Morgunblaðið - 24.04.1991, Blaðsíða 15

MORGUNBLAÐIÐ MIÐVIKUDAGUR 24. APRIL 1991
15
eftir Kristján
Guðlaugsson
Ástandið á litla sjúkrahúsinu í
landamærabænum Hakkari er
hræðilegt.
Á spítalanum eru 75 rúm. Þeg-
ar ég heimsótti sjúkrahúsið lágu
yfir 250 sundurtættir, napalm-
brenndir og deyjandi Kúrdar á
göngum, herbergjum og baðher-
bergjum sjúkrahússins. Yfirlækn-
irinn, dr. Ahmet Demicer, sagði
mér að hann hefði hvorki lyf né
starfsfólk _t.il að lækna þá sem
komu frá írak.
Við getum hjálpað þeim til að
deyja, annað getum við ekki.
Sumir lifa þetta af, en ég er
hræddur um að flestir deyi, sagði
dr. Demicer við fréttaritara Morg-
unblaðsins hér í Hakkari.
Það var hræðileg sjón sem
mætti mér á spítalanum. Napalm-
brennd smábörn, menn og konur
sem stigið höfðu á jarðsprengjurn-
ar á landamærasvæðinu og misst
fætur og hendur. Öldungar, börn
og ófrískar konur, sem voru svo
máttfarin af kulda, vosbúð og
Höfundurinn
Kristján Guð-
laugsson starfar
sem blaðamaður
í Noregi. Hann
heimsótti nýlega
flóttamannabúð-
ir í Tyrklandi og
írak, þar sem
Kúrdar dvelja
við hörmulegar
aðstæður á flótta
sínum undan
hersveitum
Saddams Hus-
seins.
matarleysi, að þeim var ekki hug-
aðlíf.
í byrjun var mér neitað að koma
inn, eins og öllum öðrum blaða-
mönnum, sem voru í bænum. En
vini mínum og túlki, Ahmet Al-
Mofty, tókst að fá leyfi lögregl-
unnar til að heimsækja sjúkrahú-
sið. Það tók 3 tíma að fá leyfi,
en að lokum var mér hleypt inn
í þennan biðsal dauðans.
Það eru fáir sjúkrabílar í Hakk-
ari. En þeir sem þar eru, eru á
stöðugri ferð milli flóttamanna-
búðanna og sjúkrahússins. Flestir
sem koma til spítalans, hafa verið
fluttir á börum yfir fjöllin, án lyfja
eða umbúða. Fæstir lifa siíka-ferð
af. __
Ég var viðstaddur skurðaðgerð-
'ir, þar sem fætur og hendur voru
fjarlægðar. Fórnarlömb Saddams
höfðu stigið á jarðsprengjur eða
verið sprengd í tætlur af þyrlum
íraska stjórnarhereins.
Salih Morkut, einn þeirra sem
missti fæturna á jarðsprengju-
svæðinu við landamæri Tyrk-
lands, sagði fréttaritara Morgun-
blaðsins, að tyrkneskir hermenn
hefðu hrakið hann og marga aðra
flóttamenn inn í jarðsprengjubel-
tið.
Hefðum við bara fengið að
koma til Tyrklands hefði ég ekki
legið hér. Eg missti konuna mína
og tvær dætur á jarðsprengju-
svæðinu. Ég veit ekki hvar for-
eldrar mínir, 3 bræður og 3 synir
eru. Kannski fæ ég aldrei að sjá
þau aftur.
Það eru vopnaðir hermenn og
verðir á sjúkrahúsinu. Tyrknesk
yfirvöld vilja augljóslega ekki að
umheimurinn fái að vita um það
sem skeður hér á landamærunum.
Ljósm: Kristján
Illa særður Kúrdi í tyrknesku sjúkrahúsi,
OENUM Á MORGUN
sumar verðum við hjá Gísla Jónssyni og co. með sýningarsal til húsa í
Borgartúni 31. Þar verðum við með allar þrjár gerðirnar af Camp-let
tjaldvögnum, Apollo, Concord og Royal, til sýnis og sölu. Einnig verðum
við með hin stórglæsilegu Hobby hjólhýsi, Trio fortjöld, Pack-let
farangurskassa, margskonar ferðavöru og aukahluti. Að auki verða
á boðstólum vel með farin notuð hjólhýsi, margar gerðir og
stærðir, gott verð.
Gísli Jónsson & Co.
Sundaborg 11 Sími 91-686644
Skrifstofa Gísla Jónssonar er í Sundaborg 11, «s? 686644, Sýningarsalur Borgartúni 31, ® 626747. Opið alla virka daga frá kl. 10-6, laugardaga kl. 10-4.