Morgunblaðið - 06.07.1990, Síða 21

21
traustir vinir. Guðmundur Oddsson
læknir var á meðal þeirra síðar-
nefndu — hann reyndist Benna
ákaflega vel — bæði sem læknir í
veikindum hans og sem sannur vin-
ur, _sem þau hjónin mátu afar mikils.
Ég hef komið á heimili Siggu og
Benna allt frá því ég var smá-
krakki, seinna kynnti ég manninn
minn fyrir þeim, enda stutt að fara
því okkar fyrsta heimili var í næstu
blokk við þau. Svo bættust tveir
litlir ærslabelgir í hópinn, sem einn-
ig komu í heimsókn í Hraunbæ
110. Að Benna hændust öll börn
og hann var alltaf sam'ur í þeirra
návist, þó foreldrarnir óttuðust að
fjörkálfarnir gengu fram af honum.
Sérstakan sess skipuðu barnabörn
hans að sjálfsögðu, en þau eru 9
talsins.
Á sínum yngri árum ferðuðust
hjónin talsvert um landið. Einn var
þó sá staður, sem oftast var heim-
sóttur, en það var Helgafellssveitin.
Þangað fóru þau árlega og oft á
ári — heim að Arnarstöðum. Eftir
að heilsu Benna hrakaði var það
hans griðastaður, þar sem hann
stundaði gönguferðir í náttúrunni
og naut frelsisins, kyrrðarinnar og
samvistanna við tengdafólk sitt,
sem hann knýttist sterkum böndum,
sem æ styrktust.
Benni hafði verið heilsulítill í
meira en áratug og síðustu árin
varð oft mjótt á milli lífs og dauða.
Það var því undursamlegt að sjá
hann þess á milli alveg eins og
hann átti að sér á árum áður —
léttan og kátan. Að hitta hann, sem
heimtan úr helju með spaugsyrði á
vör, sjá brosið og glettnisblikið í
augunum, það gaf manni mikið.
Benni var ekkert fyrir vol og víi
og axlaði veikindin með reisn. Það
er lærdómsríkt ungri mannesku
sem smámunirnir vaxa stundum í
augum að fylgjast með manni sem
hefur slíkt að bera. Veikindin settu
þó sinn svip á heimilið — hjá því
var ekki komist, en fjölskyldan var
samhent; börnin hugsuðu vel um
pabba sinn hvert og eitt — voru
boðin og búin hvenær sem var og
Sigga var ávallt við hlið hans.
Eg kveð nú Benna, frænda minn,
ljúfastan allra.
Pálína Reynisdóttir
MORGUNBLAÐIÐ FÖSTUDAGUR 6. JÚLÍ 1990
Með Ægistjöld
í ferðalagið
TJALDASÝNING UM HELGINA
Júlítilboð
4 manna tjald með fleygahimni (bómull)
kr. 14.060,- stgr.
4 manna bómullartjald með nælonhimni
kr. 12.345,- stgr.
Tjald-, felli- og tjaldvagnasýning um helgina.
Allt í ferðalagið, m.a. tjöld, dýn-
ur, skór, regnföt o.fl. o.fl. Vorum
að fáódýr sóltjöld.
Opið allar helgar í sumar
SEGLAGERÐIN
ÆGIR
EYJASLÓÐ 7, SÍMI 621780
SÍMINN ER
689400
BYGGT & BÚIÐ
KRINGLUNNI

nimiiiim

o4; i Ytv . * fi*rváHðr , f bier \ V$■ 12-
AUK/SlA k10d21-178