Morgunblaðið - 06.09.1985, Blaðsíða 48

HUEKKUR t HBMSKEÐJU
FÖSTUDAGUR 6. SEPTEMBER 1985
VERÐ í LAUSASÖLU 35 KR.
Sauðfé
sækir tii
byggða
Sydra-Lanj;bolti. 5. september.
f DAG var réttað hér í Hrunarétt um
þrjú þús. fjár, sem sótt var innfjrir
afréttargirðinguna í gær.
Að undanförnu hefur kólnað mjög
til fjalla og því fer féð aö sækja til
byggða þegar grös sölna. Fyrstu
fjallmenn fara þann 12. og fara þeir
innfyrir Kerlingarfjöil allt að Hofs-
jökli. Réttir eru svo 19. sept. í
Hrunarétt. Það fé sem kom í dag leit
vel út og eru lömbin holdug.
Enn helst sami þurrkurinn og
telja elstu menn þetta mesta þurrka-
sumar í þeirra lífi.
Sig. Sigm.
Sjá lista yfir haustréttir á bls. 27.
Raufarhöfn:
Sumarið
fór framhjá
Raufarhöfn, 5. september.
HÉR hefur verið andstyggilegt veður í
sumar, hiti varla farið yfir 6 stig. í dag
hefur snjóað dálítið og greinilegur
haustbragur á öllu svo sumarið hefur
víst farið framhjá.
Hinsvegar hefur fiskast nokkuð
vel. 14.000 tonn af loðnu eru komin á
land og einnig hefur Núpurinn feng-
ið sæmilegan afla. Það er þvi næg
atvinna. Helgi.
Á skólabekk eftir sumarfríið
Morgunblaðið/Júlíus
Það var ekki að sjá á börnunum i Akranesi að þau væru leið yfir því að
skólarnir væru að befja störf á nýjan leik eftir sumarleyfi. Grunnskólar
um allt land voru settir í gær og tugþúsundir barna komu þá í skólann í
fyrsta sinn eftir sumarleyfi. Morgunblaðsmenn voru á ferð á Akranesi og
var þá þessi mynd tekin af setningu Brekkubæjarskóla, annars grunn-
skólans þar. Sjá ennfremur viðtöl við skólanemendur í Reykjavík á bls. 4
og 5 og frétt um setningu Tjarnarskóla á bls. 3.
Skáli Jöklarannsóknafélags íslands við Grímsvötn.
Hitaveita á
Vatnajökli
HITAVEITA var í sumar lögð í skála Jöklarannsóknarfélags íslands við
Grímsvötn á Vatnajökli, svo þar er nú baðhiti enda þótt húsið standi í
1725 metra hæð yfir sjávarmáli inni á miðjum stærsta jökli í Evrópu.
Hitinn fæst úr borholu, sem er
rétt við húsvegginn. Hún er ekki
nema milli 10 og 15 metra djúp
en gefur samt umtalsverða gufu,
sem er yfir 100 gráða heit, enda
eru Grímsvötn eitt virkasta
eldfjallasvæði landsins og þar
gaus síðast árið 1983, eins og
flestum ætti að vera í fersku
minni.
Að sögn Sigurjóns Rist for-
manns Jöklarannsóknarfélags-
ins var holan boruð fyrir tveim-
ur árum og hefur gufan úr henni
verið notuð til að knýja litla
rafstöð í skálanum, sem fram-
leiðir rafmagn fyrir sendistöð og
mælitæki, sem félagið hefur í
húsinu. Að sögn Sigurjóns fjölg-
ar mannaferðum í Grímsvötn ár
frá ári og hyggjast menn nú
byggja þar stærra hús, sem
væntanlega yrði einnig hitað
upp með þessum hætti. Það ætti
því ekki að þurfa að væsa um
ferðamenn við Grímsvötn í
framtíðinni.
Mjólkin er 13 milljón
lítra umfram neyslu
10% aukning á framleidslunni f ágúst
MJÓLKURFRAMLEIÐSLAN á nýloknu verðlagsári (sem lauk 31. ágúst
sl.) var samkvæmt bráðabirgðatölum Framleiðsluráðs landbúnaðarins
111.523 þúsund lítrar. Er það 1.922 þúsund lítrum meira en verðlagsárið á
undan, eða l,75%aukning. Mjólkurframleiðslan hefur ekki verið meiri síðan
á verðlagsárinu 1979-80, en mjólkurframleiðslan var í hámarki á árunum
1977-79 eins og kunnugt er. Á yfirstandandi almanaksári er mjólkurneyslan
innanlands áætluð 98-98,5 milljónir lítr. af mjólk og er framlciðslan því um
13 millj. Itr. umfram neysluna innanlands.
Ríkisstjórnin og Stéttarsamband
bænda hafa nýlega undirritað
samninga um hámark þeirrar
mjólkurframleiðslu sem bændum
verður ábyrgst fullt verð fyrir á
næstu tveimur verðlagsárum. Þar
er gert ráð fyrir 107 millj. ltr. fram-
leiðslu á nýbyrjuðu verðlagsári og
106 millj. lítra framleiðslu á því
næsta. Bændur verða því að draga
framleiðsluna saman um 4,5 millj.
lítra á þessu verðlagsári og 1 millj.
til viðbótar á því næsta til að fá
fullt verð fyrir framleiðsluna. Verð-
lagsárin reiknast frá 1. september
til 31.ágúst.
Samkvæmt bráðabirgðatölum
Framleiðsluráðs varð veruleg aukn-
ing í mjólkurframleiðslunni i ágúst,
eða rétt tæplega 10%. í mánuðinum
var innlögð mjólk hjá mjólkursam-
lögunum 11.813 þúsund ltr., sem er
1.061 þúsund lítrum meira en í sama
mánuði í fyrra og er aukningin
9,86%. Ef litið er á breytingar á
framleiðslunni á milli ágústmánað-
ar nú og í fyrra kemur í ljós að bilið
er mjög breitt, eða allt frá 10%
samdrætti og upp í 17% aukningu.
Aukningin kemur að mestu leyti
fram sunnanlands og sagði Guð-
mundur Gíslason starfsmaður
Framleiðsluráðs að rekja mætti
stóran hluta sveiflunnar til árferð-
isbreytinga. Jafn margir innvigtun-
ardagar voru nú í ágúst og sama
mánuði í fyrra.
Ef litið er á innviktunina hjá
nokkrum af stærstu samlögunum
kemur i ljós að í ágúst er aukningin
mest í lítrum hjá Mjólkurbúi Flóa-
manna á Selfossi, þar sem inn voru
lagðir 4.246 þúsund ltr., 617 þúsund
ltr. eða 17% meira en í fyrra. í
Mjólkursamlag Borgfirðinga í Borg-
arnesi komu 954 þúsund ltr. (17,28%
aukning), Mjólkursamlag KEA á
Akureyri 2.558 þúsund ltr. (7,57%),
mjólkursamlagið á Sauðárkróki 937
þús. ltr. (1,85%) og mjólkursamlag-
ið á Blönduósi 460 þús. ltr. (1,9%).
Halldór Ásgrímsson á fundi á Akureyri:
Hugsanlegt að veiða úr
kvóta næsta árs í haust
Akureyri, 5. september.
„ÞESSA dagana er verið að marka
fiskveiðistefnu næstu ára. Verði þá
ofan á að mörkuð verði stefna til
næstu þriggja ára, væri hugsanlegt að
færa lítinn hluta af afiakvóta árins
1986 yfir á síðustu mánuðum ársins
1985. Þó vil ég sérstaklega taka fram,
að ég er ekki að mæla með þessu,“
sagði Halldór Ásgrímsson, sjávarút-
vegsráðherra, á fundi með útgerðar-
mönnum hér á Akureyri í kvöld.
„Þegar afiamarkið var ákveðið á
síðasta ári, var ákveðið að það yrði
endurskoðað á vordögum. Þá vildu
sjómenn auka kvótann um 10%, út-
vegsmenn 5%, en söluaðilar sáu
enga ástæðu til aukningar. Þá
ákvað ráðuneytið að auka kvótann
um 5% sérstaklega með markaðs-
aðstæður í huga og jafnframt að
ástand sjávar hafði batnaði og
rannsóknaleiðangur fiskifræðinga
gaf vissar vonir um bata. Þá sagði
ég að ekki yrði meira bætt við á
þessu ári og ég sé ekki að ástæður
hafi breytzt. Hitt er annað mál, að
allt þetta ætti að liggja ljósar fyrir
eftir að tillögur fiskifræðinga um
afla á næstu árum koma fram þann
20. september næstkomandi," sagði
Halldór.
GBerg