Morgunblaðið - 18.01.1985, Blaðsíða 5

MORGUNBLAÐIÐ, FÓSTUDAGUR 18. JANÚAR 1985
5
Viö höldum útsölu á varahlutum til þess aö rýma
fyrir nýjum lager sem væntanlegur er á næstunni.
Nú bjóöast ótrúleg verö á orginal hlutum, tækifæri sem
þú skalt ekki láta ganga þér úr greipum.
hhbhb
VISA i
■■BHH
EGILL
VILHJÁLMSSON HF.
SMIÐJUVECI 18, SIMI 79130
aaaa e
P PÍMI7Q1^n
MoripinblaAiA/Gunnar Hnllmon
Heiðrún ÍS í slipp
Ljóst er orðið að ekki hefur orðið mikið tjón við eldsvoðann um borð í
skutttogaranum Heiðrúnu frá Bolungarvík á þriðjudag, en skipverjum tókst
að slökkva eldinn áður en hann náði að breiðast út um skipið. Aðaltjónið er
á varahlutalager sem geymdur er í herberginu sem eldurinn kom upp í, en
einnig brunnu raflagnir. Af þeim sökum verður skipið frá veiðum í nokkra
daga eða þar til það fer í slipp í Reykjavík um helgina. Var ákveðið að
skipið færi í slipp áður en þetta atvik kom upp og verður Uekifærið þá notað
til að gera við þ*r skemmdir sem urðu af völdum eldsins.
Hafnarbúðir:
Viðræður um aðstöðu
fyrir Landakotsspítala
BORGARRÁÐ hefur samþykkt að
hefja viðræður við forráðamenn
Landakotsspítala, heilbrigðisráðu-
neytið og fjármálaráðuneytið um að-
stöðu í Hafnarbúðum fyrir langlegu-
sjúklinga Landakotsspítala.
Daví Oddsson, borgarstjóri,
sagði í samtali við Morgunblaðið
að mái þetta hefði verið í athugun,
en bæði stjórn spitalans, læknaráð
og fleiri aðilar hefðu séð ýmsa
annmarka á þessari ráðstöfun,
einkum þar sem uppbygging
B-álmu Borgarspítalans hefur
gengið hægar en til stóð. Borgar-
ráð hefði engu að síður samþykkt
að fara í viðræður um þetta og þá
meðal annars með það i huga
hvort þessi ráðstöfun, þ.e. að
Landakot fengi aðstöðu í Hafnar-
búðum fyrir aldraða sjúklinga og
langlegusjúklinga, gæti orðið til
að hraða fjármagni til B-álmunn-
ar.
Þórður Sverrisson, aðstoóarfram-
kvæmdastjóri flutningasviðs.
Thomas Möller, forstöðumaður
vöruafgreiðslu Eimskips.
Skipulagsbreytingar á
flutningasviði Eimskips
Fl AMC IJeep BDL1D
BODDÍ BULDING?
ANNAÐ EINS ÚRVAL AF BODDÍ-
HLUTUM HEFUR ALDREI SÉST Á
EINUM STAÐ ÁÐUR, OC ÞAÐ MEIRA
EINSTAKT TÆKIFÆRI SEM
EKKI BÝÐST AFTUR
BREYTINGAR hafa verið gerðar á
stjórnskipulagi flutningasviðs Eim-
skips og eru þær að sögn Harðar Sig-
urgestssonar, forstjóra félagsins,
gerðar í Ijósi þeirrar reynslu, sem
fengist hefur á núverandi skipulagi
og þörf á stöðugri þróun og aðlögun
að breyttum aöstæðum. Breytingarn-
ar eru meðal annars fólgnar í stöðu-
tilfærslum manna innan félagsins svo
og skipulagsbreytingum í rekstrinum.
„Með þessum breytingum erum
við að hagnýta okkur enn betur
reynslu manna og markmiðið er að
efla hverja rekstrareiningu innan
flutningasviðsins og gera deildum
kleift að sinna enn betur þjónustu
við viðskiptavini félagsins," sagði
Hörður Sigurgestsson í samtali við
Morgunblaðið. „Við litum svo á, að
nauðsynlegt sé að gera skipu-
lagsbreytingar af og til í ljósi
breyttra aðstæðna til að koma í veg
fyrir stöðnun í fyrirtækinu. Hins
vegar erum við ekki að breyta
grunnskipulagi Eimskips, sem sett
var upp árið 1980,“ sagði Hörður
ennfremur.
Breytingarnar fela meðal annars
í sér að Þórður Sverrisson hefur
verið ráðinn aðstoðarfram-
kvæmdastjóri flutningasviðs og
mun hann jafnframt bera ábyrgð á
kynningarmálum félagsins. Þórður
er viðskiptafræðingur að mennt og
stundaði framhaldsnám í Svíþjóð.
Hann starfaði áður sem fram-
kvæmdastjóri Stjórnunarfélags ís-
lands, en réðst til Eimskips árið
1982 og hefur starfað á flutn-
ingasviði sem fulltrúi á sviði mark-
aðs- og kynningarmála. Fram-
kvæmdastjóri flutningasviðs er
Valtýr Hákonarson.
Thomas Möller hefur verið ráð-
inn forstöðumaður vöruafgreiðslu
Eimskips. Thomas lauk prófi í hag-
verkfræði frá V-Þýskalandi árið
1981 og var þá ráðinn deildarstjóri
flutningatæknideildar Eimskips,
en hafði áður starfað hjá félaginu
við ýmis störf í sumarvinnu frá ár-
inu 1%9. Guðmundur Pedersen
mun taka við starfi sem aðstoðar-
forstöðumaður vöruafgreiðslunnar,
en hann hefur starfað hjá Eimskip
frá árinu 1%8 og síðustu tvö ár
sem þjónustustjóri í vöruaf-
greiðslunni.
Á liðnum árum hefur Ameríku-
og stórflutningadeild annast ann-
ars vegar áætlunarsiglingar á milli
íslands og Norður-Ameríku og hins
vegar séð um rekstur allra stór-
flutninga Eimskips. Ákveðið hefur
verið að skipta deildinni eftir þess-
um tveimur megin verkefnum í
Ameríkudeild annars vegar og
stórflutningadeild hins vegar.
Stórflutningadeild mun annast
rekstur stórflutningaskipa Eim-
skips og einnig töku leiguskipa,
sem rekin eru vegna verkefna fé-
lagsins. Garðar Þorsteinsson verð-
ur forstöðumaður þessarar deildar,
en hann hefur veitt Ameríku- og
stórflutningadeild forstöðu undan-
farin tvö ár. Ameríkudeild mun
annast áætlunarsiglingar milli Is-
lands og N-Ameríku ásamt því að
sjá um Norður-Atlantshafssigl-
ingar á milli Evrópu og Bandaríkj-
anna. Hjörleifur Jakobsson verður
forstöðumaður deildarinnar, en
hann er vélaverkfræðingur að
mennt og hefur starfað í Ameríku-
og stórflutningadeild frá því á
miðju ári 1984 og haft umsjón með
flutningum félagsins milli Evrópu
og Bandaríkjanna.
Þá hefur ný deild verið sett á
laggirnar er lýtur að gámarekstri.
Valgeir Hallvarðsson hefur nýlega
tekið við starfi deildarstjóra þeirr-
ar deildar. Erlendur Hjaltason
mun taka við starfi deildarstjóra
fraktsamræmingar, en hann er
rekstrarhagfræðingur að mennt og
hefur starfað í fraktsamræmingu
síðastliðið ár. Erlendur tekur við
starfinu af Sveini Ólafssyni, sem
starfað hefur hjá Eimskip að
mestu síðan 1931. Sveinn mun
starfa áfram í deildinni með Er-
lendi. í kjölfar ofnagreindra breyt-
inga verða gerðar nokkrar lagfær-
ingar á húsaskipan deildanna,
þannig að sem best nýting náist
eftir breytt skipulag.