Morgunblaðið - 10.01.1985, Blaðsíða 41

MORGUNBLAÐIÐ, FIMMTUDAGUR 10. JANÚAR 1985
41
Ávarp til
íslendinga
eftir Jónas
Pétursson
í hádegisútvarpi fimmtud. 13. des-
ember kom stutt viðtal, er frétta-
ritari útvarpsins hér á Fljótsdals-
héraöi átti við mig um hreyfingu,
sem enn er að mestu undiralda, til
verndar strjálbýli og áherzlu heima-
öflunar. í skemmstu máli: Til vernd-
ar og eflingar íslenzks þjóðlífs. Þar
kynnti ég aðeins lífsbók samtaka,
sem ég gaf nafnið Ný vernd. Ein-
hverjir hafa að líkindum hlustað. Því
er tímabært, já og meira en það, að
skýra málið nánar.
Sl. vetur kynnti ég mér samtök
Norðlendinga, einkum Vestur-
Húnvetninga, sem þá voru að fær-
ast í aukana í varnarmálum hinna
dreifðu byggða til sjávar og sveita.
Mér var ljóst að samtök varð að
mynda um allt land í þessu skyni.
Virkja þá mikla orku, sem er til í
fólkinu til samstöðu. Fundahöld
eru tafsöm og kostnaðarsöm,
nema áður hafi átt sér stað undir-
búningur. Ég orðaði því eins konar
lífsbók undir heitinu Ný vernd. Þar
eru dregin saman markmið sam-
takanna í hæfilega rúmum ramma
án nákvæmrar útfærslu. í þvi
skyni að auðvelt væri að ná saman
samkynja hreyfingum og velja
einfalt heiti á hreyfinguna í ein-
ingu félagsanda. Ég veit að hreyf-
ingin er fyrir hendi í ríkum mæli
um allar byggðir landsins — engin
undanskilin.
Ný vernd
Ný vernd er samtök íslendinga
til verndar byggðar um allt land,
til verndar þjóðiífs, sem byggir á
heimaöflun, en í því felst að lifa af
því sem landið gefur í samræmi
við „lífbeltin tvö“ (landið og hafið)
og er þá vitnað í nýársávarp for-
seta íslands árið 1972.
í stjórnarskrá komi svæðaskip-
an á grundvelli fornra fjórðunga
eða fylkja, fjögurra til sex, þar
sem vald og stjórnun svæðanna
byggist á sveitarfélagaskipan.
I stjórnarskrá komi jafnframt
það verndarákvæði, að verðmæti
lands og orku, sem ekki eru í
einkaeign, séu sameign þess fólks,
er hvert landsvæði byggir, land-,
vatns- og hitaorka.
Stór hluti þeirra umsvifa, sem
nú eru á valdi Alþingis, ríkis-
stjórnar og embættiskerfis ríkis-
ins, tekjur og gjöld, falli í hlut
sveitarfélaga á svæðunum í rétt-
látu hlutfalli skyldu og réttar.
Jónas Pétursson
Fulltrúakjör til Alþingis í fjórð-
ungum eða fylkjum hvíli á rétti
fólks og lands og hafsvæða að
grunnlínum landhelgi.
Verndun gróðurríkis, sem í
framkvæmd verði aukin trjárækt
sem aðalviðfangsefni og þess gróð-
urs, sem bezt hæfir veðurfarslega.
Fundið verði sparnaðarform á
fjármunum til að drýgja skriðinn
að markmiðum, sem á hverjum
tíma eru nokkra áratugi í framtíð-
inni.
í markmiðum gróðurverndar,
skógræktar og runna felst tvennt:
bein og óbein verðmæti, hin
óbeinu verðmæti skapandi vinnu,
mannrækt, mannbætur.
Vernda þarf uppeldisgildi
strjálbýlis, sem fólgið er í um-
gengni og skiptum við búfé og dýr
og hina fjölbreyttu, villtu náttúru
landsins, sem yljar og skerpir hið
bezta í manninum, verðmætustu
verðmætin.
Manngildi er ofar auðgildi.
Þetta eru samtök utan allra
stjórnmálaflokka, án fastra
forma, án málgagns og engir fund-
ir ákveðnir. Undirskriftalistar við
Nýja vernd eru í gangi víðs vegar í
landinu hjá áhugafólki. Þeir sem
rita nöfn sín mynda samtökin og
innan tíðar verður að velja fram-
kvæmdahóp. Byggðahreyfingin
norðanlands er með öðru nafni.
En öll tökum við höndum saman
hringinn um landið og treystum
lífbeltin. Þyngjum jafnt og þétt
undirölduna og höfum samband
um öll byggðarlög um strönd og
dal.
Gleðilegt nýtt ár!
Jónas Pétursson er fyrrverandi al
þingismaður.
Svæðamótið í Gausdal:
Jóhann og Helgi unnu örugglega
Margeir á jafnteflislega biðskák við Östenstad
JÓHANN Hjartarson sigraði Dan-
ann Curt Hansen í 26 leikjum á
svæðamótinu í Gausdal og hefur for-
ustu að loknum 4 umferðum ásamt
Simen Agdestein, sem vann Wester-
inen frá Finnlandi. Báðir hafa hlotið
3 vinninga. Helgi Ólafsson vann
Finnann Yrjola í 40 leikjum og hefur
hlotið 2‘á vinning. Margeir Péturs-
son tefldi í gær við Östenstad frá
Noregi og fór skák þeirra í bið, en
staðan er jafnteflisleg.
Önnur úrslit urðu þau, að Bent
Larsen sigraði Érnst örugglega og
skák Schusslers og Moens fór í bið.
Greinilegt að Larsen er að ná sér á
strik eftir slæma byrjun.
Jóhann Hjartarson stýrði
svörtu mönnunum gegn Curt Han-
sen heimsmeistara unglinga og
sigraði í aðeins 26 leikjum, eftir að
Daninn hafði fórnað skiptamun
fyrir sóknarmöguleika, sem ekki
stóðust. „Ég er ánægður með sig-
urinn og tókst að hrinda sókn
Hansen og sigra," sagði Jóhann í
samtali við blm. Mbl.
Skák Jóhanns og Hansens fer
hér á eftir með stuttum skýring-
um Jóhanns.
Hvítt: Curt Hansen
Svart: Jóhann Hjartarson
Nimzo-indver.sk vörn
1. d4 - Rf6, 2. c4 - e6, 3. Rc3 —
Bb4, 4. e3 - c5, 5. Bd3 - Rc6, 6.
Rf3 — Bxc3, 7. Bxc3 — d6, 8. 0-0 —
e5, 9. Rg5 — 0-0, 10. f4 — exd4, 11.
cxd4 — cxd4, 12. exd4 — Rxd4, 13.
Bb2 — Rf5, 14. Dc2 — Re3, 15.
Bxh7+ — Kh8, 16. Dd3 — Rxfl, 17.
Hxfl — (Upp er komið svokallað
rúlluskautaafbrigði. Hér hefur áð-
ur verið leikið d5, en ég brá útaf og
lék í þess stað) 17. — Bg4.
Nú missti Hansen þráðinn og
lék veikt. 18. Khl? - De7,19. Dc3
— Hae8, 20. Be4? (Aftur veikur
leikur. Hansen missir tempó —
betra var að leika Bd3) 20.— Rh5,
21. Bd3 — f6, 22. Rh7 — Hf7, 23.
Bg6 — De2, 24. Hgl — He3, 25.
Da5 - b6, 26. Dd5 - Rxf4.
Hansen gefst nú upp, en fram-
haldið hefði getað orðið 27. Dxf7
— Dxg2, 28. Hxg2 — Hel+, 29. Hgl
— Bf3 mát.
AUGLfölNG
UM INNLAUSNARVERÐ
VERDTRVGGÐRA
SFARISKÍRTEINA RÍKISSJÓDS
FLOKKUR INNLAUSN ARTÍ M ABIL INNLAUSNARVERÐ*’ 10.000 GKR. SKÍRTEINI
1972- 1.fl. 1973- 2. fl. 1975- 1.fl. 1975- 2. fl. 1976- l.fl. .1976- 2. fl. 1977- 1.fl. 1978- 1.fl. 1979- 1.fl. 25.01.1985- 25.01. 1986 25.01.1985-25.01.1986 10.01.1985- 10.01.1986 25.01.1985-25.01. 1986 10.03. 1985- 10.03. 1986 25.01.1985-25.01.1986 25.03. 1985-25.03. 1986 25.03. 1985-25.03. 1986 25.02.1985- 25.02.1986 kr. 16.676,90 kr. 9.181,68 kr. 4.986,70 kr. 3.762,65 kr. 3.584,19 kr. 2.816,67 kr. 2.628,89 kr. 1.782,39 kr. 1.178,59
* Innlausnarverð er höfuðstóll, vextir vaxtavextir og verðbót.
Innlausn spariskírteina ríkissjóös fer fram
í afgreiðslu Seðlabanka íslands, Hafnarstræti 10,
og liggja þar jafnframt frammi upplýsingar um skírteinin.
Reykjavík, janúar 1985
SEÐLABANKI ÍSLANDS
SHARP
Lítil og nett
en leynir á sér
Hún er fallega nett og fer vel
í skrifstofu.
Hún prentar í 4 litum - svörtu,
rauðu, bláu og brúnu.
Hún prentar allt
frá B4 (A4 yfirstærð),
og niður í nafnspjöld.
Hún prentar á flestar þykktir
af pappír - kartong.
Z-60 Ijósritunarvél
aðeins kr. 54.000 stg.
HLJÐMBÆR
HVERFISGÖTU 103
SÍMI 25999-17244