Morgunblaðið - 21.04.1990, Blaðsíða 21

MORGUNBLAÐIÐ LAUGARDAGUR 21. APRIL 1990
21
60 ára afinælistónleikar
Lúðrasveitarinnar Svans
Leikskóli
byg’gður
í Garðabæ
Börn frá leikskólunum Kirkjubóli
og Bæjarbóli í Garðabæ, tóku fyrstu
skóflustunguna að nýjum þriggja
deilda leikskóla, Hæðarbóli, sem
byggður verður í Hæðarhverfi við
Bæjarbraut í Garðabæ. Mögulegt
verður að nýt eina deild, sem dag-
heimilisdeild auk þess, sem sérstök
aðstaða verður fyrir fötluð börn.
Byggingarframkvæmdir voru boðn-
ar út og tekið tilboði frá Ártaki hf.
Áætlaður kostnaður er 40 milljónir
króna fyrir fullbúið hús ásamt inn-
réttingum og frágangi á lóð. í ijár-
hagsáætlun bæjarins er gert ráð
Morgunblaðið/Bjarni
fyrir 30 milljónum króna til verks-
ins á þessu ári. Stefnt er að verklok-
um 1. mars 1991.
LÚÐRASVEITIN Svanur var
stofiiuð 16. nóvember 1930 og
verður 60 ára aftnælis hljóm-
sveitarinnar minnst með afmælis-
tónleikum í Háskólabíói í dag,
laugardaginn 21. apríl, kl. 14.00.
Hljómsveitina skipa nú um 60
hljóðfæraleikarar og hefur lúðra:
sveitin aldrei verið fjölmennari. í
tilefni afmælisins hefur einnig verið
gefið út veglegt afmælisrit. Meðal
efnis í blaðinu er ágrip af 60 ára
sögu sveitarinnar, ritað af Atla
Magnússyni blaðamanni. Einnig er
þar að finna félagatal lúðrasveitar-
innar allt frá stofnári. Einnig rita
í blaðið eldri og yngri meðlimir.
Af verkum á efnisskrá tónleik-
anna má sérstaklega benda á „Con-
certo fyrri blásara og ásláttarhljóð-
færi“ eftir Pál P. Pálsson sem ein-
ungis hefur verið flutt einu sinni
áður. Einnig verður frumflutt verk
eftir Össur Geirsson, „Sögur af
sæbjúgum", sem hann samdi sér-
staklega fyrir lúðrasveitina í tilefni
af afmælinu. Einleikarar á tónleik-
unum eru Kjartan Óskarsson á
klarinett, Jón Sigurðsson á tromp-
et, Sæbjörn Jónsson á trompet og
Kristján Kjartansson á trompet.
Stjórnandi Lúðrasveitarinnar Svans
er Róbert Darling.
/
Hallgrímskirkja:
Orgelsöfiiun
gengur von-
um betur
„Söftiunin gengur framar
björtustu vonum, Qölmargir vilja
leggja tón í þennan helgidóm,"
segir Hörður Askelsson organisti
í Ilallgrímskirkju. Þar hófst s.l.
laugardag söfiiun fyrir orgeli
sem smíðað verður í Bonn í
Þýskalandi. Fjáröflunin fór af
stað með ellefii stunda tónleikum
í kirkjunni og felst í því að fólk
getur keypt orgelpípur af ýmsu
tagi. Hörður segir að þegar hafi
safnast á þriðju milljón króna,
en heildarverð orgelsins verður
milli sextíu og sjötíu milljónir.
í þessu stærsta orgeli landsins
verða yfir 5.200 pípur. Vonir standa
til að það hljómi í Hallgrímskirkju
að tveimur árum liðnum. Hörður
Áskelsson segir að söfnunin haldi
áfram meðan orgelpípur endist.
Af stærstu pípunum hafa þegar
verið seldar nærri 20, en þær eru
64 talsins. Þóra Einarsdóttir gaf
fyrstu pípuna til minningar um eig-
inmann sinn, sr. Jakob Jónsson, sem
lengi var prestur í Hallgrímskirkju.
Hörður segir að komið hafi á
óvart hve mikið hafi verið keypt
af stærstu og dýrustu pípunum.
Mikið sé um að fjölskyldur taki sig
saman og gefi til minningar um
látinn ættingja, en einstaklingar
kaupi líka pípur í orgelið. Unnt sé
að kaupa pípur af fimm stærðum,
þær minnstu kosti 2.000 og þær
stærstu 100.000 krónur.
Borgarnes:
Lögreglu-
þjónn skaut
afhaglabyssu
á bifreið
Rannsóknarlögregla ríkisins
rannsakar nú mál lögreglumanns
í Borgarnesi, sem hleypti af
haglabyssu þar í bæ aðfaranótt
fímmtudags og lentu skotin í bif-
reið Ijögurra ungmenna.
Lögreglumaðurinn, sem var á
frívakt, skaut af byssunni af svölum
húss síns og komu skotin í bifreið-
ina, sem var ekið framhjá. Rúnar
Guðjónsson, sýslumaður, segir að
maðurinn hafi ekki átt vakt frá því
að þetta atvik gerðist, en hann
reikni ekki með að hann taki vaktir
í bráð. Ekki hafi verið tekin ákvörð-
un um hvort manninum verði vikið
úr starfi sínu á meðan á rannsókn
málsins stendur, en Rannsóknarlög-
regla ríkisins fer með hana. Maður-
inn hefur starfað í lögreglunni í
nokkur ár.
NÝR O G STÆRRI
MEÐ ALLA KOSTI SMÁBÍLSINS
Frumsýning í nýjum húsakynnum
Suzuki bíla, Skeifunni 17, fimmtud.—sunnud.
Um leið og Suzuki bílar flytja í nýtt húsnæði að Skeif-
unni 17 bjóðum við þérað koma, skoða og reynsluaka
þessum glæsilega farkosti, Suzuki Swift Sedan, og
þiggja léttar veitingar. Nú er tækifæri hinna fjölmörgu
ánægðu Suzuki eigenda til að eignast stærri og rúm-
betri bíl, en halda jafnframt þeim fjölmörgu kostum
sem prýða þessa frábæru bfla.
Suzuki Swift Sedan er fáanlegur f ýmsum útfærslum
og ein þeirra hentar þér áreiðanlega. Meðal annars
í hinu nýja og glœsilega húsneeði í
Skeifunni 17, er allt
á einum stað: góð
sýningaraðstaða,
varahlutir, verkstceði
og persónuleg þjónusta.
býðst þessi kostagripur með 1,6 lítra, 16 ventla og
91 hestafla vél sem þýðir minni mengun og afar þýð-
an gang. Einnig má fá hann með
sítengdu aldrifi sem margfaldar
gæði aksturseiginleikanna og
eykur öryggið.
Suzuki Swift Sedan er sérlega glæsilegur og rúm-
góður að innan og það fer vel um farþegana. Farang-
ursgeymslan er líka ótrú-
lega rúmgóð.
SWIFT SEDAN: frákr. 765.000,-
SWIFT: frá kr. 613.000,-
Sýningin er opin:
fimmtudag kl. 13-17
föstudag kl. 09-18
laugardag kl. 10-17
sunnudag kl. 13-17
Gleðilegt Suzuki sutnar
^ SUZUKI
SUZUKIBILAR HF
SKEIFUNNI 17 • SÍMI 685100