Morgunblaðið - 13.06.1985, Síða 56
56
MORGUNBLAÐID, FIMMTUDAGUR 13. J0n1 1985
ást er ...
... að laya kaffið á
meðan hún klæðir siy
TM Reg. U.S. Pat. Off.—ail rights reserved
«1985 Los Angeles Times Syndicate
Hvað er þetta maður. Hefur þú
aldrei lært að hreinsa byssuhlaup!
HÖGNI HREKKVlSI
Rangar umferðarmerkingar
og röng notkun þeirra
Jóhann G. Guðjónsson, Úthlíð 11,
Reykjavík, skrifar:
Nú þegar málningarflokkar
þeysa um og mála yfirborð vega
þá er ömurlegt á að horfa, að
rangar umferðarmerkingar við-
gangast eitt árið enn, oft er málað
í fylgd umferðarlögreglu og gerir
það verknaðinn hálfu ömurlegri.
í reglugerð um umferðarmerki
og notkun þeirra, sem tók gildi 1.
maí 1979, segir orðrétt um t.d.
hindrunarlínur: „Hindrunarlína á
vegi með fleiri en tvær akgreinar
skal vera tvöföld." (Leturbr. mín.)
Athugið síðan gatnamótin
Hamrahlíð/Kringlumýrarbraut,
Skógarhlíð/Miklatorg eða Hell-
isheiðina, milli Hveradala og
Kambabrúnar.
Einnig er sagt í reglugerðinni
hvernig og hvar eigi að setja
hindrunarlínur en ansi oft vill
brenna við að þeim sé klesst niður
eftir einhvers konar þumalputta-
reglu, t.d. hindrunarlínan sem var
neðst á Hverfisgötu.
Þegar vikið er frá umferðar-
merkingum til umferðarmerkja
má einnig færa margt til betri
vegar, eins og t.d. að hætta notkun
merkisins tvístefnuakstur þegar
skilið er milli umferðar í gagn-
stæðar áttir, t.d. við malbiksvinnu
(þetta merki má eingöngu nota
þegar tvístefna kemur í beinu
framhaldi af einstefnu), í stað
þess má nota akbrautarmerki.
Þegar vikið er að akbrautar-
merkjum flýgur manni í hug að
þau eru notuð með einkennilegum
hætti bæði í Hafnarfirði og Kópa-
vogi.
I báðum þessum bæjum má sjá
akbrautarmerki benda niður á
umferðareyju eða jafnvel gras-
blett en ekki akbrautina eins og
ætlast er til.
Víða er komið merki með gulum
og svörtum skástrikum sem
mynda örvar er vísa upp.
Þetta merki má nota þegar veg-
ur greinist frá öðrum vegi. Búið er
að klína þessu merki á umferðar-
eyjar, við innkeyrslur að stórum
bensínstöðvum og fjölda vega-
móta. (Umferðarlögin kalla það
vegamót þegar tveir eða fleiri veg-
ir mætast.) Varla greinast vegirn-
ir frá öðrum og mætast á sama
stað.
Lögreglumenn, vegageróarmenn
og umferðarnefndarmenn, takið
ykkur í hönd reglugeró um umferð-
armerki og notkun þeirra og lítið
gagnrýnum augum á umferðarmerki
og umferðarmerkingar í sveitarfé-
lagi ykkar.
Þungarokks-
vinsælda-
lista á rás 2
Lúðvík Rúnarsson, Túnbrekku 1,
Ólafsvík, skrifar:
Ég vil koma því skýrt fram til
rásar 2 að hafa sér þungarokks-
vinsældalista. Ég veit að það eru
margir sammála mér um það. Ein-
göngu er spilað Duran Duran og
Wham. Báðar þessar hljómsveitir
innihalda einungis sæta stráka og
tískufyrirbrigði. Margir kalla
þessa drengi súkkulaðidrengi, sem
er kannski satt. en þeir eru nú að
bráðna.
Þá er það sjónvarpið sem er bú-
ið að sýna Duran Duran tvisvar en
enga þungarokkstónleika. Mér
finnst þetta óréttlátt. Dio, Kiss og
Iron Maiden eru með vinsælustu
þungarokkshljómsveitum heims
og því eru ekki sýndar þunga-
rokkshljómleikar með þeim úr því
að Duran Duran er með vinsæl-
ustu popphljómsveitum heims. Ég
er Wham- og Duran-hatari, alla-
vega að mínu mati. Ég vi! hvetja
þungarokksaðdáendur aö láta
heyra meira í sér.
Þessir hringdu
Hundleiður á
Duran-
aðdáendum
Már Másson hringdi:
Já, nú er mér nóg boðið. Ég er
orðinn hundleiður á þessum
Duran Duran-aðdáendum. í
fyrsta lagi ef lag með þeim er
ekki á topnnum á rás 2 þá
hringja þeir eða skrifa í Velvak-
anda og væla yfir því að eitthvað
sé bogið við listann.
í öðru lagi sá ég í grein sem
einn Duran-aðdáandi skrifaði að
þeir sem hlustuðu á hljómsveit-
irnar U2 og Frankie Goes to
Hollywood hefðu ekkert vit á
tónlist. Fyrirgefið, en megum við
hafa okkar tónlistarmekk í friði?
Eða erum við eitthvað öðruvísi
en aðrir?
Og svona í lokin til forráða-
manna Listahátíðar. Við værum
ykkur inniieg: þakklátir ef þið
reynduð að fá Frankie eða U2 á
Listahátíð.
Meira af innlendu
skemmtiefni
Guðríður hringdi:
Ég vil koma á framfæri þakk-
læti til sjónvarpsins fyrir ís-
lenska skemmtiþáttinn sem var í
sjónvarpinu á annan í hvíta-
sunnu. Þetta var fjölbreyttur og
skemmtilegur þáttur fyrir alla
aldurshópa og til fyrirmyndar.
Við íslendingar eigum svo
góða söngvara, leikara og fleira
listafólk, sem gæti eflaust gert
meira af því að skemmta okkur
hver með sínum hætti. Ég heiti á
sjónvarpið að gera meira af
þessu. Kaupið þá góðu og fjöl-
hæfu listamenn sem við eigum
heldur en að kaupa einhverjar
þrautleiðinlegar myndir utan
frá, þótt þær séu auðvitað góðar
í og með. En, fyrst og fremst vil
ég hafa meira af innlendu, léttu
skemmtiefni á skjánum.