Morgunblaðið - 09.12.1988, Blaðsíða 38

38
MORGUNBLAÐIÐ, FÖSTUDAGUR 9. DESEMBER 1988
Síðuskóla breytt í hverfísskóla?:
Skólanefnd jákvæðari
til breytinga en áður
MIKILL þrýstingur er nú á skóla-
nefnd AJkureyrar að breyta af-
stöðu sinni til þess hvert nemend-
ur á unglingastigi úr Síðuhverfí
skuli sækja skóla.
Fyrir um einu og hálfu ári ákvað
skólanefnd að Síðuskóli yrði hverf-
isskóli, þ.e.a.s. nemendur yrðu þar
ekki lengur en upp í 6. bekk, og
samþykkti bæjarstjórn þá ákvörð-
un. Foreldrar nemenda í Síðuhverfi
hafa alla tíð verið óhressir með nið-
urstöðuna, kennarar jafnframt, en
þessir aðilar vilja að nemendur í
hverfínu geti stundað nám alveg
upp í 9. bekk í skólanum. Fyrir
skömmu barst skólanefnd bréf og
undirskriftalistar frá kennarafundi
í Síðuskóla, Foreldrafélagi Síðu-
skóla, stjóm íbúasamtaka í Síðu-
hverfi og kennarafundi í Glerár-
skóla, þar sem óskað er eftir að
skólanefnd og bæjarstjóm endur-
skoði fyrri samþykktir hvað þetta
varðar. Þess má geta að foreldrafé-
lagið safnaði 668 undirskriftum
máli sínu til stuðnings.
Tii þessa hefur ekki verið pláss
fyrir krakka í 7.-9. bekk Glerár-
skóla fyrir krakka úr Síðuhverfí,
en þangað hefðu þeir átt að sækja
skóla. Unglingar hafa því stundað
nám í Síðuskóla fram til þessa —
í hitteðfyrra var þar 7. bekkur, 8.
bekkur hæstur í fyrra og í vetur
er 9. bekkur í skólanum í fyrsta
skipti. Nú er hins vegar að fjölga
í Síðuhverfí en börnum fækkar
smám "saman í Glerárhverfí, og í
ljósi þess fóm fyrmefndir aðilar af
stað til að fá skólanefnd til að
breyta afstöðu sinni. Akveðið hefur
verið að fljótlega eftir áramót verði
haldinn opinn fundur um málið í
hverfínu, og eftir hann mun skóla-
nefnd taka málið til frekari af-
greiðslu.
„Það er ekki gott að spá hver
niðurstaða skólanefndar verður.
Hljóðið í nefndarmönnum er þó að
minnsta kosti öðruvísi, þeir eru já-
kvæðari en áður. En hvortþað dug-
ar til að þeir breyti afstöðu sinni
veit ég ekki. Það verður að koma
í ljós,“ sagði Jón Baldvin Hannes-
son, skólastjóri Síðuskóla, í samtali
við Morgunblaðið.
Skortur á hjúkriinarfræðingiim við Fjórðungssjúkrahúsið;
Öldudalurinn óvenju djúpur
SKORTUR á hjúkrunarfræðingum í störf á Fjórðungssjúkrahúsinu
á Akureyri hefur verið viðvarandi um nokkurn tíma, talsverðar
sveiflur þó í ástandinu, en öldudalurinn virðist óvenju djúpur ein-
mitt nú.
„Þetta er eins og sjávarföllin,
flóð og fjara. Það er aldrei stórflóð
og fjaran sem betur fer yfirleitt
ekki til stórra vandræða,“ sagði
Sonja Sveinsdóttir, staðgengill
hjúkrunarforstjóra, í samtali við
Morgunblaðið. Að sögn herinar er
skortur á hjúkrunarfræðingum
viðvarandi á öldrunardeild, en
„verst verðum við fyrir barðinu á
þessu ef skortur verður á hjúk-
runarfræðingum á stóru bráða-
deildunum, lyflækninga- og hand-
lækningadeild".
Sonja sagði ástandið oft hafa
verið betra á stóru bráðadeildun-
um tveimur „og ekki má mikið út
- af bera til að við lendum í vand-
ræðum. En sem betur eru það
dugnaðarforkar sem við höfum hér
í vinnu, fólk sem tilbúið er að
bæta við sig vinnu eins og nauð-
synlegt er. Það hefur bjargað okk-
ur í gegnum erfíða tíma og á
ómældar þakkir skildar,“ sagði
hún.
Sonja sagði að nú vantaði 20
hjúkrunarfræðinga til starfa við
sjúkrahúsið „svo okkur líði vel“
eins og hún orðaði það. En hver
er skýringin á þessum skorti?
„Það hefur orðið nokkurt brott-
fall vegna bameigna eins og venju-
lega. Þá er ásókn í hjúkruna-
rfræðistörf utan sjúkrahússins
alltaf að aukast, í störf þar sem
aðeins er um dagvinnu að ræða,
enda mun hægara um vik með
bamagæslu fyrir fólk sem hefur
þannig vinnutíma. Stöðuheinkild-
um hjúkrunarfræðifólks í heilsu-
gæslu hefur fjölgað og þá eru
hjúkrunarfræðingar við kennslu
bæði á heilsugæslubraut verk-
menntaskólans og við hjúkmna-
rfræðibraut Háskólans á Akur-
eyri.“
Sonja sagðist einmitt binda
miklar vonir við brautina í háskó-
lanum.„Fyrsta útskrift af hjúk-
runarfræðibrautinni verður eftir
tvö ár og aðal starfsvettvangur
þeirra sem útskrifast þaðan hlýtur
að verða hér fyrir norðan,“ sagði
hún.
KEA:
Viðræður við Magnús
Gauta eru á lokastigi
Ingvi Hrafn Jónsson
Ingvi Hrafti
áritar bókina
INGVI Hrafn Jónsson, fyrrum
fréttastjóri Ríkissjónvarpsins,
áritar bók sína, „Og þá flaug
Hrafninn“, í tveimur bókaversl-
unum á Akureyri í dag og á
morgun.
Ingvi verður í dag í Bókaversiun-
inni Eddu í Hafnarstræti frá kl.
15.00 til 18.00 og á morgun áritar
hann síðan bókina í Bókvali frá kl.
13.00 til 15.00.
Samningaviðræður við Magn-
ús Gauta Gautason, aðstoðar-
kaupfélagsstjóra KEA, um að
hann verði næsti kaupfélags-
stjóri félagsins, eru nú að kom-
ast á lokastig, að sögn Jóhannes-
ar Sigvaldasonar, stjórna,rfor-
manns KEA.
Stjóm KEA var í haust falið að
he§a samningaviðræður við Magn-
ús Gauta um að hann yrði eftirmað-
ur Vals Amþórssonar, sem senn
hverfur suður á bóginn í stól banka-
stjóra Landsbankans. Magnús
Gauti var í haust ráðinn aðstoðar-
kaupfélagsstjóri, og sagði Jóhannes
ekkert hafa komið fram í viðræðum
við Magnús sem gæti breytt því að
hann yrði næsti kaupfélagsstjóri.
„Það er stjómarfundur fyrir jól og
vísast verður gengið frá ráðningu
Magnúsar á þeim fundi,“ sagði Jó-
hannes.
Stjómarformaður KEA óskaði
eftir því við Val Amþórsson á sínum
tíma að hann skilaði af sér á næsta
aðalfundi félagsins, sem að öllum
líkindum verður í apríl. Skv. heim-
ildum Morgunblaðsins er það enn
ekki komið á hreint hvort svo verð-
ur, en hingað til hefur verið talið
öruggt að Valur taki við banka-
Magnús Gauti Gautason
stjórastöðunni syðra um áramót.
Valur Amþórsson kvaðst ekki
vilja tjá sig um málið þegar Morg-
unblaðið hafði samband við hann í
gærkvöldi.
Nýi Myndlistarskólinn á Akureyri verður tekinn í notkun í næstu
viku. Hér sést skólahúsið, en í forgrunni er Helgi Vilberg, skóla-
stjóri.
Myndlistarskólinn á Akureyri í
n^tt húsnæði í næstu viku:
Mun marka tíma-
mót í sögu mynd-
listar á Akureyri
- segir Helgi Vilberg, skólastjóri
MYNDLISTARSKÓLINN á Akureyri flyst í næstu viku í nýtt
húsnæði — úr 350 fermetrum á einni hæð í Glerárgötu í "700
fermetra pláss á tveimur hæðum við Kaupvangsstræti. Efst í
Gilinu svokallaða, þar sem Efiiaverksmiðjan Sjöfii var til húsa
á sínum tíma. Myndlistaráhugamenn eru himinlifandi með þessa
lausn fyrir skólann og líta björtum augum til framtíðarinnar.
„Það er mjög gott að vera kom- að þörfum Myndlistarskólans og
inn í miðbæinn, hér erum við í
nálægð við-aðrar helstu mennta-
og menningarstofnanir bæjarins,"
sagði Helgi Vilberg, skólastjóri
Myndlistarskólans, er hann sýndi
Morgunblaðinu nýja húsnæðið.
Helgi var spurður um helstu
breytingar sem þetta hefði í för
með sér fyrir skólastarfíð. „Fyrst
og fremst þýðir þetta stækkun á
kennslurými en þrengsli hafa háð
okkur. Hér fær hver hlutur sinn
stað en útfrá hefur þurft að taka
saman eftir hvem tíma og rýma
til fyrir næsta hóp. Þá er lofthæð
hér mun meiri á neðri hæðinni
en á gamla staðnum, 4 metrar,
og það skiptir okkur miklu máli.“
Húsnæðið sem Myndlistarskól-
inn flyst nú í er í eigu Fasteigna
hf., fyrirtækis tveggja einstakl-
inga á Akureyri sem keyptu hús-
næðið af Sjöfn og buðu skólanum
það til leigu. „Samningar tókust
í sumar og ég lít á þetta sem
framtíðaraðsetur skólans,“ sagði
Helgi. „Innréttingar voru sniðnar
munu því henta starfseminni
ákaflega vel.“
Helgi sagði að flutningur skól-
ans í þetta húsnæði myndi marka
tímaihót í sögu myndlistar á Ak-
ureyri. „Húsnæði það sem skólinn
hefur haft til umráða síðustu 11
ár hentaði ágætlega í upphafí en
nú er svo komið að þrengslin voru
farin að há verulega starfsemi og
eðlilegri framþróun skólans."
Ásókn í skólavist fer sífellt vax-
andi að sögn Helga og eru biðlist-
ar á flest námskeið. í nýju hús-
næði mun námsframboð aukast
og skólinn getur tekið við enn
fleiri nemendum. Helgi gat þess
ennfremur að þegar í nýja plássið
væri komið gæti skólinn loks m.a.
boðið upp á námskeið í myndmót-
un — skúlptúr — en það hefur
hingað til ekki verið hægt vegna
aðstöðuleysis.
Nemendur skólans eru nú alls
um 200, „allt frá 5 ára bömum
og upp úr,“ sagði Helgi.
Helgi í skrifstofu sínni, sem verður væntanlega tilbúin í næstu
viku.