Morgunblaðið - 19.10.1991, Síða 29

MORGUNBLAÐIÐ LAUGARDAGUR 19. OKTOBER 1991
29
Röskva:
Æskilegt að fólk hafi mögu-
leika á að ljúka námi hér heima
- segir Guðmundur Birgisson formaður Röskvu
HAUSTIÐ er komið og ýmis konar félagsstarfsemi sem legið
hefur í láginni yfir sumarmánuðina að hefjast að nýju. Má þar
nefna félagsstarf nemenda í skólum sem er að sjálfsögðu með
afar mismunandi hætti eftir skólum og skólastigum. Einn félags-
skapur af þessu tagi er Röskva, samtök félagshyggjufólks við
Háskóla Islands, sem vinna mun að hagsmunamálum stúdenta í
samvinnu við Vöku, félag lýðræðissinnaðra stúdenta, í vetur. í
tilefni af vetrarbyijun og þeirri starfsemi sem hún hefur í för
með sér ræddi Morgunblaðið við Guðmund Birgisson formann
Röskvu og heimspekinema. Guðmundur er að síðasta ári í heim-
speki en viðurkennir að vegna anna við félagsstörf geti teygst
úr náminu.
Guðmundur segir að megin
áherslan verði lögð á hagsmuna-
baráttu stúdenta í vetur.
„Komið hafa upp hugmyndir
um skólagjöld, vexti af námslán-
um og fleira í svipuðum dúr sem
virðist sprottið af þeirri skoðun
manna að nám sé Ijárfesting fyr-
ir einstaklinginn, svipað því að
hann kaupi sér bíl eða flugvél.
Þeir sem verið hafa í námi hljóta
að neita þessu. Nám er ekki fjár-
hagslega hagkvæmt fyrir hvern
og einn heldur fyrst og fremst
fyrir þjóðfélagið í heild sinni. Ég
hef til dæmis ekki fjárhagslegan
ávinning af því að læra heim-
speki. Aftur á móti er fjárhags-
lega hagkvæmt fyrir þjóðfélagið
að eiga mikið af vel menntuðum
heimspekingum. Starfið í vetur
mun án efa markast af því að við
munum snúa gegn þessari hug-
mynd um fjárfestingu.”
„Okkar önnur meginhugsjón er
að gæða Háskólann lífi. Við viljum
ekki að nemendur fari í skólann
eins og þeir séu að fara út í banka
að skipta ávísun heldur finni þeir
fyrir því að vera hluti af lifandi
samfélagi. Undir þessa hugsjón
fellur býsna margt. Meðal annars
menningarátak sem Stúdentaráð
er að hrynda af stað þessa dag-
ana. Innan þess kennir ýmissa
grasa. Má þar nefna samninga
um lægri aðgangseyri við Þjóð-
leikhúsið, Borgarleikhúsið, ís-
lensku óperuna, aðila sem sjá um
myndlistasýningar og fleiri. Með
þessu móti verður sáralítið dýrara
fyrir stúdenta að fara í leikhús
en að fara í bíó. Annar liður í
menningarátakinu er tónlist-
arkúbbur en meðlimir í honum
munu fá geisladiska á svipuðu
verði og gerist í Bretlandi. Einnig
er hugmyndin að gangast fýrir
nemendatónleikum í miðbænum
og kynna betur þá starfsemi sem
fram fer á Háskólalóðinni. Má þar
nefna tónleika í Norræna húsinu
í hádeginu á miðvikudögum.”
„Ekki má heldur gleyma Há-
skólanum sem menntastofnun.
Ymsar breytingar eru á döfinni.
Meðal þeirra er að koma á fót
framhaldsnámi við fleiri deildir en
nú, jafnvel allar deildir. Eitt af
brýnustu verkefnunum er að móta
þetta framhaldsnám og koma í
veg fyrir að námið þróist í sitt
hverja áttina. Ég vona að háskól-
aráð taki þetta verkefni upp á sína
arma og myndi ramma sem deild-
irnar geta þróað sitt framhalds-
nám innan,” sagði Guðmundur.
Finnst þér æskilegt að allir ljúki
doktorsnámi hér heima.
„Mér finnst æskulegt að Há-
skólinn bjóði fólki upp á þann
möguleika að ljúka framhalds-
námi hér á landi. Hins vegar er
afar nauðsynlegt að fólk hafí
áfram möguleika á að fara til út-
landa. Við megum ekki múra upp
í þann glugga enda er hollt fyrir
Háskólann að fólk fari út í nám
vegna þess að oft á tíðum koma
þessir nemendur aftur inn í skól-
ann með nýjar hugmyndir.”
Guðmundur Birgisson
„Annað sem nú er töluvert
rætt um er nemendaráðgjöf. Skól-
inn er stór og í mörgum deildum
sem getur verið erfitt að hafa
yfirsýn yfir. Þess vegna höfum
við komið með þá hugmynd að
biðja eldri nemendur að ráðleggja
þeim yngri. Þessi hugmynd hefur
þegar fengið góðan hljómgrunn,
m. a. hjá deildarstjórum, rektor
og námsráðgjöfum, og hefur verið
komið á innan guðfræðideildar.
Ég tel því aðeins tímaspursmál
hvenær nemendaráðgjöf verði
komið á innan annarra deilda í
Háskólanum. Hins vegar verðum
við að hafa í huga á skólinn er
stór og við munum fara varlega
í sakirnar enda verði kerfíð sett á
til frambúðar.”
„Enn er ótalinn langur listi af
málum sem þarf að skoða í Há-
skólanum. Eitt þeirra er gæðamat
á prófum. Fara þarf yfir hvernig
próf eru samin, lögð fyrir og, ekki
síst, farið er yfir þau. Hér er víða
pottur brotinn og mikill skortur á
samræmingu.
Valfrelsi milli deilda er annað
mál sem stúdentum liggur á
hjarta. Nú er verið að fara yfir
skýrslu valfrelsisnefndar, sem
skipuð var fyrir nokkrum árum,
en í framtíðinni verður vonandi
hægt að bjóða upp á meira val
milli deilda. Núna er þetta ekki
auðvelt. Ég var til dæmis fyrir 3
vikum að leggja inn umsókn um
á ljúka námi með heimspeki sem
aðalgrein og raungreinar sem
aukagrein en fæ sennilega ekki
svar fyrr en kringum jólin.”
Fulltrúar Vöku og Röskvu eru
jafn margir í Stúdentaráði. Hvern-
ig gengur samvinnan?
„Mér hefur fundist mjög gott
að vinna með fulltrúum Vöku.
Auðvitað er fólk ekki alltaf sam-
mála en í þeim tilfellum skiptir
mestu máli að reyna að vinna úr
málunum. Við leggjum fyrir þá
hugmyndir okkar og ef þeir koma
með góðar hugmyndir í vetur
munum við taka þær upp á okkar
arma eins og þær væru okkar eig-
in. Góðar hugmyndir eru auðvitað
góðar hugmyndir hvaðan sem þær
koma,” sagði Guðmundur.
Átakalít-
ið andóf
Kvikmyndir
Sæbjöm Valdimarsson
Háskólabíó:
Drengirnir frá Sankt Petri —
„Drengene fra Sankt Petri”
Leikstjóri Sören Kragh-Jacobs-
en. Handrit Kragh-Jacobsen og
Bjarne Reuter. Danmörk 1991.
Nýjasta mynd Sörens Kragh-
Jacobsens, danska leikstjórans
snjalla, gerist í bæ úti á landi
árið 1942. Danmörk er undir járn-
hæl nasista, ríkisstjórnin hvetur
til samvinnu við hemámsliðið og
lítið um andspyrnu. Nokkrir
menntskælingar una þjóðveijun-
um illa og veita þeim tiltölulega
meinlausar kárínur sem nægja þó
til þess að þýskir kvarta undan
þeim í bæjarblöðunum. Við þetta
herðast strákarnir um allan helm-
ing, fá í lið með sér grimman pilt
úr verkalýðsstétt sem á enn frek-
ari harma að hefna á hemámslið-
inu þar sem móðir hans er í
„ástandinu”. Hann útvegar byss-
ur og skipuleggur sannkallaðan
skæruhernað gegn nasistunum.
Það sem í upphafi var nánast
prakkaraskapur breytist í dauð-
ans alvöru.
Það kemur fram í lok myndar-
innar að aðgerðir nokkurra ungra
drengja í Álaborg hafi vakið
Hernám Þjóðverja hvílir eins og mara á Drengjunum Frá Sunkt
Petri.
dönsku þjóðina til meðvitundar
um andóf gegn hernámsliðinu, sú
andspyrna var aldrei nándar nærri
jafnöflug og ákveðin eins og t.d.
í Noregi og Frakklandi. Hins veg-
ar var því meiri móður á þeim
eftir uppgjöf Þjóðverja og sást þá
ekki alltaf fyrir. En hvort sem
myndin er byggð á sönnum at-
burðum eður ei skiptir ekki höfuð-
máli, sagan er jafngott myndefni
hvað sem öðru líður. En því miður
hefur ekki tekist að kvikmynda
hana sem skyldi því útkoman er
heldur léttvæg. Glókollahópurinn
sem fer með aðalhlutverkin er
ósköp linkulegur að sjá og ekki
líklegur til afreka. Og það sem
verra er þá er handritið átakalít-
ið, það vantar grimmara and-
rúmsloft í anda við aðstæðurnar.
Mikill tími fer í geldingslega ró-
mantík og eina persónan sem
kviknar virkilega til lífsins á tjald-
inu er Ottó úr armæðunni.
Danir hafa gert urmul gæða-
mynda á síðasta áratug og eru
langtum fremri öðrum Norður-
.Jandaþjóðum (jafnvel Svíum!) í
dag. Þar hefur Kragh-Jaeobsen
komið vel við sögu en hann, ein-
sog aðrir dauðlegir menn, á sína
góðu daga og slæmu. Og hér vant-
ar greinilega herslumuninn, kulda
kringumstæðnanna, úfnara hár.
Og endirinn er með ólíkindum
klisjukenndur. Við höfum séð
hann alltof oft tii að hann sé við
hæfi Kragh-Jacobsens og hins
annars ágæta handritshöfundar,
Bjarne Reuters, samstarfsmanns
Bille Augusts til margra ára.
Meðalmynd sem hæglega hefði
getað orðið langtum betri.
BHMR:
Alyktun gegn árásum á velferðarkerfið
Launamálaráð Bandalags háskólamenntaðra ríkisstarfsmanna hef-
ur sent frá sér ályktun, þar sem skorað er á samtök launafólks
að snúast til varnar gegn árásum stjórnvalda á velferðarkerfið.
í ályktun ráðsins segir, að í
frumvarpi til fjárlaga 1992 sé gert
ráð fyrir að sérstök þjónustugjöld
auki skattheimtu ríkisins um 2,5
milljarða. „Þessar auknu álögur
munu bitna fyrst og fremst á sjúk-
um (1 milljarður) og nemendum.”
Launamálaráð telur því ástæðu
til að benda á að hér er verið að
gera grundvallarbreytingu á ís-
lenska velferðarkerfinu sem feli í
sér aukna mismunun þegnanna.
Skorar ráðið á samtök launafólks
að snúast semeiginlega til varnar
gegn þessari árás á velferðarkerf-
ið.
___________Brids_______________
Umsjón Arnór Ragnarsson
Bridsfélag Reykjavíkur
Fjögurra kvölda sveitakeppni hófst
sl. miðvikudag og taka 20 sveitir þátt
í keppninni. Agnar Jörgensson keppn-
isstjóri sendi okkur eftirfarandi frétt
af keppninni og öðrum viðburðum síð-
asta spilakvölds.
Keppnisfyrirkomulagið er „Board a
match” eða BETRI SKOR í SPILI.
Það þýðir að hærri talan í hveiju tek-
ur allan vinninginn, hvort sem hún er
10 eða 1000. Vinningur í hveiju spili
er 2 stig og 1 stig fyrir jafntefli. Þetta
þýðir með öðrum orðum að einn yfir-
slagur er jafnverðmætur og slemmu-
bónus.
Spiluð eru 9 spil milli sveita og 3
leikir á kvöldi.
Staðan eftir fyrsta kvöld:
Tryggingamiðstöðin 38
Roche 35
Erla Siguijónsdóttir 34
L.A. Café 34
Gunnlaugur Kristjánsson 33
Sævar Þorbjörnsson 32
Meðalskor 27 stig.
Á næsta spilakvöldi spila fjórar
efstu sveitirnar innbyrðis.
„Strákarnir okkar” taka ekki þátt
í þessari keppni af skiljanlegum ástæð-
um. Þeir þurfa hvíld eftir allt álagið,
en þeir komu í heimsókn í sterkasta
bridsfélag í heimi, sem er auðvitað
þeirra félag. Formaður BR, Sævar
Þorbjömsson, þakkaði þeim frammi-
stöðuna og gat þess að stjórn félags-
ins hefði ákveðið að heiðra þá með
sérstæðum minjagripum. Þeir verða
hannaðir af listakonunni Kolfinnu
Ketilsdóttur. Þetta verða postulínsvas-
ar sem eru hugsaðir i útliti eins og
spilastaðurinn í Yokohama. Á hvern
þeirra verður innbrennt það spil frá
HM sem hver spilari velur á sinn grip.
Það verður bæði gaman og foivitnilegt
að sjá hvaða spil hver heimsmeistari
velur.
Keppnin BETRI SKOR í SPILI
heldur áfram nk. miðvikudag og eru
spilarar hvattir til að mæta tímanlega.
Arsþing Bridssambandsins á
sunnudag
Ársþing Bridssambandsins verður
haldið nk. sunnudag og hefst kl. 10
um morguninn. Þingið verður með
hefðbundnu sniði nema hvað heims-
meistaramir koma í heimsókn og sitja
fyrir svörum. Ekki er vitað annað en
núverandi stjórn gefl .kost á sér til
endurkjörs. Þinginu lýkur síðdegis.
Bridsfélag Akureyrar
Lokið er þremur umferðum af ellefu
í Akureyrarmótinu í sveitakeppni og
stefnir í æsispennandi mót. Spilaðir
eru 20 spila leikir og er spilaður 1 lh
leikur á kvöldi.
Staðan:
Hermann Tómasson 56
Jakob Kristinsson 56
Stefán Stefánsson 55
Páll Pálsson 55
Kristján Guðjónsson 52
Stefán Vilhj álmsson 47
Allar sveitir spila sömu spilin og
er keppnin einnig reiknuð út sem tví-
menningur. Spilin eru gefin í spila-
gjafavél sem félagið festi kaup á fyrir
nokkra.
Næsta spilakvöld er á þriðjudaginn
kemur. Spilað er í Hamri, félagsheim-
ili Þórs, kl. 19.30. Keppnisstjóri er
Páll H. Jónsson.
Norðurlandsmótið í tvímenningi fer
fram í Siglufirði í dag, laugardag.
Spilaður yerður tveggja umferða Mic-
hell.
Bridsdeild
Barðstrendingafélagsins
Nú er lokið þremur umferðum í
aðaltvímenningi Barðstrendingafé-
lagsins. Staða efstu para:
Friðgeir Guðnason - Guðmundur Sigurvinsson 925
BjörnÁmason-EggertEinareson 909
Gísli Víglundsson - Þórarinn Ámason 901
Friðbjörn Guðmundsson - Þorsteinn Guðnason 879
Jón Ingi Jónsson - Gunnlaugur Gunnlaugsson 861
Sigrún Jónsdóttir - Ingólfur Lilliendahl 860
EddaThorlacius—Sigurður ísaksson 846
Efstu skor í 3. umferð hlutu eftir-
taldir:
N-S-riðill:
SigrúnJónsdóttir - Ingólfur Lilliendahl 297
BjömÁmason-EggertEinarsson 295
Friðgerður Benediktsd. - Friðgerður Friðgeirsd.
289
A-V-riðill:
Friðjón Margeirss. - Ingimundur Guðmundss. 308
Friðgeir Guðnason - Guðmundur Sigurvinsson 304
Þorleifur Þórarinsson - Ólafur Ingvai sson 300
Meðalskor 270 stig.