Morgunblaðið - 25.10.1990, Blaðsíða 27

MORGUNBLAÐIÐ FIMMTUDAGUR 25. OKTÓBER 1990
27
Morgunbl aðið/RIR
Ekið inn í biðskýli
Ökumaður þessarar hraðskreiðu Corvettu missti stjóm á henni á mótum Lokinhamra og Vegghamra í
Grafarvogi klukkan 23.25 á þriðjudagskvöld. Bíllinn kastaðist út af veginum og stöðvaðist hálfur inni í
biðskýli SVR. Betur fór en á horfðist, því enginn var í biðskýlinu, sem er gjörónýtt. Bíllinn skemmdist
mjög mikið, var dreginn burt af kranabíl og er jafnvel talinn ónýtur. Ökumanninn sakaði lítið.
Svíar aðstoða við
eflingu Löggild-
ingarstofunnar
BJÖRN Friðfinnsson ráðuneytis-
stjóri viðskiptaráðuneytisins og
Lars Ettarp forstjóri Sænsku við-
urkenningarstofnunarinnar,
undirrituðu í gær samning um
samstarf um eflingu á starfsemi
Löggildingarstofunnar. Er til-
gangurinn sá að Löggildingar-
stofan geti veitt íslenskum próf-
unar- og vottunarstofum viður-
kenningu á því að þær yppfylli
kröfur sem gerðar eru til slíkrar
starfsemi.
í frétt frá viðskiptaráðuneytinu
segir að EFTA og EB vinni nú að
breytingum á reglum um milliríkja-
viðskipti, sem séu m.a. samræmdar
eiginleikakröfur til vöru, og aðferð-
ir við prófun og vottun á vöru og
þjónustu. Þá þarf sjálfstæður óháð-
ur aðili að staðfesta fyrir hönd við-
komandi stjórnvalda, að prófunar-
og vottunarstofur uppfylli fyrirfram
ákveðnar kröfur.
Slíkur óháður aðili er ekki til hér
á landi og hefur verið ákveðið efla
og endurskipuleggja starfsemi Lög-
gildingarstofunnar svo að hún geti
tekið að sér það verkefni, og Hefur
verið gert samkomulag við sænsku
viðurkenningarstofnunina um að
aðstoða við þessa endurskipulagn-
ingu. Segir viðskiptaráðuneytið, að
gert sé ráð fyrir að sænska stofnun-
in stuðli að því að Löggildingarstof-
an öðlist nauðsynlegt traust er-
lendra systurstofnana sem allra
fyrst.
Bókun í borgarráði:
Vinnubrögðum
ráðherra mótmælt
FULLTRÚAR Sjálfstæðis-
flokksins í borgarráði, hafa lagt
fram tillögu að bókun vegna
vinnubragða heilbrigðisráð-
herra og aðstoðarmanns hans
um skýrslu ráðherraskipaðrar
nefndar um samstarf sjúkra-
húsa í Reykjavík.
í bókuninni segir, „Ljóst, er að
á sama tíma og formaður nefndar-
innar, aðstoðarmaður ráðherra,
undirritar tillögur nefndarinnar
um samstarf, hafi hann þegar lagt
til við ráðherra að hlutverki sam-
starfsráðs, skv. tillögu nefndarinn-
ar yrði gjörbreytt í yfirstjórn
sjúkrahúsanna, það stjórnaði fjár-
veitingu til þeirra og gerði hlut-
verk réttkjörinna stjórna veigal-
ítið. Þá er ljóst, að samkvæmt fjár-
lagafrumvarpi hefur íjárveiting til
sjúkrahúsa í Reykjavík þegar verið
skert.
Borgarráð mótmælir því, að nið-
urstöður nefndarinnar séu nýttar
sem tylliástæða fyrir væntanlegu
frumvarpi heilbrigðisráðherra, en
tillögur ráðherra ganga þvert gegn
tillögu nefndarinnar.
Borgarráð telur að með
nefndarálitinu hafi verið stigið
mikilvægt skref til aukins sam-
starfs og hagræðingar innan
sjúkrahúsa í Reykjavík. Framferði
heilbrigðisráðherra og aðstoðar-
manns hans stefnir þessu sam-
starfi í hættu.“
Atkvæðagreiðslu um bókupina
var frestað í borgarráði.
Samdráttur í rekstri
Landakotsspítala 1989
í ársskýrslu sjálfseignarstofn-
unarinnar St. Jósefsspítala fyrir
árið 1989 kemur fram að rekst-
ur spítalans einkenndist af sam-
drætti í kjölfar minnkandi fjár-
veitinga til rekstrarins.
Tæplega 20% af legurými
sjúkrahússins var lokað af þessum
sökum og dróst starfsemin saman
sem því nam. Framlög úr ríkis-
sjóði voru 995,3 milljónir á síðasta
ári en 855,2 milljónir árið 1988.
Einnig fékk sjúkrahúsið aukafjár-
veitingu vegna hallarekstrar fyrri
ára að upphæð 74 milljónir kr.
Eigið fé Landakotsspítala var nei-
kvætt um 117 milljónir um sein-
ustu áramót.
Launakostnaður er langstærsti
gjaldaliðurinn og nam hann 668
milljónum á séinasta ári samanbo-
rið við 632 milljónir árið 1988.
Aðrir stórir útgjaldaliðir eru m.a.
lyfjakostnaður sem nam 62,7 millj.
árið 1989 og kostnaður vegna
rannsókna sem var 53,3 milljónir
í fyrra.
Legudögum á Lándakotsspítala
fækkaði milli ára úr 63.985 árið
1988 í 58.576 á síðasta ári og
innlögðum sjúklingum úr 5.693 í
5441 á milli ára.
A Landakotsspítala eru alls
tæplega 493 stöðugildi, þar af eru
107 fyrir hjúkrunarfræðinga, 89
fyrir sjúkraliða, 44 fyrir skrif-
stofufólk og 32 fyrir lækna.
Geir H. Haarde
Skrifstofa stuðmngsmanna Geirs H. Haarde er að
Túngötu 6, símar 24527 og 24597
INtelhuuia y INIiislhnuiii
LJÓSRITUNARVÉLAR TELEFAX
Fjölbreytt úrval, frá þeim minnstu upp í afar fullkomnar og afkastamiklar ljósritunarvélar. Frá litlum upp í afar fullkomin telefaxtæki.
vi'uéMmn OPTíMA
Akureyn ÁRMÚLA 8 - SÍM/ 67 90 00