Morgunblaðið - 17.09.1987, Page 29
MORGUNBLAÐIÐ, FIMMTUDAGUR 17. SEPTEMBER 1987
29
Bretland:
Andrew
prins o g
Söruógnað
Vopnaður maður
handtekinn
London, Reuter.
MAÐUR vopnaður hnífi var
handtekinn I áhorfendahópi í
nánd við hertogann af Jórvík og
konu hans þar sem þau voru í
heimsókn í Sheffield á Bretlandi
í gær.
Talsmaður lögreglunnar segir að
Andrés prins og Sara kona hans
hafi aldrei verið í neinni hættu.
Maðurinn var tekinn höndum af
óeinkennisklæddum lögreglumanni
eftir að áhorfandi hafði gefíð lög-
reglunni ábendingu um að hann
væri grunsamlegur. Maðurinn var
sakaður um að bera ólöglegt vopn
og gert að mæta fyrir rétti.
Talsmaður konungsQölskyldunn-
ar í Buckingham-höll sagði: „Okkur
hefur verið gerð grein fyrir at-
burðinum en höfum ekkert frekar
um málið að segja. Það er nú í
höndum lögreglunnar."
Öryggisvarsla konungsfjölskyld-
unnar og Margrétar Thatcher
forsætisráðherra hefur verið aukin
að undanfömu vegna ótta við
hefndaraðgerðir IRA í tengslum við
ráðstefnu íhaldsfiokksins í næsta
mánuði.
Gestapó-for-
ingi fyrir
rétt í Dresden
Austur-Berlín, Reuter.
RÉTTARHÖLD hófust á þríðju-
dag í Dresden yfir Henry Schmidt,
fyrrum yfirmanni Gestapó, leyni-
lögreglu Hitlers. Að sögn austur-
þýzku fréttastofunnar ADN er
hann sakaður um að hafa stjómað
aftökum á 700 Gyðingum og pynt-
ingum á öðrum eins fjölda.
Að sögn ADN hefur Schmidt nafn-
greint að minnsta kosti 723 Gyðinga,
sem bjuggu í Dresden og næsta ná-
grenni, og líflátnir voru í fangabúðun-
um í Theresienstadt og Auschwitz á
tímabilinu apríl 1942 til febrúar 1945.
ADN sagði ennfremur að Schmidt,
sem nú er 74 ára, hefði stjómað yfir-
heyrzlum yfir mörghundruð Gyðinga
og fyrirskipað hrottalegar pyntingar
á þeim. Hefði hann misþyrmt mörg-
um fanganum sjálfur.
Fréttastofan greindi ekki frá þvi
hvenær Schmidt hefði verið hand-
tekinn eða hvar, en sagði aðeins að
hann hefði sætt varðhaldi vegna
rannsóknar málsins frá því í apríl í
fyrra. Pólsk og tékknesk yfirvöld
hafa lagt til sönnunargögn í máli
Schmidt og sent embættismenn til
að fylgjast með réttarhaldinu, að
sögn ADN.
I marz í fyrra voru tveir fyrrum
Gestapó-foringjar dæmdir í fangelsi
í Austur-Þýzkalandi fyrir stríðsglæpi.