Morgunblaðið - 13.05.1992, Blaðsíða 31

MORGUNBLAÐIÐ MIÐVIKUDAGUR 13. MAÍ 1992
31
Rafiðnaðarsamband mótmæl-
ir rangtúlkunum í fjölmiðlum
Sambandsstjórnai-fundur Rafiðnaðarsambands íslands, haldinn í
Keflavík 8. og 9. maí 1992, mótmælir harðlega þeim rangtúlkunum
sem fram hafa komið hjá framkvæmdastjóra VSI og forstjóra ÍSAL
í fjölmiðlum undanfarna daga. Þar er í sífellu vitnað til samkomu-
lags við Atlantal og það rangtúlkað á allan hugsanlegan hátt, segir
í fréttatilkynningu frá Rafiðnaðarsambandi Islands.
„Fundurinn vill minna á að í upp-
hafi reksturs verksmiðju ÍSAL var
gert samkomulag um nokkurra ára
frið á vinnusvæðinu, þá búa launþeg-
ar hjá ÍSAL við verulega skertan
verkfallsrétt, þetta eru m.a. megi-
norsakir þess að kjarasamningar
þeirra voru í sumum atriðum hag-
stæðari en annars staðar.
Fundurinn vill minna á að samið
var um lágt orkuverð, sem er nú í
sumum tilfellum allt að ‘A þess sem
þekkist annars staðar, þetta átti að
endurgreiðast í atvinnuöryggi og
betri kjörum launþega hjá ISAL.
Verktakar hafa alla tíð unnið á
ÍSAL-svæðinu við uppsetningu á
nýjum tækjum og breytingar á eldri
búnaði. Á málflutningi forstjóra
ÍSAL og framkvæmdastjóra VSÍ
má skilja að svo sé ekki. Deilan
snýst um það hvort ÍSAL geti sett
verktaka inn í rekstur og gert ein-
staka launþega að undirverktökum
og með því sparað sér útgjöld í að-
búnaði, t.d. mötuneyti, baðaðstöðu
o.fl. Það þarf engan að úndra þótt
verkalýðsfélög og launþegar beijist
gegn þessum hugmyndum. Atvinnu-
öryggi hverfur hjá fjölda manns,
vinnuveitandinn kemst í þá aðstöðu
að geta sagt við undirverktakann
(launþegann): „Það er ekki meira
að gera í dag, hringdu í næstu viku
og athugaðu hvort eitthvað sé að
gera, en þá verður þú að athuga að
launin geta orðið lægri en í dag.“
Það tíðkast hvergi að atvinnu-
rendur geti breytt vinnufyrirkomu-
lagi án þess að um það sé samið,
né að vinnuveitendur hafí undirverk-
taka í rekstrarverkefnum.
Forstjóri ÍSAL slær því upp að
hann ætli að byggja 120 milljóna
kr. mötuneyti á næstunni. Það kem-
ur ekki fram í málflutningi hans að
ÍSAL hefur lofað þessu síðan 1973,
mötuneytið hefur starfað á undan-
þágum heilbrigðisyfirvalda frá upp-
hafi. Það kemur heldur ekki fram
samanburður á aðbúnaði launþega
hjá ÍSAL og annarra verksmiðja hér
á landi.
Það er ámælisvert að jafnáhrifa-
mikill fjölmiðill og Morgunblaðið
skuli einungis íjalla um aðra hlið
málsins, sérstaklega þegar málflutn-
ingur er jafn rangur og raun ber
vitni.
Sambandsstjórnarfundur Rafiðn-
aðarsambands Islands krefst þess
að VSÍ og ÍSAL setjist að samninga-
borðinu og semji á eðlilegan hátt við
launþega verksmiðjunnar án hótana.
Samingurinn verður að tryggja
áfram þau réttindi og það atvinnuör-
yggi sem starfsmenn hafa haft til
þessa,“ segir í fréttatilkynningunni.
Aths. ritstj.:
Laugardaginn 9. maí síðastliðinn
birtist fréttaviðtal við Gylfa Ingvars-
son aðaltrúnaðarmann vekamanna
hjá ÍSAL, þar sem sjónarmið starfs-
mannanna kom fram. Það er því
rangt, sem segir í ofangreindri frétt-
atilkynningu, að Morgunblaðið hafi
einungis fjallað um aðra hlið máls-
ins. Viðtalið við Gylfa Ingvarsson
birtist daginn eftir að blaðið birti
viðtal við forstjóra ÍSAL
Kór Akureyrarkirkju ásamt stjórnanda sínum Birni Steinari Sólbergssyni.
Kór Akureyrarkirkju í Miðgarði
KÓR Akureyrarkirkju undir stjórn Björns Steinars Sólbergssonar
heldur tónleika í Miðgarði í Skagafirði föstudaginn 15. maí kl. 20.30,
Akureyrarkirkju sunnudaginn 17. maí kl. 17 og félagsheimilinu
Tjarnarborg í Ólafsfirði mánudaginn 18. maí kl. 20.30.
Á efnisskránni er blanda íslenskra
og erlendra tónlistar, bæði af kirkju-
legum og veraldlegum toga. Sungin
verða íslensk kirkjutónlist eftir Ró-
bert A. Ottoson, Jakob Tryggvason,
Pál ísólfsson, Þorkel Sigurbjörnsson
og Jón Hlöðver Áskelsson. Þá verða
sungin ættjarðarlög eftir Emil Thor-
oddsen, Þórarinn Guðmundsson og
Bjarna Thorsteinsson og íslensk
þjóðlög eftir Jón Ásgeirsson, Emil
Thoroddsen, Hafliða Hallgrímsson
og Hjálmar H. Ragnarsson. Að lok-
um syngur kórinn eitt lag eftir
danska kórstjórnandann Ulrik Ras-
mussen auk tveggja mótetta eftir
A. Bruckner.
Þessa efnisskrá mun Kór Akur-
eyrarkirkju einnig syngja í tónleika-
ferð til Danmerkur dagana 29. maí
til 7. júní nk. í kórnum eru um 45
manns.
Morgunblaðið/Keli
Hilmar Jensson, Kjartan Valdimarsson og Matthías M.D.
Hemstock.
Eksklúsívur Hilmar
__________Jass___________
Guðjón Guðmundsson
Kjartan Valdimarsson og
bandaríska tónskáldið og pían-
istinn Paul Motian voru fyrir-
ferðarmestir á efnisskrá tónleika
tríós Hilmars Jenssonar í
Norræna húsinu á mánudags-
kvöld. Tríóið lék tíu lög, þar af
þrjú eftir Kjartan og önnur þtjú
eftir Motian, á velheppnuðum
tónleikum.
Tónlistin sem flutt var er með
öllu óflokkanleg, ftjáls í formi
yfirleitt, stundum einhvers konar
tónaljóð, mjög eksklúsív og alls
engin pöbbatónlist. Góð dæmi
eru verk Kjartans, draumkennd-
ur spuni og fremur óræð stef.
Verkin á efnisskránni voru öll
án titils en fyrsta verk Kjartan
var eitt lítið stef með margvísleg-
um tilbrigðum, annað verkið hins
vegar eins og fjölraddað framúr-
stefnuverk. Tríóið lék einnig
verk eftir saxófónleikarann
breska John Surman og píanó-
parturinn minnti undirritaðan
helst á verk franska tónskáldsins
Ravel og svona mætti tína til,
en þó verður að minnast á gífur-
lega fallegt verk Jack de Jo-
hnettes og hraðan spuna Hilm-
ars í lagi Chris Speed, sem lék
með Hilmari, Matthíasi, Skúla
Sverrisyni og Jim Black í Púlsin-
um í síðasta mánuði. Draum-
kennd stemning og mjög falleg
tónlist. Auk þess fyrsta flokks
flutningur sem var tekið afar vel
af áheyrendum.
Björn Thoroddsen var í Hressó
ásamt Þóri Baldurssyni, Þórði
Högnasyni og Pétri Grétarssyni.
Þar voru innviðir standardanna
teknir til skoðunar, Björn og
Þórir áttu frábær sóló í All blu-
es. En það verður að segjast eins
og er að Hressó er ekki besti
staðurinn í bænum til tónleika-
halds. Þar glymjandinn of mikill
og ónæði af sauðdrukknum gest-
um sem halda að Rúrek sé ígildi
verslunarmannahelgar. Hins
vegar skapast einatt ljúf stemn-
ing í Djúpinu enda nálægð áheyr-
enda og hljómsveitar mikil. Þar
léku KGB og Dave Cassidy við
hvum sinn fíngur.
í dag hitar Sveiflusextettinn
upp í Tjarnarsalnum kl. 17 fyrir
aðaltónleika kvöldsins sem verða
í Súlnasal kl. 21. Þar leikur
kvartett Sigurðar Flosasonar og
danska gítarleikarans Karsten
Houmark, ásamt Kjartani Valdi-
marssyni og Torben Wester-
gaard. Á eftir þeim leikur finnsk-
íslenski kvartettinn, skipaður
Agli B. Hreinssyni, Pekka Sar-
manto, Jukka Perko og Einari
Val Scheving. Þessi sveit leikur
einnig á tónleikum í Púlsinum
annað kvöld.
I.O.O.F. 9 = 1745137</2 = Lf.
I.O.O.F. 8 = 1745138V2 = Fl.
I.O.O.F. 7 = 1745137 = Lf. Bh. ef.
IOGT
St. Einingin nr. 14
Fundur í kvöld kl. 20.30 í Templ-
arahöllinni v/Eiriksgötu.
Kosning og innsetning embætt-
ismanna. Kosning fulltrúa á um-
dæmis- og stórstúkuþing.
Dagskrá í umsjá stjórnar Eini-
lundar og Birkiiundar.
Félagar fjölmennið.
Æ.T.
Felia- og Hólakirkja
Guðsþjónusta í kvöld kl. 20.30.
Ræðumaður séra Guðmundur
Karl Ágústsson. Fyrirbænir.
Sönghópurinn „Án skilyrða"
annast tónlist.
Hvítasunnukirkjan
Fíladelfía
Bibliulestur j kvöld kl. 20.30.
Ræðumaöur Hafliöi Kristinsson.
Allir hjartanlega velkomnir.
Hörgshlíð 12
Boðun fagnaðarerindisins.
Almenn samkoma í kvöld
kl. 20.00.
Fundur á morgun, fimmtudaginn
14. maí, í Góðtemplarahúsinu
kl. 20.30.
Dagskrá:
1. Minnst verður 25 ára afmæl-
is félagsins.
2. Umræöur: Horft til framtiðar.
Framsögumaöur Úlfur Ragn-
arsson, læknir.
3. Kaffi og meðlæti.
Fjölmennum og fyllum húsið.
Stjórnin.
Kripalujóga
Byrjendanámaskeiö hefjast i lok
mai. Kenndar verða teygjuæf-
ingar, öndun og slökun. Kynning
verður í jógastöðinni Heimsljósi,
Skeifunni 19,2. hæð, laugardag-
inn 23. maí kl. 14.00.
Upplýsingar í sima 679181 milli
kl. 17.00 og 19.00.
ST .'. JÓH .-. O EDDA
Skálholtsmessa
Vorferð Eddu
sunnudaginn
17. maí 1992
Eddu-bræður og systur fara
samán í fallega vorferð til Skál-
holts, Gullfoss og Geysis
sunnudaginn 17. mai nk.
Farið frá Umferðarmiðstöðinni
kl. 9.30, ekið austur yfir Hellis-
heiði með stuttri viðdvöl í Eden
í Hveragerði. Siðan haldið áfram
um Óseyrarbrú til Selfoss og
upp Skeið til Skálholts og þang-
að komið fyrir kl. 12.00.
Á hádegi kl. 12.00 hefst messa
í Skálholtskirkju þar sem séra
Hreinn Hjartarson predikar.
Frá Sálarrannsókna-
félagi íslands
Bresku miðlarnir Coral Polge
(pcycik artist) og Bill Landis,
starfa á vegum félagsins dagana
19. maí-29. maí. Þau halda
skyggnilýsingafundi miðviku-
daginn 20. mai og mánudaginn
25. maí (þar mun Coral Polge
teikna og Bill Landis vera með
lýsingar).
Nánari upplýsingar fást á skrif-
stofu félagsins, Garðastræti 8,
2. hæð, opið frá kl. 13.00-
17.00. Sími 18130.
Stjórnin.
Frá Sálarrannsókna-
félagi íslands
Aðalfundur félagsins verður
haldinn föstudaginn 15. maí kl.
20.30 í Garðastræti 8.
Dagskrá:
1. Venjuleg aðalfundarstörf.
2. Umræður um næsta starfsár.
Félagar eru hvattir til að mæta
og taka þátt í umræöum.
Stjórnin.
FERÐAFELAG
ÍSIANDS
ÖLOUGÖTU3 & 11798 19533
Opið hús
í Norræna húsinu
Síðasta myndakvöld
vetrarins
Efni: Björn Hróarsson kynnir ár-
bók Ferðafélagsins 1992 og ár-
bókarferðina (6.-11. ágúst) í
máli og myndum. Einnig verða
kynntar aðrar sumarleyfisferðir.
Eftir hlé: Hornstrandamynd Os-
valds Knudsens (33 mín). Merki-
leg heimildarmynd (myndband)
um liðna tíð á Hornströndum.
Sýningin hefst kl. 20.30.
Félagsmenn komið og takið
gesti með. Gangið í Ferðafélagiö
- árgjald kr. 3.000 - árbókin
innifalin. Aðgangur kr. 200,-
Feröafélag Islands.
ifm SAMBAND (SLENZKRA
KRISTTNIBOÐSFÉLAGA
Samkoma i kvöld kl. 20.30 i
kristniboössalnum, Háaleitis-
braut 58.
Ræðumenn: Sr. Guðmundur Óli
Ólafsson og Halla Bachman.
Allir velkomnir.
HÚTIVIST
Hallveigarstíg 1, sími 14606
Miðvikud. 13. maíkl. 20.00
Kvöldganga í Viðey. Gengið
verður út á Vestureyna. Mæting
við Viðeyjarbryggju kl. 20.00.
Verð kr. 600/500,-.
Fimmtud. 14. maíkl. 20.30
Kynning á ferðum sumarsins og
upplýsingar um útbúnað og
fleira, sem tengist ferðunum,
verður á Hallveigarstíg 1. Farar-
stjórar verða til viötals og veita
nánari uppiýsingar og hægt
veröur að bóka sig í feröir. Kaffi
veitt í hléi og hægt veröur að
kaupa meðlæti gegn vægu verði.
Allir velkomnir.
Um næstu helgi:
15.-17. maí
BásaráGoðalandi
Skipulagðar gönguferðir.
15.-17. maí Eyjafjallajökull
Gist veröur í Básum og gengið
yfir Eyjafjallajökul á laugardag-
inn. Brottför í báðar ferðirnar kl.
20.00 frá BSÍ. Miðasala og nán-
ari upplýsingar á skrifstofu Úti-
vistar.
Sjáumst! Útivist.