Morgunblaðið - 13.06.1985, Blaðsíða 15

MORGUNBLAÐIÐ, FIMMTUDAGUR 13. JÚNÍ 1985
Almannavarnir:
15
Sýning á verk-
um Sigurjóns
Myndlist
Valtýr Pétursson
f Listasafni ASf við Grensás-
veg er nú til sýnis hluti af Lista-
safni Sigurjóns ólafssonar.
Þarna eru rúmlega tuttugu úr-
valsverk, unnin í tré, og eitt
hoggið í granít. Þarna er um að
ræða kynningu á Listasafni Sig-
urjóns, og er aðgangur ókeypis,
en seld er á staðnum bók, sem
ekkja Sigurjóns, Birgitte Spur,
hefur tekið saman, og meðal
annars er þar að finna skrá yfir
öll þau verk, sem Sigurjón lét
eftir sig er hann féll frá. Bókin
um Sigurjón er einnig hugsuð
sem nokkurs konar fjáröflunar-
leið, meðan safnið nýtur hvorki
framlaga frá ríki né bæ.
Eins og gefur að skilja er þessi
sýning á verkum Sigurjóns afar
vönduð og fer mjög vel í húsa-
kynnum ASÍ-safnsins. Ég hef
séð flestar sýningar Sigurjóns
frá því er hann kom heim að
stríðinu loknu, og ég fullyrði að
engin af sýningum hans hefur
haft eins mikil áhrif á mig og
þessi. Þó hef ég oft á tíðum verið
stórorður um list Sigurjóns og
það ekki að ástæðulausu. Hann
var sá snillingur forms og efnis,
að hliðstæður eru vandfundnar.
Sigurjón Ólafsson skilaði miklu
dagsverki, sem ég held að sé ein-
stakt að gæðum, ekki hvað síst í
jafn fámennu samfélagi og fs-
lendingar skipa. Nú kemur til
kasta fólksins í landinu, hvort
við erum þess verðug að hafa átt
annan eins snilling og Sigurjón
var. Það gæti farið svo, að það
sannaðist að smáþjóðin — sú
gáfaðasta í heimi — hefði ekki
andlegan þroska til að viður-
Sigurjón Ólafsson
kenna gildi verka þessa einstaka
afreksmanns. Ef svo færi, yrði
það hvatning til allra þeirra
listamanna sem ekki fara troðn-
ar slóðir að velja þann kostinn
að hasla sér völl erlendis. En
hvað er þá eftir? Sauðkindin og
þorskurinn að vísu, en svo ekkert
nema meðalmennskan. Og hver
vill lifa í slíku samfélagi?
Sýningin í ASÍ-safninu er í
einu orði sagt stórkostleg. Þar er
að visu aðeins eitt þeirra efna
sem Sigurjón vann í, tré, en á því
sviði var hann allra manna
snjallastur og hugmyndaríkast-
ur. Annar ríkur eðlisþáttur Sig-
urjóns var listrænt öryggi sem
aldrei sveik hann. Ég held ég
hafi sagt það áður á prenti, að
engan mann þekkti ég sem ynni
af jafn listrænu öryggi og Sigur-
jón. Hann vissi alltaf hvað hann
var að gera og ekkert var tilvilj-
unarkennt í verkum hans, allt
hnitmiðað. Hann var afar fljótur
að átta sig og komst þannig í
síendurnýjuð tengsl við efnið,
þær línur og þau form sem hann
vann að í það og það skiptið. Slík
vinnubrögð eru afreksmanna og
endurnýja listina, halda henni
síungri.
Vara við
ferðum við
Leirhnjúk
í frétt frá Almannavörnum
ríkisins er sérstaklega varað við
ferðum við Leirhnjúk í Mý-
vatnssveit og skorað á leiðsögu-
menn, ferðaskrifstofur og aðra
sem annast leiðsögn og ferðir
fólks í Mývatnssveit að forðast að
beina fólki á hnjúkinn og leið-
beina um hættu af göngu um
hann.
„Leirhnjúkur í Mývatnssveit
er álitinn hættusvæði, sem ekki
er ráðlegt að ganga á. Þau um-
brot, sem átt hafa sér stað og i
gangi eru á svæðinu, geta fyrir-
varalaust leitt til gufu- og
leirsprenginga með skyndi-
legum breytingum á jarðhita
sem ómögulegt getur reynst að
varast," segir í frétt Almanna-
varna. Þessi viðvörun er send út
í samvinnu við jarðvísindamenn
almannavarnanefndar Mý-
vatnssvæðis og sýslumann Þing-
eyjarsýslu.
Myndbandstæki með ómissandi yfirburði!
Nú hefur Philips rutt sér til rúms á VHS markaðnum
með splunkunýtt myndbandstaeki sem skarar fram úr hvað snertir
gæði og áreiðanleika.
Philips VR 6460 er búið öllum hefð-
bundnum möguleikum myndbandstækja
og tveimur nyjungum sem eiga eftir að
þykja ómissandi hjá öllum vídeógeggjur-
um.
1. Ffjótandi haus sem „eltir" myndbandið
og kemur í veg fyrir bjögun myndarinnar,
jafnvel þó spólan sé orðin lúin og þreytt
eftir endalausan snúning.
2. Sjálfleitari sem finnur besta útsend-
ingarsfyrk hverju sinni og losar þig
þannig við að snúa of litlum tökkum með
„of stórum" fingrum.
Ef þú vilt fá afbragðsmyndgæði út úr
myndbandstækninni er öruggast að tengja
það við sjónvarp frá stærsta sjónvarpstækja-
framleiðanda í heimi: Philips.
kr. 46.900.-stgr.
Heimilistæki hf
HAFNARSTRÆTI3 - 20455- SÆTÚNI8-15655