Morgunblaðið - 25.10.1990, Blaðsíða 21
MORGUNBLAÐIÐ FIMMTUDAGUR 25. OKTOBER 1990
21
Samviskuspurning-
ár fyrir prófkjör
sjálfstæðismanna
eftirÁrna Sigfússon
Sagt er að í ungliðahreyfingu
sjálfstæðismanna búi samviska
Sjálfstæðisflokksins. Átt er við að
þar verði hugmyndir til í anda sjálf-
stæðis, þar komi þær fram hreinar
og tærar, áður en fyrir þeim liggi
að verða þvegnar upp úr samstarfi
vinstri flokka, roðna þar og togna,
en stundum að mýkjast í meðhöndl-
un hinna reyndari sjálfstæðis-
manna.
Allir sjálfstæðismenn skilja
hversu mikilvægt er að hlúa að
siíku starfi í Sjálfstæðisflokknum.
Forystumenn okkar hafa jafnan
lagt ríka áherslu á að virkja krafta
hinna ungu manna. Því í þeim býr
ekki aðeins hugmyndaþróttur, held-
ur einnig starfsþróttur.
Við sem höfum glímt við próf-
kjörin, glímt við reynda og þekkta
stjórnmálamenn á þeirra heima-
velli, vitum að aðeins með skilningi
hins almenna sjálfstæðismanns á
mikilvægi þess að gefa nýju, ungu
fólki tækifæri, höfum við hlotið
brautargengi. Ekkert okkar sem
lagt höfum í hina hörðu glímu, hefð-
um náð árangri án þessa sérstaka
skilnings sjálfstæðismanna á því að
gefa okkur tækifæri.
Það er mjög ánægjulegt að þessi
skiiningur hefur verið ríkjandi í
röðum sjálfstæðismanna. Ungt fólk
hefur fengið sitt tækifæri, en ekki
alltaf sem aðalfulltrúar í fyrstu til-
raun þeirra til áhrifa í prófkjörum.
Hér er talað hreint út. í fram-
boði er nú óvenju hæfur hópur sjálf-
stæðisfólks. Það þýðir að hæfir
menn munu væntanlega sitja eftir
þegar baráttan er yfirstaðin. Mjög
líklegt er að hinir ungu sjálfstæðis-
menn verði að sætta sig við baráttu-
sæti eða varaþingmannssæti í
fyrstu tilraun. Ég hvet sjálfstæðis-
menn til þess að hugleiða að það
skiptir einnig máli hvernig raðast
í þau sæti. Þar er mikilvægt að
ungt sjálfstæðisfólk fái sína
reynslu. Það er mikilvægt fyrir
framtíð Sjálfstæðisflokksins.
Ég hef lýst yfir stuðningi við
Hrein Loftsson, lögfræðing, sem
sækist eftir 6.-8. sæti í prófkjörinu.
Ég tel brýnt að menn sem setjast
á þing hafi sterka lagaþekkingu
jafnhliða reynslu úr atvinnulífinu.
Alþingi er löggjafarsamkoma þjóð-
arinnar. Við þekkjum því miður fjöl-
mörg lög í dag sem reynast ólög,
vegna þess að lagalega yfirsýn hef-
ur skort. Menn þekkja ekki lengur
mun á reglugerðum og lagabók-
staf. Við höfum ekki þörf fyrir
fleiri lög, heldur færri og skýrari.
Lögfræðingum hefur fækkað á
þingi á undanförnum árum. Ég tel
það síður en svo hafa aukið virðingu
eða virkni Alþingis.
Hreinn hefur starfað í röðum
ungra sjálfstæðismanna frá því
hann var 17 ára gamall. Hann hef-
ur verið einn af hugmyndasmiðum
okkar, og er þekktur fyrir einarðan
málflutning í baráttu gegn auknum
ríkisrekstri, fyrir opnun íslensks
fjármagnsmarkaðs, baráttu fyrir
Árni Sigfússon
jöfnum atkvæðisrétti og afdráttar-
lausri afstöðu í utanríkismálum.
Þegar saga SUS fyrir níunda og
tíunda áratuginn verður skráð,
hygg ég að nafn Hreins Loftssonar
verði í hópi fárra einstaklinga sem
raunverulega hafa haft áhrif á
stefnumótun ungra sjálfstæðis-
manna á þessum árum. Þess vegna
er hann framtíðarmaður í þingliði
sjálfstæðismanna. Ég heiti á sjálf-
stæðisfólk að veita Hreini Loftssyni
verðugan stuðning og sýna þannig
eins og jafnan áður að við höfum
alltaf rúm fyrir ungt og hæft
fólk í Sjálfstæðisflokknum.
Höfundur er borgarfulltrúi fyrir
Sjálfstæðisflokkinn og
fyrrverandi formaður Sambands
ungra sjálfstæðismanna.
...ekki bara kalli
Við styðjum
OLAF ISLEIFSSON
r r |«| • •• •
i proiKjori
Sjálfstæðisflokksins í
Reykjavík 26.-27. október,
og hvetjum sjálfstæðisfólk
í Reykjavík til að veita
honum brautargengi.
Anna Maack, frú
Auður Stefónsdóttir, bankastarfsmoður
Ásdís Guömundsdóttir, kennari
Ásdís Raf nar, lögmoður
Ásgeir Einarsson, fmmkvæmdastjóri
Áslaug Cassata, frú
Barði Friðriksson, hæstoréttar/ögmoður
Björn Hermannsson, framkvæmdastjóri
Björn ÞÓrhallsson, viðskiptafræðingur
Brynhlldur Sörensen, fyrrverandi starfsmoður
í utanrikisþjónustunni
Davíð Stefónsson, formoðurSUS
Elín Siguröardóttir, húsmóðir
Erla Guðrún Sigurðardóttir, gangavörður
Friðrik R. Jónsson, flugmaður
Geir Zoega, fmmkvæmdastjóri
Glúmur Jón Björnsson, hóskólanemi
Guðbjörg Sigurgeirsdóttir, læknir
Guðjón Ármann Eyjólf sson, skólameistari
Stýrimannaskólons í Reykjavík
Guðmundur Magnússon, fyrrvemndi hóskólarektor
Guðrún P. Helgadóttir, fyrrvemndi skólostjðri
Gunnar S. Björnsson, byggingomeistari
Gunnlaugur Snædal, prófessor
Gyða Gísladóttir Keyser, frú
Halldór Gíslason, byggingoeftirlitsmaður
Halldór Pólsson, hjólreiðakappi
Helgi Elíasson, fyrrvemndi útibússtjóri
Jakob R. Möller, starfsmannastjóri
Jon Á. Gissurarson, fyrrvemndi skólastjóri
Jónas Fr. Jónsson, lagonemi
Kjartan Jónsson, innanhússarkitekt
Kristjón Jóhannsson, rekstmrhagfræðingur
Magnús Bergsteinsson, byggingameistari
Margrét Magnúsdóttir, hjúkrunarfræðingur B.Sc.
Marta Pétursdóttir, frú
Ólafur Davíðsson, fmmkvæmdastjóri Fl'l
Ólafur G. Karlsson, tannlæknir
PÓII Kr. Pólsson, forstjóri Iðntæknistofnunar
Pétur Kjartansson, bólstmri
Pétur Sigurðsson, forstjóri Hrafnistu, DAS
Sigurður G. Thoroddsen, lögfræðingur
Sigurður M. Magnússon, kjorneðlisfræðingur
Snorri Hjaltason, byggingameistari
Sveinn Andri Sveinsson, borgarfulltrúi
Tómas Hansson, ritstjóri Stefnis
Unnur Jónasdóttir, frú
Valborg Snævarr, lögfræðingur
Valdimar Kristinsson, ritstjóri
Valgeir Pólsson, lögfræðingur
Vilhjólmur Þ. Vilhjólmsson, borgarfulltrúi
Þórarinn V. Þórarinsson, framkvæmdasjóri VSÍ
Þórður Sverrisson, augnlæknir
Þórhallur Runólfsson, íþróttakennari
Þórunn Guðmundsdóttir, hæstaréttarlögmaður
Þróinn Guðmundsson, skólostjóri
Þuríður Sigurðardóttir, fóstrn
Örn Bjarnason, læknir
P&Ó/SÍA