Morgunblaðið - 03.04.1992, Blaðsíða 16
16
MORGUNBLAÐIÐ FÖSTUDAGUR 3. APRÍL 1992
FERMINGARGJAFIR
SEM HITTA BEINT í MARK
★ Skíðapakkar unglinga.
Verðfrákr. 16.560
★ Kneissl og Völkl skfði.
★ Skíðafatnaður, húfur,
hanskar, gallaro.fi.
★ Marker, Salomon
ogTyrolia bindingar.
★ Lange, Dolomite og
Rocesskíðaskór.
★ Scottstafir
og skíðagleraugu.
Alvöru skíðaverslun - Úrval heimsþekktra merkia
FJALLAHJOL A FRABÆRU VERÐI
26“ DIAMOND, 18 gíra SHIMANO SIS. Verð kr. 22.000. Stgr. 20.900.
26“ DIAM0ND, 21 gíra SHIMANO 200 GS. Verð frá kr. 29.900. Stgr. 28.405.
26“ SCOTT HOOGERE BOOGER, 21 gíra SHIMAN0 200 GS. Verð 31.500. Stgr. kr, 29.900.
26“ SCOTT PRO ONLY, 21 gíra SHIMANO DEORE LX. Verð kr. 49.400. Stgr. kr. 46.930.
Borðtennisborð og borðtennisvörur
Borðtennisborð, verð frá kr. 15.950. Stgr. 15.152.
Borðtennisborð á hjólum með neti kr. 31.500. Stgr. 29.925.
Einnig mikið úrval af borðtennisspöðum og kúlum.
Pílukastvörur
Mikið úrvalaf pflum,
skífum og skápum.
★ Dartpílur, 3 stk.
Verðfrá kr. 195.
★ Dartskífur.
Verðfrákr. 488.
★ Bristle skífur.
Verð frá kr. 1.950.
★ Dartskápar,
Verðfrá kr. 4.220.
Billiordboró og billiordvörur
Hentug heimilisborð í stofuna, kjallarann
eða bílskúrinn. Einnig úrval af kjuðum.
Tilboðsverð á billiardborðum.
2 fet verð kr. 3.060. Tilboð kr. 2.600.
3 fet verð kr. 4.455. Tilboð kr. 3.700.
4 fet verð kr. 6.074. Tilboð kr. 4.900.
5 fet verð kr. 17.600. Tilboð kr. 14.700.
6 fet verð kr. 25.400. Tilboð kr. 20.900.
Varahlutirog
viðgerðir.
Vandiðvalið
og verslið í
Markinu.
Sendum í póstkröfu.
Geiðslukort og -samningar.
Simar 35320 og 688860,
Ármúla 40.
/kUR
Norðurlöndin og and-
staðan við EB-aðild
eftir Hjörleif
Guttormsson
Halda mætti af blaðaskrifum og
fréttum hérlendis, að afráðið sé að
Norðurlöndin fjögur séu svo gott sem
komin inn í Evrópubandalagið. Eftir
að stjórnvöld hafa tekið stefnu á að
sækja um aðild að bandalaginu séu
úrslitin ráðin. Þá er horft framhjá
-því, að vaxandi andstaða er fyrir
hendi á Noðurlöndum gegn aðild að
EB-samveldinu (European Uninon),
sem taka á við af EB samkyæmt
sáttmálanum frá Maastricht. I Sví-
þjóð og Finnlandi er meira en þriðj-
ungur gegn inngöngu í EB og leggja
þarf málið fyrir þjóparatkvæði, áður
en úrslit eru ráðin. í Noregi eru mik-
il átök, bæði um þátttöku í EES og
þó enn frekar um aðidl að EB og
eru fylkingar með og móti nánast
hnífjafnar. Það gerir myndina síðan
enn margbrotnari, að Danir, sem
verið hafa í Evrópubandalaginu í tvo
áratugi, ganga í vor til þjóðarat-
kvæðagreiðslu um afstöðu til
Maastricht-sáttmálans um Evrópu-
samveldi. Úrslitin í þeirri atkvæða-
greiðslu gætu orðið afar tvísýn og
eins og stendur benda skoðanakann-
anir til að andstæðingar frekari sam-
runa geti orðið ofan á.
Trúnaðarbrestur við
almenning
Ákafi núverandi leiðtoga í Skand-
inavíu á því að ganga í Evrópusam-
veldið og staðan á þjóðþingum land-
anna endurspeglar ekki neinn breið-
an þjóðarvilja. Það eru í raun aðeins
stuðningsmenn hægri flokkanna sem
eru samstiga í afstöðu sinni til aðild-
ar. í öðrum flokkum er fyrir hendi
andstaða, ágreiningur eða mjög
blandnar tilfinningar til EB-aðildar.
Esko Aho forsætisráðherra Finna
þurfti að ganga yfir mjög einbeitta
andstöðu í eigin flokki, finnska mið-
flokknum, áður en gengið var frá
umsókn um EB-aðild. Gro Harlem
Brundtland á fullt í fangi með að
tryggja sér stuðning eigin flokks við
aðild og þau átök geta orðið norska
Verkamannaflokknum dýrkeypt í
stórþingskosningum eftir rúmt ár.
Sá yfirgnæfandi meirihluti sem
birtist mönnum á þingi Norðurlanda-
ráðs í Helsinki í marsbyijun og studdi
samrunastefnuna er langt frá því að
endurspegla viðhorf almennings á
Norðurlöndum. Trúnaðarbrestur milli
stjómmálamanna og kjósenda sem
veitt hafa þeim umboð sitt verður æ
meira áberandi. Þetta er þeim mun
athyglisverðara sem ijölmiðlar hafa
með fáum undantekningum verið mjög
hallir undir EB-áróðurinn og lagst á
Hjörleifur Guttormsson
„Sá yfirgnæfandi
meirihluti sem birtist
mönnum á þingi Norð-
urlandaráðs í Helsinki
í marsbyrjun og studdi
samrunastefnuna er
langt frá því að endur-
spegla viðhorf almenn-
ings á NorðurIöndum.“
sveif með valdahópunum. Við þurfum
raunar ekki út fyrir landsteinana til
að kynnast hliðstæðum í því efni.
Hvað sýna skoðanakannanir?
Við skuium líta nánar á hvað skoð-
anakannanir segja um stöðuna í ein-
stökum löndum.
í Finnlandi sýndi skoðanakönnun,
sem blaðið Helsinki Saanomat birti
þann 4. febrúar sl. að 51% væri fylgj-
andi EB-aðild en 38% andvíg. Bilið
hafði minnkað verulega milli þessara
hópa á nokkrum mánuðum. í könnun
meðal finnskra þingmanna um svipað
leyti lýstu 64 af 200 sig andvíga
EB-aðild, og margir voru óvissir í
afstöðu sinni. Samkvæmt finnsku
stjórnarskránni þarf stuðning 2A
þingmanna til að EB-aðild nái fram
að ganga.
í Svíþjóð birti Göteborg-posten
skoðanakönnun 15. mars sl. Sam-
kvæmt henni voru 44% meðmælt
aðild að EB, 36% aðspurðra andvíg
og 19% óviss í afstöðu sinni. Borið
saman við hliðstæða könnun í desem-
ber sl. hefur bilið minnkað mikið, því
að þá sögðu 48% já við aðild, 24%
nei_og 27% voru óviss í afstöðu sinni.
I Noregi sýndi skoðanakönnun
26 nemendur keppa um
Morgunblaðsskeifuna
NEMENDUR Bændaskólans á
Hvanneyri halda á sunnudaginn sína
árlegu skeifukeppni þar sem keppt
verður um Morgunblaðsskeifuna.
Keppendur eru að þessu sinni 26
sem er óvenju mikil þátttaka. Dag-
skráin hefst fyrir hádegi með
gæðingakeppni hestamannafélags-
ins Grana þar sem keppt verður í
bæði fullorðins- og unglingaflokki.
Hestamenn staðarins fylkja síðan
liði klukkan 13 við Hvanneyrarkirkju
og fara í hópreið að keppnisvellinum.
Gert er ráð fyrir að sjálf skeifukeppn-
in hefjist kl. 13.30. Að henni lokinni
býður Bændaskólinn til kaffisamsæt-
is þar sem verðlaun verða aflient.
Að sögn Einars Gestssonar, fyrr-
verandi formanns Grana, hafa tamn-
ingar gengið vel hjá nemendum þrátt
fyrir rysjótta tíð undir styrkri stjórn
Ingimars Sveinssonar sem hefur haft
umsjón með hestamennsku nemenda.
Olil Amble í Stangarholti hefur leið-
beint nemendum við tamningarnar.
Unnið hefur verið að endurbótum á
keppnisvellinum á Ilvanneyri og er
gert ráð fyrir að hann taki að hluta
við hlutverki vallarins á Faxaborg
Morgunblaðlð/Valdimar Kristinsson
Morgunblaðsskeifan eftirsótta
sem keppt verður um á Hvanneyri
þar sem er félagssvæði hestamanna-
félagsins Faxa í Mýra- og Borgar-
fjarðarsýslum.
sem gerð var 9.-11. mars sl. á vegum
Opinion A/S fyrir Aftenposten hníf-
jafnar fylkingar: 41% sagði já við
aðild, 41% nei og 18% voru óráðin.
Einnig þar voru andstæðingar EB-
aðildar í sókn miðað við skoðana-
kannanir fyrr í vetur. Könnunin sýndi
einnig minnkandi fylgi við aðild hjá
kjósendum Verkamannaflokksins.
Samkvæmt norsku stjórnarskránni
þurfa % þingmanna að samþykkja
EB-aðild hliðstætt því sem gildir um
EES-samninginn.
í ofangreindum þremur löndum
hefur verið heitið þjóðaratkvæða-
greiðslu um afstöðuna til EB-aðildar,
og um form hennat' og tímasetningu
eru þegar umræður og deilur, ekki
síst í Svíþjóð.
í Danmörku verður þjóðarat-
kvæðagreiðsla um aðild að Evrópu-
samveldinu 2. júní í vor. Tvær skoð-
anakannanir nú í marsmánuði vísuðu
í sömu átt. Samkvæmt Gallup-könn-
un sem unnin var fyrir Raciioavisen
og Berlinske Tidende og kunngerð
var 13. mars sl. sögðu 31% kjósenda
nei, þ.e. 55% þeirra sem afstöðu tóku,
aðeins 27% sögðu já og 42% voru
enn óákveðin í afstöðu sinni. í ann-
arri skoðanakönnun sem birt var 22.
mars reyndust andstæðingar vera
56% þeirra sem tóku afstöðu.
Evrópusamveldi á leið í
ríkisheild
Það mun gera róður EB-sinna á
Norðurlöndum þyngri á næstunni, að
nú blasir við allt annað fyrirbæri en
það Evrópubandalag sem t.d. Svíar
sóttu um aðild að nær umræðulaust
í fyrrasumar. Með sáttmálanum um
Evrópusamveldi — European Union —
sem leiðtogar EB-ríkja gengu frá í
Maastricht þann 10. desember 1991,
eru stigin stór skref til meiri samruna
og í átt að ríkisheild. Að sama skapi
vex miðstýring í öllum stærri málum
og vald og vægi ríkisstjórna
aðildarlanda og þjóðþinga minnkar
að sama skapi til mikilla muna.
Þessi breyting skellur ekki á í einu
vetfangi, og því gefa menn henni
minni gaum, heldur í skilgreindum
tímasettum áföngum. Þannig á óháð-
ur seðlabanki og einn gjaldmiðill að
verða staðreynd ekki síðar en 1. janú-
ar 1999 og nú þegar fær EB aukin
völd og verkefni á sviði utanríkis-
og varnarmála, stofnar eign lögreglu
og kemur á sérstökum EB-ríkisborg-
ararétti, svo dæmi séu tekin. Það er
um þessar breytingar, sem tekist er á
í Danmörku í þjóðaratkvæðagreiðslu
2. júní næstkomandi og það er inn í
þetta landslag sem Svíar og Finnar
eru að halda með aðildarumsóknum.
Helmut Kohl kanslari, sem var
gestur á Norðurlandaráðsþingi á
dögunum, dró ekkert undan hvaða
skyldur menn gengjust undir sem
sæktu um EB-aðild þessi misseri.
Ýmsum þótti kaldhæðnislegt að hann
skyldi kallaður til, fyrstur utanað-
komandi leiðtogi til að ávarpa þennan
norræna vettvang, því að það er
ægishjálmur Þýskalands sem verður
æ meira áberandi í EB-samstarfinu.
Fjölgar í andstöðuhreyfingum
Á öllum Norðurlöndum eru nú
starfandi þverpólitískar andstöðu-
hreyfingar, sem vinna gegn aðild að
EB-samveldinu og sumpart gegn
þátttöku í EES. Fjölgað hefur í þess-
um hreyfingum að undanförnu, ekki
síst í Noregi og Danmörku. Þar eins
og í Samstöðu um óháð Island er á
ferðinni fólk úr öllum stjórnmála-
flokkum og utanflokka. Þessar
hreyfingar leitast við að varpa gagn-
rýnu ljósi á samrunaferlið og myndun
lokaðs og ólýðræðislegs Evrópustór-
veldis. Enn er óljóst, hverju þær fá
áorkað, en þær hafa tekið upp merki
þjóðlegs sjálfstæðis og samvinnu þjóð-
ríkja, sem forysta flestra stjómmála-
flokka virðist nú afhuga. Afl þessara
hreyfinga fer eftir undirtektum og
stuðningi almennings, einnig hér a
landi þar sem ærið verk er að vinna.
Höfundur er þingmaður
Aiþýðubandalagsins i
A usturlandskjördæmi.