Morgunblaðið - 13.06.1985, Síða 43

MORGUNBLAÐID, FIMMTUDAGUR 13. JUNl 1985
43
Sr. Jón M. Guðjónsson ásamt Sigurbirni Einarssyni biskup í afmælishófinu,
sem Jóni var haldið.
Akranes:
Bók um sr. Jón
M. Guðjónsson
Akranesi, 6. júní.
HEIÐURSBORGARI Akraness, sr.
Jón M. Guðjónsson fyrrum sókn-
arprestur, varð áttræður föstudaginn
31. maí sl. og í tilefni þess hélt fjöl-
skylda hans afmælisfagnað honum
til heiðurs í hinu nýja safnaðarheim-
ili kirkjunnar á Akranesi. Margt
manna var samankomið til að sam-
fagna afmælisbarninu.
Veislustjóri var séra Björn
Jónsson sóknarprestur á Akranesi
og auk hans fluttu ávörp Ólafur
Fr. Sigurðsson, Guðjón Guð-
mundsson forseti bæjarstjórnar
Akraness, frú Svava Finsen f.h.
kirkjunefndar kvenna, frú Ragn-
heiður Guðbjartsdóttir formaður
sóknarnefndar, Jón Einarsson
prófastur í Saurbæ, ólafur Hauk-
ur Árnason áfengisvarnaráðu-
nautur og fyrrum skólastjóri á
Akranesi, Sigurbjörn Einarsson
biskup og síðast Eyfellingurinn
Ólafur Jónsson frá Skála sem tal-
aði fyrir hönd fyrrum sóknar-
barna sr. Jóns.
Allir ræðumenn fóru fögrum
orðum um langt og farsælt ævi-
starf sr. Jóns og fluttu honum
hamingjuóskir. Kirkjukór Akra-
ness söng undir stjórn Hauks
Guðlaugssonar söngmálastjóra
þjóðkirkjunnar og að lokum
ávarpaði veislustjórinn sr. Björn
viðstadda.
Sr. Jón vígðist til preststarfa á
vordögum 1933 og varð þá aðstoð-
arprestur sr. Þorsteins Briem á
Akranesi en þá var sr. Þorsteinn
alþingismaður. 1934 varð sr. Jón
sóknarprestur í Holti undir Eyja-
fjöllum og gegndi því starfi til
1946 að hann kom að nýju til
Akraness og varð sóknarprestur í
Garðaprestakalli og síðar prófast-
ur, þar til hann lét af störfum
fyrir aldurs sakir í árslok 1974.
Sr. Jón lét sér ýmis framfara-
mál miklu varða í sinni heima-
byggð og kunnastur er hann fyrir
ýmis störf að slysavarnamálum og
hin síðari ár fyrir stofnun Byggða-
safnsins að Görðum og störf við
öflun muna og uppbyggingu þess.
Jón var kjörinn heiðursborgari á
Akranesi þegar hann lét af störf-
um sóknarprests.
Á afmælisdaginn kom út bók
um sr. Jón sem gefin er út að
frumkvæði vina og vandamanna
hans í umsjón Sigurðar Hjartar-
sonar fyrrum skólastjóra á Akra-
nesi og Valdimars Jónssonar son-
ar sr. Jóns.
Bókin skiptist í fjóra þætti.
Fyrsti kafli nefnist Árdegið en í
honum er viðtal við sr. Jón um
uppvaxtarárin, heimili hans á
Vatnsleysuströnd og skólanámið.
Annar kafli nefnist Vinaminni en
þar skrifa 14 vinir hans bæði
lærðir og leikir um sr. Jón og einn-
ig eru í kaflanum tvö ljóð.
Þriðji kaflinn nefnist í dagsins
önn, en þar eru stutt viðtöl, annað
við eitt fyrsta fermingabarn sr.
Jóns og hitt við hann sjálfan um
ferminguna. Einnig eru nokkrar
ræður hans og erindi flutt við ým-
is tækifæri. Að lokum er svo
niðjatal sr. Jóns og konu hans frú
Lilju Pálsdóttur.
Það fer vel á því að daginn eftir
afmælið, laugardaginn 1. júni, var
kútter Sigurfari vígður formlega í
Byggðasafninu í Görðum að við-
stöddu miklu fjölmenni og var sr.
Jón þar viðstaddur og tók þátt í
athöfninni. Má segja að þar hafi
ræst stór draumur hans, en hann
beitti sér öðrum fremur við að fá
ýmsa aðila til að festa kaup á
kútternum á sínum tima og átti þá
ekki alltaf auðvelt með að sann-
færa menn um mikilvægi þess að
vernda kútter frá því merka tíma-
bili í sögu þjóðarinnar sem skútu-
öldin var.
Kona sr. Jóns var Lilja Páls-
dóttir, mikil mannkostakona sem
var traustur bakhjarl sr. Jóns í
hans miklu og fjölbreyttu störf-
um. Þau hjónin eignuðust 11 börn
og eru 10 þeirra á lifi.
Frú Lilja lést haustið 1980. Sr.
Jón dvelur nú á Dvalarheimilinu
Höfða á Akranesi.
JG
AOUBORHIN
ALdrei meira úrval

Laugavegi 32.sími27620
Þú færö gjaldeyrinn í utanlandsferöina hjá okkur.
Ef eitthvað er eftir þegar heim kemur er tilvaliö aö opna gjaldeyrisreiknina
og geyma afganginn á vöxtum til seinni tíma.
Iðnaðaibankinn
v ' i W ' ... , ■