Morgunblaðið - 09.08.1985, Blaðsíða 35

MORGUNBLAÐIÐ, FÖSTUDAGUR 9. ÁGÚST 1985
35
Minning:
Baldvin Sveinsson
frá Alfatröðum
Fæddur 26. mars 1904
Dáinn 29. júlí 1985
Þann 29. júlí sl. andaðist Bald-
vin Sveinsson í Fjórðungssjúkra-
húsinu á Akranesi eftir nokkra
sjúkdómslegu. Hann fæddist á
Faxastöðum í Breiðuvík 26. marz
1904 og var eitt af mörgum börn-
um þeirra hjóna Sveins Klemens-
sonar og Þuríðar Halldórsdóttur
er þar bjuggu. Tólf ára gamall
flutti hann inn í Dali að Álfatröð-
um í Hörðudal til hjónanna Péturs
Gunnlaugssonar og Guðnýjar
Ólafsdóttur. Þeirra naut þó ekki
lengi við, því Guðný lézt árið 1918,
en Pétur árið 1926, bæði langt um
aldur fram. Það sama ár hófu for-
eldrar mínir búskap í Álfatröðum.
Baldvin hafði þá þegar átt þar
heima í tíu ár, og áfram stóð
heimili hans þar um áratuga skeið
eða allt þar til er foreldrar mínir
brugðu búi árið 1970. Raunar var
Baldvin þar áfram eftir það, en
t
Kæi ar þakkir fyrir auösýnda samúö og vinarhug viö andlát og jarö-
arför eiginkonu minnar og móöur minnar,
HELGU Þ. KRÖYER.
Ásgeir Kröyer,
Anton B. Kröyer.
t
Innilegar þakkir fyrir auösýnda samúö og hlýhug vlö andlát og útför
móöur okkar, tengdamóöur og ömmu,
MÖRTU PÉTUR8DÓTTUR,
Eskihlíö 18.
Sérstakar þakkir til lækna og starfsfólks Borgarspitalans.
Jóhann Pétur Sigurösson,
Jón Ármann Sigurösson,
Ingibjörg ölvisdóttir.
t
Þökkum innilega samúö og vinarhug viö andlát og útför móöur
okkar, tengdamóöur og ömmu,
PÁLÍNU BJARNADÓTTUR,
Rauöageröi 74.
Sérstakar þakkir færum viö hjúkrunarliöi á öldrunarlækningadeild
Landspítalans, Hátúni 10B fyrir ómetanlega umhyggju í veikindum
hennar.
Bjarni, Magga og Skarphóðinn,
tengdadóttír og barnabörn.
Þökkum innilega samúö og vlnarhug viö andlát og útför
ÁSDÍSAR ÁSMUNDSDÓTTUR,
Vesturgötu 43, Akraneai.
Júlíus Þóröarson,
Guörún E. Júlíusdóttir,
Ragnheiöur Júlíusdóttir,
Emilía Á. Júliusdóttir
Þóröur Á. Júlíusson,
Ásdis E. Júlfusdóttir,
Gunnhildur J. Júlíuadóttir,
barnabörn og
Björgvin Hagalínsson,
Gunnar Þ. Jónsson,
Guömundur Bertelsson,
Erna Gunnarsdóttir,
Aöalsteinn Aöalsteinsson,
Smári Hannesson,
barnabarnabörn.
+
Þökkum innilega samúö og vinarhug vlö andlát og útför eiginmanns
míns,
BRAGA RUNÓLFSSONAR
húsasmiöameistara,
Miöhúsum, Hvolhreppi.
Sérstakar þakkir til starfsfólks Sjúkrahúss Selfoss.
Ragnhildur G. Lárusdóttir
og fjölskylda.
Birting afmœlis- og
minningargreina
ATHYGLI skal vakin á því, að afmælis- og minn-
ingargreinar verða að berast blaðinu með góðum
fyrirvara. Þannig verður grein, sem birtast á í mið-
vikudagsblaði, að berast í síðasta lagi fyrir hádegi á
mánudag og hliðstætt með greinar aðra daga. í minn-
ingargreinum skal hinn látni ekki ávarpaður. Þess
skal einnig getið, af marggefnu tilefni, að frumort
ljóð um hinn látna eru ekki birt á minningarorðasíð-
um Morgunblaðsins. Handrit þurfa að vera vélrituð
og með góðu línubili.
var síðan um skeið á Hrútsstöðum
og í Glerárskógum uns hann flutti
einn fyrstur vistmanna á dvalar-
heimili aldraðra í Búðardal. Frá
uppvaxtarárum mínum í Álfa-
tröðum á ég margar minningar
um Baldvin eins og gefur að skilja.
Hann var kappsamur við vinnu
sína og á annatímum lagði hann
nótt við dag og beitti sjálfan sig
svo hörðu að hélt við meinlæti eða
svo fannst mér. Þó gekk hann ekki
alltaf heill til skógar var t.d. hald-
inn exemi sem olli honum ómæld-
um þjáningum við störf hans, en
Baldvin var ætíð fjarri skapi að
láta bugast fyrir erfiðleikum. Þeg-
ar aðstæður kröfðust meiri af-
kasta var vinnustundum fjölgað.
Hætt eftir að dimmt var orðið í
stað þess að ganga heim frá orfinu
er rökkva tók. Þó var þetta ekki
aðeins strit því hann unni búskap
og bar hag heimilisins og fjöl-
skyldunnar mjög fyrir brjósti.
Hann var mikil stoð þess allan
tímann er foreldrar mínir bjuggu í
Álfatröðum. Er fram liðu stundir
skildu leiðir okkar að nokkru.
Baldvin var þó eftir sem áður
hluti af æskuheimili okkar systra
og trölltryggur vinur barna okkar
er þau tóku að koma til sumar-
dvalar hjá afa sínum og ömmu.
Hann hafði þau með sér við bú-
stangið, fræddi þau um kýr og
hesta, sem og um uppáhaldsbúfén-
að sinn, ærnar, en hann var fjár-
glöggur með afbrigðum.
Hann var í þeirra huga jafn
sjálfsagður og ómissandi hluti
Álfatraðaheimilisins og hann
hafði áður verið mér. Og árin liðu,
foreldrar mínir og Baldi eins og
við jafnan kölluðum hann, urðu
gamalt fólk. Þau hættu búskap og
eignuðust heimili hér syðra og
hann reyndi jafnvel að gera slíkt
hið sama. Honum tókst það ekki.
Dalirnir áttu hug hans allan. Eg
held að hann hefði hvergi þrifist
annars staðar til lengdar. Alla ævi
hafði hann verið mjög hófsamur
og komst því vel af fjárhagslega.
Hann varð engum háður og var
því fremur veitandi en þiggjandi.
Þess nutu ýmsir og nú síðast dval-
arheimili aldraðra i Búðardal.
Fyrir rúmu ári flutti hann þar inn
og hugðist eyða þar ævikvöldinu.
Ég heimsótti hann þangað á liðn-
um vetri. Hann hafði búið sér þar
vistlegt herbergi, en hið sameig-
inlega svo sem mötuneyti, setu-
stofa, og önnur sameiginleg þjón-
usta var enn ókomin. Hann hlakk-
aði til þess er það kæmi, en átti
jafnframt erfitt með að skilja hve
seint gengi að koma þeim þætti
starfseminnar á legg, slíkur ákaf-
amaður sem hann hafði verið i
verkum sínum. Síðari hluta vetrar
hrakaði honum fljótt og með vor-
inu var hann fluttur í sjúkrahúsið
á Akranesi, þaðan sem hann átti
ekki afturkvæmt. Ég kom nokkr-
um sinnum til hans á meðan hann
dvaldi í sjúkrahúsinu og við höfð-
um reglulega samband í síma. Mér
verður æ minnisstætt hve hugur
hans leitaði vestur f Dali. Þangað
þráði hann að komast sem fyrst og
þangað fer hann nú þótt með öðr-
um hætti sé, því í dag verður hann
jarðsettur frá sinni gömlu sókn-
arkirkju að Snóksdal. Þar hafði
hann kosið sér legstað.
Nú að leiðarlokum flyt ég hon-
um þakklæti mitt og fjölskyldu
minnar fyrir trúmennsku, um-
hyggju og hjálpsemi alla á liðnum
árum. Við munum ávallt minnast
trygglyndi hans og vináttu.
Erla Hjartardóttir
Þeim fækkar nú ört góðvinum
mínum úr Dölunum. Hinn 27.
janúar sl. lést í hárri elli á heimili
sínu í Reykjavík Hjörtur ög-
mundsson, fyrrverandi bóndi og
hreppstjóri í Álfatröðum í Hörðu-
dal. Nú er nýlátinn í Fjórðungs-
sjúkrahúsinu á Akranesi eftir
skamma iegu Baldvin Sveinsson,
vinur minn og uppeldisbróðir, er
jafnan var kenndur við Álfatraðir
en þar var heimili hans og starfs-
vettvangur í meira en hálfa öld.
Hann verður jarðsunginn frá
Snóksdalskirkju i dag.
Baldvin fæddist hinn 26. mars
1904 og var því á 82. aldursári er
hann lést. Foreldrar hans voru
Sveinn Klemensson frá Gröf í
Miðdölum og kona hans Þuriður
Halldórsdóttir bónda Péturssonar
á Leysingjastöðum í Hvamms-
sveit. Um ættir þeirra hjóna má
lesa í Æviskrám Dalamanna eftir
séra Jón Guðnason. Þau voru bæði
komin af kunnum bændaættum.
Sveinn ættaður úr Suðurdölum en
ættir Þuríðar flestar úr Vestur-
sýslunni.
Sveinn var bóndi á Ásgarði í
Dölum árin 1884—1891. Bjó síðar í
Gröf í Miðdölum, á Faxastöðum í
Breiðuvík og víðar. Á þessum tím-
um lá jarðnæði ekki á lausu, oft
hart í ári og mikil fátækt. Það var
því ekki auðvelt að sjá heimili far-
borða með mikinn barnahóp.
Baldvin fæddist á Faxastöðum og
var yngstur í hópi þeirra 9 systk-
ina sem upp komust. Tvö þeirra
eru enn á lífi, Guðbjörg og Karl,
nú bæði búsett í Reykjavík.
Með Sveini Klemenssyni og föð-
ur mínum, Pétri Gunnlaugssyni,
var vinátta með frændsemi. Það
var m.a. af þeirri ástæðu að Bald-
vin kom til dvalar hjá foreldrum
mínum 1916, þá 12 ára gamall. 7
ára aldursmunur var á okkur. Er
ég fór að vaxa úr grasi var hann
mér sem nærgætinn eldri bróðir,
bæði á sorgar- og gleðistundum. Á
ég þvi margar góðar minningar úr
barnæsku um þennan fósturbróð-
ur minn.
Baldvin var föður mínum ómet-
anleg stoð og stytta við búskapinn
í Álfatröðum, sem eftir lát móður
minnar, árið 1918, var að vísu
smár í sniðum. Faðir minn var oft
langdvölum fjarverandi að vetr-
arlagi vegna farkennslu í öðru
héraði. Baldvin varð þvi að annast
búskapinn einn sins liðs, þótt ung-
ur væri. Gerði hann það af mikiíli
trúmennsku. Væri honum ætlað
Verk var það ætíð vel af hendi
leyst. Hann var hörkuduglegur,
knár, fylginn sér og útsjónarsam-
ur við öll störf.
Þegar faðir minn dó árið 1926
skildi leiðir. Ég fór alfarinn úr
Dölunum en Baldvin varð kyrr i
Álfatröðum og vistaðist hjá Hirti
Ögmundssyni og Kristínu konu
hans, sem þá fluttust þangað.
Dvaldi hann hjá þeim alla þeirra
búskapartið og „lagði sitt starf við
þeirra af mikilli fórnfýsi", eins og
segir í minningargrein um Hjört
Ögmundsson i Morgunblaðinu frá
3. febrúar sl. Telst mér svo til, að
Baldvin hafi starfað við búskap i
Álfatröðum í meira en hálfa öld,
eða samfleytt um 55 ára skeið. I
Dalasýslu átti hann heima til
dauðadags, nú siðast sem vistmað-
ur á Dvalarheimili í Búðardal.
Allir sem kynntust Baldvin
Sveinssyni reyndu hann að
mannkostamanni og góðum dreng.
Hann var einstaklingshyggjumað-
ur að eðli og uppeldi. Vel viti bor-
inn, greindur, fróður um málefni
héraðs síns. Hafði mikinn áhuga á
þjóðmálum og landshögum og
ákveðnar skoðanir i þeim efnum.
Trygglundaður var hann og góð-
viljaður, ráðhollur og hjálpsamur
sveitungum sínum. Nutu þess
margir bæði skyldir og vandalaus-
ir.
Ég og fjölskylda mfn þökkum
honum nú að leiðarlokum órofa
vináttu og tryggð í okkar garð og
biðjum honum blessunar guðs.
Hvíli hann í friði.
Gunnlaugur Pétursson
AMERÍKA
PORTSMOUTH/NORFOLK
Bakkafoss 3. sept.
Vessel 17. sept.
Bakkafoss 1. okt.
NEW YORK
Bakkafoss 2. sept.
Vessel 16. sept.
Bakkafoss 30. sept.
HALIFAX
Bakkafoss 6. sept.
BRETLAND/MEGINLAND
IMMINGHAM
Álafoss 11. ágúst
Eyrarfoss 18. ágúst
Álafoss 25. ágúst
Eyrarfoss 1. sept.
FELIXSTOWE
Álafoss 12. ágúst
Eyrarfoss 19. ágúst
Álafoss 26. ágúst
Eyrarfoss 2. sept.
ANTWERPEN
Alafoss 13. ágúst
Eyrarfoss 20. ágúst
Alafoss 27. ágúst
Eyrarfoss 3. sept.
ROTTERDAM
Alafoss 14. ágúst
Eyrarfoss 21. ágúst
Álafoss 28. ágúst
Eyrarfoss 4. sept.
HAMBORG
Álafoss 15. ágúst
Eyrarfoss 22. ágúst
Álafoss 29. ágúst
Eyrarfoss 5. sept.
GARSTON
Fjallfoss 13. ágúst
Fjallfoss 27. ágúst
AVEIRO
Skeiösfoss 3. sept.
Lissabon
Skeiösfoss 5. sept.
NORÐURLÖND/
EYSTRASALT
BERGEN
Skógafoss 11. ágúst
Reykjafoss 18. ágúst
Skógafoss 25. ágúst
Reykjafoss 1. sept.
KRISTIANSAND
Skógafoss 12. ágúst
Reykjafoss 19. ágúst
Skógafoss 26. ágúst
Reykjafoss 2. sept.
MOSS
Skógafoss 13. ágúst
Reykjafoss 20. ágúst
Skógafoss 27. ágúst
Reykjafoss 3. sept.
HORSENS
Reykjafoss 23. ágúst
Reykjafoss 6. sept.
GAUTABORG
Skógafoss 14. ágúst
Reykjafoss 21. ágúst
Skógafoss 28. ágúst
Reykjafoss 4. sept.
KAUPMANNAHÖFN
Skógafoss 15. ágúst
Reykjafoss 22. ágúst
Skógafoss 29. ágúst
Reykjafoss 5. ágúst
HELSINGBORG
Skógafoss 16. ágúst
Reykjafoss 22. ágúst
Skógafoss 30. ágúst
Reykjafoss 5. sept.
SKOGN
Lagarfoss 12. ágúst
ÞRANDHEIMUR
Lagarfoss 13. ágúst
ÞÓRSHÖFN
Skógafoss 10. ágúst
Skógafoss 24. ágúst
Áætlun innanlands.
Vikulega: Reykjavík, ísa-
fjöröur, Akureyri.
Hálfsmánaóarlega: Húsa-
vík, Siglufjöröur, Sauöár-
krókur, Patreksfjöröur og
Reyöarfjöröur.
EIMSKIP
Pósthússtræti 2.
Sími: 27100