Morgunblaðið - 01.08.1990, Blaðsíða 19

MORGUNBLAÐIÐ MIÐVIKUDAGUR 1. ÁGÚST 1990
19
Vöruhús Kaupfélags Árnesinga á Selfossi.
Suðurlandsumdæmi:
Heildarálagning
2,100 milljarður
Selfossi.
HEILDARÁLAGNING skatta á
Suðurlandi nemur 2.100 milljón-
um króna. Þar af eru 1,692 millj-
ónir lagðar á einstaklinga, 404
milljónir á lögaðila og 4 milljónir
á börn undir 16 ára. Alagningar-
skrá fyrir 1990 liggur frammi á
skattstofunni á Hellu og hjá
umboðsaðilum skattstjóra.
Kærufrestur er 30 dagar.
Einstaklingar greiða 798 milljón-
ir i tekjuskatt og 678 milljónir í
útsvar.
Hæstu gjöld einstaklinga bera:
1. Brynjar H. Guðmundsson Þorlákshöfn................ 4.600.000
2. Sigfús Kristinsson á Selfossi .................... 4.100.000
3. Vigfús Sigvaldason í Hveragerði................... 3.400.000
4. Björn Guðjónsson í Hveragerði .................... 3.200.000
5. Bragi Einarsson í Hveragerði...................... 2.900.000
Tölur til hagsbóta, eins og þær
eru nefndar hjá skattstofunni, til
iækkunar gjalda eru: Barnabóta-
auki 72 milljónir, húsnæðisbætur
30 milljónir og vaxtabætur 54 millj-
ónir. Barnabætur þriðja ársfjórð-
ungs nema 53 milljónum, persónu-
afsláttur til greiðslu útsvars er 170
milljónir og til greiðslu eignarskatts
13 milljónir.
Hæstu gjaldategundir fyrirtækja
eru aðstöðugjald 125 milljónir og
lífeyristryggingagjald 72 milljónir.
Hæstu gjöld fyrirtækja bera:
1. Kaupfélag Árnesinga á Selfossi ................... 42.600.000
2. Mjólkurbú Flóamanna á Selfossi ..................... 21.400.000
3. Glettingur í Þorlákshöfn ........................... 11.800.000
4. Kaupfélag Rangæinga á Hvolsvelli..................... 8.700.000
5. Meitillinn í Þorlákshöfn............................. 7.900.000
Einstaklingar sem bera gjöld eru irtæki ríflega 350 talsins.
um 11 þúsund á Suðurlandi og fyr- — Sig. Jóns.
Átak í landgræðslu:
6 milljónir afhentar til upp-
græðslu á Haukadalsheiði
Selfossi.
STJÓRN Átaks í landgræðslu
afhenti á laugardag Land-
græðslu ríksins sex milljónir
króna til uppgræðslufram-
kvæmda á Haukadalsheiði. 1988
var lögð fram hálf milljón króna
og þessi framlög nægja til að
endurheimta landgæði á tvö
hundruð hekturum lands. Frá
14. júní 1988 er Átak í land-
græðslu var stofnað hafa safn-
astyfír tuttugu milljónir króna.
Átak í landgræðslu var stofnað
að frumkvæði Árna Gestssonar
forstjóra og Félags íslenskra stór-
kaupmanna. Átakinu var ætlað
" það hlutverk að safna þrjátíu millj-
ónum króna á þriggja ára tímabili
til þess að styðja við uppgræðslu
landsins. Landshappdrætti Átaks-
ins gekk vel og auk þess hafa fjöl-
mörg fyrirtæki og einstaklingar
styrkt Átakið með fjárframlögum.
Á þessu ári hefur verið hlé á fjár-
söfnun svo Skógræktarfélag ís-
lands fengi ótruflað tækifæri til
fjársöfnunar í tilefni 60 ára afmæl-
is síns.
Öllu fé Átaksins er varið í sam-
ráði við Landgræðslu ríkisins til
þeirra verkefna sem teljast brýnust
hveiju sinni. Eitt brýnasta verkefni
Landgræðslunnar er stöðvun jarð-
vegs- og gróðureyðingar á Hauka-
dalsheiði í Árnessýslu. í stórveðr-
inu sem var á Suðurlandi 15. júlí
síðastliðinn urðu þar miklar gróð-
urskemmdir af völdum moldroks
og uppblásturs.
Varnaraðgerðirgegn uppblæstri
á Haukadalsheiði hófust 1963 og
fram til 1987 hafa 7000 hektarar
verið girtir af og er girðingin 40
kílómetrar að lengd. Á fyrstu árun-
um var hafíst handa við að sá
melgresi í vesturhluta svæðisins
og skjólgarðar gerðir en mikið
vantar á að melurinn nái yfirhend-
inni á verstu foksvæðunum. Góður
árangur hefur náðst með því að
ýta niður rofabörðum. Dreifíng
áburðar og fræs úr flugvélum hófst
1968 og er árangurinn ágætur en
moldrok hefur þó ekki verið stöðv-
að á heiðinni og er þar mikið verk
óunnið, bæði hvað snertir melsán-
ingu og áburðar- og frædreifíngu
með flugvélum og uppgræðslu
rofabarða.
Yfirborð Sandvatns var hækkað
haustið 1986 sem hefur leitt til
þess að fok á jökulleir hefur verið
heft þaðan. 1988 var gert verulegt
átak í uppgræðslu heiðarinnar,
melfræi og grasfræi var dreift í
allmiklum mæli. AHlir aðilar eru
sammála um að þeim fjármunum
sem safnast í Átaki til land-
græðslu verði varið til uppgræðslu
á þessu svæði. Auðvelt er fyrir
almenning að fylgjast með árangr-
inum því tiltöiulega auðvelt er að
komast þvert yfir svæðið eftir svo-
kölluðum línuvegi.
Svæðið er friðað fyrir búfjárbeit
og verður það um ófyrirséða
framtíð. Það verður hagnýtt sem
almenningssvæði og hugmyndir
eru uppi um að nýta það til kynn-
ingar á landgræðslustörfum hér-
lendis enda liggur það vel við
vegna fjölbreyttra uppgræðsluað-
ferða og nálægðar við fjölsótta
ferðamannastaði.
— Sig. Jóns.
Morgunblaðið/Sigurður Jónsson
Árni Gestsson forstjóri og formaður stjórnar Átaks í land-
græðslu afhendir Sveini Ilunólfssyni landgræðslustjóra framlag
úr sjóði átaksins, á stórum fræakri í Gunnarsholtslandi.
Könnun á trúarlífí íslendinga
Út er komið þriðja hefti ritrað-
ar Guðfræðistofnunar Háskóla Is-
lands sem að þessu sinni (jallar
um trúarlíf íslendinga. Útgefandi
er Skálholtsútgáfan. Höfundur
ritsins sem ber yfírskriftina Trú-
arlíf Islendinga, félagsfræðileg
könnun, eru Dr. Björn Björnsson
prófessor við guðfræðideild og
Dr. Pétur Pétursson lektor við
Félagsvísindadeild HI. Hér er um
að ræða spurningakönnun sem
fram fór 1986-1987. Byggt var á
1.000 manna úrtaki þjóðarinnar á
aldrinum 18-75 ára og svörunin
var 75%.
Pjallað er um marga þætti trú-
arlífs, trúarskoðana og trúarathafna.
Þá er einnig nokkuð komið inn á
iífsviðhorf almennt og siðrænar
spurningar og svörin greind með til-
liti til trúarafstöðu. Fjallað er um
sérkenni guðshugmynda og trúarlífs
íslendinga sem bornir eru saman við
aðrar þjóðir. í ritinu sem er 244 síður
er einnig mikill fjöldi taflna og tölu-
legra upplýsinga sem höfundar leit-
ast við að túlka sem hliðsjón af kenn-
ingum í trúarbragðafélagsfræði og
trúarlífssálarfræði.
Ritið sem er 244 bls. skiptist í sjö
aðalkafla. Fyrsti meginkaflinn ber
yfírskriftina Trúarhugmyndir. Þar
er m.a. ij'allað um Guðstrú, afstöðuna
til Jesú Krists og trú á líf eftir dauð-
ann. Kaflinn um trúaráhrif og upp-
eldi fjallar um hveijir það eru sem
mest hafa áhrif á trúarmótun. Þar
er einnig komið inn á viðhorf fólks
til trúarlegs efnis og trúarathafna í
skólum og á dagvistarstofnunum. í
kaflanum um trúarlíf og helgihald-
er biblíulestur, bænaiðja og áheit
tekin fyrir ásamt kirkjusókn og af-
stöðunni til sakramentanna. í kafla
sem ber heitið trú og siðferði eru
m.a. viðhorfin til fóstureyðinga könn-
uð og fjallað um hugsanlegt samband
þeirra við trúarskoðanir. Þá er einnig
að fínna kafla sem bera yfírskriftina:
Trúarlegt efni í fjölmiðlum og Af-
staða til kirkju og presta. í kaflanum
Trú og þjóðmál er fjallað um afstöðu
fólks til sambands ríkis og kirkju,
stjórnmálaskoðanir, áhuga á stjóm-
málum og viðhorf til þjóðkirkjunnar.
í lok ritsins er stutt samantekt helstu
niðurstaðna á ensku.
ÚTSALAN
hefstídag
Polarn&Pyret
KRINGLUNNl 8-12, SÍMI681822, OPIÐ MÁNUD.-FÖSTUD. KL. 10:00-19:00 OGLAUGARD. KL. 10:00-14:00