Morgunblaðið - 15.05.1986, Blaðsíða 19

MORGUNBLAÐIÐ, FIMMTUDAGUR 15. MAÍ 1986
19
Framkvæmdir í þágu
aldraðra stórauknar
eftirPál Gíslason
Eðlilega hafa húsnæðismál aldr-
aðra Reykvíkinga mjög verið til
umræðu undanfarið, en þar hefur
og gætt misskilnings á því hvað
verið er að gera og hvert stefna ber.
Á þessu ári mun Reykjavíkur-
borg veija meira fé til framkvæmda
til að leysa þessi vandamál aldraðra
en nokkru sinni fyrr og er þá bæði
átt við hæstu upphæðina og mesta
raungildi fjármagns til bygginga.
Er þar um að ræða byggingu vist-
heimilis í Seljahlíð og samvinnu við
Verslunarmannafélag Reykjavíkur
og Samtök aldraðra.
Á undanfömum árum hefur
borgin byggt þjónustuíbúðir fyrir
aldraða sem hér segir:
Furugerði'l 75 íb. f. 90 manns
Norðurbrún 1 60 íb. f. 68 manns
Dalbraut 21—27 64 íb. f. 82 manns
Langahlíð 32 íb. f. 32 manns
Droplaugarstaðir 33 íb. f. 36 manns
Samtals 264 íb. f. 308 manns
Seljahlíð
I upphafí þessa kjörtímabils hafði
verið unnið að hönnun vistheimilis-
ins Seljahlíð í Breiðholti II. Þar átti
auk þjónustuíbúða að vera legudeild
fyrir hjúkrunarsjúklinga og heilsu-
gæslustöð. En þegar til kom fékkst
engin fjárfesting frá ríkissjóði, sem
átti að greiða 85% af byggingar-
kostnaði legudeildar og heilsu-
gæslu, en heilbrigðisráðherra var
þá Svavar Gestsson.
Við þurftum því að taka til við
hönnun nýbyggingarinnar á ný.
Dróst því nokkuð að hægt væri að
heija framkvæmdir. Þær hafa síðan
gengið sleitulaust og 13. maí mun
byggingamefndin afhenda húsið
félagsmálastofnun til starfrækslu.
Þar verða 60 einstaklingsíbúðir og
10 hjónaíbúðir, þar sem töluvert
meiri þjónusta verður veitt en ann-
ars staðar í þjónustuíbúðum, svo
sem sjúkragæsla.
Þá var ákveðið að byggja 9
parhús með 18 íbúðum á lóðinni,
sem yrðu seldar. Þar fengju íbúar
sömu þjónustu og þeir sem búa í
leiguíbúðunum í aðalbyggingunni.
Verður lögð áhersla á að ljúka
öllum framkvæmdum utan húss nú
í vor, svo sem frágangi lóðar. Verða
þá í þessum húsum í 115—120
manns.
Samstarf við VR
Það var ljóst, að þó að borgin
legði fram stóraukið fjármagn til
þ^ssara mála, yrði framkvæmda-
hraði of hægur miðað við vaxandi
þörf fyrir þjónustuíbúðir fyrir aldr-
aða.
Því auglýstum við eftir aðilum,
sem hefðu áhuga á samstarfi við
okkur um byggingu íbúða fyrir
aldraða. Komu á þann fund um 50
manns, fulltrúar stéttarfélaga,
samtaka aldraðra, verktaka og
ýmsir aðrir áhugamenn.
Þetta leiddi fljótlega til þess, að
Verslunarmannafélag Reykjavíkur,
stærsta verkalýðsfélag landsins,
ákvað að byggja stórhýsi við
Hvassaleiti með 60 íbúðum fyrir
aldraða félagsmenn, þar sem borgin
byggði og ræki þjónustumiðstöð
fyrir íbúana og aðra aldraða í hverf-
inu. Er þeim framkvæmdum að
ljúka og má vissulega hrósa stjóm
VR fyrir þá víðsýni að hafa riðið
svo myndarlega á vaðið og bent
öðrum sambærilegum aðilum á leið
til að bæta haga félagsmanna sinna.
Samtök aldraðra
Þessi samtök hafa starfað um
skeið að velferðarmálum aldraðra
og m.a. byggt íbúðir í Fossvogi. í
framhaldi af fundinum hófst líka
samstarf borgarinnar við samtökin
og byggingarfélagið Ármannsfell
um byggingu þjónustuíbúða aldr-
Páll Gíslason
„Á þessu ári mun
Reykjavíkurborg verja
meira fé til fram-
kvæmda til að leysa
húsnæðisvandamál
aldraðra en nokkru
sinni fyrr og er þá bæði
átt við hæstu upphæð-
ina og mesta raungildi
fjármagns til bygginga.
Er þar um að ræða
byggingu vistheimilis í
Seljahiíð og samvinnu
við Verslunarmannafé-
lag Reykjavíkur og
Samtök aldraðra.“
aðra við Bólstaðarhlíð á sama
grundvelli.
Er þegar flutt í 33 íbúðir þar,
en aðrar 33 íbúðir í sumar. íbúðim-
ar eru misstórar: 44—77 fm að
stærð, en þjónustumiðstöðin 910
fm.
Samtals verða því á þessu ári
teknar í notkun 214 íbúðir fyrir
um 300 manns.
Samstarfið
er mikilvægt
Vinstri flokkamir hafa gagnrýnt
okkur fyrir þetta og talið, að borgin
hefði sjálf átt að byggja þetta ein.
Þeir hafa þó ekki gert sér grein
fyrir því, að með þessu samstarfi
kemur stórlega aukið fjármagn til
byggingarframkvæmda, sem er
undirstaðan. — Og þeir hafa aðeins
komið með tillögu um óvemlega
aukið fé frá borgarsjóði. Enda lögðu
þeir ólíkt minna fé til þessara mála
á stjómartímabilinu 1978—1982 en
nú ergert.
Ég held, að það sé nauðsynlegt
að Reykjavíkurborg haldi áfram að
leita samvinnu við samtök og fé-
lagasambönd í borginni um sameig-
inlegt átak.
Nú í vetur hófst samvinna við
Rauða krossinn um rekstur dagvist-
unarstofnunar — Hlíðarbæ við
Flókagötu — fyrir aldraða og sjúkl-
inga með Alsheimer-sjúkdóm, en
borgin keypti húsið, en reksturinn
er í samvinnu við Múlabæ, dagvist-
un sem Rauði kross íslands rekur
í samvinnu við SÍBS og Samtök
aldraðra.
Næstu verkefni
Þegar er hafinn undirbúningur
að eftirfarandi verkefnum:
1. Byggingu á horni Vesturgötu
og Garðastrætis þar sem verður
þjónustumiðstöð og heilsugæslu-
stöð fyrir Vesturbæinn, ásamt
25 þjónustuíbúðum fyrir aldr-
aða, en bílastæðahús á neðri
hæðum.
2. Þátttaka í byggingu hjúkmnar-
heimilis Skjóls við Kleppsveg
hjá Hrafnistu — í samvinnu við
þjóðkirkjuna, ASÍ, BSRB, Sjó-
mannadagsráð, Stéttarsamband
bænda o.fl. aðila. Þar verða 3
hjúkmnardeildir með alls 90
plássum auk dagvistar, en pláss
til skammtímavistunar koma þar
til viðbótar. Gæti heimilið því
þjónað um 130—150 manns. —
Reykjavíkurborg hefur ákveðið
að greiða þriðjung kostnaðar við
hjúkmnarrýmið. Er hér um 60
milljónir króna að ræða. Þessi
stoftiun gæti tekið til starfa á
næsta ári.
3. Bandalag háskólamanna hefur
fengið lóð syðst við Suðurgötu
og hyggst byggja 50 þjónustu-
fbúðir fyrir aldraða félagsmenn
sína. Þar mun borgin koma til
samvinnu og byggja þjónustuað-
stöðu fyrir íbúana þar og í ná-
grenninu.
4. Samtök aldraðra og Armanns-
fell em að hanna þjónustuíbúðir
aldraðra við Dalbraut og mun
borgin eiga samstarf við þessa
aðila og reyna að tengja aðstöð-
una sem fyrir er við Dalbraut
21—27 á vegum borgarinnar.
5. Bygging vistheimilis fyrir
100—120 manns við Skúlagötu
auk söluíbúða að svipuðu magni
í nágrenninu, sem gæti notað
sama þjónustukjama. Þarna yrði
og þjónustumiðstöð fyrir aldraða
í gamla Austurbænum.
6. Stefnt er að því að leita eftir
samstarfí við einkaaðila um
rekstur minni eininga fyrir
10—15 manns, sem ætlað væri
með sérstakri aðhlynningu fyrir
aldrað fólk. Gæti það vegið á
móti of miklum stofnanabrag á
allri þjónustu við aldraða.
Hér hefur aðeins verið tíundaður
sá hluti af því starfí, sem unnið er
fyrir aldraða af Reykjavíkurborg,
en ekki síður væri ástæða til að
nefna DAS, Gmnd, RKÍ, Samtök
aldraðra o.fl. sem hafa færst mikið
í fang á þessu sviði.
Verkefnin em nóg og stækkandi.
— Því er nauðsynlegt að sem flestir
gangi saman til verka svo árangur
náist.
Höfundur er læknir og borgarfull-
trúi. Hann skipar fjórða sæti á
framboðslista Sjálfstæðisfiokks-
ins í Reykja vík fyrir borgarstjóm-
arkosningarnar.
Ljóðabók
eftir Sjón
— áttunda bók höfundar
NÝLEGA kom út Ijóðabók eftir
skáldið Sjón. Þetta er áttunda
bók höfundar.
Ljóðabókin heitir „Leikfanga-
kastalar, sagði hún, það er ekkert
til sem heitir leikfangakastalar."
Meðal fyrri bóka höfundar má nefna
„Reiðhjól blinda mannsins" (1982),
“Sjónhverfíngabókina" (1983) og
„OH;“ (1985). Skáldið hefír einnig
getið sér orð fyrir myndlist og
brúðugerð.
í þessari nýju bók em 11 ljóð,
sem ort vom á síðasta ári í þremur
borgum, London, París og Reykja-
vík. Viðfangsefnin era mótuð af
því. Bókin er gefín út í takmörkuðu
upplagi. Útgefandi er „Einhver
djöfullinn — Medúsa" og er bókin
til sölu í Bókabúð Máls og menning-
ar, Gramminu og Bókaverzlun Sig-
fúsar Eymundssonar.
(Fréttatilkynning)
ITOLSK HUSGOGN
Á GÓÐU VERÐI
Leðurstólar
Svart leður — króm grind
Kr. 3.783.-
Hvítt leður — hvít grind
Kr. 4.119.-
Nýjar sendingar af matborðum m/gleri eða hvítum
marmaraplötum.
MULTIPLAN
Multiplan er áætlanagerðarkerfi (töflureiknir), sem
öll fyrirtæki geta notfært sér við útreikninga. Við
áætlanagerð getur Multiplan sýnt ótal valkosti,
eftirlíkingar og gert tölulega úrvinnslu.
Markmið namskeiðsins er að veita þeim, er starfa
við áætlanagerð og flókna útreikninga, innsýn í
hvernig nýta megi Multiplan-áætlanagerðarkerfið í
starfi.
Efni: Uppbygging Multiplan-(tölvureikna) • Helstu
skipanir • Uppbygging líkana • Meðferð búnaðar.
Þátttakendur: Námskeiðið er ætlað starfsmönnum
fyrirtækja sem nota eða ætla að nota Multiplan
(töflureikna).
Timi og staðun
26.-28. mal kl. 8.30-12.30
Ánanaustum 15
Leiðbeinandi:
Páll Gestsson,
starfsmaður Skrifstofuvéla hf.
ASciórnunarfélaa Islands
Ánanaustum 15 Sími: 6210 66