Morgunblaðið - 24.04.1991, Blaðsíða 48
Láttu Lotus 1-2-3
gefa þér rétta mynd
af rekstrinum!
MIÐVIKUDAGUR 24. APRÍL 1991
VERÐ I LAUSASÖLU 100 KR.
Húsbréf:
Morgunblaðið/Sverrir
Steingrímur Hermannsson gekk í gær á fund Vigdísar Finnbogadóttur forseta íslands og baðst lausnar
fyrir sig og ráðuneyti sitt.
Ávöxtunarkrafa
hækkar í 8,4%
Treg verðbréfasala á markaðnum
AFFÖLL af nýjasta flokki húsbréfa eru nú komin í 19,27% við sölu
á markaði, eftir að ávöxtunarkrafan var hækkuð í 8,4% á verðbréfa-
mörkuðum í gær. Skýringar á þessari hækkun eru sagðar vera mik-
ið framboð og mun dræmari eftirspurn eftir bréfunum en verið
hefur. Húsbréf eru ekki einu verðbréfin sem seljast treglega, banka-
víxlar eru sagðir einu pappírarnir sem seljast að einhverju marki
þessa dagana.
Sigurbjörn Gunnarsson, deildar-
stjóri hjá Landsbréfum, viðskipta-
vaka húsbréfa, sagði í samtali við
Morgunblaðið í gær að sömu skýr-
ingar væru á hækkun ávöxtunar-
kröfunnar nú og verið hafa, geysi-
legt framboð hafi verið að undan-
förnu og eftirspurnin afar dræm,
mun dræmari heldur en þekkst
hafi áður. „Það á kannski ekki bara
við húsbréf, það er dræm sala í
öllum verðbréfum í dag. Það virðist
vera aimennt á markaðnum. Það
eina sem hefur selst eru bankavíxl-
ar,“ sagði Sigurbjörn.
Hann sagði menn hafa verið að
leita ýmissa skýringa á hinni
dræmu sölu, helst sé talað um að
minnkandi sparnaður sé í þjóðfélag-
inu og að miklar greiðslur hafi ver-
ið erlendis, afborganir og vextir,
og lítið um erlend lán.
„Við höfum að vísu fengið ágæt-
isviðbrögð við þessari hækkun
ávöxtunarkröfunnar í 8,4%, en
hvort það geti haft einhver áhrif
til lækkunar aftur, það veit ég
ekki,“ sagði Sigurbjörn Gunnars-
son.
Formenn Sjálfstæðisflokks og Alþýðuflokks funduðu í gærkveldi:
Rætt um samstarfs-
grundvöll flokkanna
Mikið um óformleg fundahöld stj órnmálamanna til föstudags
DAVÍÐ Oddsson formaður Sjálfstæðisflokksins og Jón Baldvin
Hannibalsson formaður Alþýðuflokksins áttu með sér fund í gær-
kvöldi, þar sem þeir ræddu möguleikann á samstarfi flokkanna
tveggja í ríkisstjórn og málefnalegan grundvöll þess að slíkt sam-
starf geti tekist.
Mikil fundahöld voru meðal
stjórnmálamanna í gær, í kjölfar
þess að Steingrímur Hermannsson
gekk í gærmorgun á fund forseta
Islands, Vigdísar Finnbogadóttur,
og baðst lausnar fyrir sig og ráðu-
neyti sitt. Ríkisstjórn hans situr nú
sem starfsstjórn, að beiðni forset-
ans, þar til ný ríkisstjórn hefur ver-
ið mynduð. Forsetinn ákvað í gær
að veita ekki umboð til stjórnar-
myndunar fyrr en í fyrsta lagi á
föstudag.
Jón Baldvin Hannibalsson for-
maður Alþýðuflokksins sagði í sam-
tali við Morgunblaðið í gær, að
Alþýðuflokkurinn væri með strang-
ar kröfur um málefni, sem hann
legði til grundvallar í viðræðum
sínum við formann Sjálfstæðis-
flokksins. Yfir þær hefði verið farið
á löngum þingflokksfundi Alþýðu-
flokksins í gær. Meðal þess sem
Alþýðuflokkurinn legði fram tillög-
ur um, væri hvernig breyta bæri
fiskveiðistjórnun og starfsskilyrð-
um fiskvinnslu. Ennfremur gerði
Alþýðuflokkurinn tillögur um það
hvernig breyta bæri þeim drögum
sem nú lægju fyrir að búvörusamn-
ingi.
Þingflokkur Framsóknarflokks-
ins kom saman til fundar í gær og
var niðurstaða hans að leita eftir
því að áframhald geti orðið á sam-
starfi þeirra flokka sem nú sitja í
starfsstjórn. Steingrímur Her-
mannsson sagði í samtali við Morg-
unblaðið að hann myndi ræða
óformlega við formenn A-flokkanna
á næstunni. Jón Baldvin Hannibals-
son hefur óskað eftir fundi með
Ingibjörgu Sólrúnu Gísladóttur full-
trúa Kvennalista í dag. Þá hefur
Halldór Ásgrímsson sjávarútvegs-
ráðherra og varaformaður Fram-
sóknarflokksins óskað eftir fundi
með formanni Alþýðuflokksins nú
fyrir hádegi. Jafnframt er búist við
því að þeir Davíð og Jón Baldvin
hittist á nýjan leik síð.ar í dag.
Sjá einnig fréttir á miðopnu.
Lítill dreng-
ur lést af
slysförum
ÞRIGGJA ára drengur, Guð-
mundur Friðrik Þorkelsson,
lést á sjúkrahúsi í Reykjavík
af vÖldum höfuðáverka sem
hann hlaut í slysi á Arnar-
stapa um klukkan 14 á
sunnudag.
Slysið varð er úlpa drengsins
flæktist í spili, sem notað var
við löndun úr smábáti í höfn-
inni á Amarstapa.
Héraðslæknir var staddur
skammt frá Arnarstapa er slys-
ið varð og að ósk hans var
þyrla Landhelgisgæslunnar
fengin til að flytja drenginn á
sjúkrahús í Reykjavík. Þar lést
hann í gær án þess að hafa
komist til meðvitundar.
Guðmundur Friðrik Þorkels-
son fæddist 23. júní 1987 og
bjó á Bjargi á Arnarstapa.
Utgáfa bankabréfa 5% meiri en iiinlán:
Aukín lántaka bankanna
veldur vaxtahækkunum
- segir forstöðumaður peningadeildar Seðlabankans
Borgarráð:
Osabraut verður lögð
BORGARRÁÐ hefur samþykkt, að fara að tillögu gatnamálastjóra um
lagningu Ósabrautar yfir Elliðaárvog. Áætlaður kostnaður er 556
milljónir króna. I tillögunni er gert ráð fyrir samfelldri hábrú yfir
smábátahöfnina og ósa Elliðaáa. Hæð undir brú við smábátahöfn verð-
ur 12 metrar á fjöru.
INNLÁN til banka og sparisjóða hafa aukist um 2,3 milljarða frá
áramótum til loka marsmánaðar, eða um 1,8% á þessum þremur
mánuðum. Útgáfa bankabréfa og bankavixla hefur aukist um 1.184
milljónir kr. á þessu timabili, sem er 6,8% aukning eða 5% meira
en aukning innlána. I lok mars voru útistandandi 18,6 milljarðar kr.
af verðbréfuin af þessu tagi. Yngvi Örn Kristinsson, forstöðumaður
peningadeildar Seðlabanka Islands segir að aukin lántaka bankanna
valdi vaxtahækkunum..
Innlán íslandsbanka hafa aukist
mest á þessu tímabili eða um einn
Mælt er með að fyrsti áfangi verði
boðinn út haustið 1991 og að honum
ljúki ári síðar. í honum felst gerð
undirganga undir Höfðabakka
ásamt lagningu syðri akbrautar frá
Breiðhöfða að undirgöngunum. Enn-
fremur að lokið verði við gróffyllingu
í vegarstæði frá Sævarhöfða að
smábátahöfn.
í öðrum áfanga, sem boðinn verð-
ur út í ásbyijun 1992 og á að vera
lokið haustið 1993, er brúargerðin
og í þriðja áfanga sem boðinn verð-
ur út ári síðar, felst vegagerð vestan
Sævarhöfða. Verkinu á að ljúka
haustið 1993.
milljarð kr., um tæpar 900 milljónir
hjá Landsbanka, 626 milljónir hjá
sparisjóðunum og 23 milljónir hjá
innlánsdeildum kaupfélaga. Hins
vegar varð 626 milljóna kr. sam-
dráttur í inniánum hjá Búnaðar-
banka.
Að sögn Yngva hafa innláns-
stofnanirnar aukið verulega útgáfu
bankabréfa og bankavíxla fyrstu
þijá mánuði þessa árs, sem er ein
leið þeirra til að afla sér ráðstöfun-
arfjár. Aukningin hjá íslansbanka
nemur 498 millj. kr., 474 millj. kr.
hjá Landsbanka, 119 millj. kr. hjá
Búnaðarbanka og 95 millj. kr. hjá
sparisjóðunum.
Heildarinnlán innlánsstofnana á
síðasta ári námu 129,1 milljarði kr.
en eins og fyrr segir eiga þær úti-
standandi 18,6 milljarða í banka-
bréfum og bankavíxlum. Yngvi
sagði að slík útgáfa væri orðin mik-
ilvægur liður í fjármögnun innláns-
stofnana. Hann sagði að hér væri
um lántöku að ræða á innlendum
markaði og ef bankarnir sækja það
stíft að selja þessi bréf ýti það und-
ir frekari vaxtahækkanir.
Bankabréfin eru boðin til sölu á
almennum markaði og eru gefin
út til minnst þriggja ára, eru oftast
verðtryggð og bera vexti sem eru
misháir eftir bönkum. Bankavíxlar
eru skammtímavíxlar og sagði
Yngvi að þeir væru að nokkru leyti
hliðstæðir ríkisvíxlum en gefnir út
af bönkunum.