Morgunblaðið - 02.12.1986, Blaðsíða 4

4
MORGUNBLAÐIÐ, ÞRIÐJUDAGUR 2. DESEMBER 1986
Kjarasamningarnir
Guðmundur J. Guðmundsson, formaður Dagsbrúnar:
Kröfur ASÍ um uppstokkun
launakerfisins þokukenndar
„ÞAD verður ekki friður á vinnumarkaði með okkur úti. Hins vegar
erum við reiðubúnir til þess að semja án þess að sá samningur leiði
til bullandi verðbólgu," sagði Guðmundur J. Guðmundsson, formað-
ur verkamannafélagsins Dagsbrúnar og Verkamannasambandsins, í
samtali við Morgunblaðið eftir að
drægi sig út úr samningaviðræðui
Steinar Guðnason, varaformaður
samningaviðræðunum.
Á stjómarfundi í Dagsbrún í gær
var eftirfarandi samþykkt gerð:
„Stjóm Dagsbrúnar samþykkir að
félagið hætti þáttöku í yfírstand-
andi samningaviðræðum og hefji
þegar vinnu að kröfugerð fyrir fé-
lagið. Með þessu ítrekar stjómin
fyrri samþykktir um kjaramál bæði
frá félagsfundi, trúnaðarráðsfundi
og stjómarfundi".
„Samþykktin er skýr. Við höfum
frá upphafi haft nokkra sérstöðu.
Við vildum stokka upp launakerfið
og hækka þannig lægstu laun um-
fram önnur laun. Við emm ekki
með neinar heitingar við það góða
hann hafði tilkynnt að Dagsbrún
n ASÍ og VSÍ. Jafnframt tók Karl
VMSÍ, við forsvari fyrir VMSÍ í
fólk sem situr með okkur í samn-
inganefndum, en okkur fínnast
kröfur Alþýðusambandsins þoku-
kenndar hugmyndir og höfum talið
réttara að farið væri eftir okkar
hugmyndum og lagðar yrðu fram
tillögur og kröfur," sagði Guðmund-
ur.
Hann sagði að Dagsbrún teldi
þær hugmyndir um uppstokkun
launakerfísins, sem ræddar hefðu
verið í viðræðunum til þessa, ekki
raunhæfar. Rætt hefði verið um að
hækka lægstu laun þannig að fjöldi
taxta hyrfi og þar með aldurs-
hækkanir. Dagsbrún teldi slíkt ekki
sanngjamt, þar sem störf væm
mismunandi og fólk hefði unnið við
þau mislengi. Dagsbrún teldi rétt
að fara frekar þá leið að fækka
töxtum og hækka lægstu taxtana,
en það hefði ekki fengið hljóm-
gmnn.
Jafnframt benti Guðmundur á
að í núverandi viðræðum lægi ekki
fyrir hvort launanefnd myndi
starfa, eins og á því samningstíma-
bili sem nú væri að ljúka. Þá lægi
heldur ekkert fyrir um það frá
ríkinu, að það myndi stöðva fyrir-
hugaðar verðhækkanir hjá ríkis-
stofnunum, sem þeir óttuðust eins
og aðrir að myndi hleypa af stað
nýrri verðbólguskriðu. Þá teldi
Dagsbrún útséð um að breytingar
á skattakerfínu kæmu til fram-
kvæmda á því samnbingstímabili,
sem nú færi í hönd.
„Afstaða félagsins hefur verið
fullkomlega skýr. Það vil algjöra
Halldór Björnsson varaformaður og Guðmundur J. Guðmundsson
formaður Dagsbrúnar, á fundi með blaðamönnum í gær.
uppstokkun á launakerfinu og til-
lögur þar að lútandi, en ekki óljósar
hugmyndir. Þeir óljósu punktar sem
nú liggja fyrir, teljum við á þessari
stundu afskaplega óaðgengilega
fyrir okkur og þessi hraðsuða sem
hér er á vinnubrögðum — það er
eins og það sé tímasprengja hér
undir borðunum — í stærstu breyt-
ingum á uppbyggingu launakerfis,
sem þekkst hefur — það minnir
bara á Klepp-hraðferð. Við erum
ekki að lýsa yfír neinni styrjöld
gagnvart okkar félögum í ASÍ, okk-
ur líst bara ekki á það ástand sem
hér ríkir,“ sagði Guðmundur.
Guðmundur sagði að nú yrði
hafín vinna viö að leggja lokahönd
á tillögur Dagsbrúnar í kjarasamn-
ingunum og þær yrðu lagðar fram
í vikunni. Samningar sem stjóm
Dagsbrúnar mælti með að yrðu
samþykktar, hefðu ekki verið felld-
ar af félagsfundi og samningar sem
stjómin mælti gegn hefðu undan-
tekningalaust verið felldir. Hann
sagði að Dagsbrún hefði ekki verið
með óraunhæfa kröfugerð í þessum
samningum, þeir hefðu verið manna
ábyrgastir og þyrfti ekki annað en
að líta á kjaramálaályktun félagsins
til þess að sannfærast um það.
„Nei útkoman í forvalinu hjá
Alþýðubandalaginu hafði engin
áhrif á þessa samþykkt," sagði
Guðmundur aðspurður. „Það var
frekar að við töldum óheppilegt að
ganga út með forvalið framundan".
I/EÐURHORFUR I DAG:
YFIRLIT á hádegi f gær: Yfir Grænlandi er 1020 millibara hæð.
Skammt austan við Færeyjar er 978 millibara lægð sem hreyfist
austur. Önnur lægð er um 1500 km suðvestur af Reykjanesi, vax-
andi 970 millibara djúp, sem hreyfist fremur hægt norðaustur.
SPÁ: Allhvass eða hvass (7-8 vindstig) austan og snjókoma á
sunnanverðu landinu, en hægari austan- og norðaustanátt og él
við norðurströndina. Hiti nálægt frostmarki við suðurströndina en
annars nokkuð frost um allt land.
I/EÐURHORFUR NÆSTU DAGA:
MIÐVIKUDAGUR og FIMMTUDAGUR: Hvöss norðaustanátt með
snjókomu eða éljagangi um allt norðanvert landið en sennilega
breytileg átt suðaustanlands með skúrum eða slydduéljum. Þurrt
vestanlands. Vægt frost norðvestanlands en 1 til 4 stiga hiti á
suðausturlandi.
Heiðskírt
TÁKN:
Ct
▼
a Léttskýjað
•á Hálfskýjað
c Skýjað
Alskýjað
x Norðan, 4 vindstig:
v Vindörin sýnir vind-
stefnu og fjaðrirnar
vindstyrk, heil fjöður
er 2 vindstig.
r r r
r r r r Rigning
r r r
* r *
r * r * Slydda
r *. r
* * *
* * * * Snjókoma
*J0° Hitastig:
10 gráður á Celsíus
y Skúrir
*
V E1
= Þoka
= Þokumóða
’, ’ Súld
OO Mistur
—Skafrenningur
|~<^ Þrumuveður

r

VEÐUR VIÐA UM HEIM
kl. 12.00 i gær að ísl. tíma
hrti veður
Akureyri -7 snjóél
Reykjavik -7 snjóél
Bergen 7 rígning
Helsinki 6 hálfskýjað
Jan Mayen -12 skýjað
Kaupmannah. vantar
Narssarssuaq -7 léttskýjað
Nuuk -10 heiðsklrt
Osló 7 alskýjað
Stokkhólmur 7 súld
Þórshöfn vantar
Algarve 16 skýjað
Amsterdam 4 þokumóða
Aþena 14 léttskýjað
Barcelona vantar
Beriln 2 mistur
Chicago 2 alskýjað
Glasgow 8 skúr
Feneyjar 8 þokumóða
Frankfurt -1 hrímþoka
Hamborg 2 þokumóða
Las Palmas 21 alskýjað
London 12 alskýjað
LosAngeles 13 skýjað
Lúxemborg -3 hrímþoka
Madríd vantar
Malaga vantar
Mallorca vantar
Miami 23 akýjað
Montreal -10 léttskýjað
Nice 18 léttskýjað
NewYork -4 skýjað
Parfs 2 þokumóða
Róm 14 þokumóða
Vln -2 þokumóða
Washington 1 skýjað
Winnlpeg -14 þokumóða
Morgunblaðið/Einar Falur
Þórarinn V. Þórarinsson framkvæmdastjóri VSÍ ræðir við blaða-
menn í gær.
Getum ekki vikið okk-
ur undan viðræðum
- segir Þórarinn V. Þórarinsson
„Ég get ekki svarað því hvort Dagsbrún er ósammála þeirri stefnu-
mörkun sem liggur til grundvallar þessum viðræðum. Hins vegar
kemur mér þetta mjög á óvart eftir þær viðræður sem áttu sér stað
hér um helgina, því þar hafa menn rætt möguleika á hvemig unnt
væri að vinna að þessum launakerfismálum. Af hálfu þeirra Dags-
brúnarmanna hefur ekkert komið fram um að þeir væru ósammála
þeim aðferðum sem ræddar hafa verið. Við höfum ekki ennþá kom-
ist það langt að ræða um ákveðnar tölur eða hlutföll. Við höfum
rætt um aðferðir og það hefur ekkert komið fram um það að af-
staða fulltrúa Dagsbrúnar í þessum viðræðum væri önnur en afstaða
annarra verkalýðsfélaga,“ sagði Þórarinn V. Þórarinsson, fram-
kvæmdastjóri VSÍ, aðspurður um stöðuna í samningamálunum eftir
útgöngu Dagsbrúnar.
- Er ekki um að ræða stefnu-
breytingu hjá Vinnveitendasam-
bandinu að vilja semja, þrátt fyrir
það að Dagsbrún sé ekki með?
„Við höfum ekki staðið frammi
fyrir því fyrr að Dagsbrún væri
ekki með. í síðustu viku varð nokk-
urt upphlaup hér í húsinu af þessum
sömu ástæðum og þá sagði ég að
ég teldi það óviturlegt að semja án
Dagsbrúnar. Þegar maður stendur
hins vegar frammi fyrir þessu sem
gerðum hlut, þá er það mitt mat,
að vinnuveitendur geti ekki risið
undir þeirri ábyrgð að víkja sér
undan viðræðum við allan megin-
þorra launþegahreyfíngarinnar í
landinu, um þau markmið að
tryggja bætta afkomu lágtekju-
fólks, að tryggja stöðugt verðlag
og stöðugan kaupmátt á næsta ári.
Með því væri alltof mikil ábyrgð á
okkur lögð. Hins vegar er það ljóst
að afstaða Dagsbrúnar hlýtur að
véikja samstöðu launþegahreyfíng-
arinnar," sagði Þórarinn.
„Það er alveg Ijóst að ef það eru
til hópar og verkalýðsfélög, sem
vilja keyra þvert á þá stefnumörkun
að tryggja fyrst og fremst hags-
muni lágtekjufólksins í þessum
samningum, þá er henni stefnt í
voða. Eg ætla ekki að dæma um
það á þessari stundu, hvort það er
slík afstaða sem liggur afstöðu
Dagsbrúnar til grundvallar. Hins
vegar geta hærra launuðu hópamir
í þjóðfélaginu brotið þessa stefnu-
mörkun á bak aftur. Þeir hafa gert
það fyrr. Við viljum hins vegar
ekki trúa þvi að það náist ekki
mjög víðtæk samstaða um bætur
til hinna lægst launuðu og viljum
láta reyna á þáð til þrautar," sagði
hann.
Þórarinn sagði að tækist ekki að
semja fyrir áramót, þá myndi skap-
ast mikil óvissa um framvindu
efnahagsmála. Vinnuveitendur ótt-
uðust að það eitt og sér gæti hrint
af stað skriðu verðhækkana og það
myndi aftur gera það erfiðara að
ná saman kjarasamningum. For-
sendur þess að okkur vegnaði vel
á næsta ári væru þær, að það yrði
vinnufriður og ákveðnar forsendur
fyrir verðhækkunum. „Ég leyni því
heldur ekki að ef samningar drag-
ast mjög á langinn, þá óttast maður
að samstaðan bresti meðal laun-
þegahreyfíngarinnar og það verði
erfítt að ná heildarsamningum
byggðum á þeim markmiðum sem
ég hef nefnt hér á undan," sagði
Þórarinn að lokum.