Morgunblaðið - 01.08.1990, Blaðsíða 2

2
MORGUNBLAÐIÐ MIÐVIKUDAGUR 1. ÁGÚST 1990
Ungir sjálfstæðismenn á VcstíjQrðum:
Tekin verði upp
sala á veiðileyfum
Á AÐALFUNDI Kjördæmisráðs ungra sjálfstæðismanna á VestQörð-
um, sem haidinn var á Flateyri síðastliðinn sunnudag, var samþykkt
áiyktun þar sem skorað er á íslensk sljórnvöld að taka nú þegar til
alvarlegrar athugunar þá fiskveiðistefnu sem verið hefur við lýði
undanfarin ár og taka upp kerfi er byggi á sölu veiðileyfa frá ríkissjóði.
í ályktun Kjördæmisráðsins segir
orðrétt: „Nú, þegar sú óhugnanlega
staða blasir við að eignarréttur
íslensku þjóðarinnar á fiskimiðunum
í kringum landið er að komast í
hendur fárra útvalinna atvinnurek-
enda, telja ungir sjálfstæðismenn á
Vestfjörðum að ekki sé lengur hægt
við að una. Það er krafa ungra sjálf-
stæðismanna á Vestijörðum að þeg-
ar verði hafist handa við að koma á
nýju kerfi, er byggi á sölu veiðileyfa
frá ríkissjóði. Núverandi kerfi getur
aðeins þjónað þeim tilgangi að stuðla
að myndun sérstaks aðals á Islandi,
þar sem auðlindir þjóðarinnar munu
ganga í erfðir innan ætta þeirra
manna er báru gæfu til að stunda
útgerð á þeim tíma er kvótalögin
voru sett. Það unga fólk sem tekur
við skuldum þjóðfélagsins á að hafa
greiðan aðgang að auðlindum þjóð-
arinnar."
í ályktun aðalfundar Kjördæmis-
ráðsins er einnig vikið að framboðs-
málum Sjálfstæðisflokksins. Er þess
krafist að hlutdeild ungs fólks á lista
Sjálfstæðisflokksins í Vestfjarða-
kjördæmi í komandi alþingiskosn-
ingum verði í samræmi við fjölda
ungra kjósenda, og styrka stöðu
Sjálfstæðisflokksins í þeim aldurs-
hópi. Þá er einnig sagt að nauðsyn-
leg endurnýjun verði að eiga sér
stað í þingmannaliði flokksins.
Á aðalfundinum var Steinþór B.
Kristjánsson, frá Flateyri, endur-
kjörinn formaður samtakanna, og í
stjóm með honum voru kjömir
Rúnar M. Jónatansson frá ísafirði
og Ágúst Ólafsson frá Patreksfirði.
Morgunblaðið/Kristján Jóhannsson
Ekki er mikið sofið í svona túr og því lítið um lifsins glaum. Því
er það óvenjuleg upplyfting í lokin að skála við útgerðarmanninn
í kampavíni frammi á hvalbak.
Júlíus Geir-
mundsson IS
slær aflamet
FR Y STITOG ARINN Júlíus
Geirmundsson ÍS kom til ísa-
Ijarðar í gærmorgun með um
290 lestir af frystum fiski úr
þriggja vikna veiðiferð. Verð-
mæti aflans er um 80 milljónir
króna og hásetahluturinn er
um 840 þúsund krónur. Togar-
inn sló því met Akureyrinnar
EA, sem sett var nýlega, en það
var 77 milljónir. Aflinn, sem var
að langmestu leyti þorskur,
fékkst allur á Vestfjarðamið-
um.
Afli Júlíusar Geirmundssonar
fer allur á Bretlandsmarkað undir
vörumerki skipsins, Julius Brand.
Skipstjóri mestan hluta veiði-
ferðarinnar var Hermann Skúla-
son. Þar sem hann ætlaði að gifta
dóttur sína síðastliðinn laugardag
og settu marki hafði ekki verið
náð, var brugðið á það ráð að
senda hinn skipstjórann á togar-
anum, Ómar Ellertsson, á miðin
á hraðbáti og skipt var um skip-
stjóra í Víkurál. Hermann sat því
brúðkaup dóttur sinnar en Ómar
kláraði túrinn.
I tilefni af aflametinu hélt
Kristján Jóhannsson, útgerðar-
stjóri Júlíusar Germundssonar, til
móts við togarann og skálaði við
áhöfnina á leið inn ísafjarðardjúp.
Úlfar
Gunnar Bjarni Tómasson
Lést af
slysförum
Litli drengurinn, sem lést í
slysi á bænum Bústöðum í Lýt-
ingsstaðahreppi á sunnudag hét
Gunnar Bjarni Tómasson.
Gunnar Bjami var á 6. aldurs-
ári, fæddur 25. október 1984. Hann
var til heimilis að Hólatúni 4 á
Sauðárkróki.
Innflutningnr olíufélaganna frá öðrum löndum en Sovétríkjumim:
Skilyrði stjórnvalda að fyrst
sé keypt olía af Sovétmönnum
LEYFI olíufélaganna þriggja til
innflutnings á olíu frá öðrum en
Sovétmönnum eru háð því að þau
flytji fyrst inn ákveðið magn frá
Sovétríkjunum í samræmi við þá
samninga sem islensk og sovésk
stjórnvöld hafa gert með sér
hveiju sinni. Er þetta ítrekað í
bréfum sem viðskiptaráðuneytið
sendir olíufélögunum í kjölfar
hvers samnings. I samtali við
Morgunblaðið á föstudag sagði
Jón Sigurðsson, viðskiptaráð-
herra, að „harla lítil höft“ væru
lögð á olíufélögin og þeim væri
fijálst að kaupa þar sem verð
væri hagstæðast.
í bréfi sem viðskiptaráðuneytið
sendi til olíufélaganna í apríl 1987
segir að gerður hafí verið samningur
um kaup á viðbótarmagni af gasolíu
til að tryggja sölu á viðbótarmagni
af íslenskum ullarvörum. Er olíufé-
lögunum síðan falin framkvæmd við-
aukasamningsins í samræmi við
markaðshlutdeild hvers félags. Síðan
segir: „Standi á einhveiju olíufélagi
að taka þátt í innflutningi á sínum
hluta samkvæmt samningi þessum
fær það félag ekki innflutningsleyfi
fyrir olíu frá öðrum seljanda meðan
svo er ástatt.“ Svipuð bréf munu
send olíufélögunum vegna annarra
samninga við Sovétmenn.
„Viðskiptaráðuneytið gerir fimm
ára rammasamning við Sovétmenn
um að þeir kaupi héðan fisk, ullar-
vörur og annað en að á móti kaupum
við af þeim aðrar vöru, fyrst og
Heildarálagning tekjuskatts
í ár er 19,5 milljarðar króna
Alagðir tekjuskattar fyrirtækja mun hærri en gert var ráð fyrir í flárlögum
HEILDARÁLAGNING tekjuskatts árið 1990 er um 19,5 milljarðar
króna. Álagning eignarskatts á einstaklinga nemur rúmlega 1,3 mill-
jörðum króna, að frádregnum persónuafslætti. Álagðir tekjuskattar
á fyrirtæki nema um 3,8 milljörðum króna og eignarskattar um 1.200
milljónum króna. I dag greiðir ríkið um 5 milljarða króna vegna of-
greidds tekjuskatts og útsvars, í barnabætur, vaxtabætur og húsnæðis-
bætur. Ólafur Ragnar Grímsson, fjármálaráðherra, segir að tekjur
rikisins af tekjuskatti einstaklinga verði svipaðar og gert hafi verið
ráð fyrir í fjárlögum, en skattar fyrirtækja gætu skilað meiru en þar
hafi verið reiknað með. Gæti sá munur numið nokkur hundruð milljón-
um króna. Ólafur segir að þetta sýni, að afkoma fyrirtækjanna í
landinu á síðasta ári hafi verið betri en áætlað hafi verið og umfjöllun
í þjóðfélaginu hafi gefið til kynna.
í frétt frá fjármálaráðuneytinu
kemur fram, að framteljendur á
l.andinu eru 192 þúsund einstakling-
ar og 15 þúsund lögaðilar. Heildará-
lagning tekjuskatts á þær tekjur,
sem unnið var fyrir á árinu 1989,
er 19,5 milljarðar króna. Þar af inn-
heimtust tæplega 15,5 milljarðar í
staðgreiðslu á síðasta ári en ógreidd-
ur skattur af tekjum fyrra árs er
um 4 milljarðar króna. Þar af er um
helmingur vegna áætlana, auk þess
sem tekjuskattur vegna tekna, sem
ekki eru staðgreiðsluskyldar, kemur
fram sem ógreiddur skattur. Inn-
heimta þessarar fjárhæðar dreifíst á
fimm gjalddaga fram til áramóta.
Samkvæmt upplýsingum frá fjár-
málaráðuneytinu nemur ofgreiddur
tekjuskattur og útsvar tæplega
1.900 milljónum króna. Sú fjárhæð
verður greidd út í dag, auk barna-
bóta að upphæð kr. 838 milljónir,
barnabótaauka að upphæð kr. 238
milljónir, vaxtabóta að upphæð kr.
1.420 milljónir og húsnæðisbóta að
upphæð kr. 624 milljónir, þannig að
samanlagt verða tæpir 5 milljarðar
greiddir úr ríkissjóði um þessi mán-
aðamót af þessum sökum. Sú upp-
hæð nemur rúmlega 8 milljörðum
króna yfir allt árið, þar sem bama-
bætur og barnabótaauki greiðast
fjórum sinnum á ári.
Þegar þessar greiðslur hafa verið
dregnar frá heildarupphæð álagðra
tekjuskatta stendur eftir upphæð
sem nemur um 10,7 'milljörðum
króna. í fjárlögum var hins vegar
gert ráð fyrir að tekjur ríkisins af
tekjusköttum einstaklinga yrði
10.985 milljónir króna.
Um fjórðungur framteljenda, 52
þúsund manns, greiðir eignarskatt
og nemur álagning hans á einstakl-
inga rúmlega 1,3 milljörðum króna,
að frádregnum þeim persónuaf-
slætti, sem nýtist til greiðslu hans.
í íjárlögum var gert ráð fyrir að
eignarskattur einstaklinga skilaði
rikissjóði 1,4 milljarði króná, auk
100 milljóna í eignarskattsauka.
Álagðir tekjuskattar á félög nema
3,8 milljörðum króna, en í íjárlögum
var gert ráð fyrir að tekjuskattar
félaga skiluðu 2,1 milljarði í ríkis-
sjóð. Álagðir eignarskattar félaga
nema 1.200 milljónum króna, að
eignarskattsauka meðtöldum, en í
fjárlögum var gert ráð fyrir að þeir
skiluðu ríkissjóði 785 milljónum, auk
165 milljóna eignarskattsauka. í
frétt fjármálaráðuneytisins segir, að
mikið sé um áætlanir hvað varðar
þessa álagningu, þannig að þessar
Qárhæðir gætu lækkað eftir kærur.
í fjárlögum var reiknað með, að
sérstakt gjald, sem renna á til Fram-
kvæmdasjóðs aldraðra, skilaði ríkis-
sjóði 230 milljónum króna. Sam-
kvæmt upplýsingum ljarmálaráðu-
neytisins nemur heildarálagning
þessa gjalds 340 milljónum króna.
Gjaldendur eru um 108 þúsund, en
undanþegnir eru þeir sem komnir
eru yfir sjötugt, elli- og örorkulífeyr-
isþegar undir 70 ára aldri, sem
dvelja á dvalar- og hjúkrunarheimil-
um, börn undir 16 ára aldri og þeir
sem ekki ná skattleysismörkum, sem
miðast við tæplega 600 þúsund
króna árslaun.
Ólafur Ragnar Grímsson, fjár-
málaráðherra, segir að við afgreiðslu
fjárlaga hafí verið gengið út frá
því, að heildarskatttekjur ríkissjóðs
yrðu þær sömu á þessu ári og því
síðasta. Útlit væri fyrir að hlutfall
beinna skatta yrði hærra en gert var
ráð fyrir í fjárlögum, en áætlanir
bentu til að hlutfall óbeinna skatta
færi lækkandi. Frá síðasta ári hafi
álagningarhlutfall tekjuskatts verið
hækkað, en á hinn bóginn hefðu
endurgreiðslur verið auknar og
tekjujöfnunaráhrif þessarar skatt-
heimtu þannig aukist.
Sjá fréttir á bls. 18-19 og Akur-
eyrarsíðu bls. 26.
fremst bensín, gasolíu og svartolíu,"
sagði Kristinn Björnsson, forstjóri
Skeljungs. „Síðan koma ráðuneytis-
menn til olíufélaganna og segja að
hérna sé samningur sem þeir ætli
að framselja okkur. Ef við segjum
að við viljum ekki kaupa af Sovét-
mönnum þá megum við það ekki.
Sumar tegundir eins og súperbensín
er hins vegar ekki hægt að fá hjá
Rússum og einnig kemur fyrir að
þeir geta ekki afgreitt og þá þarf
að kaupa annars staðar frá. 47,5%
af því eldsneyti sem Skeljungur selur
er keypt á Rotterdam-markaði."
Hann sagði olíufélögin vilja fá að
ráða þessum viðskiptum sjálf. Þau
hefðu þó ekkert á móti því að kaupa
af Rússum og að verð og gæði hjá
þeim væru í samræmi við það sem
gerðist á Rotterdam-markaði. „Það
er líka skiljanlegt að svona samning-
ar séu gerðir ef bæði löndin hafa
hag af þeim og við fáum vöru sem
er ekki lakari að verði og gæðum
en við hefðum fengið annars staðar.
Ef fallið yrði frá þessum samningum
við Rússana myndum við fara út á
hinn fijálsa markað en þá þyrfti líka
í leiðipni að gefa verðlagningu al-
gjörlega fijálsa á eldsneyti. Það
þyrfti að falla frá núverandi sjóða-
kerfi og leyfa okkur að ráða verð-
lagningu, flutningum og öðru.“
Bolungarvík:
Nýr bráða-
birgðafógeti
Dómsmálaráðherra hefur sett
Guðmund Þór Guðmundsson full-
trúa í dómsmálaráðuneytinu til
að gegna embætti bæjarfógeta í
Bolungarvík til 1. október næst-
komandi.
Hann tekur við embætti í dag, er
út rennur sá tími sem Hjördís Há-
konardóttir borgardómari hafði verið
sett til að gegna embættinu.
Að sögn Sigurðar Jónssonar að-
stoðarmanns dómsmálaráðherra er
unnið að varanlegri lausn á því hver
vera skuli bæjarfógeti Bolvíkinga.