Morgunblaðið - 09.12.1988, Blaðsíða 56
56
MORGUNBLAÐIÐ, FÖSTUDAGUR 9. DESEMBER 1988
fclk í
fréttum
Hanastél á Langjökli
Um síðustu helgi kom 10 manna
hópur Finna frá Fuji- umboð-
inu þar í landi í stutta heimsókn
hingað til lands. Þetta voru sölu-
menn sem skarað höfðu framúr og
hlutu þeir ferðina í verðlaun fyrir
góðan árangur.
Hópurinn kom í einkaþotu frá
Finnlandi. Ferðaskrifstofan Atlant-
ik skipulagði jeppaferð á Langjökul
í samvinnu við vana jöklafara. Þar
var boðið upp á sjávarréttahlaðborð
og skálað fyrir vel heppnaðri ferð.
Að sögn Gísla Gstssonar umboðs-
manns Fuji á íslandi, sem fór með
upp á Langjökul, voru Finnarnir í
sjöunda himni yfir ferðinni og þeim
móttökum sem þeir fengu. Sögðust
þeir ætla að koma fljótt aftur.
Yfirmenn Fuji í Finnlandi, Kammonen forstjóri og Kuosmanen fi-am-
kvæmdastjóri.
ÍTALÍÁ
Vígreifir Fuji-menn eftir förina á Langjökul.
Jóhanna G. Möller
fær mjög góða dóma
Italia. Simone Mambriani.
Sópransöngkonan Jóhanna G.
Möller söng nýlega í bænum
Tabiano Terme á Ítalíu þar sem hún
hafði verið heiðruð snemma í októb-
ermánuði. Á dagskrá voru meðal
annars verk eftir Bach, E. Grieg,
G. Bizet og Puccini, en einnig söng
hún af mikilli list íslensk lög eins
og „Ég lít í anda liðna tíð“ „Kossa-
vísur" og „Þú ert“ og var henni
fagnað með áköfu lófataki áheyr-
enda. Þar á eftir fylgdi hið stórkost-
lega verk Sigvalda Kaldalóns, „Ave
Maria“. Dagblöð staðarins og sjón-
varp lofuðu söng hennar í hvívetna
og fékk hún mjög góða dóma. Und-
irleikari Jóhönnu á tónleikunum var
Giovanni Chiapponi og var einnig
borið mikið lof á leik hans.
Jóhanna G. Möller sópransöng-
kona.
NOREGUR
Brúðkaupá
náttfötum
Norðmenn virðast vera ótrúlega
hugmyndaríkir, að minnsta
kosti hvað varðar brúðkaup. Þau
Mona Johannesen og Gunnar Jo-
hansen héldu nýlega upp á brúð-
kaup sitt, á náttfötunum einum
fata. En vel að merkja, skipt var
yfir í draumapjötlur eftir vígsluna.
Prestinum þótti það heldur ósmekk-
legt að vígja svo fáklætt fólk
frammi fyrir hinu æðsta.
Brúðarparið hefur verið í sambúð
í mörg ár og á þijár dætur. Hjónin
segja þessa uppákomu kærkomna
tilbreytingu en af því mætti ætla
að ekki notuðu þau náttfatnað
hversdags. Allir veislugestir mættu
í náttfötum, meira að segja amma
gamla, 80 ára, kom með skott-
húfuna. Bornar voru fram veitingar
— og hvað var á boðstólum? Jú,
baunasúpa, borin fram úr steypu-
hrærivél og rækjur í trillubát!
Morgunblaðið/Eyjólfur M. Guðmundsson
Fyrrverandi starfsmenn íslenskra aðalverktaka í heimsókn á Keflavíkurflugvelli.
ÍSLENSKIR AÐALVERKTAKAR
Fyrrverandi starfemenn í heimsókn
* Vogum.
Isienskir aðalverktakar buðu
nýlega fyrrverandi starfsmönn-
um, sem sest hafa í helgan stein
á undanfömum árum, í heimsókn
á Keflavíkurflugvöll.
Vilhjálmur Amason, stjómar-
formaður íslenskra aðalverktaka,
sagði við þetta tækifæri að þetta
væri þakklætisvottur sem stjóm
félagsins vildi sýna fyrrverandi
starfsmönnum en þeir væm að
því leyti fulltrúar fyrir alla hina
sem einnig ættu þakkir skildar.
Farið var með starfsmennina í
skoðunarferð á vinnustaði og
gamlar minningar rifjaðar upp,
en margir af þeim sem í hópnum
vom höfðu starfað hjá fyrirtækinu
í mörg ár og sumir í áratugi.
Vilhjálmur sagði sérstaklega
gaman að sjá þessi andlit aftur.
Hann sagði miklar breytingar
hafa orðið á síðustu ámm, ný
mannvirki hefðu risið og aðstæður
væm allar aðrar frá því að þetta
fólk starfaði hjá fyrirtækinu. Allt
væri þetta meira og minna af-
rakstur þess sem þetta fólk hefði
verið að gera og allt starfslið fyrir-
tækisins. - EG