Morgunblaðið - 03.04.1992, Blaðsíða 24

24
MORGUNBLAÐIÐ FÖSTUDAGUR 3. APRÍL 1992
„Hann er nú falleg-ur rauðmaginn," segir Björn Guðjónsson.
Morgunblaðið/KGA
Gaman þegar veðrið
er gott og veiðin góð
- segir Bjarni Jakobsson grásleppukaii
MEÐ hækkandi sólu lifnar við
mannlífið við höfnina og grá-
sleppukarlar fara á stjá. Ein-
hverjir dytta að bátum sínum
en aðrir hafa þegar hafið rauð-
magaveiðar og bíða spenntir
eftir að grásleppuveiði verði
leyfð uppúr miðjum mánuði.
Einn þeirra er Björn Guðjóns-
son síungur grásleppukarl við
Ægissíðuna.
Ekki kvöldmenn
„Ég er fæddur og uppalinn
héma við Ægissíðuna,“ segir
hann. „Pabbi var héma og afi
byggði hér kot um 1850. Þeir
vom á sjónum. Maður getur ekki
hugsað sér að gera neitt annað.
Sjórinn heldur manni ungum. Fé-
lagi minn Magnús Magnússon frá
Gestsbæ á Eyrarbakka var alla
ævi í þessu og þegar hann dó 96
og hálfs árs fannst ekki í honum
neinn sjúkdómur. Einfaldlega út-
slitinn. Hann var alla ævi í þessu
og fór aldrei í strætó. Mátti ekki
vera að því að bíða eftir honurn,"
bætir Bjöm sposkur við.
Bátinn, Guðjón Bjarnason, hef-
ur hann í Grímsstaðavör þar sem
áður vom 16 bátar en nú em
aðeins tveir. „Við erum hérna
saman á bátnum við Bjarni Tomm
(Tómasson). Erum frekar morg-
unmenn en kvöldmenn og förum
út snemma á morgnana, svona
um 7 og komum aftur milli 2 og
3. Byijuðum í fyrradag og veiðin
er þokkaleg. 140 rauðmagar í gær
og tæplega 100 núna,“ segir Björn
og bætir við að þeir selji þeim sem
vilji kaupa. „Fólk veit af mér og
kemur hingað. Yfirleitt sama fólki
en svo heltist úr lestinni, eins og
gengur. Eitthvað fer í soðið hjá
mér. Reyndar finnst mér rauð-
magi ekkert sérlega góður. Sigin
grásleppa er betri. Get étið hana
endalaust, held ég.“
Það var mikið um að vei-a í
Grímsstaðavör því viðskiptavin-
irnir flykkjast að. Ein þeirra er
kona á besta aldri. „Gömul kær-
Bjarni Jakobsson segir að sonur sinn, 6 ára, geti farið á hjálpa
til eftir 2-3 ár.
asta,“ segir Björn. „Lengi lifir í
gömlum glæðum, þú veist,“ segir
hann og hlær.
Mafía við höfnina
Báturinn hans Bjarna Jakobs-
sonar er rauður og sker sig þess
vegna úr hinum bátunum við
Hafnarbúðir en þeir eru flestir í
ljósum litum. Hann hefur veitt 12
rauðmaga yfir daginn en segir að
hann hefði verið ánægður ef hann
hefði fengið 50. „Krabbarnir tefja
svo fyrir manni," segir hann og
lítur niður í bátinn þar sem 4-500
krabbar liggja í einni kös. „Ég
var að hugsa um hvort ég ætti
að tala við eitthvert veitingahús.
Vita hvort þeir vildu hann. Ég lét
einu sinni Spánveija hjá Reykja-
víkurborg hafa krabba í poka og
hann sauð úr honum súpu. Og
sagði að hún hefði verið hreinasta
lostæti," segir Bjarni.
Netin segist hann leggja á dag-
inn eða kvöldin. „Venjulega læt
ég þau bíða í 2-3 daga en þegar
krabbinn er svona mikiil tek ég
þau upp eftir sólarhring. Krabbinn
dregur netin svo saman og gerir
manni erfitt um vik.“
Bjarni segist stundum fá sér
rauðmaga í soðið. „Nú ætla ég
að fá mér fyrsta rauðmagann á
vertíðinni í kvöld. Mér fínnst hann
mjög góður og sérstaklega lifrin.
Grásleppu get ég aftur á móti
ekki borðað." Veiðarnar séu afar
heilsusamlegar úti í fríska loftinu.
„Svo er alltaf gaman þegar gott
er veður og góð veiði,“ segir hann
en aðspurður um hvort gráslepp-
urkarlarnir hafi mikil samskipti
sín á milli við Hafnarbúðir segir
hann: „Þetta er svona ein mafía,“
og brosir leyndardómsfullu brosi
til blaðamanns og ljósmyndara.
Páll Magnússon útvarpsstjóri:
Sakadómur Reykjavíkur:
Fyrrum vagnstjóri
sakfelldur fyrir
manndráp af gáleysi
SAKADÓMUR Reykjavíkur hefur sakfellt fyrrum strætisvagnstjóra
fyrir líkamsmeiðingar og manndráp af gáleysi og dæmt hann til
greiðslu á 60 þúsund króna sekt og til sex mánaða ökuleyfissvipting-
ar. Manninum er refsað fyrir að hafa með ógætilegum og of hröðum
akstri miðað við aðstæður valdið því að 19 ára stúlka lést og 16 ára
stúlka örkumlaðist er bíll þeirra og strætisvagninn rákust saman á
mótum Laugavegar og Vitastígs í Reykjavík.
Slys þetta varð í júnímánuði
1989. VW-bíl stúlknanna var ekið
suður Vitastíg fram hjá biðskyldu-
merki og inn'á Laugaveg þar sem
strætisvagninn var á leið niður í
miðbæ. Areksturinn varð geysi-
harður. Stúlkan sem ók fólksbílnum
lést samstundis og sú sem sat í
fagþegasæti var lengi meðvitundar-
laus í mikilli lífshættu. Hún lamað-
ist fyrir neðan mitti og hlaut svo
mikil örkuml að læknar telja hæpið
að hún muni nokkru sinni geta
unnið.
Fjögur vitni báru að strætisvagn-
inum hefði verið ekið á hraða sem
var langt yfir því sem eðlilegt gæti
talist miðað við aðstæður. Strætis-
vagnstjórinn taldi að hann hefði
ekið á 45-50 km hraða, en kvaðst
ekki hafa litið á hraðamælinn. í
niðurstöðum dómsins segit' meðal
annars: „Verður að hafa í huga,
að Laugavegurinn er þröngur og
allur skorinn af þvergötum þaðan
sem alltaf má vænta umferðar."
Síðar segir að hemlaför á vettvangi
styðji framburð vitna um að vagn-
stjórinn hafi ekið of hratt og að
sannað sé, meðal annars með hans
eigin framburði, að hann hafi ekki
sýnt þá aðgát sem bar við gatna-
mót Laugavegar og Vitastígs, sér-
staklega þar sem Laugavegurinn
sé þröngur og hornið við Vitastíg
blint, eins og strætisvagnstjórinn
fyrrverandi benti sjálfur á í sínum
framburði.
Þar sem talið var að áreksturinn
hefði ekki orðið líkt eins harður,
hefði vagninum verið ekið á hófleg-
um hraða, var maðurinn talinn eiga
sök á dauða stúlkunnar sem ók, og
meiðslum hinnar. Við ákvörðun
refsingarinnar, sem að framan
greinir, var haft í huga að VW-bíln-
um var ekið hratt og biðskylda við
gatnamótin ekki virt.
Gatnamálastjórinn í Reykjavík:
40,6 milljónir kr. í við-
gerðir á gangstéttum
BORGÁRRÁÐ hefur samþykkt tillögur Innkaupastofnunar um að
taka 27.698.580 milljón króna tilboði lægstbjóðanda, Steinþórs Hjalta-
sonar, í viðgerðir á steyptum gangstéttum og 12.903.840 milljón
króna tilboði lægstbjóðanda, Skottu hf., í viðgerðir á hellulögðum
gangstéttum. Tilboð Skottu hf. er 83,3% af kostnaðaráætlun, sem
er 15.498.410 millj. Ellefu tilboð bárust í það verk og var hæst boð-
ið 31.678.500 millj. eða 204,4% af kostnaðaráætlun.
Átta tilboð bárust í viðgerð á
steyptum gangstéttum. Kostnaðar-
áætlun er 33 milljónir og er tilboð
lægstbjóðanda 89,91% af kostnað-
aráætlun. Næst lægsta boð kom frá
SH verktökum hf., sem buðu
86,81% af kostnaðaráætlun og Dal-
íélli hf., sem bauð 88,25% af kostn-
aðaráætlun.
Næst lægsta boð í viðgerð á hell-
ulögðum gangstéttum átti Garðava!
hf., sem bauð rúmlega 13,8 millj.
eða 89,61% af kostnaðaráætlun. Þá
bauð Sigurgeir L. Ingólfsson rúm-
lega 13,9 millj. eða 90,08% af
kostnaðaráætlun.
í bréfi gatnamálastjóra til stjórn-
ar Innkaupastofnunar, er lagt til
að lægsta tilboði, Skottu hf., verði
tekið. Þá segir: „Sömu aðilar undir
öðrum nöfnum hafa unnið að gang-
stéttarviðgerðum undanfarin ár.
Verkin hafa gengið vel þar til á
síðasta ári þegar um verulega sam-
skiptaörðugleika og ágreining milli
aðila var að ræða.“
Ólga á meðal hluthafa vann
gegn hagsmunum félagsins
PÁLL Magnússon útvarpsstjóri íslenska útvarpsfélagsins hf. sagði
á aðalfundi félagsins sl. miðvikudag að ólga á meðal hluthafa hefði
unnið gegn hagsmunum félagsins. Hann beindi þeirri ósk til eigenda
fyrirtækisins að þeir forðuðust að rífa jafnharðan niður það traust
sem starfsmönnum þess tekst að byggja upp.
Hann sagði að eftir allar uppá-
komurnar í kringum íslenska út-
varpsfélagið hefði verið ákveðið að
reyna að rækta garð félagsins í
kyrrþey á síðasta ári á meðan félag-
ið sannaði það inn á við og út á
við að tekið væri á málum af festu.
Þannig yrði félaginu best skapaður
grundvöllur nýrrar sóknar á þessu
ári. Hernaðaráætlunin hefði tekist
þrátt fyrir að ólgan meðal hluthafa
hefði unnið gegn hagsmunum fé-
lagsins að þessu leyti.
Páll sagði að fyrir dyrum stæði
heildarendurskoðun á útvarpslög-
um og hefði íslenska útvarpsfélagið
þar gífurlegra hagsmuna að gæta.
Menntamálaráðherra væri að
ganga frá skipun nefndar til að
semja frumvarp til nýrra útvarps-
laga sem yrði að líkindum lagt fyr-
ir á Alþingi næsta haust. Hann
sagði að einkum væri það þrennt
sem sneri að íslenska útvarpsfélag-
inu, þ.e. að jafna samkeppnisstöð-
una við RUV og leggja niður Menn-
ingarsjóð útvarpsstöðva. „Raunar
getur það tæpast beðið heildarend-
urskoðunar útvarpslaga og því hef
ég lagt til að sjóðurinn verði lagður
niður með sérstökum lögum strax.“
Páll sagði að þess væri að vænta í
nýjum lögum að heimilað yrði beint
endurvarp frá gervihnattastöðvum
og þýðingarskylda afnumin svo
fremi að endurvarpið fari fram í
gegnum kapalkerfi. Aðgerðir til að
bregðast við samkeppni úr þeirri
átt væru þegar í undirbúningi.
*
Islenska útvarps-
félagið hf.:
Kærir reglu-
gerðarbreyt-
ingu til um-
boðsmanns
Alþingis
ÍSLENSKA útvarpsfélagið
hefur kært breytingar sem
gerðar hafa verið á reglu-
gerð Menningarsjóðs út-
varpsstöðva til umboðs-
manns Alþingis.
Þetta kom fram á aðalfundi
Islenska útvarpsfélagsins á
miðvikudag. Jóhann J. Ólafsson
stjórnarformaður sagði að með
breytingum á reglugerð sjóðs-
ins væri nú unnt að veita fjár-
munum úr honum beint til kvik-
myndagerðamanna og annarra
aðila. Stjórn íslenska útvarpfé-
lagsins teldi þessa reglugerðar-
breytingu ólöglega og hefði
stjórnin gert umboðsmanni Al-
þingis grein fyrir sínum sjónar-
miðum í því sambandi. Islenska
útvarpsfélagið greiddi um 30
milljónir kr. til sjóðsins á síð-
asta ári og fékk úthlutað úr
honum 8 milljónum kr.