Morgunblaðið - 13.06.1985, Blaðsíða 17

17
MORGUNBLAÐIÐ, FIMMTUDAGUR 13. JÚNÍ 1985
Stýrimannaskólinn í Reykjavík:
68 nemendur ljúka
skipstjórnarprófum
Albert Gunnlaugsson dúx 2. stigs tekur vid verðlaunum sínum úr hendi
skólastjórans Guðjóns Ármanns Eyjólfssonar.
Skólastjóri kveður Helga J. Halldórsson og þakkar honum fyir áratuga stðrf
í þágu skólans. Á milli þeirra sést Guðbjörg Guðbjörnsdóttir eiginkona
Helga.
Stýrimannaskólanum I Reykjavík
var slitið í 94. skipti hinn 25. maí
síðastliðinn. Athöfnin fór fram í há-
tíðasal skólans.
Skólaslitin hófust með því að
Anna Þóra Benediktsdóttir spilaði
vals eftir Chopin. Minnst var sjó-
manna, fyrri nemenda og kennara
skólans, sem látist hafa á skólaár-
inu. Sérstaklega var minnst skip-
verjanna á Bervík sem fórust und-
an Rifi á Snæfellsnesi 27. mars sl.,
Axels Thorsteinssonar frétta-
manns og rithöfundar, sem kenndi
tungumál við skólann á árum áður
og Markúsar B. Þorgeirssonar, en
hann var gamall nemandi skólans
og mikill velunnari. Markús var
mikill áhugamaður um björgun-
armál og hannaði björgunarnet
sem við hann er kennt.
Samtals luku 68 nemendur skip-
stjórnarprófum frá Stýrimanna-
skólanum að þessu sinni. Þar af
luku fimm skipstjórnarprófi 1.
stigs í samvinnu við Framhalds-
skólann á Dalvík, en undanfarin
fjögur ár hefur verið starfrækt
þar skipstjórnardeild 1. stigs, und-
ir faglegri umsjá Stýrimannaskól-
ans í Reykjavík. Samvinna hefur
verið með ágætum og borið góðan
árangur, einsog segir í fréttatil-
kynningu frá Stýrimannaskólan-
um.
Samtals luku 32 nemendur skip-
stjórnarprófi 1. stigs. Hæstu
einkunn við Dalvíkurskóla fékk
ungur stúdent frá Siglufirði, Jóel
Kristjánsson, 9,43, og er það
hæsta einkunn á skipstjórnarprófi
1. stigs í ár. Hæstu einkunnir við
Stýrimannaskólann í Reykjavík
hlutu Smári Thorarensen, Hrísey
8,94 og Ævar Ásgeirsson, Grinda-
vík, 8,91.
Skipstjórnarprófi 2. stigs luku
28 nemendur. Hæstu einkunnir
hlutu Albert Gunnlaugsson, Dal-
vik, 9,07, Jens Kristján Kristins-
son 9,02 og Haraldur Haraldsson
8,64.
Skipstjórnarprófi 3. stigs, far-
mannaprófi, luku 8 nemendur.
Hæstu einkunnir fengu Magnús
Ólafsson, Reykjavík 9,13, Tryggvi
Örn Harðarson, Keflavík 8,50.
Skipting þeirra sem luku skip-
stjórnarprófum var með þeim
hætti að 20 stýrimannsefni eru af
Reykjavíkursvæðinu, 10 frá Suð-
vesturlandi og Suðurnesjum, 4 af
Vesturlandi, 6 af Vestfjörðum, 15
af Norðurlandi, 5 af Austurlandi
og 3 af Suðurlandi.
Nemendum sem sköruðu framúr
fyrir kunnáttu háttprýði og
skyldurækni voru veitt verðlaun
úr Verðlauna- og styrktarsjóði
Páls Halldórssonar, fyrrverandi
skólastjóra Stýrimannaskólans.
Albert Gunnlaugsson fékk verð-
launabikar öldunnar og Magnús
Ólafsson úr farmannadeild fékk
verðlaunabikar . Eimskipafélags
íslands ásamt verðlaunapeningi,
en bikararnir eru farandverðlaun
sem veitt eru hvert ár.
Skólinn veitti þeim nemendum
sem hlutu 10 í skólasóknar-
einkunn verðlaun fyrir reglusemi
og góða ástundun og fengu 14
nemendur slík verðlaun. Verðlaun
fyrir góða frammistöðu í íslensku
hlutu Björn Valur Ólason úr 3.
bekk og Albert Gunnlaugsson úr
2. bekk. Landssamband íslenskra
útvegsmanna veitir hæsta nem-
anda í siglingafræði á 2. stigi
verðlaun, vandaða klukku og loft-
vog. Tveir nemendur voru hæstir
og jafnir í siglingafræði, þeir Kári
Bjarnason og Einar Heiðar Vals-
son. Voru þeim báðum veitt verð-
launin.
{lok skólaslitanna kvaddi skóla-
stjóri sérstaklega Helga J. Hall-
dórsson cand.mag., en hann lætur
nú af kennslu sem fastur kennari
eftir 40 ára starf við Stýrimanna-
skólann. Helgi J. Halldórsson hef-
ur kennt við skólann samfleytt
síðan 1945 þegar skólinn hóf starf-
semi i Sjómannaskólahúsinu.
Skólastjóri afhenti Helga lista-
verkabók og konu hans, Guð-
björgu Guðbjörnsdóttur, blóm-
vönd, sem vott þakklætis fyrir
störf Helga við skólann og þeirra
hjóna beggja að félagsmálum
nemenda.
SkólasUóri heiðrar nýbakaða farmenn. Frá hægri: Guðjón Ármann, Björn
Valur Ólason, Baldvin Jóhann Þorláksson, Magnús Ólafsson, Sigurbjörn
Ólason og Baldvin Breiðfjörð Sigurðsson. Nafn konunnar veit blaðið ekki.
AMDRÉSÍIMA OG PALL UPPGÖ7VA
Andrésína og Páll eru ágætis fólk hér í bæ, strekkt á stundum eins og fleiri . . .
Dag einn í hádeginu voru þau á vappi við Hlemm og lögðu leið sína á veitingastað
ALEXað nafni.
. OG ERU UPPGÖTVUÐ A
/1111
o/ ^ <»• *?og hvm **.«
V/HLEMA/I, símí 24631
MATUR ALLAN DAGINN FRA KL 10.00-23.30
ALLA DAGA