Morgunblaðið - 16.02.1991, Blaðsíða 35
MORGUNBLAÐIÐ LAUGARDAGUR 16. FEBRUAR 1991
35
fC I k í
fréttum
Góð skemmtun í Súlnasal
Skemmtanir
Ragnhildur Sverrisdóttir
HÓTEL Saga býður gestum I
Súlnasal upp á kabarett-sýn-
ingu Halla, Ladda og Bessa
og lagði blaðamaður leið sína
þangað um síðustu helgi. í ljós
kom að kabarettinn, sem kall-
ast „Næturvaktin", er hin
ágætasta skemmtun.
Áður en farið er að tíunda
skemmtunina er rétt að geta
þess, að ég hef aldrei áður bragð-
að jafn ágætan mat í Súlnasaln-
um. Þangað hef ég veigrað mér
við að fara, enda vildi lengi loða
við gamla árshátíðarstemmning-
in, þar sem ofsteikt lambalæri
var sneitt ótæpilega ofan í alla
sem villtust inn og hnausþykk
sósa og niðursoðið grænmeti
borið með. Nú er öldin önnur og
boðið er upp á valmatseðil. Fyrst
er hægt að velja um sjávarrétti
á gerklatta, framreidda með
hunangssósu, eða ijómasúpu
með spergilsprotum. Aðalréttur-
inn er annaðhvort hægsteiktur
nautahryggsvöðvi, kryddaður
rósmarín og sinnepi, framreiddur
með rauðvínssósu eða reyktur
grísaböggull, bakaður í smjör-
deigi og framreiddur með kónga-
sveppasósu. Á eftir eru kydd-
og sykursoðnar perur með vanill-
uís og súkkulaðisósu eða írskt
tárakaffi. Hér er hægt að vitna
um ágæti sjávarréttanna og
nautavöðvans, auk þess sem
Bryndís systir hélt vart stillingu
sinni af hrifningu yfir perunum.
Auk bræðranna Halla og
Ladda tekur Bessi Bjarnason
þátt í sýningunni og dansmey-
Morgunblaðið/KGA
Þolinmóður þjónninn, Bessi Bjarnason, reynir að útskýra matseð-
il staðarins fyrir gestinum óþolandi, Ladda.
jarnar Bíbí og Lóló. Bessa hafa
verði mislagðar hendur undan-
farin ár, en fljótlega eftir að
sýningin hófst kom í ljós, að
Bessi var í sínu gamla, góða
formi og augljóst að allir við-
staddir fögnuðu því mjög.
Laddi fékk allan salinn með
sér strax í upphafi, í hlutverki
Jarmundar frá Efra-Geldhvoli.
Tala hans um fjárbændur og fjöl-
breyttir orðaleikir vöktu mikla
lukku. Ladda tekst alltaf að
halda athygli fólks og stela sen-
unni fyrirhafnarlaust. Hann kom
fram í ýmsum þekktum gervum,
s.s. Leifur óheppni, Skúli rafvirki
og Saxi læknir, auk þess sem
hann fór á kostum sem afskap-
lega „ódannaður“ fullur íslend-
ingur á fínum matsölustað.
Sýningin fór af stað af miklum
krafti. Hins vegar fannst mér
sem botninn dytti nokkuð úr
henni, því þegar á leið voru atrið-
in dálítið gömul. Grínveijinn og
Roy Rogers hefðu til dæmis
gengið framar í sýningunni, en
ekki þegar áhorfendur voru betra
vanir eftir öll nýju atriðin. Þá
þykir mér alltaf leiðinlegt þegar
ágætir skemmtikraftar telja sig
þurfa að grípa til klámfenginna
brandara. Það getur verið í lagi,
ef farið er fínt í hlutina,' en klúr-
yrðin mega eiga sig.
Skemmtunin á Sögu er hin
ágætasta og þó Laddi og Bessi
séu stjörnur kvöldsins þá standa
Halli og dansmeyjarnar sig einn-
ig vel. Halli hefur oftast það hlut-
verk að beina athyglinni enn
fremur að bróður sínum, sem
hann virðist gera með ánægju.
Það er hægt að mæla með Næt-
urvaktinni, bæði skemmtuninni
sjálfri, matnum og ágætri þjón-
ustu.
Morgunblaðið/Karl T. SÆmundsson
Ævar Jóhannesson í Surtsey í síðustu viku og húsið góða í baksýn...
OVEÐRIÐ
Rétt eins og það hafi
verið logn í Surtsey
Oveðrið á dögunum gerði víða
óskunda og trúlega eru ekki
enn öll kurl komin til grafar, til
dæmis á margan sumarbústaða-
eigandann eftir að bregða í brún
er hann lítur híbýli sitt með vor-
inu. Eitt var það hús sem ýmsir
óttuðust um. Það stendur fyrir
opnu hafi, sennilega syðsta hús
landsins og þar var voðalegur
hamagangur í rokinu. Þetta var
Pálsbær 2. í Surtsey, sem Surts-
eyjarfélagið reisti árið 1985. Um-
sjónarmaður hússins og hönnuður
er Karl T. Sæmundsson bygging-
armeistari, en Morgunblaðið hafði
spurnir af því að hann hefði
skroppið til Surtseyjar fyrir fáum
dögum.
„Eftir allar þessar rosalegu frétt-
ir í fjölmiðlum um fok og skemmd-
ir á húsum og öðrum mannvirkjum
var mér oft hugsað til Pálsbæjar.
Var húsið kannski fokið á haf út?
Eg varð að kanna málið. Þegar
þyrla Landhelgisgæslunnar fór í
eftirlitsflug með Suðurströndinni
á þriðjudaginn, fengum við Ævar
Jóhannesson, sem oft hefur verið
með mér í Surtsey, að fljóta með
og þeir settu okkur þar á land
enda enn vont í sjóinn. Aðstoð og
velvilji gæslunnar í gegn um árin
hefur verið okkur ómetanleg. Okk-r
ur til mikillar gleði var húsið á'
sínum stað og engar skemmdir.
Rétt eins og það það hafí verið
logn í Surtsey er óveðrið lamdi
annars landið allt á sama tíma,“
sagði Karl Sæmundsson.
Til nánari glöggvunar, þá er
Surtseyjarfélagið að mestu skipað
vísindamönnum þeim sem gert
hafa rannsóknir í Surtsey frá byij-
un gossins 1963 til dagsins í dag.
Þetta eru nokkrir tugir manna og
niðurstöður rannsókna þeirra
koma út í ýtarlegu skýrsluformi
sem borist hefur víða um heim....
COSPER
- Ég get kannski notað boltakastarann.
:*©
Gólfbvottavélar
með vinnubreidd frá 43 til 130 cm.
RESTAURANT
TORFAN
- nýr staður á
gömlum grunni!
Tilbofi í hádeginu:
Súpa dagsins
Heilagfiski með smjörsósu
og tómatpasta
eða
steiktar lambasneiðar með
mildri hnetukoníakssósu
eða
pastaréttur að eigin vali
ÚTILÍF HF
GLÆSIBÆ SIMI 82922