Morgunblaðið - 20.08.1985, Blaðsíða 24

24
MORGUNBLíAÐIÐ, ÞRIÐJUDAiGORiaO. ÁGOST 1985
Rainbow Warrior-málið:
Ólafnr Noregsltonungur
ÓLafur Nor-
egskonung-
ur sjúkur
Osló, 19. igúst Frá frétU
riUra MorgunbUAsina.
ÓLAFUR Noregskonungur er nú i
ríkissjúkrahúsinu í Osló vegna sýk-
ingar í öndunarfærum. Var skýrt frá
því í tilkynningu frá konungsfjöl-
skyldunni í gær, sunnudag.
Ólafur konungur var fluttur á
sjúkrahúsið sl. laugardag með
nokkurn hita en nú er hann á
batavegi og er búist við, að hann
útskrifist eftir nokkra daga. Um
páskana varð ólafur að fara á
sjúkrahús af sömu sökum og var
þar í viku í það sinn. ólafur Há-
konarson varð 82 ára 2. júlí sl.
Verður Hernu varnarmála-
ráðherra að segja af sér?
ZHrieh, 1». ígúM. Trá Önnu BjnrnndóUur, rrétUriUm MorgunbUðsiiui.
FRANCOIS Mitterrand, Frakklandsforseti, fyrirskipaði franska hernum að
stöðva öll skip og flugvélar á leið til kjarnorkuvopnatilraunasvæðis Frakka í
Suður-Kyrrahafi á sunnudagskvöld. í tilkynningu frá forsetahöllinni sagði að
Frakkar myndu halda kjarnorkutilraunum sínum áfram við Mururoa-kóral-
rifið og þeir sem kæmu inn í land- eða lofthelgi þess í óleyfi yrðu handteknir
með valdi.
Greenpeace, eitt stærsta og
besta skip grænfriðunga, lagði af
stað til tilraunasvæðisins frá Hol-
landi á sunnudag. David McTagg-
art, forseti alþjóðlegu nátt-
úruverndarsamtakanna, sagði að
skipið myndi reyna að koma í veg
fyrir tilraunir Frakka með aðstoð
annarra minni skipa. Áhöfn þess
mun einnig mæla geislavirkni í
umhverfinu í Suður-Kyrrahafi.
Síðustu neðanjarðarsprengingar
Frakka, sem áttu sér stað í byrjun
maí, eru taldar hafa verið óvenju
kraftmiklar. Greenpeace er útbúiö
sérstökum myndsenditækjum svo
alheimur á að geta fylgst með bar-
áttu þess við Frakka um gervi-
hnött í lok september þegar kjarn-
orkuvopnatilraunir þeirra hefjast
á ný.
Enginn vafi þykir lengur leika á
því að franska leyniþjónustan
undirbjó og skipulagði ferð þeirra
sem nú eru sakaðir um að hafa
komið sprengjum fyrir á Rainbow
Warrior, skipi grænfriðunga, með
þeim afleiðingum að skipið sökk
og einn skipverji lést í Auck-
lands-höfn í Nýja-Sjálandi 10. júlí
sl. Skipið var að undirbúa ferð til
Mururoa-kóralrifsins.
Frönsku „hjónin", sem eru í
gæsluvarðhaldi á Nýja-Sjálandi
sökuð um morð og kalla sig
Sophie-Claire og Alain-Jacques
Turenge, eru starfsmenn frönsku
ieyniþjónustunnar. Konan heitir
réttu nafni Dominique Prieur og
er gift brunaliðsmanni í París.
Hún er höfuðsmaður í leyniþjón-
ustunni og er þjálfaður fallhlíf-
arstökkmaður og kafari. Ekki er
vitað um rétt nafn mannsins sem
með henni er. Hann er liðsforingi í
leyniþjónustunni og sagöur starfa
við sundskóla árásardeildar
franska hersins á Korsíku. Al-
þjóðleg handtökuvottorð hafa ver-
ið gefin út á þrjá franska karl-
menn sem einnig eru á mála hjá
frönsku leyniþjónustunni. Þeir
voru um borð i leigubátnum Ouvea
sem lá skammt frá Rainbow
Warrior í Aucklands-höfn áður en
skipið sökk. Mennirnir og bátur-
inn hafa horfið sporlaust. Konu að
nafni Frederique Bonlieu er einnig
leitað. Hún er líka sagður starfs-
maður leyniþjónustunnar en vann
um borð í Rainbow Warrior áður
en skipið var sprengt. Síðast sást
til hennar í Haifa í Israel.
Fréttum og fullyrðingum
franskra fjölmiðla um tengsl
frönsku leyniþjónustunnar við
málið hefur ekki verið neitað
opinberlega. Niðurstöðu opinberr-
ar rannsóknarnefndar, sem Mitt-
errand lét skipa strax og sögu-
sagnir fóru af stað, er að vænta í
lok vikunnar. Formaður nefndar-
innar, Bernard Tricot, gamall
Gaullisti, var sérstaklega valinn
til starfsins til að koma í veg fyrir
grun og fullyrðingar um að Warr-
ior-málið væri pólitískt felumál
sósíalista.
Andstæðingar stjórnarinnar
hafa ekki gert þetta að pólitísku
deilumáli. Dagblöð, eins og Le
Monde og Liberation velta því
hins vegar fyrir sér hvort Charles
Hernu, varnarmálaráðherra og
gamall náinn samstarfsmaður
Mitterrands, geti haldið áfram í
embætti, en leyniþjónustan fellur
undir ráðuneyti hans. Hvort sem
kemur í Ijós að hann hafi vitað um
málið eða ekki þykir líklegt að
hann verði að segja af sér. Hann
verður að hætta ef hann hefur vit-
að um það af því að málið hefur
snúist upp í meiriháttar hneyksli
og hann verður að hætta ef hann
hefur ekki vitað af því af því að þá
fylgist hann ekki nógu vel með því
sem undirmenn hans í leyniþjón-
ustunni aðhafast. Svipað er sagt
um Pierre Lacoste, yfirmann
leyniþjónustunnar.
Margar kenningar hafa komið
upp í sambandi við þetta mál en
líklegast þykir að franska leyni-
þjónustan hafi ákveðið að fylgjast
með undirbúningi og athöfnum
grænfriðunga í Suður-Kyrrahafi
og starfsmenn hennar hafi gripið
til eigin ráða sem æðstu yfirmenn
höfðu ekki lagt blessun sína yfir.
Sumir telja að hægri sinnuð öfl
innan leyniþjónustunnar hafi vilj-
að koma óorði á stjórn Mitter-
rands og þess vegna hafi starfs-
mennirnir skilið eftir svo mörg
gögn sem beindu athygli rann-
sóknarlögreglunnar í Nýja-Sjá-
landi að Frakklandi. Aðrir telja að
„svikari" hafi lekið áætlun
frönsku leyniþjónustunnar í
bresku leyniþjónustuna. Gúmmí-
bátur, sem hjúin notuðu, var
keyptur í London í þeim tilgangi
að bendla bresku leyniþjónustuna
við málið. En breska leyniþjónust-
an fylgdist með hjúunum í London
og varaði lögregluna í Nýja-Sjá-
landi við komu þeirra til landsins
þannig að það var fylgst með ferð-
um þeirra þar.
300 manns
drukknuðu
í ferjuslysi
IVking. 19. ápúiL AP.
UM 300 manns drukknuðu er ferju,
sem þéttsetin var farþegum, hvolfdi
á sunnudag við að fólk þusti út í
annað borðið til að horfa á handa-
lögmál, að því er blað í Peking
greindi frá í dag, mánudag.
„Kvöldblaðið" í Peking sagði, að
yfir 300 manns hefðu verið um
borð og „aðeins nokkrir" komist
af. Slysið átti sér stað á Songhua-
ánni við borgina Harbin í Heil-
ongjiang-héraði í Norðaustur-
Kína. Þeir sem af komust, voru á
efsta þilfari ferjunnar og gátu
synt til lands, að sögn blaðsins.

Algarve - Portúgal
Gistirými okkar var gjörsamlega uppselt í feröinni 22. ágúst, en vegna
forfalla eru nú aöeins 2 íbúöír lausar í 3 vikur með frábærri aöstööu á
ódýrustu sólarströnd Evrópu á ótrúlega hagstæóu veröi.
Golfferðin
góða

Einstakt
tækifæri
Lágt kynningarverð á nýjum
gististaö kr. 19.900 í 3 vik-
ur. Gildir aöeins fyrir 6 óseld
sæti 22. ágúst
Nýjung — Sértilboð
Enn eru 6 sæti laus í beina leigu-
fluginu til Portúgal 22. ágúst.
Gestum boöiö flug og bíll í þessu
fallega, forvitnilega og ótrúlega
ódýra landi í 3 vikur fyrir aöeins
19.800 kr. Ath.: Lægra verö í
september sem er einn besti mán-
uður ársins í Portúgal. Nokkur
sæti laus 12. september.
3. október — blá brottför.
ódýrasta feröin og enn
hásumar. Bestu golfvellir
Evrópu.

Vilamoura
Golf Club
D. Pedro
Vilamoura Golf |
Báp.- Course'
Vale
do Lobo
Quinta
do Lago
Feröaskrifstofan
ÚTSÝN
Austurstrmti 17, símar 26611 — 23510
Akureyri, Ráðhústorgi 3, sími 25000.