Morgunblaðið - 09.08.1985, Blaðsíða 42
42
MORGUNBLAÐIÐ, FÖSTUDAGUR 9. ÁGÚST 1985
„ Eg v/il llka nota htkjfkr\S t'U ab
þaklax lövunum fyrir ucm. cL
rLttum sb(x& d r«ttum tíma."
HÖGISTI HREKKVlSI
Þessi kappsfulla sundmær virðist ekki hafa tapað hringnum, ef marka
má brosið.
Þessir hringdu . . .
Höfundur
þulunnar
Guðmundur A. Finnbogason,
Hrafnistu Hafnarfirði
hringdi:
Að undanförnu hefur þulan
Sat ég undir fiskihlaða föður
míns verið birt alloft í Velvak-
anda. Hins vegar hefur höfundur
hennar aldrei verið nefndur.
Þulan hefur verið birt í ýmsum
útgáfum, en enginn farið með
hana eins. Ég veit ekki betur en
að þula þessi sé eftir Jón Þor-
kelsson, Jón Torkillii, skóla-
meistara í Skálholti. Hann var
siðbótamaður og stórgjöfull
skólamaður sem allir Islend-
ingar ættu að þekkja. Mér var
sagt þetta þegar ég var ungling-
ur, en einnig hef ég lesið það í
bókum. Jón Þorkelsson fæddist á
býlinu Innri-Njarðvík 1697, son-
ur hjónanna Þorkels Jónssonar
lögréttumanns og Ljótunnar
Sigurðardóttur er þar bjuggu á
árunum 1690—1707. Jón Torkillii
dó í Danmörku 5. maí 1759. Ég
las þessa þulu fyrir um 60 árum,
orðrétta eins og hún birtist í
Velvakanda frá ólafi Tryggva-
syni, Einimel 15 í Reykjavík.
Hringur fannst
Starfsmaður sundlaugarinnar á
Laugarvatni hringdi:
Fyrir um það bil mánuði fund-
um við hring hér í sundlauginni.
Inn í honum stendur „Þinn
Stjáni“. Við biðjum þann sem
saknar hrings sem lýsing þessi á
við að hafa samband við okkur
sem fyrst. Upplýsingar er að fá í
síma 6164 á Laugarvatni. Okkur
þætti vænt um ef hann kæmist
til eiganda síns.
Hvað veldur
verðmismun
á klippingu?
Á.D.Ó. hringdi:
Mig langar til að vekja aðeins
athygli á þeim mikla verðmism-
un sem er á klippingu á öllum
hárgreiðslustofum bæjarins. Til
dæmis get ég nefnt að klipping á
hárgreiðslustofunni Gýgju kost-
ar kr. 430, Hárgreiðslustofu
Siggu Finnbjörns kr. 505, Hár-
greiðslustofunni Klapparstíg kr.
495 og Hárstúdíó kr. 341, svo að
nokkur dæmi séu tekin. Hér er
alls staðar um að ræða sama
hlutinn. Hvernig stendur á þess-
um mikla verðmismun?
Bréfritari telur eftirlitið á Keflavíkurflugvelli jafngilda tollskoðun.
Veisla í farángrinum
l*orleifur Kr. Guðlaugsson, Lang-
holtsvegi 122, skrifar:
Ég vil vekja athygli manna á
því, að nú er veisla hjá Alþýðu-
bandalaginu. Þeir segja að engin
tollskoðun fari fram á varningi til
varnarliðsins. Steikurnar rjúka nú
á borðum þeirra og ilmurinn berst
með málgagninu út um byggðir
landsins. Þeim hefur tekist, eins
og svo oft áður, að gera mikinn
mat úr litlu. Allir vita að bannað
er að flytja kjötvörur og fleira út
af Keflavíkurflugvelli og er að ég
hygg haft nokkuð gott eftirlit með
því. Þar, eins og annars staðar, er
vart hægt að ganga algerlega úr
skugga um að ekki sé smyglað. í
þessu tilfelli er ég þeirrar skoðun-
ar að eftirlitið jafngildi tollskoð-
un. Hitt er svo annað mál, að
varnarliðsmenn eru ekkert of góð-
ir til að éta íslenskar landbúnað-
arvörur.
Mikill
hvalreki
Guðrún Jaroh.sen skrifar:
Velvakandi.
Ég get ekki látið hjá líða, að
þakka fyrir söguna Framavonir
eftir Erlend Jónsson, sem flutt var
í útvarpinu laugardagskvöldið 3.
ágúst, og höfundur las sjálfur al-
deilis skínandi vel. Svona vel gerð
saga úr nútíma baráttulífi um
brauðið, rekur eins sjaldan á fjör-
ur hlustenda og ríflegur happ-
drættisvinningur í buddu manns,
sem búinn er að endurnýja í 40 ár.
Sagan Framavonir á það ekki
síður skilið en smásagan Innbrot í
postulín, lesin af Rúrik Haralds-
syni og sagan Horfin að eilífu, les-
in af Helga Skúlasyni, báðar eftir
Þröst J. Karlsson, að vera endur-
tekin í flutningi, jafnvel mætti
hún gjarnan vera lesin upp í kaffi-
pásum hjá öllum opinberum stofn-
unum í guðs eigin landi. En þá ber
að athuga, að eigi skal misnota
góða hluti svo allir verði ekki leið-
ir á öllu.
Skrifið eða
hringið til
Velvakanda
Velvakandi hvetur lesendur til að
skrifa þættinum um hvaðeina, sem
hugur þeirra stendur til — eða
hringja milli kl. 14 og 15, mánudaga
til föstudaga, ef þeir koma þvi ekki
við að skrifa. Meðal efnis, sem vel
er þegið, eru ábendingar og orða-
skipti, fyrirspurnir og frásagnir,
auk pistla og stuttra greina. Bréf
þurfa ekki að vera vélrituð, en nöfn,
nafnnúmer og heimilisföng verða
að fylgja öllu efni til þáttarins, þó
að höfundar óski nafnleyndar.
Sérstaklega þykir ástæða til að
beina því til lesenda blaðsins utan
höfuðborgarsvæðisins, að þeir láti
sinn hlut ekki eftir liggja hér f
dálkunum.