Morgunblaðið - 20.08.1985, Blaðsíða 13

MORGUNBLAÐIÐ, ÞRIÐJUDAGUR 20. ÁGÚST 1985
13
Clifford bogalistin og drepur
eina stúlkuna, þar sem hún
fékkst ekki til aö afhenda honum
veskið. Um svipað leyti er löggan
Bert Willis að jafna sig eftir
spítalavist og skotárás og fær
heimsókn af gömlum kunningja,
sem hefur áhyggjur af því að
mágkona hans sé að lenda á
glapstigum. Skömmu síðar
finnst stúlkan myrt. Gæti Cliff-
ord hafa verið að verki? Eða ein-
hver annar sannfærandi söku-
dólgur? Gæti það verið mágur-
inn ofangreindi? Þessi sóma-
maður. Þetta upplýsist um síðir
og það er náttúrulega mergurinn
málsins.
Evely Atnhony: The Persian
Kansome
Útg. Corgi
Margir lesa bækur Evely
Anthony sér til óblandinnar
ánægju og þótt þessi bók sé ekki
alveg ný af nálinni má vel geta
hennar sem stundarlesningar.
Hún hefst i íran íasíðustu
valdaárum keisarans. íranskt
olíufélag er að gera samning við
milljónamæringinn Logan Field.
Þó er andstaðan innanlands
mikil við samninginn og ýmis
samtök sem eru á því að með því
sé beinlinis verið að selja útlend-
ingum sjálfdæmi i oliuvinnslu
landsins. Samningurinn er þvi
fagnaðarefni öllum. Aðstoðar-
maður Logan Fields, Kelly, á
ekki hvað minnstan þátt i að
sannfæra hina ýmsu ráðherra,
sem eru fjandsamlegir í garð
Vesturlanda um nauðsyn þess að
gera samninginn.
Þá láta hryðjuverkamenn —
eða hugsjónarmenn eftir því
hvernig á það er litið — til skar-
ar skríða. Þeir ræna eiginkonu
Logans, Eiieen Field, og æsist nú
leikurinn. Samtökin hafa að visu
ekki tekið það með í reikninginn,
að hjónaband þeirra Logan-
hjóna er lítið meira en nafnið
eitt. Samt er hæpið að Logan
Field geti staðið hjá aðgerðar-
laus eftir að konu hans hefur
verið rænt.
Fyrirferðarmesti kafli bókar-
innar segir frá fangavist Eileen
og samskiptum hennar við
hryðjuverkamennina. Það er
verulega spennandi hvemig Eve-
lyn Anthony tekst að spinna
þráðinn af leikni og ritgleði og
mannlegu innsæi þótt hvergi sé
kafað djúpt. Þó svo að Eileen og
hryðjuverkaforinginn verði ást-
fangin hvort af öðru í lokin, er
Evelyn Anthony ekki svo fávís
að fara að útbúa happy-end á
söguna.
Paul Theroux: Doctor Slaughter
Útg. Penguin 1985
Lauren Slaughter er nýkomin
til London frá Bandaríkjunum,
hún er að skrifa ritgerð um nýt-
ingu olíu og olíulindir hvarvetna
í heiminum. Ekki smáræðis verk
sem hún færist í fang og við nán-
ari athugun eiginlega fáránlegt,
til að byrja með verður ekki ann-
að séð en hún ætli að nota allan
tímann (og peningana) til að
skemmta sér fyrir og sofa hjá
hverjum sem er. Hún kemst
fyrir einhvern dularfullan hátt í
kynni við Jasminuskrifstofuna
sem útvegar erlendum auðmönn-
um einmana á viðskiptaferðum í
London, fylgdarmeyjar fyrir
drjúga upphæð svona kvöld-
stundir — og nætur með. Fram
eftir allri bók sá ég ekki betur en
þetta væri rétt og slétt kjaftæði
þótt höfundur megi eiga það að
hann skrifar af stakri leikni.
En svo fer að breytast — eig-
inlega án þess að þessi hámennt-
aða glæsikona verði þess vör og
áður en hún veit af kemur í ljós
að hún hefur á skipulagðan og
yfirvegaðan hátt verið notuð af
hvítflibbaglæponum, sem hafa
strax í byrjun áttað sig á fé-
græðgi hennar og hégómagirnd.
Þá fer gamanið af og óhugnaður-
inn í síðustu köflunum er næst-
um áþreifanlegur og sömuleiðis
skýrist þá margt í fyrri hlutan-
um, sem við fljótan yfirlestur
hafði sýnst harla léttvægt. Þessi
bók er að koma út í pappírskilju
þessa daga og verið er að leggja
síðustu hönd á kvikmynd eftir
henni sem heitir Half Moon
Street.
Hólar í HjalUdal.
300 manns voru
á Hólahátíðinni
Bæ, HórAaMtrónd. 1». ápÍKt.
DÁSAMLEGT veóur var, eins og
alltaf er á Hólahátíð, er nær 300
manns sóttu Hóla heim. 16 skrýddir
presUr gengu í kirkju. En það
óvenjulega gerðist að hvorki aðal-
biskup né vígslubiskup gátu sótt há-
tíðina, en sendu hátíðinni hjartan-
legar kveðjur.
Það setur mikinn svip á Hóla-
hátíð að skólastjórinn, Jón
Bjarnason, skuli vera meðhjálpari
í kirkjunni. Fyrir altari þjónuðu
séra Jón H. Þórarinsson, séra
Árni Sigurösson, séra Ingimar
Ingimarsson, séra Bjartmar Guð-
mundsson prófastur og séra Bolli
Gústavsson. Prédikun flutti í
dómkirkjunni Hanna María Pét-
ursdóttir, sem mun vera með
fyrstu kvenprestum sem þjóna í
prédikunarstól Hóladómkirkju.
Hún lagði út af orðum Krists
„Hver sem vill fylgja mér afneiti
sjálfum sér og fylgi mér“. Sigríður
Schioth sá um ágætan söng
kirkjukórs Grundarþinga í Eyja-
firði.
Kaffiveitingar voru framreidd-
ar heima á skólasetri. En aftur
byrjaði hátíðin kl. 4.30 með ávarpi
séra Hjálmars Jónssonar prófasts
Skagfirðinga þar sem tilkynnt var
að Hólafélagið hefði þennan sama
dag samþykkt að vígslubiskup
Hólastiftis verði framvegis bú-
settur að Hólum. Einsöng flutti
Ágústa Ágústsdóttir við undirleik
séra Gunnars Björnssonar selló-
leikara. Söngur og samspil nutu
sín vel í dómkirkjunni. Séra
Heimir Steinsson þjóðgarðsvörður
flutti ræðu, „Kirkja á krossgöt-
um“. Eftir þetta söng kirkjukór
Grundarþinga en séra Bolli
Gústavsson í Laufási var kynnir
og sleit ánægjulegri Hólahátið.
Aldrei bregst þeim er heim að
Hólum sækja þennan dag.
Björn í Bæ
COROLLA1600 GT
Corolla Coupé GT og Corolla Sedan GT eru sportbílar
með yfirburða aksturseiginleika ogútlit sem vekur athygli.
Skynja má afl og öryggi, jafnvel áður en sest er undir stýri.
Léttbyggð, 16 ventla, 2 knastása vélin með rafeindastýrðri
bensíninnspýtingu er sannkallað orkuver.
Úrvals stýris- og fjöðrunarbúnaður, t.d.
diskabremsur og gasdemparar við öll .hjól, 5 gíra kassi,
tannstangarstýri og lítil loftmótstaða gera Corolla sérlega
lipra, snöggaog skemmtilega í akstri.
Þeir sem gera miskunnarlausar kröfur og taka akstur
bifreiða alvarlega treysta Corolla 1600 GT.
DRKUVER!
Verð frá kr. 519 þús
Nybylavegi 8 200 Kópavogi S 91 -44144