Morgunblaðið - 12.12.1984, Blaðsíða 45

MORGUNBLAÐIÐ, MIÐVIKUDAGUR 12. DESEMBER 1984
45
Opið bréf til út-
varpsráðs með
nokkrum spurningum
- eftir Halldór
Guðmundsson
Það var skrýtin frétt atarna í
Morgunblaðinu sl. sunnudag. Hún
var um það, að útvarpsráð hefði
samþykkt og sent Bunaðarbank-
anum sérstakar þakkir fyrir vel
gerðar og smekklegar sjónvarps-
auglýsingar, þar þar börn eru í að-
alhlutverkum, eins og það er orðað
í fréttinni. Hvað er á seyði, er búið
að víkka út verksvið útvarpsráðs.
Er ekki lengur hlutverk út-
varpsráðs að passa upp á kvóta-
skiptingu stjórnmálaflokkanna?
Er einkunnagjöf fyrir auglýsingar
nýtilkomin? Og hvernig verður
henni háttað framvegis?
Það væri gaman að fá að heyra
meira um þessa nýbreytni, til
dæmis hversu oft á að gefa ein-
kunn, og út frá hvaða forsendum
einkunn er gefin? Eru jólaprófin
núna — og verður næsta próf að
vori?
Auglýsingar Búnaðarbankans
með litlu börnunum eru allrar at-
hygli vcrðar. Hverjum hlýnar ekki
um hjartaræturnar að sjá litlu
krílin á skerminum? En hvað um
það, skoðanir fólks um ágæti þess-
ara auglýsinga eru mjög skiptar,
eins og reyndar um flestar auglýs-
ingar.
Það eru margir, til að mynda
undirritaður, sem telja það orka
mjög tvímælis hvort tvær þessara
auglýsinga standist reglur sjón-
varpsins um auglýsingar. Hér er
átt við príl ungbarna í snarbrött-
um stigum.
Það er líka rétt að minna út-
varpsráð á, að fyrir nokkrum ár-
um varð einmitt einn bankinn að
breyta sjónvarpsauglýsingu vegna
þess að hún þótti bjóða upp á
hættulegt fordæmi fyrir börn.
Sitja ekki allir viðskiptavinir
sjónvarpsins við sama borð í þess-
um efnum?
Tilgangur með auglýsingu er að
auka sölu, hvort auglýsingarnar
eru „góðar" eða „vondar" getur
Búnaðarbankinn einn sagt til um í
fyllingu tímans þegar svar fæst
við því hvort auglýsingarnar hafa
skilað honum auknum viðskiptum.
Getur verið að útvarpsráð greini
ekki á milli dagskrárgerðar og
auglýsinga? Þakkargjörð út-
varpsráðs er annað tveggja, —
misskilningur eða aulaháttur —
nema hvort tveggja sé.
Misskilningur vegna þess að út-
varpsráð skynjar ekki mörkin
milli sinnar eigin dagskrár og
auglýsingatímans — aulaháttur
vegna þess að útvarpsráð þekkir
ekki einföldustu lögmál viðskipta.
Dettur einhverjum í hug að það
gæti gerst að ritstjórar Morgun-
blaðsins t.d. settust niður og gæfu
auglýsingum frá viðskiptavinum
sínum einkunn, og létu þá „al-
mennu skoðun" sínna uppi opin-
berlega?
Fyrir hvað er útvarpsráð í sjálf-
umgleði sinni að þakka?
Fyrir hverra hönd? Stofnunar-
innar? Þjóðarinnar? Ekki fyrir
mína hönd.
Áreiðanlega ekki fyrir hönd
samkeppnisaðila Búnaðarbank-
ans. Er útvarpsráð ef til vill bara
að þakka fyrir eigin hönd og ann-
arra vandamanna?
En það er ekki bara þakkargjörð
vegna barnaauglýsinganna — út-
varpsráð sá einnig ástæðu til þess
að þakka sérstaklega fyrir sjón-
varpsauglýsingar bankans frá síð-
astliðnu sumri „þar sem vakin var
athygli á íslenskri náttúru" eins
og það var orðað. Af hverju var
ekki þakkað fyrir allar auglýs-
ingar bankans frá því að sjónvarp-
ið hóf starfsemi sína? Hvað verð-
ur næst þegar bankinn auglýsir?
Má maður eiga von á því að það
verði beðið fyrir Búnaðarbankan-
um í helgistund sjónvarpsins?
Hvað veldur því að útvarpsráð,
sem alla jafna er þekktara fyrir
annað en eindrægni, er allt í einu
„almennt þeirrar skoðunar" að fíf-
ilbrekkustíll Búnaðarbankans í
sjónvarpsauglýsingum sé sér-
staklega þakkarverður?
Væri ekki rétt af útvarpsráði að
rökstyðja þakkargjörðina — eða
biðjast afsökunar á frumhlaupi
sínu ella.
Með ósk um skjót svör
Halldór Guðmundsson.
Halldór Gudmundsson er tram-
kræmdastjóri Auglýsingastoíunnar
Gísli B. Björnsson.
ASI mótmælir hug-
mvndum um framleng-
ingu á banni gegn
verðtryggingu launa
Á FUNDI miðstjórnar ASÍ, 6. des-
ember sl., var eftirfarandi sam-
þykkt samhljóða:
Miðstjórn Alþýðusambands-
ins vekur sérstaka athygli á
þeim hluta kjaramálaályktunar
ASÍ-þings sem fjallar um verð-
tryggingu launa. Miðstjórnin
lýsir þeirri eindregnu skoðun,
að það eigi að vera samnings-
atriði milli samtaka launafólks
og atvinnurekenda hvernig
kaupmáttur launa er tryggður.
Stjórnvöld hafa með lögum
afnumið verðbætur á laun, en
vísitölubinding er við lýði
áfram á fjölmörgum sviðum.
Lán eru flest að fullu verð-
tryggð og fjölmargir hópar
sækja tekjur sínar með sjálf-
virkum framreikningi kostnað-
arþátta sem efnislega er ekkert
annað en verðtrygging. Enn má
minna á að ýmsir tekjustofnar
ríkisins eru vísitölubundnir, t.d.
bensíngjald. Launamönnum er
einkum ætlað að bera verð-
hækkanir án bóta.
Af hálfu verkalýðshreyf-
ingarinnar snúast kjarasamn-
ingar um kaupmátt en ekki
kauptölur. Tryggur kaupmáttur
er forsenda kiarasamninga til
lengri tíma. I því efni koma
ýmsar leiðir til greina og má
þar minna á hugmyndir verka-
lýðshreyfingarinnar í nýaf-
stöðnum kjarasamningum.
Miðstjórn ASl skorar á ríkis-
stjórnina og löggjafann að
leggja á hilluna hugmyndir um
framlengingu á banni gegn
verðtryggingu launa. Það er
ekki aðeins rangt heldur einnig
óskynsamlegt að torvelda þann-
ig eðlileg samskipti aðila vinnu-
markaðarins og hindra samn-
inga til lengri tíma.
SÓLARORKA SF.
GLIMRANDI
GJAFIR
Jólin nálgast óðfluga. Nú gefa allir gjafir sem hafa notagildi og létta
störfin, ekki síst í eldhúsinu. Komið við hjá okkur á Hverfisgötu 37.
Við bjóðum vönduð og ódýr heimilistæki
sem gera meir en að gleðja á jólunum.
GIRMI
y
MASTKC) GIRMI

KJOLUR SF.
Hverfisgötu 37 - Sími 21490.
Frítt
í sól
Sérstakur sólardagur verður í Sólarorku sunnudaginn 16. des. nk. Þá bjóöum
við frítt í sól og auk 20% jólaafsláttar okkar fær þá hver nýr korthafi 5 tíma fría.
Mætum öll í jólaskapi fyrir jólaundirbúninginn og slöppum af yfir jólaglöggi og
piparkökum.
Pantið tíma tímanlega
Áskriftarsíminn er 83033
85 40