Morgunblaðið - 09.08.1985, Blaðsíða 5
MORGUNBLAÐIÐ, FÖSTUDAGUR 9. ÁGÚST 1985
5
Síðustu sumartónleik-
ar í Skálholtskirkju
UM ÞESSA HELGI er síðasta tækifærid til að hlýöa á tónlist Bachs og
Hándels á norra nu tónlistarhátíöinni í Skálholti. Hátíðin er haldin í
tilefni þess aö 300 ár eru liðin frá fæðingu þessara tónsnillinga svo og
Scarlattis. Jafnframt er minnst 10 ára afmælis Sumartónleika í Skál-
holtskirkju. Á þessum lokatónleikum flytja sænsku listamennirnir Eva
Nordenfelt, Clas Pehrsson og Ann Wallström verk fyrir sembal, blokk-
flautu og barokkfiðlu.
Klukkan 15 á laugardag leikur
Eva Nordenfelt fjórar sembal-
svítur eftir Hándel. Eva hefur
komið víða fram sem einleikari
og fyrirlesari. Hún hefur lagt
rækt við sænska barokktónlist,
dregið hana fram í dagsljósið og
flutt bæði á tónleikum og á
hljómplötum. Hún kennir semb-
alleik við tónlistarháskólann í
Stokkhólmi og hefur skrifað
kennslubók um semballeik. Eva
Nordenfelt hefur verið máttar-
stólpi í ýmsum sænskum barokk-
sveitum, m.a. í hóp sem kennir
sig við hallarleikhúsið Dronning-
holm. En hún hefur einnig verið
semballeikari við ballett- og
óperusýningar leikhússins.
Klukkan 17 á laugardaginn
hljóma kammerverk eftir Bach
og Hándel fyrir barokkfiðlu,
blokkflautu og sembal. Flutning-
ur þeirra er í höndum Clas Pehrs-
son blokkflautuleikara, Ann
Wallström fiðluleikara ásamt
með Evu Nordenfelt. Clas Pehrs-
son hefur hlotið mikla viðurkenn-
ingu fyrir blokkflautuleik. Hann
hefur ferðast víða um heim sem
einleikari og einnig kennt túlkun
barokktónlistar á námskeiðum.
Þá er hann aðalflautukennari við
Tónlistarháskólann í Stokkhólmi.
Ann Wallström er langyngst
sænsku listamannanna, aðeins 24
ára gömul. Hún hefur leikið á
barokkfiðlu í Barokksveit Dronn-
ingholm-leikhússins, inn á
hljómplötur og í sjónvarpi m.a.
með „Capella Nuova“ og „Stock-
holms Ensemblen". Ann hefur
kennt barokktónflutning við tón-
listarháskólana í Stokkhólmi og
Malmö.
Á sunnudaginn klukkan 3 verð-
ur samleikurinn á barokkfiðlu,
blokkflautu og sembal endurtek-
inn.
Síðdegis sama dag eða kl. 17 er
guðsþjónusta þar sem sr. Gunnar
Björnsson prédikar og sr. Guð-
mundur Óli Ólafsson þjónar fyrir
altari. Listamenn sjá um tónlist-
arflutning við messuna.
Í tengslum við tónlistarhátið-
Sænski semballeikarinn Eva
Nordfeldt sem leikur á sumartón-
leikum í Skálholtskirkju um næstu
helgi.
ina er sýning frá Goethe-stofnun-
inni í Lýðháskólanum í Skálholti
um ævi Bachs, Hándels og
Schutz. Ennfremur eru þar seldar
veitingar.
Áætlunarferðir eru báða dag-
ana í Skálholt og er farið kl. 13
frá Umferðarmiðstöðinni í
Reykjavík.
Rétt er að taka fram að að-
gangur er ókeypis að tónleikun-
um.
(Úr fréttatilkynningu.)
Afréttarmál Vatnsdælinga:
Lögreglan stjórnaði
rekstri af heiðinni
TVEIR lögreglumenn frá Blönduósi og fólk úr Áshreppi í Vatnsdal fóru í
fyrradag á Haukagilsheiði í Austur-Húnavatnssýslu og sóttu hluta stóðs sera
tveir bændur í Sveinsstaðahreppi í Vatnsdal ráku á heiðina á mánudag í
trássi við úrskurð sýslunefndar um takmörkun beitar á Grímstungu- og
Haukagilsheiöum og öðrum sameiginlegum afréttarlöndum Vatnsdælinga.
Kristján Þorbjörnsson lögreglu-
maður á Blönduósi sagði í gær að
hrossin hefðu verið dreifð um
nokkuð stórt svæði framan afrétt-
argirðingar á Haukagilsheiði.
Hann sagði að auk hrossa frá
tveimur bæjum í Sveinsstaða-
hreppi væru þarna hross úr Þver-
árhreppi á Vatnsnesi en Þver-
hreppingar eiga hluta heiðarinnar
og hafa nýtt hana til hrossabeitar
og fengu einir eigenda heiðarinnar
að reka takmarkaðan fjölda
hrossa á hana í sumar. Kristján
sagði að í fyrradag hefðu komið 63
eða 64 hross niður af heiðinni, en
töluvert væri þar enn af hrossum.
Farið var með stóðið í rétt
Vatnsdælinga, hross úr Þverár-
hreppi tekin frá og rekin aftur á
heiðina en Sveinstæðingum gert
að sækja sín hross sem þeir og
gerðu. I þessum hópi reyndist 21
hross vera frá bæjunum Hjalla-
landi og Hólabaki í Sveinsstaða-
hreppi, en hin úr Þverárhreppi.
Kristján sagði ekki ákveðið með
framhald málsins, það er hvort
bændurnir yrðu sektaðir og látnir
greiða kostnað við smölunina. Þeir
hefðu verið yfirheyrðir og skýrsla
gerð um málið og færi hún til
sýslumanns sem tæki ákvörðun"
um framhaldið.
Loðnuveiðin
gengur vel
FJÖGUR skip eru nú á loðnuveiöum
við Jan Mayen. í gær fengust þær
upplýsingar að þrjú þeirra væru á
leið til lands með fullfermi og var
búist við að fyrsta skipið kæmi til
hafnar í gærkvöld. Hin tvö eru vænt-
anleg í dag og í kvöld. Þetta eru
Júpiter, Svanur og Guðrún Þor-
geirsdóttir sem öll landa afla sínum
á Eskifiröi.
Fjórða skipið, Gísli Árni, hefur
tvisvar landað fullfermi á Rauf-
arhöfn og er nú á leið í þriðja túr-
inn.