Morgunblaðið - 06.07.1988, Blaðsíða 26

26
MORGUNBLAÐIÐ, MIÐVIKUDAGUR 6. JÚLÍ 1988
Reuter
Louvre-pýramídinn
PÝRAMÍDI úr jámi og gleri, er reistur hefur verið á tveim ámm í garði Napóleons við Louvre-
listasafnið í París, var formlega tekinn i notkun á sunnudaginn. Það var sjötugur, kínverskættað-
ur arkitekt, Ieoh Ming Pei, sem teiknaði pýramídann. Fjöldi fólks var viðstaddur þegar pýramíd-
inn var lýstur upp í fyrsta sinn á sunnudagskvöldið og Franska ríkishljómsveitin lék í garðinum.
Svíþjóð:
••
Oryggislögreglan
viðriðin hneykslið
Stokkhólmi. Frá Claes von Hofsten, fréttaritara Morgunblaðsins. Reuter.
YFIRSTJÓRN sænsku öryggislögreglunnar dregst nú meir og
meir inn í hneykslið vegna leynilegrar og að sumu leyti ólöglegrar
rannsóknar á morðinu á Olof Palme.
Svenska Dagbladet upplýsti á
mánudag að einn af bílum öryggis-
lögreglunnar hefði verið notaður
þegar reynt var fyrr í sumar að
smygla ólöglegum hlerunarbúnaði
frá Danmörku til Svíþjóðar. Ók
einn starfsmanna öryggislögregl-
unnar, SÁPO, bílnum og hafði áður
verið lífvörður bókaútgefandans
Ebbes Carlssons þegar hann ferð-
aðist um Evrópu í leit að upplýsing-
um um hugsanlega banamenn
Palme.
Þá hefur einnig komið fram, að
fyrrverandi lögreglumaður, sem
situr nú í gæsluvarðhaldi fyrir að
hafa útvegað hlerunartækin, segist
hafa aðhafst það eitt, sem hann
taldi vera í sámræmi við óskir yfir-
manna öryggislögreglunnar.
Yfirmenn sænsku öryggislög-
reglunnar segjast hvergi hafa kom-
ið nærri einkarannsókn Ebbes
Carlssons og hafa yfirvöld viljað
trúa því. Þessar nýju upplýsingar
kunna þó að neyða þau til að skoða
málið betur.
í skoðanakönnun, sem birt var
í gær, kom fram að þrír af hveijum
fjórum Svíum telja að aldrei verði
upplýst hveijir stóðu að baki morð-
inu á Palme. Fólk var einnig spurt
álits á framgöngu lögreglu og rann-
sóknaraðila í málinu. Aðeins 30%
sögðu að þeim fyndist lögregla
hafa unnið gott starf við rannsókn
málsins. í sams konar könnun í
febrúar sögðust 50% vera sátt við
rannsóknina. Fyrir tveim vikum
sagði Anna Greta Leijon af sér
starfi dómsmálaráðherra vegna
áðurnefnds smyglhneykslis.
Waldheim-deilan:
Fallið frá
ákæruum
rógburð
Vín, Reuter.
KURT Waldheim, forseti Aust-
urrikis, hefur fallið frá ákæru
á hendur forseta Alþjóðasam-
bands gyðinga, Edgars Bronf-
mans. Waldheim hugðist kæra
Bronfman fyrir rógburð eftir
að hann sagði að Waldheim
hefði verið „hluti af vígvél nas-
ista“ á ráðstefnu gyðinga í
Búdapest í maí.
Talsmaður Waldheims, Gerold
Christian, sagði að ástæður þess
að forsetinn hætti við að kæra
Bronfman væru að hann vildi halda
friðinn og teldi að langvinn réttar-
höld vegna þessa máls væru ekki
til þess fallin. Auk þess teldi forset-
inn að bandaríska dómsmálaráðu-
neytið hefði ekki gert það sem því
bæri til að aðstoða austurríska
dómstóla til að rannsaka málið.
Teldi forsetinn slíkt aðeins auka á
úlfúð vegna ásakana um aðild hans
að stríðsglæpum og því teldi hann
engum til góðs að halda málssókn
áfram.
Talsmaður fosetans sagði að í
þriðja lagi teldi forsetinn að þegar
hefði verið sýnt fram á að hann
væri saklaus af þessum ásökunum
Kurt Waldheim
og vitnaði þar til niðurstöðu sagn-
fræðinganefndar sem rannsakaði
aðild Waldheims að stríðsglæpum
nasista og komst að þeirri niður-
stöðu að ekki væri hægt að sak-
fella hann fyrir stríðsglæpi.
Talsmaður forsetans benti einnig
á að breskir og bandarískir fjölmiðl-
ar hefðu sýnt fram á sakleysi for-
setans í sjónvarpsþáttum þar sem
sett voru á svið réttarhöld yfir for-
setanum. Fimm fyrrverandi dómar-
ar tóku þátt í sjónvarpsréttarhöld-
unum og niðurstaða þeirra var að
ekki væri hægt að sanna að forset-
inn hefði átt þátt í þeim glæpum
sem hann var sakaður um.
Rannsóknir á líkklæði Krists vekja efasemdir:
Fölsun frá miðöldum?
Tórínó, frá Brynju Tomer, fréttaritara Morgfunblaðsins.
HÖRKLÆÐI, sem um aldabil hefur verið talið likklæði Krists, en
hefur þó vakið efasemdir sérfræðinga á undanförnum árum, hefur
nú verið rannsakað í þremur mismunandi stofnunum og virðast
niðurstöðurnar benda til þess að hér sé ekki um að ræða likklæði
frá 1. öld heldur fölsun frá miðöldum.
Að sjálfsögðu er hér um afar
viðkvæmt mál að ræða, en líkklæð-
ið, sem opinberlega er enn líkklæði
Krists, hefur á undanförnum árum
verið mikið til umfjöllunar og vilja
margir sérfræðingar meina að hér
sé um grófa fölsun að ræða. Fram
á 15. öld voru margir færir falsar-
ar á Italíu sem sérhæfðu sig í að
falsa trúarleg verk, og gæti
líkklæðið hugsanlega verið ein af
ótal mörgum fölsunum þess tíma.
Sumir telja jafnvel að hér sé ekki
um líkklæði að ræða, heldur hafi
hinir skýru andlits- og líkams-
drættr sem sjást í klæðinu, verið
málaðir á efnið.
Tvær milljónir
sáu líkklæðið
Líkklæðið er varðveitt í St. Sin-
dome dómkirkjukapellunni í Tórínó
og er afar sjaldan til sýnis fyrir
almenning. Síðast var það til sýnis
fyrir tíu árum og komu alls um
tvær milljónir ferðamanna til borg-
arinnar á þeim mánuði sem klæðið
var til sýnis, en það er afar mikill
fjöldi, þar sem tiltölulega fáir
ferðamenn koma til Tórínó undir
venjulegum kringumstæðum.
Mikil leynd hefur hvílt yfir
síðustu rannsóknum á líkklæðinu,
en fyrir skömmu birtist í breska
La Stampa
Líkklæði Krists, sem varðveitt
er í St. Sindome dómkirkjukap-
ellunni í Tórínó. Senn mun
koma i ljós hvort um er að
ræða grófa fölsun frá miðöld-
um eða hvort þetta er raun-
verulega líkklæði frá timum
Krists.
blaðinu Daily Telegraph grein eftir
hinn virta sagnfræðing Kenneth
Rose, þar sem hann segist sann-
fæður um að líkklæðið sé falsað.
Unnið er að því að aldursgreina
það í þremur virtum rannsóknar-
stofnunum, í háskóla í Arizona,
Ríkistækniskólanum í Zúrich og
háskóla í Oxford. 14 sýnishorn
voru tekin úr líkklæðinu í Tórínó
hinn 21. apríl sl. með mikilli leynd
og fékk hver rannsóknarstofa þrjú
sýnishorn til rannsókna. Einnig
voru send sýnishorn úr hörklæði
frá miðöldum, sem fengið var frá
British Museum í London, en þeir
sem annast rannsóknirnar vissu
ekki fyrirfram hvort þeir höfðu
undir höndum sýnishorn úr
líkklæðinu eða úr klæðinu frá Brit-
ish Museum. Gert er ráð fyrir að
í aldursgreiningu sem þessari geti
skeikað um 200 ár eða svo, sem
virðist mikið, en getur í það
minnsta leitt í ljós hvort um er að
ræða klæði fá 1. öld eða frá miðöld-
um.
Af skrifum Kenneths Rose verð-
ur ekki annað séð en niðurstöðurn-
ar sem háskólinn í Arizona hefur
sent British Museum í London leiði
í ljós að sýnishornin sem þar voru
rannsökuð séu frá miðöldum. Þá
er spumingin sú: Hafði háskólinn
eingöngu sýnishornin frá miðöld-
um (fengin hjá British Museum)
til rannsóknar eða reyndist
líkklæðið sjálft vera frá miðöldum?
Sérfræðingar British Museum í
London munu ásamt sérfræðing-
um Tækniskólans í Tórínó bera
saman bækur sínar þegar niður-
stöður frá öllum þremur rannsókn-
arstofnununum hafa borist og þá
fyrst verður hægt að gera raun-
hæfa áætlun um aldur líkklæðis-
ins.
Ljúffengt
gæðakex!
Það ber öllum saman um að
GRANOLA heilhveitikexið frá
LU er eitt það besta sem þú get-
ur vahð, hvort heldur þú velur
það með dökkri eða ljósri súkku-
laðihúð.
EGGERT
KRISTJÁNSSON H/F
SÍMI 6-85-300