Morgunblaðið - 03.07.1985, Blaðsíða 7

MORGUNBLAÐIÐ, MIÐVIKUDAGUR 3. JÚLÍ 1985
7
Þverá: Ráðherrann
tók tíu í beit
Sverrir Hermannsson iðnaðarráö-
herra gerði sér lítið fyrir og tók 110
laxa í beit á einum morgni í Kirkju-
streng í Þverá fyrir nokkrum dögum.
Laiarnir tóku Frances, White Wing,
Blue Charm o.fl. flugur og að sögn
sagðist ráðherrann ekki hafa haft tíma
til að kióra sér, svo ör var takan.
Annars hefur veiðin farið skán-
andi í Þverá og Kjarrá, að vísu hefur
hópurinn sem lýkur veiðum á hádegi
i dag ekki veitt ýkja mikið, en flokk-
urinn á undan fékk 46 fiska og einn
daginn voru 24 dregnir á þurrt. Þann
dag veiddust 20 laxar í Kjarrá, þann-
ig að dagsaflinn varð 44 laxar. Það
eru komnir eitthvað um 150 laxar úr
Þverá og milli 110 og 120 úr Kjarr-
ánni, þetta er miklu lakara en á sama
tíma í fyrra, en bót í máli að veiðin
hefur farið batnandi.
Undarlegt atvik átti sér stað fyrir
skömmu, veiðimenn sem voru á ferð
við UUarklöpp og Kastalahyl, sem
eru neðst í Þverá, töldu sig sjá 3 seli
á ferli. Gerðu þeir viðvart og Magnús
á Hamraendum mætti meö skotfæri
og vaktaöi svæðið fram á nótt. Hann
sá ekki annað en torfur af iaxi sem
var á lofti um allt. í ármótum Þverár
og Hvítár er einnig sagt mikið magn
af laxi sem trúlega gengur upp hven-
ær sem er.
Grímsá
Eftir því sem Mbl. kemst næst hef-
ur veiðin gengið nokkuð vel í Grímsá
það sem af er og viðmælandi blaðsins
i veiðihúsinu taldi eitthvað um 100
laxa komna á land. Laxinn hefur
veiðst um alla á og telja veiðimenn
talsvert gengið af fiski. Laxinn er að
meðaltali heldur smár, en vænir bolt-
ar inn á milli. Útlendingar eru nú
byrjaðir að veiða f Grímsá, meðal
þeirra er frægur veiðigarpur, Ernst
Schwiebert, Bandaríkjamaður, og er
þetta tuttugasta sumar hans á ís-
landi og hefur hann haldið tryggð við
Grímsá þann tíma. Hann veiddi fyrir
mörgum árum einn þann stærsta lax
sem veiðst hefur í ánni, 28 punda fisk
í Laxfossi.
Enn gengur vel í Langá
„Þetta er ekkert líkt síðasta sumri,
svo miklu betra er þetta nú en þá,“
sagði Jóhannes Guðmundsson bóndi i
Ánabrekku er Morgunblaðið hafði tal
af honum í veiðihúsinu við Langá i
gærdag. Sem dæmi sagði Jóhannes,
að síðasta dag júnímánaðar i fyrra
heföu 20 laxar verið komnir á land
fyrir löndum Langárfoss og Ána-
brekku, nú hefðu þeir verið 86 og á
hádegi í gær voru 106 laxar komnir á
þurrt. Við það bættist að milli 10 og
20 fiskar hafa veiðst fyrir löndum
Jarðlangsstaða, Stangarholts og
Hvitstaða og eitthvað álíka á efsta
svæðinu, á landareignum Grenja og
Litla-Fjalls. Fiskur hefur veiðst allt
upp að Sveðjufossi, en ekki ofar enn
sem komið er, þó hefur sést lax í
stiganum í fossinum.
„Það hefur verið þó svolítið af
vænum laxi, 8—12 punda, og smálax-
inn hefur verið skárri en siðustu ár-
in, þyngri og feitari. Nú er spurning
hvert framhaldið verður, hvort botn-
inn detti úr þessu eða hvort þetta
verður gott áfram. í vikunni sem leið
var virkilega góð veiði, frétti maður,
í sjávarlagnirnar hér út um allt,“
sagði Jóhannes að lokum.
Norðurá full af físki
„Við fengum 11 laxa I morgun og
hópurinn þar með kominn með 33
laxa, sagði Olafur Ólafsson I veiði-
húsinu við Norðurá f samtali við
Morgunblaðiö f gær. Ólafur sagði
mikinn lax um alla á og væri fiskur-
inn ákaflega líflegur, á lofti um allt
og upptekinn að ganga fram ána.
„Hann tekur illa og ég óska þeim til
hamingju sem verða hér er hún litast
í fyrsta skipti af rigningu og veiða f
henni meðan hún sjatnar. Þá verður
hátíð veiðimanna við Norðurá," sagði
Ólafur. Hópur sá sem ólafur er aðili
að lýkur veiðum á hádegi í dag, garp-
arnir hafa dregið flesta laxana á
flugu, og hafa rauðu og grænu af-
brigöin af Frances verið skæðust.
Það er komið á þriöja hundrað laxa á
land, erfitt að nefna nákvæma tölu
þar eð þrjár veiðibækur þjóna ánni.
Yfirleitt er laxinn 4—8 pund, en
vænni innan um. Smálaxinn hefur
sýnt sig í vaxandi mæli og hann er
akfeitur og vel haldinn, eitthvað ann-
að en sfðustu árin.
Við þetta má bæta, að veiðin í
Stekknum í Norðurá hefur verið fjör-
ug upp á síðkastið, í fyrradag veidd-
ust þar t.d. 10 laxar. Við þetta má
einnig bæta, að veiðin í netin í Hvftá
hefur verið óhemju góð síðustu daga;
frést hefur að einn bóndinn hafi skil-
að hálfu tonni af laxi f frystihúsið f
Borgarnesi eftir daginn. Ekki ama-
legur afli það.
Sverrir er slyngur þegar laxinn er
annars vegar.
Morgunblaðið/Árni Sæberg
EINNIG FYRIR ISLENDINGA
ÓDÝR T DAGA
fjölskylcfluferð
í Þórsmörk, Skaftafell og Landmannalaugar
{í®!
pef
™ i Axirí
mann
taUö \ verö\nu. éXXQX gongu
ur á hverium stóð^ aWna. Ekið
Einnig 6 daga gönguferð á kr. 7500,-
FERÐASKRIFSTOFAN
MIÐNÆTURSÓL
STEINÞÓR ÓLAFSSON
LAUGAVEGI 62 - SÍM! 28060, HS. 43758.