Morgunblaðið - 21.06.1989, Blaðsíða 41

MORGUNBLAÐIÐ MIÐVIKUDAGUR 21. JÚNÍ 1989
41
Eru íslenskir neyt
endur fávísir?
Týndur köttur
Kötturinn Mjási týndist 24. maí.
Hann var með bláa 61 og er merkt-
ur. Hann er gulbröndóttur. Mjási á
heima á Hlíðarvegi 51 í Kópavogi.
Vinsamlegast hringið í síma 42676
ef hann hefur einhvers staðar kom-
ið fram.
Til Velvakanda.
Hversu lengi ætla íslenskir neyt-
endur að sætta sig við gengdar-
lausa okurálagningu kaupmanna.
Tímabært er að segja stopp, stopp,
stopp - hingað og ekki lengra. Þeg-
ar Ríkissjónvarpið birtir hvað eftir
annað verðkannanir sem sýna
verðmismun milli verslana uppá
hundrað til þrjúhundruð prósent þá
spyr ég: Hversu lengi ætlar fólk
að líða slíka óvirðingu og átroðslu
við pyngju almennings? Það er í
raun einföld og árangursrík leið til
að stöðva þá sem stunda óréttláta
viðskiptahætti og það er að beina
öllum viðskiptum til þeirra sem
hafa sýnt sig sanngjarna í verði og
bjóða frambærilega vöru hvað varð-
ar gæði og þjónustu. Og þannig
mætti gefa þeim kaupmönnum sem
hér er um fjallað svo sem mánuð
til að hugleiða í næði hvernig á að
meðhöndla viðskiptavini, nefninlega
með virðingu og góðri þjónustu,
ásamt bestu fáanlegum gæðum og
ekkert minna. Án neytenda er jú
engin verslun.
Samtakamátturinn er gífurlegur
og ef þú vilt leggja þitt að mörkum
til að fá það sem þér ber með réttu
fyrir peningana þína þá hvet ég þig
og þína til að gerast virkur félagi
og þátttakandi i Neytendasamtök-
unum hvar á landinu sem þú ert.
Því fleiri virkir þátttakendur, því
auðveldara verður að halda uppi
réttlátu vöruverði, gæðum og þjón-
ustu. Gera mætti skrá í samráði
við verðlagsráð yfir þær verslanir
sem stunda óréttlát viðskipti og
senda þá skrá til félaga mánaðar-
lega með það fyrir augum að þeir
geti hagað viðskiptum sínum út frá
því. Samtakamátturinn virkist að-
eins ef við beinum sameiginlegum
kröftum okkar í farveg Neytenda-
samtakanna sem eru jú hugsuð til
að gæta hagsmuna þinna og allra
neytenda í landinu.
Við getum verið þakklát fyrir
einkaframtakið og þá duganaðar-
menn sem lyft hafa versluninni upp
í þann standard sem við njótum í
dag. Verslun á íslandi á alla virð-
ingu skilið en stöðvum okurálagn-
ingu, léleg vörugæði og lélega þjón-
ustu. Stöndum saman.
Örn Guðmundsson
Hvers vegna er aðeins
tekið við heilum dósum?
Kæri Velvakandi.
Ég á átta ára dóttur sem frétti
að hún gæti fitað sparibaukinn sinn
með því að gera hreint fyrir sínum
dyrum og annarra og safna einnota
umbúðum, aðalega dósum. Sú litla
var ötul og að bragði voru húsa-
kynni okkar undirlögð af plastpokum
fullum af dósum og hún öðlaðist
umsvifalaust aurasál og lagerinn var
talinn mörgum sinnum á dag. Af
einskærri hugvitsemi datt pabba I
hug að spara pláss svo hægt væri
að koma fleiri dósum í hvern poka
og kramdi allt draslið saman með
handafli við mikla aðdáun dótturinn-
ar. Þá færði móðirin okkur þær frétt-
ir að ekki væri tekið á móti einni
né neinni dós nema að hún væri
óaðfinnanleg. Nú, aðdáun dótturinn-
ar breyttist strax í grát og gnístran
tanna og skemmdavargurinn sá
framtíðardrauma hennar um þríhjól
fyrir litlu systur hrynja niður og
verða að engu. Vissulega skil ég
launþegana í ráðuneytinu því það
væri alveg eftir barninu að ganga á
lagið og panta strax til landsins
nokkra skipsfarma af einnota um-
búðum nema henni lægi mikið á því
þá myndi hún flytja allt inn í flugi.
Maður sér fyrir sér í framtíðinni að
fólk sem tekur upp dós á almanna-._.
færi, skoðar hana vandlega og fleyg-
ir henni síðan aftur af því að hún
var rispuð og þar með er megintil-
gangurinn með skilagjaldinu kominn
út í hafsauga og eftir nokkur ár sést
ekki í borg Davíðs fyrir beygluðum
og rispuðum dósum.
Fyrst ég er svo orðinn svekktur,
sár og reiður, langar mig til að minn-
ast á svolítið sem ég botna bara
ekkert í. Verkalýðshreyfingin sem á
eignir upp á 6-7 milljarða setur þær
reglur að sjómenn sem komi í land
úr veiðiferð skuli lúlla í 24 stundir
áður en þeir beri sig aftur eftir —
lífsbjörginni, eða með öðrum orðum
útgerðin skal rekin eftir reglugerðum
verkalýðshreyfingarinnar eða þá að
hún velji hinn kostinn og bara reki
allan mannskapinn sem þeir og
gerðu. Hvað á þá að gera við flugá-
hafnir sem hafa tekjur sínar af þjón-
ustu við ferðafólk og láta fjölda far-
þega bíða í erlendri flughöfn vegna
þess að heilar 7 mínútur fóru umfram
markið samkvæmt reglugerð. Hvar
er gamla vinnugleðin, eljusemin og
þjónustulundin. Jú, hún er á bólakafi
í ótal reglugerðum.
Helgi Steingrímsson
tr~~
I STAÐ TOMRAR BUDDU
OG BUNKA AF REIKNINGUM:

W, Þegar mjólkurlítrinn kostar 67 krónur og 10 aura
og verðbólgan er 20-25% er nauðsynlegt að halda
vel utan um fjármálin. Því fylgir mikið óöryggi að
lifa aðeins frá einni útborgun til annarrar og festast
í vítahring greiðslukorta. Það er erfitt að losna - en
ekki vonlaust.
FYRSTA SKREFIÐ ER AÐ FARA
YFIR ÚTGJÖLDIN
Annað skrefið er að leggja reglulega til hliðar
nokkra upphæð. Hún þarf ekki að vera há, margir
byija t.d. með 5.000 krónur. Peningarsem áður fóru
í óþarfa safnast þannig saman og mynda varasjóð
sem grípa má til þegar mikið liggur við. Þú getur
notið þess að stjóma þínum eigin fjármálum ogeiga
ekki bara tóma buddu.
5.000 KRÓNUR GETA ORÐIÐ
2,5 MILLJÓNIR
Mánaðarlegur spamaður hjá VIB er einfaldur,
þægilegur og fyrirhafnarhtill. Hann er ávaxtaður í
öruggum verðbréfmn sem gefa góða ávöxtun, t.d.
spariskírteinum, bankabréfum eða Sjóðsbréfum.
Ef raunvextir eru 7% verða 5.000 krónur á mánuði
að 2,5 milljónum auk verðbóta á 20 árum.
Komdu við á skrifstofunni í Armúla 7 og kynntu
þér þjónustu okkar eða hringdu í síma 681530.
VIB
VERÐBREFAMARKAÐUR IÐNAÐARBANKANS HF
Ármúla 7, 108 Fteykjavik. Sími 68 15 30