Morgunblaðið - 03.07.1985, Blaðsíða 51
MORGUNBLAÐIÐ, MIÐVIKUDAGUR 3. JÚLÍ 1985
51
VELVAKANDI
SVARAR i SÍMA
10100 KL 11-12
FRÁ MÁNUDEGI
TIL FÖSTUDAGS
Afturför í
kvenlegu eðli
Argangur 1918 skrifar:
Ég hef alltaf álitið að það væri
eðli konunnar að vera kvenleg i
sér, jafnt í útliti sem í umgengni
og með allri þeirri framför sem er
á öllum sviðum, finnst mér hafa
verið afturför í þessu.
Ég er sammála Þorleifi, sem
skrifar í Velvakanda föstudaginn
21. júní sl. að það gangi orðið ansi
langt í þessum jafnréttismálum og
það virðist ekki vera að þeim séu
nokkur takmörk sett frá kvenn-
anna hálfu. Þær afskræma líkama
sinn á margan hátt og ekki síst
með klæðnaði því nú vilja helst
allar ungar konur ganga í karl-
mannafötum og hylja þannig fagr-
an vöxt og kvenlegan yndisþokka
og það skiptir engu máli þótt fötin
séu alltof stór. Það má bara bretta
upp á ermar og þykir fínt og væri
ágætt lýsingarorð yfir þær, sem ég
heyrði í þætti ekki alls fyrir löngu
— einskonar kvenherramenn.
Hvað fegurðarsamkeppni varð-
ar, finnst mér að það megi keppa í
því eins og hverju öðru og mætti
vera jafnrétti þar líka. Við eigum
sem betur fer mikið af glæsilegu
æskufólki, sem spjarar sig vel. En,
það er alveg rétt að stúlkurnar eru
alltof ungar og ekki nógu þroskað-
ar. Allar þær stúlkur, sem komist
hafa áfram á þessu sviði, hafa ver-
ið sér og landi sínu til sóma.
Dreifbýlisfólk:
Varið ykkur á sölufólki
Hannyrðakona skrifar:
Nú er sá tími genginn í hönd er
alls kyns sölufólk fer að selja vör-
ur út um allt land. Við, dreifbýlis-
fólkið, tökum þessu fólki yfirleitt
vel enda margt þetta fólk
skemmtilegt og yndælt. En síð-
astliðið ár, er farið að keyra úr
hófi.
Hér á ég við konu, sem keyrir út
með yfirfullan bíl — Volkswagen
rúgbrauð — af hannyrðavörum.
Yfirleitt bankar þessi kona ekki,
heldur gengur rakleiðis inn og
stendur inni á miðju eldhúsgólfi
áður en maður veit af. Hún býður
fólki ekki upp á að kaupa vörur
sínar, heldur skipar þvi að kaupa
með frekjutón. Látum það vera, en
hver skyldi vera skýringin á því að
það getur munað allt að 1.000
krónum á pakkningu eða meira á
sams konar vörum, bæði hér í búð-
um í kring og í Reykjavík.
Vinkona mín keypti í sakleysi
sínu fallega mynd og gaf móður
sinni í Reykjavík. En sölukonan
góða sagðist vera að selja þetta
fyrir tiltekna verslun í Reykjavík,
en móðir konunnar, sem keypti
myndina, fannst hún of stór fyrir
sig og vildi skipta. Hún fór því
með myndina í tiltekna búð í
Reykjavík og þar sagði eigandinn
að þessi mynd væri alls ekki frá
sér, og verðið væri alltof hátt fyrir
myndina.
Gaman væri að fá svör við
svona sölumennsku frá eigendum
hannyrðaverslana í Reykjavík, því
ekki er sama haðan vörurnar
koma m.t.t. hvar viðskiptavinirnir
eru.
Að lokum vil ég segja að ég er
mjög hissa á hvernig svona sölu-
fólk getur selt dreifbýlisfólki alls
kyns varning á svo svimandi háu
verði til þess eins að láta það
greiða fyrir bensín, uppihald og
laun. Margir kaupa í einfeldni
sinni og eru svo eyðilagðir eftirá.
Fyrir tveimur til þremur árum
skrifaði kona í Velvakanda, norð-
an úr Skagafirði, sem hafði keypt
prjóna, sem reyndust síðan 200 til
300 krónum dýrari en í verslun.
En, prjónana keypti hún frá þess-
ari hannyrðasölukonu.
Tökum höndum saman og versl-
um ekki af svona fólki, sem er með
frekju og yfirgang.
Þessir hringdu . .
Enn hægt aö
skrifa undir
Kristín Ástgeirsdóttir frá Frið-
arhreyfingu ísl. kvenna hringdi:
í Velvakanda um sl. helgi
kom til okkar fyrirspurn frá
konu, sem vildi vita hvar hægt
væri að skrifa undir friðarpl-
aggið. Við hjá friðarhreyfing-
unni vildum gjarnan fá að
koma á framfæri að þó að und-
irskriftasöfnuninni væri form-
lega lokið þá er hægt að skrifa
undir á Hallveigarstöðum í
Reykjavík, því verið er að
vinna úr listunum alla þessa
viku og listarnir eru því að
smátínast til okkar. Þar er opið
frá klukkan 10.00 til 19.00 og
hægt er að skrifa undir fram á
laugardag.
Sölufólk í Austurstræti.
Gestur Ólafsson um stofnfund
samtaka um íbúðakaup á sólarströndum:
Stjórnin mun leita
tilskyldra leyfa og
kanna íbúðamarkaðinn
STOFNFUNDUR félags áhugamanna
um sölu íbúða í sólarlöndum til aldr-
aðra, var haldinn fyrir skömmu á hót-
el Borg.
Að sögn Gests Ólafssonar sátu
fundinn á þriðja hundrað gestir og
var hugmyndum forystumanna um
lengri dvöl aldraðra í suðrænni sól
vel tekið.
Kosin var stjórn félagsins og
sitja hana auk Gests, Jóhann Ein-
varðsson, Guðjón Jónsson, Runólf-
ur Sæmundsson, Thorben Fredrik-
sen, Sigfinnur Sigðurðsson og Ást-
hildur Pétursdóttir.
„Fyrstu verkefni stjórnarinnar
verða að fara þess formlega á leit
við viðskiptaráðherra að hann veiti
tilskilin leyfi fyrir starfsemi félags-
ins, gjaldeyrisyfirfærslum og fleira
i þeim dúr. Síðan verður kannað
hvaða staðir komi helst til greina
við íbúðarkaupin og þeir kostir
lagðir fyrir áhugafólk á fundi á
hausti komanda. Ef undirtektir
verða góðar verður síðan efnt til
formlegs stofnfundar félagsins og
málum komið á rekspöl."
Gestur sagði að almenningur
tæki vel í hugmyndir um sólaríbúö-
irnar væru mjög mikil. „Það er
augljóst að fleirum en forsvars-
mönnum finnst tímabært að aldr-
aðir erfiðismenn fái tækifæri til að
eiga ánægjulegt ævikvöld. Margir
ellilífeyrisþegar eru innilokaðir
3—4 mánuði ársins vegna veðurs og
færðar.
íbúð á sólarströnd kostar svipað
og sæmilegur bíll og þar er ódýrara
að lifa en hér heima. Við sem stönd-
um fyrir þessu félagi finnst það.
réttlætismál að þeir sem vilji geti
eytt hluta ársins í sólinni. Hér á
landi er til þekking sem gerir kleift
að fara að öllu með lögum og því þá
ekki að nýta hana.“
Styrktarfélag
Sogns 5 ára
Á ÞESSU ári er Styrktarfélag Sogns 5
ára. Félagið stofnuAu nokkrir ein-
staklingar sem dvalist höfðu á Sogni S
Ölfusi og aðrir velunnarar, árið 1980.
Tilgangur félagsins er tvíþættur.
I fyrsta lagi að styrkja og efla
starfið á Sogni með því að afla fjár
til kaupa ýmiss konar nytjamuna
fyrir heimilið, bæði innanstokks og
utan. t öðru lagi að efla og auka
kynningu og vináttu þeirra, sem á
Sogni hafa dvalist.
Dagana 12.—14. júlí verður hald-
in fjölskylduhátíð á Sogni, þar sem
5 ára afmælisins verður minnst.
Slíkar útihátíðir hafa verið haldnar
á Sogni undanfarin sumur. Núver-
andi formaður félagsins er Her-
mann Ástvaldsson.
(ílr frétutilkynninpil
Farið á lýðháskóla í Noregi
Inni í miðju landi, frábær náttúrufegurö, alþjóölegt
andrúmsloft, ýmsir valmöguleikar í námi. 4 laus
pláss. Vinsamlegast skrifiö eftir nánari upplýsing-
um til:
Hardanger folkehögskole,
5774 Lofthus, Norge,
sími 00947-54-61180.
*
*
vt
+
*
*
*
+
♦
*
♦
*
+
+
+
+
* ♦
» *
í Œ ó n a b st ♦
I KVÖLD KL. 19.30
Aðalvinningur
að verðmœti... .kr. 25.000
Heildarverðmœti
vinninga......kr. 100.000
★★★★★★★★★★★★
NEFNDIN.
Bladburöarfólk
óskast!
Austurbær
Langahlíö,
Háteigsvegur.
ptorgiitsiMitfrifr