Morgunblaðið - 10.12.1991, Blaðsíða 68

MORGUNBLADID, ADALSTRÆTI 6, 101 REYKJAVÍK
SlMI 691100, FAX 691181, PÓSTHÓLF 1555 / AKUREYRI: HAFNARSTRÆTl 85
ÞRIÐJUDAGUR 10. DESEMBER 1991
VERÐ í LAUSASÖLU 110 KR.
Tvö íslensk
málverk á
^ uppboði hjá
Sotheby’s
TVO íslensk málverk verða boðin
upp á voruppboði Sotheby’s í Lon-
don í mars á næsta ári. Hér er
um að ræða málverk eftir Jóhann-
es S. Kjarval og Jón Stefánsson.
Þetta er í fyrsta sinn sem íslensk
listaverk eru boðin upp hjá þessu
þekkta fyrirtæki.
Fyrir uppboðið verður gerð sérstök
söluskrá um öll þau verk sem þar
verða til sölu. í henni verður mynd
af þessum tveimur verkum ásamt
upplýsingum um þau en söluskránni
er dreift í stóru upplagi um allan
heim. John Dowling, einn af fram-
kvæmdastjórum Sotheby’s, var
staddur hérlendis um helgina og
kynnti sér þá möguleikana á að koma
íslenskum listaverkum að á aiþjóða-
markaði. Hann segir að hann telji
Island, og íslenska list einstæða í
Evrópu og að uppboðið í mars sé
ágætt tækifæri til að koma þessu á
framfæri.
í framhaldi af heimsókn John
Dowling hingað til lands er von á
fleiri sérfræðingum frá Sotheby’s.
Meðal annars mun frímerkjasérfræð-
^vingur heimsækja ísland í janúar nk.
"^Sem kunnugt er af fréttum hefur
Sotheby’s sérstakan fulltrúa á ís-
landi, Sigríði Ingvarsdóttur, en John
Dowling segir að Sotheby’s vinni nú
að öflugu markaðsstarfi á öllum
Norðurlöndunum. Þannig hafi fyrsta
uppboð Sotheby’s á Norðurlöndum
verið haldið í Stokkhólmi í gærkvöldi.
Sjá nánar á bls.28.
Ríkisstjórnin kynnti nýjar efnahagsaðgerðir í gær:
Eldur laus í barnaheimili
Slökkviliðið í Reykjavík var kallað að barnaheimili, sem er í smíðum á
mótum Gagnvegar og Garðhúsa í Grafarvogi, kl. 21.50 í gærkvöldi.
Fyrsti slökkviliðsbílinn var kominn að bamaheimilinu fímm mínútum síð-
ar en allt tiltækt lið slökkviliðsins var sent. á staðinn. Slökkvistarfinu
lauk rétt fyrir kl. 23. Fjöldi fólks fylgdist með. Miklar skemmdir urðu á
húsinu enda var eldurinn mikill. Vakt var við húsið frameftir nóttu. Fólk
í nærliggjandi húsum tilkynnti um eldinn. Lokafrágangur stóð yfir á
barnaheimilinu sem taka átti í notkun í janúar. Þar var mikið af efnum
sem ollu sprengingum þegar eldurinn kviknaði. Barnaheimilið er um það
bil 200 fm að flatarmáli. Eldsupptök eru ókunn og engin slys urðu á fólki.
Tekjur auknar og skor-
ið niður um 3 milljarða
RIKISSTJORNIN hefur kynnt til-
lögur fyrir aðra umræðu um fjár-
lagafrumvarpið, sem gera ráð fyr-
ir 3 milljarða króna niðurskurði á
ríkisútgjöldum og 1,6 milljarða
króna tekjuauka ríkisins miðað
við fjárlagafrumvarpið eins og
það var lagt fram í október. Sam-
kvæmt þessum tillögum yrði fjár-
lagafrumvarpið afgreitt með 3,5
milljarða króna halla sem er minni
halli en áður var ráð fyrir gert.
Nokkrar tillögurnar hafa mætt
andst.öðu einstakra þingmanna
Sjálfstæðisflokksins.
Ríkisstjórnin leggur meðal annars
til að launa- og rekstrargjöld ríkisins
lækki um 5% að meðaltali, sveitarfé-
*
UA kaupir 1.600 tonna kvóta frá Yestmannaeyjum:
Kvótasalan nauðvörn til
að halda eignum félagsins
- segja forráðamenn Bergs-Hugins hf.
ÚTGERÐARFÉLAGIÐ Bergur-Huginn hf. í Vestmannaeyjum hefur
selt kaupsamning sinn um grænlenska togarann Natsek ásamt 1.600
tonna kvóta togarans Bergeyjar til Ugerðarfélags Akureyringa hf.
Samkvæmt heimildum Morgunblaðsins var þetta ákveðið þar sem Is-
landsbanki treysti sér ekki til að standa við gefin fyrirheit um fjármögn-
^un kaupanna á Natsek í kjölfar þess að fyrirhuguð sala á Bergey til
Ilúsavíkur gekk til baka.
Forráðamenn Bergs-Hugins hf.
segja að salan á kvótanum sé nauð-
vörn til að halda áfram eignum fé-
lagsins. ísfélag Vestmannaeyja hf.
missir við þessa sölu, um fjórðung
af kvóta þeirra skipa sem lagt hafa
upp hjá félaginu. Það hyggst leita á
(fiskmarkað sem fyrirhugað er að
stofna í Eyjum til að afla hráefnis á
móti kvótanum.
Salan á kvótanum frá Eyjum hef-
ur vakið ugg hjá sjómönnum um að
til atvinnuleysis kunni að koma. Elías
Björnsson formaður - .Sjómannafé-
lagsins Jötuns segir kvótasöluna hið
versta mál og og bætti því við að
sjómenn væru orðnir eitt núll í kvóta-
málunum. Það væru aðeins peninga-
menn sem gætu keypt skip og kvóta.
Svo kann að fara að meiri kvóti
fari frá Eyjum því til greina kemur
að Vinnslustöðin í Vestmannaeyjum
selji hlut af sínum kvóta til að
grynnka á skuldum og er rætt um
allt að 1.500 tonn í þessu sambandi.
Að sögn forráðamanna vinnslustöðv-
arinnar eru þessar hugmyndir á lofti
vegna þrýstings frá Islandsbanka um
sameiningu fyrirtækisins og Fiskiðj-
unnar hf.
Arni Johnsen alþingismaður segir
það óþolandi að horfa á eftir l.GOO
tonna kvóta frá Eyjum. Þessi sala
sé til marks um hrikalega stöðu fisk-
vinnslunnar í landinu. Hann segir
að gera verði þá kröfu til aðalbanka
Vestmannaeyja, Islandsbanka, að
hann standi vörð gegn frekari kvóta-
flutningum.
I ályktun sem bæjarstjórn Vest-
mannaeyja hefur gert er lýst yfir
áhyggjum vegna sölu kvótans. Þá
lýsir bæjarstjórnin yfir furðu sinni á
því að þessi sala sé heimil án um-
sagnar bæjarstjórnar. Jafnframt er
óskað eftir því að sjávarútvegsráðu-
neytið skeri úr um hver sé réttur
bæjarstjórnar í þessu máli, bæði hvað
varðar kvótasölu og forkaupsrétt á
skipum.
Samkvæmt kvótalögunum hefur
bæjarstjórnin ekki umsagnarrétt í
málinu því ekki var um beina sölu á
skipi að ræða heldur sölu á kaup-
samningi og einnig var um framtíð-
arkvóta að ræða og í slíkum tilvikum
er bæjarstjórn ekki umsagnaraðili.
Hún er það einungis þegar árskvóti
er seldur.
Sjá nánar á bls. 30-31
lögin taki við verkefnum af ríkinu
og missi að auki tekjur til ríksins.
Framkvæmdum við hluta af Vest-
fjarðagöngum verði frestað, barna-
bætur verði skertar en barnabóta-
auki hækkaður, sjómannaafsláttur
verði þrengdur, innflutningsgjöld á
stærri gerðir fólksbíla hækkuð og
skattur lagður á fjárfestingarsjóði.
Ríkisstjómin sat með hléum á
fundi frá sunnudegi til klukkan sex
á mánudagsnótt þegar samkomulag
náðist um tillögur. Þær voru kynntar
þingflokkum ríkisstjórnarinnar
snemma á mánudagsmorgun. Al-
þýðuflokkurinn samþykkti tillögurn-
ar fyrir sitt leyti, en tillagan um að
fresta hluta af Vestfjarðagöngunum
mætti andstöðu þingmanna Sjálf-
stæðisflokksins á Vestfjörðum, Matt-
híasar Bjarnasonar og Einars Guð-
finnssonar.
Þá lýsti Einar Guðfinnsson sig
einnig andvígan ti'llögunni um að
skerða skattaafslátt sjómanna og
fulltrúar sjómanna hafa einnig
brugðist hart við þessum hugmynd-
um. En Friðrik Sophusson fjármála-
ráðherra sagðist telja að nægur þing-
meirihluti væri fyrir tillögunum.
Önnur umræða um fjárlög verður
á Alþingi á miðvikudag, en henni var
frestað um einn dag svo stjórnarand-
staðan gæti kynnt sér tillögur ríkis-
stjórnarinnar betur. Nokkrir út-
gjaldaliðir fjárlaga bíða þriðju um-
ræðu fjárlaga. Þar er aðallega um
að ræða sjúkrahús og heilbrigðis-
stofnanir, vegamál og almanna-
tryggingar.
Sjá nánar á miðopnu.