Morgunblaðið - 19.05.1988, Blaðsíða 14

14
MORGUNBLAÐIÐ, FIMMTUDAGUR 19. MAÍ 1988
Morgunblaðið/Ól.K.M.
Fyrsta tréð gróðursett við Foldaskóla. Pétur Sigurðsson, formaður Foreldra- og kenn-
arafélags Grafarvogs, er þar að verki ásamt vöskum hópi.
Morgunblaðið/Ól.K.M.
Forláta bátur var sóttur á öskuhaugana og settur niður við skólann, þar sem hann
verður gerður upp. Hann verður án efa kærkomið skýli fyrir yngstu nemendurna,
enda strax komnir um borð.
Starfs- og skemmtidagur í Foldaskóla
„Krafturinn í félags-
starfinu er mikill“
Starfs- og skemmtidagur var haldinn i Foldaskóla i Grafarvogi
síðastliðinn laugardag, sem Foreldra- og kennarafélag Foldaskóla,
Skátafélagið og Ungmenna- og íþróttafélag Grafarvogs stóðu fyrir.
Á þessum starfsdegi tóku Grafarvogsbúar höndum saman um að
fegra skólalóðina og setja þar upp leiktæki, sem engin hafa verið
fram að þessu. Trésmiðir stjórnuðu vinnuflokkum og gróðursett
voru tré. Skáta- og íþróttastarf var kynnt og leikir og þrautir voru
fyrir alia aldurshópa. Inni í skólanum var blómasala og kaffi og
vöfflur voru á boðstólunum og rann allur ágóði til tækja- og bóka-
kaupa fyrir skólann. Allt var unnið í sjálfboðavinnu en síminn og
rafmagnsveitan ásamt borginni voru innan handar um efni. Það var
greinilegt á þessum starfsdegi, að „landnemarnir" í Grafarvogi vilja
veg skólans sem mestan, og áberandi er hin mikla samstaða meðal
ibúanna.
Morgunblaðið/Ól.K.M.
Arnfinnur Jónsson, skólastjóri Foldaskóla, og Soffía Pálsdóttir,
umsjónarmaður félagsstarfs í Grafarvogi.
„Gífurlegur áhugi ríkir hjá
íbúum hverfisins"
Guðmundur G. Kristinsson er
formaður Ungmenna- og íþróttafé-
lags Grafarvogs, sem fengið hefur
nafiíið Fjölnir, og aðstoðarfélags-
foringi skátafélagsins.
„íþróttafélagið er aðeins um
tveggja mánaða gamalt en samt
eru félagsmenn orðnir 450 talsins,
og skátafélagið telur 180 félaga,
sem sýnir hinn gífurlega áhuga sem
ríkir hjá íbúum hverfísins," sagði
Guðmundur. „Það veitir heldur ekki
af öflugum stuðningi þar sem að-
staða til íþróttaiðkana er engin.
Næsta vor er stefnt að því að koma
upp malarvelli niðri í dalnum þar
sem gert er ráð fyrir að rísi með
tímanum geysistórt íþróttasvæði."
í sumar verða æfíngar í knatt-
spymu fyrir 4., 5., og 6. flokk auk
frjálsra íþróttra, og munu þær fara
fram á túni hjá Keldum.
En hver er skýringin á hinni
miklu þátttöku í félagsstarfí í hverf-
inu? „Það sem gerir Grafarvog frá-
brugðin öðrum hverfum borgarinn-
ar, að undanskyldu því að þetta er
nýtt hverfí í örri uppbyggingu, er
hinn mikli fjöldi fólks utan af landi,
sem sest hefur hér að,“ segir Guð-
mundur. „Þetta fólk hefur kynnst
félagsstarfí á öðrum forsendum en
flestir reykvíkingar, þar sem hver
einstaklingur er mun virkari. Svo
er Grafarvogurinn eins og eyja og
því einangraður að nokkru leyti frá
öðrum borgarhverfum, sem er
kannski ekki ósvipað því þegar
Kópavogurinn var að byggjast
upp,“ sagði Guðmundur.
„Krafturinn í
félagfsstarfinu er mikill“
Soffía Pálsdóttir er umsjónar-
maður félagsstarfs í Grafarvogi og
forstöðumaður félagsmiðstöðvar-
innar, sem tekur til starfa í haust
í nánu samstarfí við Foldaskóla. Á
starfsdeginum var innritað í leikja-
og ævintýranámskeið sumarsins,
sem Soffía sér um í samstarfi við
ungmennafélagið og skátana.
Leiiqanámskeiðin eru fyrir 6-12
ára böm en ævintýranámskeiðin
fyrir 10-12 ára. Að sögn Soffíu er
sá aldurshópur mest afskiptur og
þarf að glíma við erfíðari verkefni
en þau yngri.
„Mér synist aðsóknin á þessi
námskeið ætla að verða rosalega
mikil enda er Foldaskóli mjög stór
skóli. Og krafturinn í félagsstarfínu
almennt er mikill þrátt fyrir ömur-
legar aðstæður, sem byggist á góðri
samvinnu atlra félagasamtakanna í
hverfínu og skólans, sem er notaður
flest kvöld."
í félagsmiðstöðinni, sem verður
samtengd skólanum, mun öll fé-
lagsstarfssemi fá inni. „Fyrirhugað
er að reka þessa félagsmiðstöð á
breiðari grundvelli en tíðkast hefur
hingað til. Við munum leggja
áherslu á að hingað komi allir ald-
urshópar, þeir. fullorðnu líka. Fé-
lagsmiðstöðin verður rekin í sam-
starfí ríkis og borgar. Og það er
frumraun að samstarf skóla og fé-
lagsmiðstöðvar sé svo náið, enda
mun bömunum bjóðast að koma
þangað að afloknum skóladegi, „en
við munum kappkosta að þeim fínn-
ist þau ekki lengur vera í skólanum
þótt þau dveljist áfram í húsnæði
tengdu skólanum,“ sagði Soffía að
lokum.
Morgunblaðið/Ól.K.M.
Sett voru upp ýmis konar leiktæki við Foldaskóla og má þar nefna sparkfleka, jafn-
vægisslár, rólur ásamt forláta bát sem sjá má á annarri mynd. Smiðir stjórnuðu vinnu-
flokkum og á myndinni má sjá einn slikan reka niður undirstöðu undir öruggri verk-
stjórn Svans Tómassonar.
Morgunblaðið/Ól.K.M.
Flaggað var hjá Foldaskóla i tilefni dagsins. Skólahúsið er orðið allt of lítið, en til
hægri á myndinni má sjá 2. áfanga hússins, sem vonast er til að komist i gagnið í haust.