Morgunblaðið - 16.05.1985, Page 67

MORGUNBLAÐIÐ, FIMMTUDAGUR 16. MAÍ 1985
67
•w
VELVAKANDI
SVARAR í SÍMA
10100 KL. 14—15
FRÁ MÁNUDEGI
TIL FÖSTUDAGS
n'Ji' ujwiJ If
Rás 2 og íslenskt rokk
Hirtingur skrifar:
Undanfarna daga og mánuði
hefur fjöldinn allur af unglingum
tjáð sig í kvabbdálkum blaðanna.
Oftast eru þetta einstaklingar á
gelgjuskeiðinu, óharðnaðir og
ákaflega opnir og nánast sólgnir í
að verða fyrir áhrifum. Þarna á ég
ekki við vímuefnaáhrif í venju-
legum skilningi heldur á ég við
hinn ómeðvitaða og meðvitaða
heilaþvott, sem á sér stað með rás
2.
Rásin útvarpar nánast aðeins
sömu lögunum daginn út og inn.
Þarna á ég við lög sem útvarps-
mennirnir hafa náð einstakri
leikni við að dorga upp úr mestu
skítapollum dægurlagaheimsins.
Inn á milli eru svo leikin létt lög
og slagarar sem fólk hefur ekki
gaman að nema undir verulegum
áhrifum áfengis. Þarna á ég við
„standarda" eins og „Er ég kem
heim í Búðardal“, „Ég fer í fríið“
og álíka rusl. Útkoman af þessari
einstefnukeyrslu rásar 2 er hræði-
leg.
Unga fólkið er gjörsamlega
matað og tónlistarsmekkurinn er
bundinn við hljómsveitirnar
Wham og Duran Duran. Hátíðir
eru haldnar goðunum til dýrðar,
aödáendaklúbbar og nöldurdálk-
arnir fullir ... En hefur þetta
kannski ekki alltaf verið svona ...
Hvað með Bítlana/Rolling Stones
forðum ... ? Jú, það kann að vera.
En nú er einstefnan orðin heldur
mikil þegar farið er að setja
„samasem“-merki milli framsæk-
innar rokktónlistar og hljómsveit-
arinnar U2. Halda útvarpsmenn-
irnir og fólkið í landinu að U2 sé
eina hljómsveit í heimi ... ? Hafa
íslendingar aldrei hlustað á
hljómsveitir eins og Joy Division,
The Fall, Virgin Prunes etc.
Það er svo mikið víst að rás 2
hefur ekkert gert til að kynna
þessi bönd, nema þá í þættinum
Bylgjur sem er góður, en eiginlega
bara á dagskránni fyrir sjálfs-
bjargarviðleitni umsjónarmann-
anna. En hugsið ykkur bara! Sá
yfirburðaþáttur er aðeins 2 tima á
mánuði.
Einu sinni var mikið að ske í
tónlistarmálum íslendinga og þá á
ég við í rokkbransanum. Þetta var
nokkurs konar gullöld og stóð frá
1979—1982 (gróflega reiknað).
Bylgjan var því í lægð þegar rás 2
byrjaði í desemberbyrjun 1983.
Menn voru bjartsýnir og sáu fram
á betri tíð með rásinni. Þessar
vonir hafa allar hrunið og er nú
ástand mála í rokkheiminum ís-
lenska í algjörri ládeyðu. Maður
að nafni Flosi Þorgeirsson skrifaði
fyrir skömmu ágætis bréf í dálk-
inn og sér fram á að rokkið lifi og
betri tíð sé í vændum. Ég er ekkert
svo viss um það.
Rokkið á Islandi hefur verið svo
lengi í svelti að vafamál hvort það
rísi nokkurntíma aftur upp og
æpi. Að vísu eru til ágætis
hljómsveitir eins og Kukl, Með
Nöktum, S/H draumur, Öxsmá og
fleiri en meðan rásin stendur sig
jafn ferlega og áhugsamir menn
um verndun rokksins liggja á
meltunni þá skeður ekki neitt. Því
vil ég endilega biðja fólk um að
láta í sér heyra. Það er spurning
hvort að fólk getur yfirleitt lengur
gert eitthvað sjálft, því mötunin
hefur staðið svo lengi yfir. Er
virkilega ekkert ungt, hresst fólk,
spilandi inn í bílskúr, lengur til
... Eru þetta endalokin!!! Látið í
ykkur heyra!
Hrottaleg ósvífni
Ingjaldur Másson skrifar:
Þegar ég skrifa þetta hef ég ný-
lokið við að lesa grein eftir S.S. í
Velvakanda þann 1. maí sl. þar
sem hann ræðst á heimavinnandi
konur og segir þær gagnslausar
þar sem tæknin inni á heimilunum
sé orðin svo mikil. Hann segir
einnig að þegar hann skreppi í bæ-
inn í kaffitíma sínum þá mori allt
í slórandi húsmæðrum.
Mikið hlýtur kaffitími þessa
manns að vera langur úr því að
hann hefur tíma til að útspekúlera
allar konur bæjarins. Það væri al-
deilis hneisa ef húsmæður mættu
ekki gera innkaup í bænum eins
og annað fólk. Heimavinnandi
húsmæöur geta t.d. sparað stórfé
með því að kaupa efni og sauma
sjálfar föt á fjölskylduna og þær
gera það líka flestar.
Hvað á S.S. eiginlega sökótt við
húsmæður? Það mætti halda að
einhvert konutetrið hafi gefist
upp á að snúast í kringum rass-
gatið á honum eða er hann
kannski að leita að einni slíkri,
sbr. tíðar kaffitímarannsóknir
hans á kvenfólki?
Með fyrirfram þökk fyrir birt-
inguna.
„Frankie goes
to Hollywood“
í kvöld
Ég hvet skemmtistaðinn
„Traffic" til að halda „Frankie
goes to Hollywood“-kvöld því að
hljómsveit sú á marga aðdáend-
ur hér á landi. Því ekki að fá
hljómsveitina á Listahátíð. Þeir
eru góðir listamenn og þeir eru á
tónleikaferðalagi í sumar.
Hvernig væri nú að fá hljóm-
sveit sem eitthvað er spunnið í?
Hvenær verða
þættirnir fluttir?
Tónlistarunnandi hringdi:
Velvakandi góður.
Mig langar að gera fyrirspurn
til sjónvarps- og útvarpsráðs
varðandi hinn frábæra tenór-
söngvara Pál Jóhannesson frá
Akureyri, en hann er nú við nám
á Ítalíu. Hann gaf út sína fyrstu
plötu í vetur og nokkrum sinnum
hafa heyrst íslensk lög af þeirri
plötu en önnur lög hafa aldrei
verið spiluð. Nú veit ég að teknar
voru upp ítalskar aríur i haust
með honum hjá útvarpinu og
hefur sá þáttur aldrei komið.
Einnig veit ég að tekinn var upp
sjónvarpsþáttur með honum í
kring um áramótin og hefur
hann heldur ekki komið i sjón-
varpinu.
Ég vil beina því til sjónvarps-
og útvarpsráðs að fara nú að
flytja þessa þætti sem fyrst og
veit ég að ég mæli fyrir munn
margra.
Söngvakeppnin
þrælgóð
Bryndís Jónsdóttir hringdi:
Ég vil mótmæla öllum þeim er
hafa verið að setja út á Evrópu-
söngvakeppni sjónvarpsstöðva.
Mér fannst hún alveg þrælgóð.
Kanínur
Bryndís Jónsdóttir hringdi:
Ég er með þriggja ára karl-
kyns kanínu og er ég búin að
reyna árangurslaust að komast
að því hvar hægt sé að fá kven-
kynskanínu á sama aldri. Éf les-
endur vita um það, þá er síminn
hjá mér 71502.
Blindrafélagið
Dregið var í happdrætti Blindrafélagsins 7. maí.
Vinningsnúmer eru:
1. 13818
2.17199
3. 39938
Vinninga má vitja á skrifstofu félagsins.
Blindrafélagið, samtök blindra og sjónskertra,
Hamrahlíð 17.
Blússur fyrir sumarið
Létt á tá
21212
Barónsskór,
». 23566,
Barónsstíg 18.
Hvítt. St. 36—40.
c