Morgunblaðið - 16.02.1991, Blaðsíða 44
LAUGARDAGUR 16. FEBRUAR 1991
VERÐ I LAUSASOLU 100 KR.
Álveríð á Keilisnesi:
Granges
fær vilyrði
um lánafyr-
irgreiðslu
Stokkhólmi. Frá fréttaritara Morgun-
blaðsins, Erik Lidén.
SÆNSKA álfyrirtækið Granges,
sem er aðili að Atlantsálshópnum,
hefur fengið vilyrði um lánafyrir-
greiðslu hjá hinum hálfopinbera
sænska útflutningslánasjóði
Svensk Exportkredit AB, til að
fjármagna framkvæmdir vegna
byggingar álvers á Keilisnesi.
. í viðræðum fulltrúa íslenskra
'"stjórnvalda og Atlantsálshópsins er
gert ráð fyrir því, að fjármögnun
framkvæmdanna á Keilisnesi muni
taka sex til tíu mánuði. í fréttatil-
kynningu, sem gefin var út eftir
fund þessara aðila í New York á
miðvikudaginn kom fram, að búist
væri við því að það tæki lengri tíma,
vegna ástandsins á alþjóðlegum
fjármagnsmörkuðum og óvissu um
þróun kostnaðar, verðlags og geng-
ismála.
I gær fékk Granges svar frá
f^Svensk Exportkredit AB varðandi
hugsanlega lánafyrirgreiðslu stofn-
unarinnar vegna fjármögnunar ál-
versframkvæmdanna á Keilisnesi.
Þar kom fram, að umsóknum um
ián til þessara framkvæmda yrði
tekið með jákvæðu hugarfari. Al-
bert Anoff, markaðsstjóri Svensk
Exportkredit, segir að þessi lán séu
á afar góðum kjörum, vextir séu
lágir og afborgunartíminn langur,
allt að 15 til 20 ár.
Per-Olof Aronsson, forstjóri
Gránges, segir að Atlantsálsfyrir-
tækin muni gera það sem þau geti
til að afla fjármagns til framkvæmd-
anna, en sú spenna, sem ríki í efna--
hagsmálum vegna stríðsins fyrir
—^ootni Persaflóa og ástandsins í
Eystrasaltslöndunum, geri fjár-
mögnunina erfiðari en ella. Arons-
son segir, að af þessum sökum, og
vegna versnandi ástands á mörkuð-
um fyrir málma, geti Atlantsálsfyr-
irtækin ekki tekið endanlega
ákvörðun um að reisa álverið á
Keilisnesi fyrr en skýrist við hvaða
skilyrði verksmiðjan muni búa, til
dæmis hvað varðar skattgreiðslur
og starfsreglur. Þar sé mikið verk
óunnið, en vonast sé til að hægt
verði að undirrita samninga þar að
lútandi innan þriggja mánaða.
Hekla skartaði sínu fegursta í blíðviðrinu í gær
þegar ljósmyndari Morgunblaðsins, flaug þar
yfir. Gosið hefur nú staðið í 29 sólarhringa og
virðist með svipuðu sniði og verið hefur undanfar-
ið. Sjá má að lítið útstreymi er úr aðalgígnum,
sem er eini gígurinn sem hefur verið virkur
síðustu þijár vikurnar. Gígurinn, sem er austan
við hátopp Heklu, er nú um 50 metra hár og'
200 metrar í þvermái. Hraun streymir niður
Morgunblaðið/RAX
undan gígnum í neðanjarðargöngum og kemur
síðan út fyrir neðan gígbarminn og er hraunáin
nokkrir kílómetrar að lengd. Nýja hraunið, sem
sést greinilega á stærri myndinni, þekur um 23
ferkílómetra svæði. „Það er ósköp lítill kraftur
í þessu og má segja að þetta sé hálfgert túrista-
gos,“ sagði Ágúst Guðmundsson jarðfræðingur,
sem fyigst hefur með framgangi gossins.
Eistlendingar vilja ræða
skipti á sendifulltrúum
Lennart Meri, utanríkisráðherra Eistlands, vill hafa samráð
við Islendinga um gerð friðaráætlunar fyrir Eystrasaltsríkin
LENNART Meri, utanríkisráð-
herra Eistlands, sagðist í samtali
við Morgunblaðið í gær vera
mjög ánægður með þann stuðn-
ing sem Islendingar hefðu sýnt
Morgunblaðið/Ámi Sæberg
Steingrímur spilaði við Sharif
Bridshátíð hófst í gær. Setti Steingrímur Hermannsson mótið og spil-
aði síðan fyrsta spilið við hinn þekkta leikara Omar Sharif. Jón Baid-
ursson spilar í mótinu við Sharif í fjarveru Paul Chemla sem komst
ekki frá París vegna snjóa en hann hafði verið veðurtepptur á flugvell-
inum í 8 klukkustundir er síðast fréttist. Tvímenningskeppninni lýkur
í kvöld en á morgun hefst sveitakeppni með þátttöku 50 sveita. Þess
má að lokum geta að Steingrímur og Sharif spiluðu vörn í 1 grandi
andstæðinganna og fengu 7 fyrstu slagina.
málstað Eystrasaltsþjóðanna og
sagðist hann tala þar fyrir munn
eistneska þingsins og ríkisstjórn-
arinnar. Meri kemur hingað til
lands á miðvikudag í næstu viku
ásamt Edgar Savisaar, forsætis-
ráðherra Eistlands. Að sögn að-
stoðarmanns Meris er tilgangur-
inn með heimsókninni einkum að
ræða tvö atriði: stjórnmálasam-
skipti Ejstlands og íslands og þá
tillögu Islendinga að miðla mál-
um milli Eystrasaltsríkjanna og
Sovétríkjanna sem lögð var fram
á síðasta ári. Aðstoðarmaðurinn
nefndi þá hugmynd að fulltrúi
eistneska utanríkisráðuneytisins
hefði aðsetur hér á landi og
öfugt.
„Alþingi og ríkisstjórn íslands
hafa unnið til aðdáunar okkar og
þakklætis með því að andmæla
valdbeitingu gagnvart óbreyttum
borgurum og lýðræðislega kjörnum
fulltrúum almennings. Viðbrögð ís-
lands og annarra lýðræðisríkja við
valdbeitingu Sovéthersins í Eystra-
saltsríkjunum hafa dregið verulega
úr hættunni á frekari blóðsúthell-
ingum. Við getum aldrei vitað
hversu mörgum mannslífum var
bjargað með stuðningi lýðræðis-
sinna. ísland hefur leikið stórt hlut-
verk í að ýta við Norðurlandaþjóð-
um og öðrum lýðræðisþjóðum,"
sagði Meri.
Þegar Meri var spurður hvort
Eistlendingar ætluðu að beiðast
þess af íslendingum að þeir viður-
kenndu Eistland með sama hætti
og Litháen svaraði hann því til að
það væri eitt af þeim atriðum sem
hann og forsætisráðherrann Savisa-
ar vildu ræða en of snemmt væri
að tjá sig frekar um það. Hann
sagði að Eistlendingar legðu mikið
traust á íslendinga: „Við viljum
ræða þróun „hernaðaráætlunar“
sem miðar að friðsamlegri lausn
deilunnar um Eystrasaltsríkin."
Þegar Juuri Luik, aðstoðarmaður
Meris, var spurður hvort Eistlend-
ingar væru í aðstöðu til að taka
upp stjórnmálasamband við önnur
ríki svaraði hann: „Þjóðréttarleg
staða Eistlands er dálítið óljós núna.
Að alþjóðalögum höfum við alltaf
verið fullvalda ríki en við eigum í
erfiðleikum með að fara með það
vald að svo stöddu. Kannski er sá
möguleiki fyrir hendi að taka tillit
til þessarar sérstöðu Eistlands og
hafa fulltrúa utanríkisráðuneytis
Eistlands á íslandi og öfugt eða
finna aðrar leiðjr. Það hlýtur að
vera eitthvert millistig á milli full-
gilts stjórnmálasambands og venju-
legra stjórnmálatengsla."
Luik var spurður hvort hann teldi
ekki að íslendingar hefðu fyrirgert
möguleika sínum til að miðla málum
með því að taka svo eindregið mál-
stað Eystrasaltsríkjanna. „Nei,
vegna þess að baráttan er í raun
ekki á milli Sovétríkjanna og
Eystrasaltsríkjanna. Hér takast á
fylgismenn lýðræðis og frelsis ann-
ars vegar og andstæðingar þessara
hugsjóna hins vegar. Eg held að
mörg ríki muni fara að dæmi íslend-
inga og það mjög fljótlega. Þá
hverfur þessi togstreita sem nú
virðist vera fyrst og fremst á milli
Eystrasaltsríkjanna og Sovétríkj-
anna.“
Steingrímur Hermansson, for-
sætisráðherra, sagði í gær að hann
hefði fengið bréf frá Eistlendingun-
um fyrir áramót þar sem þeirri ósk
var lýst að koma við á íslandi á
ferð um Norðurlönd og ræða mál-
efni Eistlands. Hann hefði tekið
þeirri beiðni jákvætt og í þessari
viku hefðu loks komið þau skilaboð
að það myndi henta þeim að koma
í næstu viku. Kæmu þeir á miðviku-
dag og dveldu fram á föstudag.
Myndu þeir meðal annars ræða við
ríkisstjórnina.
Sjá frétt á bls. 25.