Morgunblaðið - 15.04.1989, Síða 10

10
, AJOKGUNBLAÐIÐ ^IKgAIjtDAGVfi ,15. APRfa fy89
Félag eldri borgara í Reykjavík:
Akvæðum um eigna-
skatt verði breytt
AÐALFUNDUR Félags eldri borgara í Reylq'avík og nágrennis
samþykkti að beina þvi til ríkisvaldsins að ákvæðum laga um eignar-
skatt verði breytt á þann veg að þegar annað hjóna fellur frá
skuli eftirlifandi maki, ekkja eða ekkill, njóta áfram skattfrelsis
af eignarskattssto&ii sem. I ályktuninni segir að hin mikla hækkun
eignarskatts af einni sæmilegri íbúð sem verður við fráfall maka
leggist mjög þungt á ekkil eða ekkju.
Aðalfundurinn samþykkti að
beina þeim tilmælum til borgar-
stjórnar Reykjavíkur að ellilífeyris-
þegum verði ekki gert að greiða
fasteignagjöld af eigin íbúð af hóf-
legri stærð sem þeir eingöngu nota
til eigin þarfa og að ellilífeyris-
þegar fái að ferðast ókeypis með
vögnum SVR-. Þá var samþykkt
að beina því til ríkisvaldsins að
lífeyrir frá Tryggingastofnun
tryggi einstaklingum 45 þúsund
króna tekjur á mánuði að lágmarki
og að skerðing tekjutryggingar
hefjist ekki fyrr en lífeyrisþegi
hafi meira en 25 þúsund króna
mánaðartekjur.
Bergsteinn Sigurðarson var kos-
inn formaður Félags eldri borgara
í Reykjavík. Auk hans eru 14 í
aðalstjórn og 6 í varastjóm. í félag-
inu eru 6.600 manns, 60 ára og
eldri. A vegum félagsins er unnið
að stofnun landssambands aldr-
aðra og kom fram á fundinum að
vonast er til að það verði á þessu
ári.
Vill einhver eignast fólkvang?
Vegna hjúskaparslita og væntanlegrar námsdvalar undirritaðs erlendis, er jörðin
Leirubakki í Landsveit, Rangárvallasýslu, til sölu, alls um 950 hektarar. Allt land
jarðar er afgirt. Þrjú megin hólf: Vallgróið sauðfjárland með húsum og hlöðum
fyrir 350 fjár, tún og kúahagar með bifreiðahliði á heimreið, ca 800 hektara skóg-
ræktarfriðland með milljónum birkitrjáa í örum uppvexti, þau stærstu nálgast
mannhæð, auk víðitegunda, berjalyngs, mosa og lúpínu. Er friðland þetta einhvert
hið stærsta á íslandi í einkaeign. Ökufært helluhraun, grasvalllendi, skjólsælir
dalir og blómabrekkur, allt skurðalaust og lítt snortið þurrlendi, einstakt göngu-
og útivistarsvæði. Sumarúrkoma meö minna móti á sunnlenska vísu, einkum í
austan- og suðaustlægum vindáttum.
Skipulagt og samþykkt land undir sumarhúsalóðir alls 58 hektarar og lóðafjöldi
sá sami, auk ökuslóða og sameiginlegs lands ætluðu sumarhúsafólki, útileikja-
svæði o.s.frv. Útmældar stikaðar lóðir alls 20. Ljósmynd af jörð allri er til sýnis
og uppdráttur með sumarhúsalóðum og örnefnum má Ijósrita að vild.
Rúmlega fjögurra kílómetra kafli jarðar liggur að Ytri-Rangá. í hana fellur tær lindá
vatnsmeiri en Elliðaár, báðir bakkar fylgja jörð víða við þverá þessa. í báðum ánum
er staðbundinn urriði sem oft er stór og tekur fast. Laxi hefur verið sleppt í árn-
ar. Möguleiki á klaki laxfiska víða, þ.á m. í náttúrulegum helli með lind innst inni
í, tilbúinn nú þegar, engin náttúruspjöll, bara setja bakkana í myrkan lækinn eins
og hann er. Miklir möguleikar á bleikjueldi á mörgum stöðum. Jörð á veiðirétt,
stangir og net, í Veiðivötnum, Fremri-Tungnárvötnum og þrem uppistöðulónum
stórvirkjana. Vatnsaflsstöð, rafall 23-25 kw 50 hz 3ja fasa. í lagi 1986 er ódýr
reimahaldari gaf sig, var þá rekstri hætt, enda samveiturafmagn einnig fyrir hendi.
Fullvirðisréttur er um 45 ærgildi.
Tvö íbúðarhús eru á jörð, annað steinsteypt um 150 fm, hitt eldra járnvarið timbur-
hús, sérinnréttað sem fjallaskáli eða farfuglaheimili, með fullkominni eldunar-,
upphitunar- og hreinlætisaðstöðu. Ferðaþjónusta í fullum rekstri, auk gistingar,
tjaldsvæði með sérsmíðuöu hreinlætishúsi.
Söluskáli og bensínstöð á staðnum í eigu olíufélags.
Fasteignamat jarðar kr. 4.358.000 og brunabótamat 10.402.000 (tölur frá sýslu-
manni). Veðlán lág. Þeir sem áhuga hafa á að kaupa áðurtaldar eignir og fleira
lausafé, hafi samband við Bjarna Valdimarsson í síma 98-76591, sem sýnir fús-
lega áðurtaldar eignir. Fullum trúnaði heitið að hans hálfu ef óskað verður.
Bjarni Valdimarsson.
911Cn 91Q7Í1 LÁRUSÞ.VALDIMARSSONframkvæmdastjori
L II JU “ L I 0 / U LARUS BJARNAS0N HDL. LÖGG. FASTEIGNASALI
Til sýnis og sölu auk annarra eigna:
Við Norðurbrún - mikið útsýni
Glæsil. parh. á tveimur hæðum meö 6 herb. íb. á aðalhæð og 2 góð
íbherb. á jarðh. Ennfremur stórt föndurherb., innb. bílsk. m.m. Sólver-
önd. Teikning á skrifstofunni. Einkasala.
Skammt frá Miklatúni
efri hæð 6 herb. 166,2 fm úrvalsgóð. Öll ný endurbyggð. Sólsvalir.
Nýr stór bílskúr með vinnuplássi. Fjórbýli. Mikið útsýni. Trjágarður.
Teikning og nánari upplýsingar á skrifst.
Steinhús - tvær íbúðir
á Flötunum í Garðabæ vel byggt steinhús með 4ra-5 herb. íb. 132,2
fm og 2ja herb. séríb. 57,8 fm. Báðar íb. eru á 1. hæð með sérinng.
Bílskúr 45 fm. Þetta er góð eign á vinsælum stað.
Við Hraunbæ - mikið endurnýjuð
4ra herb. íb. á 1. hæð 90,4 fm nettó. Vel skipulögð. Nýtt eldhús,
Nýtt gler o.fl. Góðir skápar. Sólsvalir. Rúmg. geymsla í kj. Skuldlaus.
Sanngjarnt verð.
í lyftuhúsi í Heimunum
4ra herb. íb. á 6. hæð 105,2 fm. Nýtt gler. Nýjar hurðir. Sérþvottah.
Inngangur sér af gangsvölum. Húseignin öll nýlega máluð og sprungu-
þétt.
Við Maríubakka - sérþvottahús
3ja herb. íb. á 2. hæð vel umgengin. Búr og sérþvottah. við eldh.
Sólsvalir. Hverfið hentar sérstaklega barnafólki.
í lyftuhúsi við Þangbakka
2ja herb. úrvalsgóð íb. 62 fm. Ágæt sameigp. Ákv. sala.
Þurfum að útvega m.a
2ja-3ja herb. íb. með bílsk. eða bílskúrsrétti. Rétt eign verður borguð út.
Opið í dag laugardag
kl. 10.00-16.00.
Fjöldi fjársterkra kaupenda.
AIMENNA
FASTflGNASAUN
LAUGAVEG118 SÍMAR 21150-21370
tftsmDsS dddÉI
Umsjónarmaður Gísli Jónsson 482. þáttur
Ámi Halldórsson á Egilsstöð-
um sendir mér skemmtilegt og
fróðlegt bréf sem ég freistast til
að birta í heilu lagi:
vHeill og sæll, Gísli.
I þætti nr. 476 er fjallað um
orðin Borgarfjörður eystri.
Þar í sveit er ég fæddur og upp-
alinn og þori að fullyrða að fólk
þaðan sagðist vera frá Borgar-
firði eystra.
í mörgum þáttum þínum var
fjallað um merkingu orðsins
lundur. Ég hallast að því, að
það orð geti nú á dögum merkt
bæði rjóður og þyrping tijáa, og
minni á amorskvæði, er sungið
var á unglingsámm okkar. Það
hefst svo, ef ég man rétt: „Hér
í borginni allt er á iði“, og endar
á því að „þama í lundinum bmt-
um við bæði/eitt það boðorð er
drottinn oss gaf‘. Illa trúi ég
því, að það boðorðsbrot hafi ver-
ið framið á trjágreinum.
Nú fyrir nokkmm dögum var
á Rás 1 rætt um selveiði. Það
vakti athygli mína að nú heitir
kópur ekki lengur kópur. Hann
heitir selungi. Ekki vil ég
hneykslast þótt flestir ungling-
ar, aldir upp á mölinni, nenni
ekki að læra nöfn á amboðum
og öðm slíku dóti sem lagt hef-
ur verið fyrir róða. Hraði nútím-
ans krefst „hagræðingar" á öll-
um sviðum, og vafalaust eykst
„framleiðnin" ef varpað er fyrir
borð orðum eins og folald,
lamb, kálfúr, hvolpur o.s.frv.
og nefna það ungviði hér eftir
meraranga, æmnga, kýmnga,
tíkarunga o.s.frv. Síðan kæmi
röðin að heiti hala hinna ýmsu
dýrategunda. í stað rófú, tagls,
stéls, skotts, dindils o.s.frv.
kæmi eitt orð: HALI, sem einnig
yrði notað um sporð, og hvað
það nú heitir allt sem enskir
kalla tail.
Nú er víst nóg komið, en mig
langar þó að lokum að bera
undir vísdóm þinn eina spum-
ingu. Er hluti íslenskra forsetn-
inga kominn að fótum fram?
Nú heyrir maður oft að sagt er
„varðandi" þegar áður vora not-
uð orðin í eða um.
Öryggiseftirlit ríkisins aug-
lýsir oft námskeið „varðandi"
meðferð þungavinnuvéla. Fyrir-
lestrar „varðandi“ eitthvað em
oft auglýstir. Má nú fara að
vænta þess að ungu skáldin fari
að yrkja ljóð „varðandi" ástina
sína?
Gangi þér allt í haginn."
★
Já, sömuleiðis, en ég ætla að
vera svo bjartsýnn, að svara
lokaspumingunni neitandi. Svo
illa held ég ekki að komið sé.
Góðar forsetningar, svo sem í
og um, eru svo sem ekki heldur
komnar að fótum fram, en eins
og Ámi segir, sparaðar meira
en góðu hófi gegnir. Dæmi þau,
sem hann tók, og önnur slík, em
deginum ljósari.
★
Víða er unnið gott starf á
akri íslenskrar tungu, svo sem
stundum hefur komið fram hér
í þættinum. í þetta sinn langar
mig til að vekja athygli á nýju
tímariti á vegum Orðabókar
Háskólans. Orð og tunga heitir
það, og ég leyfi mér að taka hér
upp lokaorð úr ritgerð Helgu
Jónsdóttur cand. mag.: Þýðing-
ar á tölvuleiðbeiningum:
„Þýðingarstarf Orðabókar
Háskólans hefur nú staðið í rúm
fjögur ár. Með því hefur Orða-
bókin haslað sér völl á nýjum
vettvangi sem þó er á ýmsan
hátt tengdur hinu orðfræðilega
starfi sem þar fer fram. Með
þýðingunum leggur orðabókin
sinn skerf af mörkum til
íslenskrar málræktar á sviði þar
sem stofnunin hefur á ýmsan
hátt haft forgöngu um framfarir
og nýjungar. í annan stað er öll
þýðingarstarfsemi vel til þess
fallin að reyna á notkunargildi
orðabóka og skýra hugmyndir
um gerð þeirra og framsetningu.
Orðasmíð er veigamikill þátt-
ur í þýðingarstarfmu og býsna
viðamikill orðaforði hefur orðið
til á þessu tímabili. Hafinn er
undirbúningur að útgáfu orða-
safns yfir þýðingamar þar sem
orð og hugtök verða skilgreind
og skilgreiningarnar studdar
notkunardæmum. Þannig munu
þýðendur fylgja orðaforðanum
eftir frá því að hann verður til
í þýðingunni og jiar til hann
kemst í orðasafn. I orðasafninu,
eins og þýðingunum, verður það
haft að leiðarljósi að textinn sé
auðskiljanlegur öllum almennum
notendum. Orðasafnið ætti því
að koma þeim jafnt að gagni sem
fást við þýðingar um þessi efni
og þeim sem eingöngu em að
nota forritin og leita eftir nán-
ari útskýringum á orðum og
hugtökum.
Aðferðin við þýðingamar er
að ýmsu leyti nýstárleg, en hef-
ur tvímælalaust sannað gildi sitt.
Tekist hefur að láta hóp þýðenda
ná samræmdum tökum á marg-
brotnu verkefni. Slík hópvinna
er forsenda þess að ný forrit
komist á markað í tæka tíð.
Eins og áður er getið er orða-
forðanum leyft að verða til
smám saman eftir því sem þýð-
ingunni miðar áfram. Meðmælin
með þeirri aðferð verða ekki
endurtekin hér. Rétt er þó að
benda á að þessi aðferð er góður
prófsteinn á orðaforðann. Þýð-
endum annarra forrita stendur
til boða að nýta sér þýðingamar
og er reyndar þegar farið að
bera á því að litið sé á orðaforð-
ann sem fyrirmynd.
Eins og lýst var hér að fram-
an er mikið lagt upp úr lipru og
eðlilegu málfari á þýðingunum,
málfari sem fellur að íslenskri
stílhefð. Ástæða er til að leggja
áherslu á mikilvægi þess þáttar
í íslenskun textanna.
IBM á íslandi hefur með þessu
samstarfsverkefni sýnt mikinn
metnað og hefur fátt verið til
sparað að það mætti takast sem
best. Sjálfsagt er það eins-
dæmi að ráðist sé í jafhstór
verkefni og hér um ræðir á
svo litlu málsvæði. Með fram-
lagi sínu hefúr IBM haft for-
göngu um að innlendur orða-
forði nái fótfestu í þessari
grein, en um það eygja flestar
aðrar smáþjóðir litla von.“
(Leturbreyting umsjónar-
manns.)
★
Nýr limrusmiður hefur hafist
upp, Hlaðgunnur héðan. Hún
kvað:
Þeim bar ekki saman, þeim Barða Snæ-
bjömssyni og Helga, hvað varð af Æ-
vari hennar Viggu
og Vertshúsa-Siggu,
er þau gaufuðust burtu úr Garðabæ.
Sinfóníutónleikar
Tónlist
JónÁsgeirsson
Þrettándu áskriftartónleikar
Sinfóníuhljómsveitar íslands hóf-
ust með Haffner-sinfóníunni eftir
Mozart, fallegu verki sem hljóm-
sveitin lék ekki óþokkalega nema
síðasta kaflann, sem var nokkuð
óskýr, enda leikinn á töluvert mikl-
um hraða. Þá var menúettinn laus
við það gangandi hljóðfall, sem
einkenndi dansinn fyrrum, þ.e.
hann var einum of létt leikinn, svo
að hægferðugt danshljóðfallið
týndist. Annar þáttur, Andante,
var mjög fallega leikinn, þó meiri
ró hefði mátt vera yfir honum.
Tvö næstu verk á eftir Haffner-
sinfóníunni voru einleiksverk fyrir
hom. Það fyrra eftir Johann B.G.
Neruda (1706-1780) er var hirð-
tónlistarmaður í Dresden. Kon-
sertinn er saminn fyrir lítið horn,
ágæt tónlist en ekki viðamikil og
þó merkja megi að Ifor James sé
frábær homleikari var tónninn hjá
honum nokkuð hás undir lokin. í
Homkonsertinum eftir Gordon
Jacob var tónninn sannarlega í
lagi og leikurinn í heild glæsileg-
ur, þó ekki væri hann með öllu
slysalaus. Konsertinn er að mörgu
leyti skemmtileg tónsmíð, fallega
saminn fyrir horn, og síðasti
kaflinn listilegur tæknileikur sem
Ifor James lék frábærlega vel.
Tónleikunum lauk með „Bras-
ilíu-Baeh“ nr. 2 eftir Villa-Lobos.
Verk þetta er fullt af alls konar
blæ- og hrynbrellum, sem hljóm-
sveitin náði ekki að öllu leyti, sér-
staklega var hrynleikur sveitarinn-
ar ekki gæddur þeirri hrynskerpu,
sem einkennir tónlist Brasilíu-
manna. Það er ekki nóg að leika
nóturnar, þær eru aðeins ófull-
komin ábending og í marglitri
þjóðlegri tónlist þjóðanna hefur
reynst ómögulegt að skrásetja þau
fínlegu fyrirbæri í hljóðfalli og
blæ, sem eru einkennandi fyrir
hvert menningarsvæði. Nægir að
benda á Vínarvalsinn, jazzinn, tón-
list frá Spáni, Balkanskaga, Áust-
urlöndum nær og fjær og Suður-
Ameríku.
Vigdís K. Aradóttir lék einleik
á saxófón, Oddur Björnsson á bás-
Ifor James
únu og Gary MacBretney á selló
og fórst þeim það ágætlega úr
hendi. Að frádregnum einleik Ifor
James, voru þetta frekar viðburða-
litlir tónleikar en það er á næstu
tónleikum, 27. apríl, sem stórtí-
ðindin verða, er óperan Tann-
háuser eftir meistara Wagner
verður flutt.