Morgunblaðið - 03.04.1992, Blaðsíða 21
21
MORGUNBLAÐIÐ FÖSTUDAGUR 3. APRÍL 1992
Hin nýskipaða stjórn Úrsmíðafélags íslands. Efri röð f.v. Gunnar
Magnússon og Frank Ú. Miclielsen. Neðri röð f.v. Helgi Guðmunds-
son og Axel Eiríksson.
Aðalfundur Ursmíðafélagsins:
Uraverð á Islandi
hið lægsta í Evrópu
AÐALFUNDUR Úrsmíðafélags íslands var haldinn 20. feb. sl. Þar
kom m.a. fram að á árinu 1991 var Úí gestgjafi á norrænu úrsmíða-
þingi. Þingið var haldið á vegum Nordisk Urmaker Forbund sem
er samstarfsfélag úrsmiða á Norðurlöndum. Þingið var haldið á
Hellu. Þar voru rædd sameiginleg mál m.a. menntun úrsmiða og
komandi breytingar með tilkomu sameiginlegs Evrópumarkaðar.
Félagið hélt endurmenntun-
arnámskeið í fjölnotaúrum (chron-
ograph), leiðbeinandi var sérfræð-
ingur frá svissnesku úraverksmiðj-
unum. Á fundinum kom fram að
úraviðgerðir hafa aukist til muna'
síðustu 2 ár eftir þá lægð er skapað-
ist við stóraukinn innflutning úra
eftir að tollar féllu niður vofið 1987.
Við þá breytingu lækkaði verð úra
um u.þ.b. 30% sem um leið gerði
úraverð á Islandi eitt það lægsta í
Evrópu í meðal- og vandaðri úrum.
í kjölfarið seldist mikið magn af
ódýrum úrum. í dag hefur salan
aukist mikið í milliverðflokkum
(8-15 þúsund) og í vönduðum og
dýrum úrum.
Úr stjórn gekk Viðar Hauksson
og þakkaði formaður honum 9 ára
stjórnunarsamstarf. Núverandi
stjórn skipa Axel Eiríksson formað-
ur, Frank Ú. Michelsen ritari, Gunn-
ar Magnússon gjaldkeri og Helgi
Guðmundsson varaformaður.
(Fréttatilkynning)
París:
Ví kingasýning
í Grand Palais
Frá Elínu Fálmadóttur í París.
MESTA landkynning sem ráðist hefur verið í frá Norðurlönd-
um á meginlandi Evrópu er Víkingasýningin sem Margrét
Danadrottning opnaði þriðjudaginn 31. mars í Grand Palais í
París. A sýninguna hafa verið lánaðir 650 fornmunir frá
víkingaöld úr söfnum á Norðurlöndum, Þýskalandi, Kanada,
Bretlandseyjum og Rússlandi, sem aldrei fyrr hafa lánað slíka
gripi. Eru þetta nær allt úrvals frumgripir úr söfnum land-
anna, m.a. frá Islandi. Opnunin var hátíðleg í boði Roland
Dumas utanríkisráðherra, Jacques Langs menntamálaráðherra
Frakka, Cathrinar La Lumieres framkvæmdastjóra Evróp-
uráðsins og Ase Klevelands forseta ráðherranefndar Norður-
landaráðs, en þessir aðilar standa að þessari viðamiklu sýningu
ásamt söfnunum. Mitterand Frakklandsforseti var viðstaddur
opnunina, ásamt sendiherrum Norðurlanda.
Sýningu þessari er ætlað að
kynna meginstrauma í útbreiðslu
víkingamenningarinnar, áhrif
hennar á viðskipti og verslun, sem
ná frá arabalöndum til Græniands
og frá Bretlandseyjum austur að
Volgu og sýna hin miklu áhrif
þessara norrænu manna á þróun
Evrópu. Þjóðminjasafn íslands og
Árnastofnun standa að sýningunni
fyrir íslands hönd og komu Þór
Magnússon og Jónas Kristjánsson
ásamt sínu fólki með. marga góða
gripi og handrit. Srníðað hefur
verið eftirlíking af einu víkinga-
skipanna frá Hróarskeldu, sem'
liggur á Signu neðan við Grand
Palais og steig Margrét drottning
þar um borð. .
Öll stærstu blöðin hér og tíma-
ritin hafa verið með myndskreytt-
ar greinar, m.a. Monde og Ex-
press með aukaútgáfu, svo hafa
útvörp og sjóhvörp verið með við-
töl við fræðimenn. í sambandi við
sýninguna er efnt til erindaflutn-
ings í sænska og finnska húsinu,
þar sem 5 helstu fræðimenn
franskir og 5 norrænir flytja
erindi, þar á meðal Jónas Krist-
jánsson. Verða þau gefin út í nýju
riti, Praxima Thule, undir stjórn
Francois-Xaviers Dillmanns. ís-
lendingasögur í franskri þýðingu
og fræðirit eru aug'lýst og til boða.
Próf. Regis Boyer hefur skrifað
viðamikla bók um víkingana, sem
hann segir ekki hafa verið ribbalda
heldur kaupmenn. Viðamikil
sýningarskrá með mörgum fræði-
greinum er gefin út og margt fleira
er á boðstólum.
Sýningin verður hér í París í 3
mánuði, fer þá til Þýskalands og
að lokum verður hún opnuð í
Kaupmannahöfn í desember nk.
©DEXION
léttir ykkur störfin
APTON-smíðakerfið
leysir vandann
• Svörtstálrör
• Grástálrör
• Krómuð stálrör
• Álrör - falleg áferð
• Allar gerðir tengja
Við sníðum
niðureftir máli
r
LANDSSMIÐJAN HF.
Verslun: Sölvhólsgötu 13
Sími (91)20680
O
Q SmjöB®*
Kalkið í ostinum hamlar á
móti steypuskemmdum.
Byggðu upp - borðaðu ost.
■—