Morgunblaðið - 13.06.1985, Side 26

26
MORGUNBLAÐIÐ, FIMMTUDAGUR 13. JÚNÍ 1985
Léttsveitin
leikur fyrst
á 17. júní
FYRIR skömmu var sett á laggirn-
ar ný útvarpshljómsveit sem hlotið
hefur nafnið „Léttsveit ríkisút-
varpsins". Hljómsveit þessari er
ætlað þaö hlutverk að leika létta
tónlist af ýmsu tagi, bæði í blönd-
uðum skemmtiþáttum útvarpsins
og á sjálfstæðum tónleikum sem
útvarpað yrði. Frumraun sveitar-
innar verður útvarpað á rás 1 kl.
16.20 þjóðhátíöardaginn 17. júní
nk. Verða þá eingöngu leikin ís-
len.sk lög, sem sérstaklega hafa
verið útsett fyrir léttsveitina.
„Þetta hefur gengið alveg
prýðiiega. Búið er að æfa upp ein
11 lög á einni viku,“ sagði Olafur
Þórðarson, umsjónarmaður
sveitarinnar er blm. leit inn á
æfingu hjá þeim fyrr í vikunni.
„Nokkuð langt er síðan sérstök
djass- og danshljómsveit starf-
aði við stofnunina og fannst
okkur því orðið tímabært að
bæta úr því. Hafa bæði útvarps-
stjóri og tónlistarstjóri hljóð-
varpsins sýnt máli þessu mikinn
velvilja." Olafur bætti því þó við
að enn væri aðeins um tilraun að
ræða — framhaldið myndi að
miklu leyti ráðast af viðtökum
almennings.
Aðspurður kvaðst hann álíta
að grundvöllur væri fyrir sveit
sem þessa. Víst kostaði þetta
peninga — en það væri vel þess
virði. „Þess má líka til gamans
geta, að í sparnaðarskyni ákváðu
þeir hjá BBC ekki alls fyrir
löngu að fækka hljómsveitum
Vilhjálmur Guðjónsson og Ásgeir Steingrímsson.
sinum um 15. Sér þó varla högg á
vatni."
ólafur gat þess að geysileg
vinna lægi að baki framtaki
þessu — en — „sveitin er skipuð
þrautreyndum hæfileikamönn-
um sem leggja allan metnað sinn
í að vanda til verksins".
„Það er gaman að fást við
þetta," sagði Ásgeir Stein-
grímsson, trompettleikari er
hann var inntur eftir þvi hvernig
honum litist á þetta framtak.
„Fjölbreytnin er svo mikil. Við
leikum djass, suður-ameríska
tónlist, rokk, fönk og allt þar á
milli. Verði framhald á þessu
mun það breyta atvinnuhorfum
íslenskra tónlistarmanna tölu-
vert. Þeir fengju þá eitthvað
annað að gera en að spila á böll-
um og bjórlíkisstofum. Hálfur
mánuður er samt helst til stutt-
ur tími til æfinga," bætti hann
við — „en þetta eru vanir menn
og því vönduð vinna," sagði Ás-
geir.
Vilhjálmur Guðjónsson saxó-
fónleikari tók undir orð félaga
síns. „Það var sko tími til kom-
inn að gera eitthvað í málinu.
Útvarpshljómsveit á borð við
þessa hefur ekki verið til hér á
landi síðan Bjarni Böðvarsson
var upp á sitt besta. Þó svo að
við komum allir hver úr sinni
áttinni þá myndum við sam-
stilltan, metnaðarfullan hóp. Ég
er því hæstánægður með þetta
framtak. Svona sveitir, sem
starfræktar hafa verið erlendis,
hafa sannað gildi sitt og alið af
sér harðsnúið lið spilara. Þetta
ætti því að vera góður skóli. Ég
er mjög bjartsýnn og treysti á að
viðtökurnar verði góðar," sagði
Vilhjálmur Guðjónsson að lok-
um.
Þeir sem útsettu fyrstu 12 lög
sveitarinnar eru þeir Gunnar
Þórðarson, Stefán S. Stefánsson,
Vilhjálmur Guðjónsson og Þórir
Baldursson. Fjögur laganna eru
sérstaklega samir. fyrir hljóm-
sveitina af áðurnefndum
mönnum. Aðrir höfundar eru
þeir Magnús Eiríksson, Oddgeir
Kristjánsson, Megas, Jón Múli
Árnason, Sigfús Einarsson og
fleiri. Hljómsveitina skipa að
þessu sinni 14 hljóðfæraleikarar.
Þeir eru: Ásgeir Steingrímsson á
trompett, Björn Thoroddsen á
gítar, Gunnar Hrafnsson á
bassa, Jón Kjell Seljeseth á
hljómborð, Oddur Björnsson á
básúnu, Pétur Grétarsson á slag-
verk, Rúnar Georgsson á saxó-
fón, Stefán S. Stefánsson á saxó-
fón, Steingrímur óli Sigurðar-
son á trommur, Sveinn Birgisson
á trompett, Viðar Alfreðsson á
franskt horn, Vilhjálmur Guð-
jónsson á saxófón, Þórir Bald-
ursson á hljómborð og Þorleifur
Gíslason á saxófón. Umsjónar-
maður hljómsveitarinnar er,
eins og áður sagði Ólafur Þórð-
arson.
Guðmundur Daníelsson Gunnar M. Magnúss, rithöfundur
Rithöfundasamband íslands:
Ólafur Jóhann Sigurðsson
Þrír nýir heiðursfélagar
AÐALFUNDUR Rithöfundasambands íslands var nýlega naldinn í Norræna
húsinu í Reykjavík. Að afloknum stjórnarkosningum þar skipa nú stjórn
sambandsins: Sigurður Pálsson formaður, Birgir Sigurðsson varaformaður,
Einar Kárason, Olga Guðrún Árnadóttir og Þórarinn Eldjárn meðstjórnend-
ur og Sigurjón B. Sigurðsson (Sjón) og Þorsteinn frá Hamri, varamenn.
Framkvæmdastjóri er Rannveig Ágústsdóttir.
Á fundinum voru kjörnir þrír
nýir heiðursfélagar; rithöfundarn-
ir Guðmundur Daníelsson, Gunn-
ar M. Magnúss og ólafur Jóhann
Sigurðsson, en fyrir voru tveir
heiðursfélagar í sambandinu,
Halldór Laxness og Snorri Hjart-
arson.
Á síðasta starfsári voru undir-
ritaðir samningar við Ríkisút-
varpið, hljóðvarp og sjónvarp.
Gerðist þáð 22. apríl sl. Grunn-
hækkanir á taxta voru 20 og 25%
og 100% fyrir þýðingar á leikrit-
um. Samningaviðræður eru í
gangi við leikhúsin og útgefendur.
Auk samningamála var rætt um
ýmis önnur hagsmunamál höf-
unda, svo sem áframhaldandi bar-
áttu fyrir hag bókarinnar og
bókmennta, en sú barátta skilaði
umtalsverðum árangri á síðustu
jólavertíð. Stórjókst þá bóksala í
fyrsta skipti í mörg ár. Sömuleiðis
var rætt um aukið kynningarstarf
í þágu almennings, svo sem eins
og dag Ijóðsins 18. maf sl. o.s.frv.
Þá gerði lögmaður Rithöfunda-
sambandsins, Ragnar Aðalsteins-
son, grein fyrir stöðu fjölfjöldun-
armálsins (Fjölís) og Innheimtu-
miðstöðvar gjalda. Á fundinum
var samþykkt ályktun þar sem
mótmælt var framkomu stjórnar
Norðurlandahússins í Færeyjum
við Hjört Pálsson. Einnig var
samþykkt eftirfarandi ályktun
varðandi fjölföldun í skólum:
„Aðalfundur Rithöfundasam-
bands íslands leggur þunga
áherslu á að með gerðardómi upp-
kveðnum 4. maí 1984 hafi mennta-
málaráðuneyti fyrir hönd ríkis-
sjóðs verið gert að greiða rithöf-
undum, tónskáldum, blaða-
mönnum og útgefendum umtals-
verða fjárhæð fyrir fjölföldun
verka í skólum frá gildistöku höf-
undalaga 1972 til 1.9.1984.
Þótt liðnir séu rúmir tólf mán-
uðir frá því dómur þessi var upp
kveðinn hefur dómsupphæðin enn
ekki fengist greidd úr ríkissjóði,
þrátt fyrir ítrekaðar tilraunir
rétthafasamtaka til innheimtu
hennar.
Þar sem höfundar eiga hér mik-
illa hagsmuna að gæta, skorar
fundurinn á stjórnvöld þau, sem
hér eiga hlut að máli, að sjá svo
um að fjárhæð þessi verði greidd
dómhöfum án frekari dráttar."
Á aðalfundinum var samþykkt
að veita 26 rithöfundum inngöngu
í RSÍ. Félagar í Rithöfundasam-
bandinu eru nú 234, en RSÍ er eina
löggilta stéttarfélag rithöfunda
hér á landi og annast eitt alla
samninga fyrir hönd rithöfunda
við bókaútgefendur, Ríkisútvarp-
ið, leikhús o.fl., auk annarrar
hagsmunagæslu. (FrétUtilkyDning.)
Þýðingasjóðiir:
Þrettán að-
ilar fá styrk
ÁKVEÐNAR hafa verið styrkveit-
ingar úr Þýðingasjóði fyrir þetta ár.
Eftirtaldir 13 aðilar fá styrki til út-
gáfu á samtals 26 bókum: Hið ís-
lenska bókmenntafélag, Forlagið,
Örn og Örlygur, ísafold, Mál og
menning, Þjóðsaga, Almenna bóka-
félagið, Tónskóli þjóðkirkjunnar,
Samtíminn hf., Iðunn, Vaka, Banda-
lag íslenskra leikféiaga og Alþýðu-
leikhúsið. Tvö þau síðasttöldu hljóta
styrkinn til útgáfu á leikritum.
I fréttatilkynningu frá Þýð-
ingasjóði kemur fram að hlutverk
sjóðsins, sem stofnaður var með
lögum nr. 35/1981, er að veita út-
gefendum styrki eða lán til útgáfu
vandaðra erlendra bókmennta á
íslensku. Tekjur sjóðsins skulu
vera framlag ríkissjóðs sam-
kvæmt fjárlögum ár hvert. Út-
hlutað var úr sjóðnum í fyrsta
skipti árið 1983. I ár voru til ráð-
stöfunar kr. 1.200.000. Umsóknir
bárust frá 20 aðilum vegna 35
bóka, samtals að upphæð um 5
milljónir króna.
Menntamálaráðherra skipar
stjórn Þýðingasjóðs og eiga nú
sæti í henni Gísli ólafsson, til-
nefndur af Félagi íslenskra bóka-
útgefenda, Þorvarður Helgason,
tilnefndur af Rithöfundasam-
bandi fslands, og Árni Gunnars-
son, skipaður án tilnefningar.
Innbrot í segl-
brettaskólann
TÍU þurrbúningum, rauðum og
bláum að lit, var stolið þegar brot-
ist var inn í Seglbrettaskólann í
Nauthólsvík aðfaranótt mánudags-
ins. Undir sex sömu nótt var neyð-
arblysi skotið á loft, trúlega frá
seglskútu sem lá í víkinni og leik-
ur grunur á að þjófarnir, sem brut-
ust inn í seglbrettaskólann hafí
einnig verið þar á ferð.
Auk þurrbúninganna var
tösku, samfestingum og tíu
vindbuxum stolið úr skólanum.
Þeir sem kunna að hafa orðið
mannaferða varir í Nauthólsvík
aðfaranótt mánudagsins eru
vinsamlega beðnir að láta Rann-
sóknarlögreglu ríkisins vita.