Morgunblaðið - 13.06.1985, Blaðsíða 4

4
MORGUNBLAÐIÐ, FIMMTUDAGUR 13. JÚNÍ 1985
Opinberri heimsókn sjávarútvegsráðherra til Kanada lokið:
Erum mjög ánægðir með
árangur ferðarinnar
segir Halldór Ásgrímsson í Washington
Halldór Ásgrímsson i fundi með Carmen Blondin, fulltrúa þeirrar deildar í
sjávarútvegsdeild bandaríska vióskiptaráðuneytisins sem sér um samninga
við erlend ríki.
OPINBERRI heimsókn Halldórs
Ásgrímssonar til Kanada lauk á
mánudag með fundi hans og Fraser
sjávarútvegsráðherra. Síðan flaug
Halldór til Washington þar sem
hann sat fundi með bandarískum
embættismönnum og fulltrúum um-
hverfisverndarfélaga. „Við erum all-
ir mjög ánægðir með árangur ferðar-
innar sem hefur verið okkur gagnleg
á margan hátt,“ sagði Halldór. Ráð-
herrann er væntanlegur til landsins
á morgun.
Á fundi Halldórs og Frasers
ræddu þeir ýmis stefnumál í sjáv-
arútvegi, svo sem það að blanda
saman markaðsmálum og fisk-
veiðiréttindum. Til umræðu var
einnig sala á óunnum fiski inn i
landhelginni og hugsanlegir
möguleikar á veiðum íslendinga
við strendur Kanada þegar illa
stendur á með okkar fiskstofna.
„Kanadamenn hafa haft þá stefnu
eins og viö að nýta sina stofna
sjálfir. Þessar viðræður leiddu
ekki til ákveðinnar niðurstöðu en
þeim verður haldið áfram" sagði
Halldór. Þær fisktegundir sem
rætt var um veiði á voru aðallega
karfi og grálúða. „Við ræddum
einnig um skipulag sjávarútvegs-
ins almennt, og skýrði Fraser mér
frá því að kanadíska ríkið sé
ákveðið í því að minnka aðstoð við
sjávarútveginn eins mikið og hægt
er. Einnig ætla þeir að opna fyrir
fjárfestingu erlendra aðila í út-
veginum, sem er mikil stefnu-
breyting." Á fundinum var einnig
ákveðið að auka vísindasamstarf
landanna og verður fyrsta skrefið
í því að senda íslenska visinda-
menn til Kanada. Kanadamenn
hafa á að skipa rannsóknarstofn-
unum sem eru í röð þeirra bestu í
heiminum.
Á þriðjudagsmorgun átti Hall-
dór fundi með Antonio Cullio og
aðstoðarmönnum hans í banda-
ríska viðskiptaráðuneytinu. Þær
umræður snérust fyrst og fremst
um áætlanir íslendinga um veiðar
á hvölum í vísindaskyni. „Við
kynntum veiðarnar mjög ítarlega
fyrir þeim. Bandaríkjamenn hafa
ekki sett fram ákveðna stefnu i
málinu, en munu senda það til um-
sagnar sinna vísindamanna." Eft-
ir fundinn með Cullio hitti Hall-
dór fulltrúa umhverfisverndarfé-
laga í Bandaríkjunum og átti með
þeim rúmlega eins og hálfs tíma
fund. „Þetta voru mjög hreinskiln-
ar umræður, þarna komu fram
mörg ólík sjónarmið en menn voru
tilbúnir að ræða saman af fullri
skynsemi." Meðal annars sem kom
fram á fundinum var gagnrýni
Greenpeace samtakanna á fjölda
þeirra hvala sem íslendingar
hyggjast veiða. „Við teljum okkur
að sjálfsögðu ekki yfir slíka gagn-
rýni hafna. Á fundinum lögðum
við fram rannsóknaráætlunina I
heild sinni og ég á ekki von á öðru
en að menn muni ekki leggja dóm
á fyrirætlanir okkar fyrr en þeir
eru búnir að kynna sér þær af ein-
lægni og hlutlægt" sagði Halldór.
Á fundi með Carmen Blondin,
sem er m.a. formaður þeirrar
nefndar sem úthlutar fiskveiði-
kvótum til erlendra ríkja, var
ræddur samningur íslendinga um
fiskveiðar í bandarískri landhelgi.
Sem kunnugt er hafa íslendingar
ekki enn nýtt sér þessi réttindi,
sem eru um veiðar við austur-
ströndina og Kyrrahafsströndina.
„Vandinn er sá að okkar skip
verða að landa í Bandaríkjunum
og við ræddum m.a. um stefnu
Bandaríkjamanna í þessum mál-
um,“ sagði Halldór. „Þetta hefur
verið löng ferð og erfið, en við ís-
lendingarnir, sem höfum setið á
þessum fundum, erum hæst-
ánægðir og teljum að hún hafi
borið mikinn árangur," sagði
Halldór Ásgrímsson að lokum.
Slmamyndir/AP
Frá fundi með fulltrúum bandarískra umhverfisverndarsamtaka um hvalveiðar fslendinga í vísindaskyni. Frá vinstri:
Helgi Ágústsson sendifulltrúi I Bandaríkjunum, Árni Kolbeinsson ráðuneytisstjóri, Halldór Ásgrímsson sjávarút-
vegsráðherra og dr. Jakob Jakobsson forstjóri Hafrannsóknastofnunar.
Kaupsamningiir um sölu BÚH undirritaður í gær:
Áhersla lögð á
að hefja vinnslu
— segir Jón Friðjónsson, einn af stjórn-
armönnum og eigendum Hvaleyrar hf.
KAUPSAMNINGUR um sölu á
eignum Bæjarútgerðar Hafnarfjarð-
ar var undirritaður í gærdag og taka
hinir nýju eigendur formlega við
eignum fyrirtækisins á morgun,
fostudag. Samkvæmt samningnum
er heildarkaupverð BÚH 280 millj-
ónir króna og greiðist þannig, að hið
nýja hlutafélag, Hvaleyri hf., yfirtek-
ur skuidir fyrirtækisins upp á 208
milljónir og eftirstöðvarnar á 10 ár-
um. Lögð er fram 30 milljóna króna
trygging og auk þess hinar seldu
eignir.
Eins og kunnugt er samþykkti
bæjarstjórn Hafnarfjarðar á
fundi sínum síðastliðinn þriðju-
dag, að selja eignir BÚH sam-
kvæmt fyrirliggjandi kauptilboði.
Kaupandi BÚH, Hvaleyri hf., er
nýtt hlutafélag í eigu Samherja á
Akureyri sem á 40%, hlutafélags
fjögurra eigenda Hagvirkis sem
eiga 10% hver og Jóns Friðjóns-
sonar sem á 20%. Hlutafé Hval-
eyrar hf. er 50 milljónir króna.
Stjórn Hvaleyrar hf. skipa Jóhann
Bergþórsson formaður, Jón Frið-
jónsson, Aðalsteinn Hallgrímsson,
Þorsteinn Baldvinsson og Þor-
steinn Vilhelmsson.
Jón Friðjónsson, stjórnarmaður
og einn eigenda Hvaleyrar hf.,
sagði í samtali við Morgunblaðið
að lokinni undirskrift kaupsamn-
ingsins í gær, að höfuðáhersla yrði
nú lögð á að hefja vinnslu í fisk-
iðjuverinu sem allra fyrst. Fyrsta
verkefni stjórnarinnar yrði að
kanna leiðir til að afla hráefnis,
en báðir togarar fyrirtækisins,
Maí og Apríl, þarfnast viðgerða.
Jón sagði að áætlaður viðgerðar-
kostnaður á Maí væri á bilinu 35
til 37 milljónir króna og meðal
annars þarf að skipta um vél í
skipinu. Ekki væri gert ráð fyrir
að viðgerð á Maí lyki fyrr en með
haustinu. Þá væri fyrirhugað að
breyta Apríl í frystitogara og væri
áætlaður kostnaður á bilinu 50 til
60 milljónir króna. Ekki væri
ákveðið hvenær ráðist verður í
þær framkvæmdir, en það yrði
gert eins fljótt og kostur er. „Við
ætlum að reyna aö koma þessu af
stað eins fljótt og kostur er, en
hvað það tekur okkur langan tíma
og hvernig okkur tekst að nýta þá
möguleika sem við höfum mun
ráðast á næstu dögum og vikum,"
sagði Jón Friðjónsson.
Fulltrúar bæjarstjórnar Hafnarfjarðar og Hvaleyrar hf. við undirritun kaupsamningsins í gær. Fremri röð f.v.: Jón
Friðjónsson, Jóhann Bergþórsson, Þorsteinn Baldvinsson, Einar Ingi Halldórsson bæjarstjóri, Árni Grétar Finnsson,
Einar Th. Mathiesen. Aftari röð f.v.: Svavar Skúlason, Gísli Friðjónsson, Aðalsteinn Hallgrímsson, Þorsteinn
Vilhelmsson, Ellert Borgar Þorvaldsson, Snorri Jónsson.
Langur bæjarstjórnarfundur í Hafnarfirði:
Fulltrúar A-flokkanna
vildu auglýsa eignirnar
B/EJARfíTJÓRN Hafnarfjarðar samþykkti á fundi sfnum sl. fimmtudag að
selja hinu nýstofnaða hlutafélagi, Hvaleyri h.f., fiskiðjuver og tvo togara
BUH, samkvæmt fyrirliggjandi kauptilboði. Bæjarstjórnarfundurinn hófst
klukkan 17.00 og urðu allsnarpar umræður um málið, en fundinum lauk ekki
fyrr en langt var liðið á nóttina. Var salan samþykkt með 8 atkvæðum
fulltrúa Sjálfstæðisflokksins, Félags óháðra borgara og Framsóknarflokks-
ins. Þrír bæjarfulltrúar Alþýðufiokksins og Alþýðubandalagsins greiddu at-
kvæði gegn tillögunni.
Er líða tók á umræður um málið
í bæjarstjórn fluttu bæjarfulltrú-
ar Alþýðuflokks og Alþýðubanda-
lags tillögu um að taka málið af
dagskrá og fela bæjarstjóra að
auglýsa eftir tilboðum í eignir
BÚH, þar sem ekki lægi fyrir full-
nægjandi mat á eignum þeim og
ábyrgðum, sem kaupendur leggja
sjálfir fram til tryggingar fyrir
greiðslu á 30 milljónum króna, af
eftirstöðvum kaupverðsins.
Bæjarfulltrúar Sjálfstæðis-
flokksins, Félags óháðra borgara
og Framsóknarflokksins höfnuðu
þessari tillögu. Töldu þeir, að und-
anfarna daga og vikur hefði ræki-
lega komið fram, bæði í blöðum og
útvarpi, að unnið væri að sölu á
eignum Bæjarútgerðarinnar. Væri
því öllum, sem vita vildu, kunnugt
um að eignirnar væru til sölu. Auk
eigenda Hvaleyrar hf. hefðu einn-
ig á þessum tíma tveir aðrir aðilar
skrifað bæjarstjórn og óskað eftir
viðræðum um kaup á eignunum.
Við þá báða hefði verið rætt, en
frá hvorugum hefði borist tilboð.
Þeir töldu tímann skipta miklu
máli í þessu sambandi þar sem
stöðugt bættust við vextir á skuld-
'ir fyrirtækisins. Eins og málið
lægi fyrir væri því besti kostur-
inn, bæði til að firra bæinn áfram-
haldandi ábyrgð á tapi Bæjarút-
gerðarinnar og eins til að koma
eignum hennar á ný í rekstur, að
ganga að fyrirliggjandi tilboði
Hvaleyrar hf., enda væri það eina
kauptilboðið sem borist hefði.