Morgunblaðið - 20.08.1985, Blaðsíða 23

MORGUNBLAÐIÐ, ÞRIÐJUDAGUR 20. ÁGÚST 1985
23
Marokkó:
Páfi býður múhameðs-
trúarmönnum samstarf
Nairobi, Kcnýa, 19. ápwL AF.
ARFÍKUFÖR Jóhanncsar Páls páfa II er nú aó Ijúka en í gær kom
hann til Marokkó í Norður-Afríku. Segja embættismenn í páfagarði, að
ferðin þangað sé farin í þeim táknræna tilgangi að boða frið og sam-
starf kaþólsku kirkjunnar og múhameðstrúarmanna.
Fyrirhugað var að Jóhannes
Páll páfi, sem kaþólskir menn
segja að sé 263. eftirmaður Péturs
postula, ætti fund með Hassan II
konungi, beinum afkomanda Mú-
hameðs að því er sagan segir, og
síðan átti hann að flytja ræðu á
fundi með 80.000 múhameðskum
ungmennum frá 20 löndum. Verð-
ur það einstæður atburður í sögu
trúarbragðanna og aldrei fyrr hef-
ur kaþólskur páfi verið opinber
gestur í arabísku landi.
Samstarf kristinna manna og
múhameðstrúar verður aðalum-
ræðuefnið á fundi þeirra páfa og
Hassans en einnig þykir víst, að
talið berist að Jerúsalem, sem
ísraelar lögðu undir sig árið 1967.
Kaþólska kirkjan hefur margoft
hvatt til, að borgin verði undir al-
þjóðlegri stjórn en hún er helg í
augum kristinna manna, múham-
eðstrúarmanna og gyðinga.
„Nú veit ég, hvað ham-
arinn og sigðin merkja“
Slokkhólmi, 19. ágúst. AP.
SÆNSK kona tjaldaði fyrir utan sovéska sendiráðið í Stokkhólmi um helgina og
fór í hungurverkfall til þess að krefjast þess, að unnusta hennar, sem er
SovétiAaður, verði veitt frelsi.
Konan, sem heitir Marie-Anne
Farrow og er þrítug að aldri, var
klædd í brúðarkjól. Hún sagði
fréttamönnum, að -unnusti hennar,
Valentin Jurov, hefði verið teltinn
höndum og settur á geðsjúkrahús í
Moskvu aðeins nokkrum vikum fyrir
áætlaðan brúðkaupsdag þeirra 5.
júlí sl.
Hún sagði, að þau hefðu hist í
Moskvu í fyrra, er hún var þar á
ferðalagi, og hefðu þau verið búin að
fá leyfi yfirvalda til að giftast.
Farrow kvaðst vera listamaður og
eiga heima í Wasterás. Unnusti
hennar hafði verið blaðamaður, en
misst vinnuna.
„Nú skil ég, hvað hamarinn og
sigðin merkja í rauninnisagði hún
við blaöamenn úti fyrir tjaldi sínu
við dyr sendiráðsins. „Hamarinn á
að merja í sundur hjörtun og sigðin
að skera á bönd ástarinnar."
Starfsmenn sovéska sendiráðsins
neituðu að ræða við konuna nema
hún hætti mótmælaaðgerðum sín-
um fyrst, en' hún sagðist ekki trúa
orðum þeirra.
Sænska utanríkisráðuneytið
kvaðst ætla að athuga málið með
aðstoð sendiráðsins í Moskvu.
Breska ríkisútyarpið sætir gagnrýni á ný:
Fylgist leyniþjónustan
með ráðningum og stöðu-
hækkunum starfsmanna?
London, 19. ágúsl AF.
BRESKA RIKISÚTVARPIÐ, BBC, verður nú að þola harða gagnrýni öðru
sinni í þessum mánuði, eftir að vikuritið Observer greindi frá því á sunnu-
dag, að breska leyniþjónustan hefði neitunarvald að því er varðaði ráðningar
og stöðuhækkanir fréttamanna útvarpsins.
BBC, sem lætur sér annt um
sjálfstæði sitt gagnvart stjórn-
völdum, hafði eftir John Arkell,
fyrrum framkvæmdastjóra stofn-
unarinnar, í aðalfréttatíma út-
varpsins á sunnudág, að rétt væri
með farið, að leyniþjónustan
gegndi fyrrnefndu eftirlitshlut-
verki.
Arkell, sem veitti útvarpinu for-
stöðu frá 1970—80, var sagður
ábyrgur fyrir, að starfshættir
þessir voru teknir upp. Var eftir
honum haft, að það „sætti furðu,
ef útvarpsstöð reyndi ekki á ein-
hvern hátt að fyrirbyggja, með ör-
yggi og heill almennings fyrir
augum, að öfgamenn gerðust óhóf-
lega fyrirferðarmiklir á öldum
ljósvakans."
í fréttinni í Observer var frá því
greint, að eftirlitsdeild væri sögð
til húsa í aðalstöðvum BBC í vest-
urhluta Lundúnaborgar, og fylgd-
ist hún grannt með daglegum
störfum þeirra dagskrárgerðar- og
fréttamanna, sem þættu hallir
undir vinstristefnu. Einnig setti-
deildin þá umsækjendur, sem
taldir væru hafa samband við
kommúnista, á svartan lista.
Þingmenn stjórnarandstöðunn-
ar hafa krafist þess, að stjórnin
g^fi tafarlaust opinbera yfirlýs-
ingu um málið.
Fréttin í Observer birtist aðeins
11 dögum eftir að fréttamenn BBC
gerðu sólarhringsverkfall til að
mótmæla því, að stjórn stofnunar-
innar ákvað að banna sýningu
sjónvarpsþáttar um öfgamenn á
Norður-lrlandi vegna þrýstings
frá ríkisstjórninni.
Bannið sætti. harðri gagnrýni
þingmanna stjórnarandstöðunnar,
blaðamanna og mannréttinda-
hópa, sem sökuðu stjórn Marga-
reth Thatcher um ritskoðun og
ógnun við sjálfstæði BBC.
Noregur:
Annað banaslys
í Tröllayeggnum
(>»ló, 19. i|!Úst. Frá fréUviUrm Mbl.
ANNAÐ banaslys hefur nú átt sér stað í Tröllaveggnum, sem svo er kallaður,
þverhníptum, mörg hundruð metra háum hamravegg, sem mjög hefur freist-
að fallhlífarstökkvara. Sænskur fallhlífarstökkvari lét þar líf sitt sl. sunnu-
dagskvöld þegar fallhhTin hans opnaðist ekki nógu vel.
,GENGI
GJALDMIÐLÁ
London, 19. á|(Ú8L AF.
LÍTIL breyting varð á gengi
dollarans gagnvart helstu gjald-
miðlum í dag, en gullverð hækk-
aði.
Við lok gjaldeyrisviðskipta í
Tókýó kostaði dollarinn 236,50
japönsk yen, en á föstudag
fengust 236,45 yen fyrir doll-
arann. í London kostaði pund-
ið 1,4010 dollara. Er það lækk-
un frá því á föstudag, en þá
fengust 1,4015 dollarar fyrir
pundið.
Gengi dollarans gagnvart
öðrum gjaldmiðlum var sem
hér segir: 2,7590 vestur-þýsk
mörk (á föstudag: 2,7555),
2,2588 svissneskir frankar
(2,2615), 8,4300 franskir frank-
ar (8,4350), 3,1080 hollensk
gyllini (3,1085), 1.851,00 ítölsk
líra (1.848,50), og 1,3535 kan-
adískir dollarar (1,3530).
Gullúnsan kostaði 338,00
dollara i dag, en á föstudag
337,50 dollara.
Sá, sem lét lífið, hét Jörgen
Hákonsson, 19 ára gamall fallhlíf-
arstökkvari frá Gautaborg í Sví-
þjóð, en hann fór upp á fjallið
ásámt þremur öðrum Svíum. Sá,
sem fyrstur kastaði sér fram af
fjallsegginni, kom niður heilu og
höldnu en þegar hann var að koma
niður lét Jörgen sig falla á eftir
honum. Viðstaddir segja, að fall-
hlífin hans hafi opnast en vind-
strengur með fjallinu vöðlaði
henni saman og kastaði Jörgen
utan í hamarinn. Þar lenti hann á
lítilli syllu en hrapaði af henni
niður í urðina fyrir neðan.
Vindar eru mjög varasamir við
Tröllvegginn því að þótt kyrrt
kunni að vera uppi á fjallinu er oft
sterkur strengur með hamra-
veggnum.
Þetta er annað banaslysið við
Tröllavegginn. í fyrra beið banda-
rískur fallhlífarstökkvari bana
þar með sama hætti og Svíinn nú
og var hann þó margreyndur
stökkvari og hafði áður stokkið
niður Tröllavegginn. Þeir verða nú
æ háværari, sem vilja banna
mönnum að hætta þarna lífi sínu,
en hingað til hafa stjórnvöld ekki
viljað grípa í taumana.
Þvegnar gallabuxur, flestar stæröir. Bómullar-
buxur flestar stæröir, þrír litir. Bómullarjakkar,
verö kr. 450.- Sængur, verð kr. 1.450.- Kven-
peysur og blússur. Stutterma skyrtur. Lang-
erma skyrtur. Leöurhanskar. Fingravettlingar.
Nærbuxur kr. 65.- Íþróttasokkar kr. 69.- Herra-
sokkar 4 litir, kr. 85.- íþróttaskór barna kr. 299.-
Tréklossar kr. 815.- Síðar kvenskyrtur kr. 790.-
Herra- og dömubolir, verð frá kr. 125.- Hljóm-
plötur og kassettur frá kr. 49.- Háskólabolir frá
kr. 395.- Bollar m/kökudisk kr. 149.- Vinnuljós
kr. 890.-
SPARAJAÞAÆ.
Opiö mánud.—fimmtud. kl. 10—18.
Föstud. kl. 10—19.
Laugard. kl. 10—14.
Ódýra hornið hefur opnaö aftur.
Vöruloftið
Sigtúni 3, sími 83075