinn fékk 21,2%, tapaði
2,7%, fékk 7 þingmenn, en hafði 8.
Jafnaðarflokkurinn fékk 23,4%,
bætti við sig 1,7%, fékk 8 þing-
menn, en hafði 7. Sjálfstýrifíokk-
urinn fékk 8,5%, bætti við sig
0,1%, fékk 2 fulltrúa, en hafði 3.
Þjóðveldisflokkurinn fékk 19,5%,
bætti við sig 0,5%, en hlýtur
óbreytta þingmannatölu, 6. Kristi-
legi fólkaflokkurinn og framboðs-
og fiskvinnsluflokkurinn fékk
5,8%, tapaði 2,5%, fékk óbreytta
þingmannatölu, 2.
Jogvan Sundstein, formaður
Fólkaflokksins, sagði í samtali við
blm. Morgunblaðsins, þegar úrslit
voru kunn, að úrslitin hefðu vafal-
aust i för með sér breytingu á fær-
eyskri pólitík, sérstaklega hvað
varðaði sambandið við Danmörku.
Fólkaflokkur og Jafnaðarflokkur
hefðu báðir bætt við sig manni,
Fólkaflokkurinn hefði unnið mest
á, en Jafnaðarflokkurinn væri nú
stærsti flokkurinn í stað Sam-
bandsflokksins. Til stjómarmynd-
unar væru margir möguleikar, en
nú kæmi það i hlut Jafnaðar-
flokksins að leita leiða til nýrrar
stjórnarmyndunar.
Þingmað-
ur myrtur
Harare, Zimbabwe, 9. aór. AP.
MOVEN Ndkivu, mikils metinn
þingmaður í flokki Roberts Mugabe,
forsætisráðherra, var skotinn til
bana í morgun. Atburðurinn gerðist í
landamærabænum Beitbridge og
voru hereveitir andsnúnar stjórninni
þar að verki. Sagt var að Ndlovu,
scm er Bmmtugur að aldri, hafi ver-
ið skotinn fimm skotum í brjóstið.
Ndlovu var f miðnefnd Zanu-
flokks forsætisráðherrans. Hann
er hæstsettur af þeim mönnum
sem skæruliðar hafa ráðið af dög-
um i baráttu gegn stjórninni.
NOTAÐIR
MAZDA BÍLAR
í ÚRVAU!
Við höfum til sölu glæsilegt úrval notaðra MAZDA bíla í sýn-
ingarsal okkar. Allir bílarnir eru í 1. flokks ástandi og þeim fylgir
6 mánaða ábyrgð frá söludegi.
úr söluskrá:
Athugið: Við bjóðum velkomna þá, sem hafa hug á að skipta
sínum bíl upp í nýlegri MAZDA bíl.
Opið laugardag frá kl. 10 — 4
mazoa
Mest fyrir peningana!
BÍLABORG HF.
Smiöshöfða 23 sími 812 99
GERÐ ÁRG. EKINN
323 1300 Saloon sj.sk. '82 26.000
626 2000 4 dyra sj.sk. '81 35.000
626 2000 4 dyra '81 24.000
323 1300 5 dyra '81 39.000
323 1300 Saloon '81 35.000
929 Station '80 58.000
626 2000 4 dyra sj.sk. '80 52.000
323 1400 5 dyra sj.sk. '80 45.000
929 4 dyra '79 68.000
E 1600 sendibíll '81 69.000
Sýnishorn
GERÐ
929 LTD HT sj.sk.
626 GLX 5 dyra sj
3231300 3dyra
929 SDX 4 dyra
929 SDX 4 dyra sj
929 LTD 4 dyra sj
929 Station
626 2000 4 dyra
626 1600 4 dyra
323 1500 Saloon
ARG. EKINN
v/s '83 29.000
.sk.v/s '83 21.000
'83 23.000
'82 22.000
sk. '82 31.000
sk. v/s '82 38.000
'82 21.000
'82 37.000
'82 37.000
'82 20.000