Morgunblaðið - 09.04.1991, Blaðsíða 24

24
MORGUNBLAÐIÐ ÞRIÐJUDAGUR 9. APRÍL 1991
Rafmagns veitur ríkisins
kaupa eignir Rafveitu og
Hitaveitu Siglufjarðar
Siglufirði
SÍÐASTLIÐINN sunnudag voru undirritaðir á Siglufirði samningar
á milli bæjaryfirvalda í Siglufirði og Rafmagnsveitna ríkisins sem
fela í sér að Rafmagnsveiturnar kaupa eignir Rafveitu og Hita-
veitu bæjarins, þ.á.m. Skeiðsfossvirkjun. Rafmagnsveitur ríkisins
munu taka við rekstrinum þann 20. apríl n.k. og verður þá öllum
starfsmönnum siglfirsku orkufyrirtækjanna boðið að starfa hjá
Rarik. Kaupverð allra eignanna er 450 milljónir króna og greiðist
það með yfirtöku lána.
Viðræður um kaupin hafa staðið
yfir frá því í byrjun desember.
Ástæður þess að bæjaryfirvöld á
Siglufírði gengu til viðræðna um
að selja fyrirtækin voru m.a. sam-
dóma álit bæjarfulltrúa um naðsyn
á lækkun skulda bæjarfélagsins.
„Við stóðum einfaldlega frammi
fyrir þeirri staðreynd að hafa ekk-
ert framkvæmdafé næsta áratug-
inn. Endurskipulagning á rekstri
okkár ásamt þessum samningum
eiga að hafa það í för með sér að
um næstu áramót verði fjárhags-
staða bæjarins orðin nokkuð góð.
Gangi áætlanir okkar eftir verða
nettóskuldir bæjarfélagsins þá inn-
an við 100 milljónir króna eða
tæplega helmingur árstekna. Það
mun gefa okkur ágætis svigrúm
til framkvæmda enda bíða mörg
stór og brýn verkefni úrlausnar.
Við bjóðum Rafmagnsveitur ríkis-
ins velkomnar til Siglufjarðar og
væntum góðs samstarfs við þær á
komandi árum,“ sagði Björn Valdi-
marsson bæjarstjóri á Siglufirði í
samtali við Morgunblaðið.
Kristján Jónsson forstjóri Rarik
sagði að rekstur rafveitu og hita-
veitu á Siglufírði félli vel að rekstri
fyrirtækisins á Norðurlandi vestra,
en eftir þessi kaup munu Rafmagn-
sveitur ríkisins annast alla orku-
sölu á svæðinu að Sauðárkróki frá-
töldum.
Söluverðið er byggt á viðskipta-
legu mati á verðmæti eignanna,
þannig að tekjur af þeim standi
undir kaupverðinu.
„Við erum ánægðir með það
skref sem nú hefur verið tekið og
treystum á gott samstarf við Sigl-
firðinga. Við bjóðum starfsmenn
Rafveitu og Hitaveitu Siglufjarðar
velkomna til starfa hjá okkur,“
sagði Kristján Jónsson.
M.J.
Síldarverksmiðjur ríkisins;
Morgunblaðið/Júlíus
Stærri auglýsingar
á strætisvögnum
STRÆTISVAGNAR Reykjavíkur og íslenska auglýsingastofan hafa
gert með sér samning um auglýsingar á hliðum vagna fyrirtækisins.
I kjölfar þessa samnings verða auglýsingaborðar á hliðum strætis-
vagnanna stærri en tíðkast hefur til þessa og einnig hefur verið gerð
sú tilraun, að mála auglýsingu beint á vagninn á myndinni. Sveinn
Andri Sveinsson, formaður stjórnar SVR, segir fyrst í stað muni
þessi samningur, sem gilda á til tveggja ára, tryggja fyrirtækinu
svipaðar tekjur af auglýsingunum og verið hefur til þessa, en gert
sé ráð fyrir að þær muni aukast við endurnýjun samningsins að
þeim tíma liðnum.
Þriðjungur manna endurráðinn
Miklir fjárhagslegir erfiðleikar vegna hráefnisskorts
SÍLDARVERKSMIÐJUR ríkisins eiga í miklum fjárhagslegum erf-
iðleikum samkvæmt skýrslu frá endurskoðunarfyrirtækinu Sinnu
sem rædd var í stjóm SR fyrir helgi. Megin ástæðan er hráefniss-
kortur en einnig hefur fyrirtækið staðið í stórfelldum endurbótum
á verksmiðjum sinum. Sjávarútvegsráðherra segir að meira þurfi
að koma til en 300 milljón króna heimild til skuldbreytinga á láns-
fjárlögum.
Flaug inn
en komst
ekkiút
STARRI flaug inn um opinn
glugga mannlausrar ibúðar
í Vesturbænum á laugardag.
Hins vegar komst fuglinn
ekki út aftur þótt hann reyndi
hvað eftir annað að fljúga í
gegnum rúðuna. Nágrannar
urðu varir við dyknina þegar
fuglinn flaug á rúðuna og köll-
uðu á lögreglu.
Lögreglan fékk lásasmið til
að opna dyr íbúðarinnar og
síðan var fuglinum komið út
undir bert loft.
Halldór Ásgrímsson sjávarút-
vegsráðherra sagði að honum væri
kunnugt um mikinn fjárhagslegan
vanda fyrirtækisins, en hann hefði
ekki séð skýrsluna frá Sinnu. Hann
sagði heimild J lánsfjárlögum til
að skuldbreyta 300 milljónum
króna, sem er hluti þeirra lána sem
tekin hafa verið vegna endurbóta.
„Ég held það þurfí samt eitthvað
meira að koma tii,“ segir Halldór.
Hann sagðist ekki taka undir
hugmyndir um að leggja niður til-
teknar verksmiðjur. „Eg tel mikil-
vægt að verksmiðjan á Reyðarfirði
verði starfrækt áfram. Atvinnu-
ástandið þar er bágborið og fyrir-
tækið er veigamikill þáttur í at-
vinnulífínu þar, eins og verksmiðj-
ur SR eru reyndar víðar,“ sagði
Halldór.
Halldór hefur lagt til að SR verði
gert að hlutafélagi en sú skoðun
hefur mætt andstöðu. „Það hefði
verið mun auðveldara að ganga til
samstarfs við ýmsa aðila í samfé-
laginu um hráefni ef fyrirtækið
væri hlutafélag," segir Halldór.
Hann sagði SR eiga mjög miklar
eignir, en þær væru ekki mikils
virði ef ekkert hráefni fengist.
„Fyrirtækið þarf að semja um sín-
ar skuldir og ég er viss um að lána-
drottnar sjá sinn hag best í því að
semja í þeirri trú að loðnan komi
á nýjan leik. Ég sé ekki að menn
eigi neinn annan kost miðað við
þá stöðu sem uppi er,“ segir Hall-
dór.
„Það er í rauninni ekkert að
segja um stöðu SR á þessu stigi.
Við eigum í sömu vandræðum og
aðrir sem verða fyrir hráefnis-
bresti,“ segir Þorsteinn Gíslason
stjórnarformaður SR.
Þorsteinn sagði að á fyrri hluta
síðasta árs hefði verið þokkalega
mikið hráefni og samkvæmt sex
mánaða uppgjöri hefði verið hagn-
aður á rekstri fyrirtækisins. Hrá-
efni hefði skort síðari hluta ársins
og þá hefði auðvitað orðið tap. Það
sem af er þessu ári hefur einnig
verið skortur á hráefni og staða
SR er því mjög slæm.
Þorsteinn vildi ekki gefa upp
hversu miklar skuldir SR væru,
sagði að verið væri að skoða mál
fyrirtækisins og í framhaldi af því
yrði gripið til einhverra aðgerða.
Hann benti þó á að eiginfjárstaðan
væri nokkur hundruð milljónir.
Síldarverksmiðjur ríkisins er rík-
isfyrirtæki og sagði Þorsteinn að
því miður væru lögin, sem stjórn-
endum fyrirtækisins væri gert að
vinna eftir, löngu orðin úreld. Hall-
dór Ásgrímsson tók undir þetta
me'ð Þorsteini og sagði að þvi mið-
ur hefðu lögin ekki verið færð til
nútímahorfs.
Nýverið var öllu starfsfólki SR
sagt upp störfum en nú hefur ver-
ið ákveðið að endurráða þriðjung
þess aftur. Þorsteinn sagði að þetta
hafi verið gert til að forða eignun-
um frá skemmdum.
M-hátíð á Suðurlandi:
Listahátíð baraa og ungl-
inga á Kirkjubæjarklaustri
Kirkjubæjarklaustri.
LISTAHÁTÍÐ barna og unglinga var haldin á Kirkjubæjarklaustri
helgina 23. og 24. mars sl., en hún var haldin undir merkjum M-hát-
íðar á Suðurlandi.
Það var fljótlega eftir áramót
sem menningarmálanefnd
Skaftárhrepps fór þess á leit við
Kirkjubæjarskóla, tónlistarskólann
og dagheimilið að þessir aðilar
ynnu að listahátíð barna og ungl-
inga.
Ákveðið var að efna til slíkrar
hátíðar og þá í tengslum við þema
sem valið hafði verið fyrir árshátíð
nemenda í Kirkjubæjarskóla. Þem-
að var „Kallar hann mig og kaliar
hann þig“, hending úr ljóði Jóns
Helgasonar, Áfangar. í ljóðinu er
ort um einn af landvættunum,
risann í Lómagnúpi, og höfðar því
þannig til fólks í héraðinu en ekki
síður var nafnið valið með því hug-
arfari að fá nemendur til að kynna
sér nánasta umhverfi og samfélag-
ið sem þau búa í, bent á hvemig
allir þurfa að vera virkir og meðvit-
aðir um sitt umhverfi og taka þátt
í því sem þar gerist, það er „kallað
á alla“. Áhersla var lögð á allar
listgreinar og á ýmsan hátt ýtt
undir sköpunargleði nemenda, eins
og sýningin bar með sér.
Myndlistin var áberandi þáttur
í sýningunni. Börnin unnu stórt
myndverk þar sem kemur fram
vangasvipur allra nemenda skól-
ans, gert var vegglistaverk úti,
unnið var stórt listaverk úr taui,
þar sem notað voru form laufblaða
sem börn höfðu sjálf valið sér og
litum úðað á tauið með munnsp-
rautu, á annað hundrað innramm-
aðar myndir voru sýndar, unnar á
mismunandi hátt, bijóstmyndir úr
leir, handgerðar bækur með and-
litsmyndum og þannig mætti
áfram telja.
Þá hafði verið efnt til ljóða- og
smásagnasamkeppni og tóku nem-
endur virkan þátt i því. Á hátíð-
inni var t.d. frumflutt Ijóð eftir
alla 6. bekkinga.
Dagheimilisbörn unnu að verk-
efninu „Umhverfi og umhverfis-
vernd“ og beindu spjótum sínum
að nánasta umhverfi og unnu með
það á ýmsan hátt og settu upp
sýningu. Einnig tóku þau lagið
fyrir sýningargesti.
6 ára nemendur bjuggu til leik-
brúður, sömdu leikrit og sýndu síð-
an áhorfendum.
7 og 9 ára nemendur unnu
margvíslega muni sem á einhvern
hátt tengdust eða voru beinlínis
úr steini. Þau fóru í vettvangsferð-
ir, söfnuðu heimildum og unnu svo
úr þeim. ,
8 ára nemendur sömdu og sýndu
leikritið „Vinir safna liði“, þau
bjuggu sjálf til aðalleikmunina sem
voru hestar, ennfremur saumuðu
þau myndir af hestum og fleira í
tengslum við þá.
Aðrir nemendur komu allir á
einn eða annan hátt inn í sýning-
una og tóku margir þátt í fleiru
en einu verkefni. Hljómlistin var
áðallega flutt á sviði báða dagana.
Þar komu fram einleikarar, ungl-
ingahljómsveit og kór en auk þess
höfðu nemendur unnið upp heim-
ildir um hljóðfæraeign í héraðinu
og nokkrar stúlkur sýndu mjög
gamlan dans.
Svokallað „Veiðihorn“ var sett
upp, en þar voru skráðar í han-
dunnar bækur heimildir um veiðar-
færi, veiðisögur og fleira, byggt
upp á samtölum við fólk í héraðinu
sem á einn eða annan hátt tók
þátt í slíku. Þarna voru líka til
sýnis uppstoppuð dýr, þær tegund-
ir sem helsþ voru veiddar og auk
þess lifandi fiskar í búrum. í bein-
um tengslum við þetta var síðan
matvælakynning hjá öðrum hópi
nemenda og þar fékk fólk ijð
smaktóá saltaðan fýl, nýtt selkjöt,
gæs, bleikju og fleira úr hráefni
úr héraðinu.
Þá var sett upp ljósmyndasýning
og leikklúbbur skólans samdi og
flutti leikritið „Hvað er í skápn-
um?“ en efni þess tengist sögu
héraðsins á þeim tíma er nunnu-
klaustur var þar.
Sýnd var ullarvinna, þ.e. kembt
og spunnið og nemendur í dönsku
unnu ferðamannabækling um hér-
aðið.
Nokkrar stúlkur sýndu söngleik
sem saminn var við tónlist hljóm-
sveitarinnar Todmobil, flutt var
útvarpsleikrit, unnið var að heim-
ildasöfnun og skráð ýmislegt um
draugasögur, álagablett og álfa-
byggð, gerð afrekaskrá í íþróttum,
svo af ýmsu var að taka.
Aðsókn að listahátíðinni var
mjög góð, fólk dáðist að vinnu
barnanna og rómaði mjög hversu
vel hefði verið að sýningunni stað-
ið. Greinilegt var að mikil alúð var
lögð í hvert einstakt verkefni þó
svo að sýnihgin í heild hafi verið
mjög yfirgripsmikil.
Báða dagana voru atriði á sviði
í u.þ.b. 2 klst. og síðan matvæla-
kynning, myndlistarsýning, ljós-
myndasýning, veitingar og alls
kyns uppákomur. _ jioji