Morgunblaðið - 31.05.1989, Síða 44

44
MORGUNBLAÐIÐ MIÐVIKUDAGUR 31. MAÍ 1989
I
í
1
I
|
\
ffclk í
fréttum
BANDARIKIN
Fagnar 103ja ára afinæli
Edna Brynjólfsson Finnson heit-
ir kona ein í Bandarílqunum.
Hún fæddist árið 1886 á íslandi eh
þriggja ára gömul fluttist hún til
Winnipeg í Kanada. Edna býr nú í
Howell Place í Tavares, nálægt
Orlando í Flórída, en hún fagnaði
103ja ára afmæli sínu 2. maí síðast-
liðinn.
Árið 1907 giftist Edna Finni
Finnssyni en hann kom til Banda-
ríkjanna frá Noregi árið 1902. Hann
var ritstjóri og framkvæmdastjóri
tímarits um járnbrautarmál í
Kanada en lést árið 1941. Þau eign-
uðust fjögur börn, Vernu, sem nú
er áttræð, Harold, Einar og Alice,
en Alice lést árið 1986, 69 ára að
aldri.
Edna er atorkusöm kona við góða
heilsu. Þó heyrir hún ekki vel og
nýlega varð hún fýrir þvi óhappi
Edna Finnson á heimili sínu i
Tavares.
að mjaðmargrindarbrotna. Að öðru
leyti er hún hress, fer í líkamsrækt
tvisvar í viku, bakar þegar þannig
stendur á og þvær jafnvel sjálf
flíkur sínar. Hún talar íslensku
þrátt fyrir að hún hafi ekki komið
aftur til íslands á þeirri öld sem
liðin er frá því að fjölskyldan flutt-
ist búferlum. Ekki er vitað um ætt-
ingja hennar hér á landi en dóttir
hennar, Verna, hefur komið hingað
til lands í þeim tilgangi að finna
skyldmenni. Sagði Ragnar Ólafsson
sem heimsótti Ednu á síðasta ári
að hún hefði haft mikla ánægju af
því að heyra talaða íslensku og
skildi hún málið mæta vel.
Edna segir í viðtali þar vestra
að hana hafi ætíð langað aftur til
íslands en aldrei látið verða af því.
Gamli tíminn er henni enn í fersku
minni, olíulampinn, eldstóin,
strokkurinn og þvottabrettið. Hún
man mikla kulda og erfiða tíma og
segir það ekkert tiltökumál þó að
það hafi verið haft fyrir hlutunum.
Alltaf hafi hún verið við góða heilsu.
Ættarsaga Ednu hefur verið gef-
in út á ensku en Indriði Indriðason,
ættfræðingur á Fjalli, er höfundur
hennar.
JAFNRÉTTI
Utbúnaður
fyrir verð-
andi feður
Vestur í Banda-
ríkjunum er
hafin sala á útbún-
aði sem ætlað er að
auka skilning verð-
andi feðra á líðan
ófrískra eigjn-
kvenna sinna. Út-
búnaðurinn nefnist
„óléttu-vestið" og
tryggir rétt notkun
hans, að sögn fram-
leiðandans, líkam-
lega vanlíðan, bak-
verk, mæði og ann-
að það sem með-
göngu fylgir þó svo
ekki verður betur
séð en sá „ófríski“ á
myndinni sé öldung-
is fullsáttur við
ástandið.
PÁFAGARÐUR
Bandaríkjaforseti
í heimsókn
George Bush Bandaríkjaforseti átti um síðustu helgi viðræður við
Jóhannes Pál páfa II og var myndin tekin í skrifstofu þess síðar-
nefnda í Páfagarði. Bush kom við á Ítalíu á leið til fundar við leiðtoga
Atlantshafsbandalagsins i Brussel í Belgíu en þetta var fyrsta Evrópu-
för hans frá því hann tók við embætti Bandaríkjaforseta í janúarmán-
uði. Jóhannes Páll páfi II heldur á fimmtudag í fyrstu ferð páfa til
Norðurlanda eins og alkunna er og kemur til íslands næsta laugardag.
Reut«r
COSPER
BJÓRVINUR
—Það voru tvíburar.
Laus úr ánauðinni
Asgeir Hvítaskáld heitir maður-
inn sem á banntíma bjórsins lét
einna mest ti! sín heyra á opinberum
vettvangi. Hann barðist ötullega fyr-
ir komu bjórsins en allt kom fyrir
ekki; bjórmál voru hvað eftir annað
kæfð á Alþingi. Hann lýsti því yfir
í fjölmiðlum fyrir þremur árum að
hann myndi yfirgefa ættjörðina og
ekki snúa heim fyrr en bjórinn yrði
leyfður. Ásgeir Hvítaskáld stóð við
yfírlýsingu sína og er nýkominn til
landsins.
„Nú gat ég snúið aftur. Þegar
maður er skáld verður maður að
standa við loforð sín. Fyrir mér var
þetta hugsjónamál. Eg er mjög glað-
ur yfir því að bjórinn skuli loks leyfð-
ur. Ég hef saknað íslands og sú til-
hugsun að bjórinn yrði aldrei leyfður
var hræðileg. En nú er ég búinn að
kíkja á krárnar héma og líst ágæt-
lega á þetta. Ég held að drykkjuvenj-
ur muni breytast til hins betra en
það tekur sinn tíma. Á endanum
verða það færri sem fara á „Freep-
ort“ um fertugt," segir Ásgeir.
— Hvar hélstu til í útlegðinni?
„Ég sigldi á seglskútu á víkinga-
slóðum til Noregs og var ellefu daga
á sjó í bijáluðu óveðri. Þar í landi
var ég í tvö ár. Síðastliðið ár var ég
svo í Svíþjóð. Ég er við nám í við-
skiptafræði og markmiðið er að þéna
peninga. Maður var búinn að vera
sveltandi skáld i átta ár og ég nennti
því ekki lengur."
Hljómsveitin Brother Beyond.
POPP
Að bjarga skógnnum
Menn eru sífellt að gera sér betri grein fyrir allri þeirri eyðileggingu
sem jörðin verður fyrir af þeirra völdum. Margar poppstjörnur hafa
barist fyrir friðar- og umhverfismálum hin síðari ár og brátt munu poppar-
amir styðja átak sem kallast „Andi skóganna" (The Spirit og the Forest).
Framlag þeirra verður til þess að vekja athygli á varnarleysi regnskóga
hitabeltisins en þeir eru helmingur af grónu svæði jarðar.
Þeir popparar sem munu gefa út hljómplötu af þessu tilefni eru meðal
annarra.Brother Beyond, Belinda Carlisle, Debbie Harry, Donna Summer,
Ringo Starr, Thomas Dolby, Fleetwood Mac og Sam Brown. Framtak þetta
tengist einnig „Umhverfisdegi heimsins" fimmta júní næstkomandi.
Ásgeir Hvítaskáld fagnar bjóm-
um.
— Þýðir það að þú sért hættur
að skrifa?
„Nei, ég skrifaði mjög mikið í
Noregi, seldi smásögur í ýmis blöð.
En fyrir ári síðan missti ég innblást-
urinn.“ Ásgeir segist þó vita hvar
innblásturinn væri, hann gæti sótt
hann aftur á sveitabæ einn í Þela-
mörk í Noregi. Þar ríkti sérstakur
andi, alls ólíkur andrúmsloftinu í
Svíþjóð.
Asgeir segir að þessi barátta hans
fyrir bjórnum hefði vakið athygli í
Noregi og verið skrifað um hann í
dagblöðin í Stafangri. Litið var á
bjórbann íslendinga sem skerðingu
á persónufrelsi. Það væri ekki svo
að hann þambaði bjór daginn út og
inn, Ásgeir sötraði mun minna en
margur. Hann hlaut dyggan stuðning
norskra bjórvina sem af og til sendu
honum hinar forboðnu veigar.
— Hvað tekur við hjá þér, nú þeg-
ar þú ert kominn heim?
„Ég er reyndar á förum aftur og
ætla að klára námið í Svíþjóð. Það
sem ég ætla að gera þegar ég á frí
næst er að fara í Þelamörk og skrifa
skáldsögu. Næsta vor kem ég svo
aftur til íslands og geri einhveijar
nýjar rósir. Þeir sem geta skrifað
eiga að tala fyrir hönd hinna sem
eiga erfíðara með að tjá sig. Það er
skylda rithöfunda að beijast fyrir
réttlæti og frelsi,“ segir Ásgeir
Hvítaskáld að lokum.
í