Morgunblaðið - 09.08.1985, Blaðsíða 14

14
MORGUNBLAÐIÐ, FÖSTUDAGUR 9. ÁGÚST 1985
garöinn
_______sinn_______
Skólagarðar Reykjavíkur
UMSJÓN/JÓN ÓLAFSSON
med athygli. Morgunblaftií/Þorkell
viku í skólagarðana og reyna
að gera garðinn sinn sem best úr garði.
Það leikur enginn vafí á því að hverju
barni er hollt að kynnast skólagörðunum
því að heilbrigðara áhugamál er vand-
fundið. Börnin læra að taka ábyrgð, þau
fylgjast með vexti og þroska jurtanna, eru
úti við í náttúrunni
og uppskera samkvæmt því sem þau sá,
á allan hátt.
Skólagarðar Reykjavíkur eru á fímm
stöðum í bænum. í Skerjafírðinum,
Árbæ, við Stekkjarbakka í Breiðholti, við
Ásenda og síðast en ekki sízt í
Laugardalnum og það er einmitt þangað
sem leið okkar liggur.
Helga Birna leiðbeinir einni stúlkunni. Sú yngri hlustar á
„Þetta er vel mælt,“ svaraði Birtíngur,
„en maður verður að rækta garðinn
sinn.“ Á þessa leið endar saga Voltaires
af Birtíngi. Þessi setning, að rækta
garðinn sinn, getur þýtt ansi margt og
verður ekki farið út í þá sálma hér nema
þá út í bókstaflega merkingu.
Á hverju sumri er u.þ.b. eitt þúsund
reykvískum börnum úthlutað snotrum
reit og þeim gefínn kostur á að rækta sitt
eigið kál og hlúa að sínu grænmeti.
Hér er verið að tala um starfsemi
Skólagarða Reykjavíkur sem hafa verið
starfandi í fjölda ára og virðast alltaf
njóta jafnmikilla vinsælda. Börn á aldrin-
um 8—12 ára fara nokkrum sinnum í
Verkstjórarnir Helga Birna og Kriatín. Morgunblaðið/Þorkell
„Aðsóknin háð
veðurguðunum“
— Spjallað við verkstjórana Helgu Birnu
Björnsdóttur og Kristínu Jónsdóttur
„ÉG HELD ekki aö aðsókn i
skólagarðana sé að minnka,"
sagði Helga Birna Björnsdóttir í
spjalli við blm. Helga er yfir öll-
um skólagöröum Reykjavíkur-
borgar. Hún var stödd í Laugar-
dalnum ásamt öðrum verk-
stjóra, Kristínu Jónsdóttur, er
blm. bar að garði.
„Þetta hefur a.m.k. staðið síð-
ustu 3 árin,“ bætti Kristín við.
„Þetta hafa verið á milli 800 og
1000 börn sem hafa verið skráð
á hverju sumri."
Kostar ekkert að vera í skóla-
görðunum?
„Vissulega en ætli það teljist
nokkuð umtalsvert að borga 200
kr. fyrir sumarið, en það er upp-
hæðin sem hvert barn þarf að
greiða," svöruðu stöllurnar.
„Það er borgað með greyjunum".
Hvernig fer sumarstarf skóla-
garðanna fram?
„Snemma í júní hreinsa
krakkarnir garðana sína vel og
vandlega, taka steina í burtu og
svoleiðis og setja niður. Aðal-
tíminn fer svo í að reyta arfa, en
af honum er yfirleitt nóg og síð-
an er tekið upp.“
Blm. rak augun í forláta
stundatöflu sem hékk upp á
vegg og gerir sjálfsagt enn.
„Já, þetta er nú stundataflan
okkar,“ segir Kristín. „Á mánu-
dögum, miðvikudögum og föstu-
dögum er unnið í görðunum og á
þriðjudögum og fimmtudögum
förum við í leiki, ferðalög eða
gerum eitthvað sniðugt."
Þegar þetta er skrifað er
fimmtudagur og kallaðist hann
kökudagur hjá krökkunum í
Laugardal. Þegar arfinn hafði
verið reyttur samviskusamlega
fengu allir kökur og kakó.
Þið nefnduð ferðalög?
„Já, eða gönguferðir. Við höf-
um farið með krakkana í Ás-
mundarsafn, niður á Tjörn að
gefa öndunum og einn daginn
fórum við í Nauthólsvík."
Mæta börnin reglulega 5 sinn-
um í viku?
„Nei, ekki öll en sum gera það
og sýna mikinn áhuga."
Þið getið ekkert skikkað þau
til að mæta eins og í skólann?
„Nei. Þau fara gjarnan í
ferðalög með foreldrum og svo
eru áhugamálin oft svo mörg.
En við gefum þeim einkunnir,
verðlaunum garðana og slíkt og
þannig rekum við dulítið á eftir
þeim,“ svarar Kristín.
Hvert er starf ykkar verk-
stjóranna?
„Við aðstoðum þau auðvitað
eftir bestu getu og reynum að
kenna þeim það sem við kunnum
um jurtirnar..."
Vitið þið allt um jurtir? greip
blaðamaður fram í.
„Kannski ekki allt, en svona
eitthvað."
Er þekkingin byggð á starfs-
reynslu eða ... ?
Kristín svaraði: „Ja, ég t.d.
var að útskrifast af náttúru-
fræðibraut úr menntaskóla."
Ekki eru krakkarnir hérna
allan daginn?
„Nei, nei. Þau eru svona 2
tíma í senn. Við skiptum þessu í
þrjá hópa. Fyrsti hópurinn byrj-
ar klukkan 8, annar hópurinn
klukkan 10 og sá þriðji klukkan
1,“ svarar Helga.
Er ekki aðsókn í skólagarðana
háð mildi veðurguðanna frægu?
„Jú, þetta fer mikið eftir veðri
og vindum og veðrið þetta
sumar getur jafnvel haft áhrif á
aðsókn í skólagarðana næsta
ár,“ segir Helga.
Hvernig þá?
„Nú, sumarið f fyrra var eins
og þú veist slæmt veðurfarslega
séð. Sjaldan sól og það hefur að-
eins haft áhrif á aðsóknina í ár.
Næsta ár gæti orðið virkilega
gott því það hefur viðrað vel í
sumar."
Nú eru skólagarðarnir á fimm
stöðum í bænum, Helga. Er mik-
ill munur á afstöðu krakkanna
til þess sem þau eru að gera t.d.
í Breiðholtinu og í Skerjafirðin-
um?
„Töluverður. Flestir krakk-
arnir sem eru í görðunum við
Stekkjarbakka, sem eru reyndar
þeir fjölmennustu í bænum,
koma úr Seljahverfinu með
strætisvagninum. Aðalmálið hjá
þeim mörgum er að geta klárað
verk sitt áður en skiptimiðinn
til baka rennur út. Ég held að
hann gildi í þrjú korter eða þar
um bil. Þar er því allt á fleygi-
ferð, könnur og fötur á lofti og
mikill hamagangur. Það hefur
vissulega sín áhrif að vegna hins
mikla fjölda barna í Breiðholt-
inu geta verkstjórarnir ekki
leiðbeint hverjum og einum sem
skyldi. í Skerjafirðinum er það
áberandi hve strákarnir eru
duglegir við að mæta, öfugt við
hina staðina. Þetta eru flestallt
gallharðir KR-ingar með mik-